San Lucas 7:33 - Kaqchikel Santo Domingo (Xenacoj)

³³ Keriꞌ nibꞌij chiwa, porque atoq ri Juan ri Bautista xubꞌen rusamaj ri Ajaw, rijaꞌ ma xukꞌux ta kaxlan wey, nixta xutij vino, y rix xibꞌij chirij chi xa kꞌo itzel espíritu pa rukꞌaslen.

နောက်ထပ်ဗားရှင်းများ

Kaqchikel Santa Maria de Jesus

³³ Ruma antok xalka ri Juan el Bautista, jajaꞌ man xucꞌux ta simíta ni man xukun ta jeꞌ vino. Y ixreꞌ ntiꞌej chi jajaꞌ cꞌo itziel espíritu riqꞌuin.

Kaqchiquel Bible

³³ Roma toq xok'ulun ri Juan, rija' xmewayin, y man xuqum ta chuqa' ri vino. Jak'a rix xibij chire chi rija' k'o itzel espíritu rik'in.

Kaqchikel Central Guatemala

³³ Roma tok xoc'ulun ri Juan ri Bautista, rija' man xutej ta caxlan-vey, man xukun ta chuka' ri ruya'al-uva. Jac'a rix xibij chire chi rija' c'o itzel espíritu riq'uin.

Re C'ac'a Testamento pa Kach'abal

³³ Roma tak xpa re Juan Bautista, reja' man nutaj-ta xcana-vay y man nukum-ta chuka' ruyi'al-uva. Y yex nibij che reja' c'o itzel espíritu riq'uin.

Kaqchikel Western Solola

³³ Ruma tek xpe ri Juan ri Bautista, riya' ma nutij ta caxlan wey, ma nukum ta chuka' ruya'al uva. Yac'a riyix xibij chi riya' xa c'o itzel espíritu riq'ui.

San Lucas 7:33 ပူးပေါင်းရင်းမြစ်များ

San Mateo 10:25

Jun discípulo tikikot si ndel achel ri rutijonel, y jun samajel tikikot si ndel achel ri rajaw. Si kibꞌiꞌin Beelzebú chuwa riyin ri Ajaw pa kiwiꞌ ri aj pa wachoch, ¡pior kꞌa xtibꞌix chikij ri aj pa wachoch!

San Mateo 3:1

Atoq xeꞌeqꞌax ri junaꞌ, xril tiempo chi ri Juan ri Bautista xutzꞌen rutzijoxik rutzij ri Dios pa chaqiꞌj y tzꞌiran ulew ri kꞌo pa rochꞌulew Judea.

San Mateo 3:4

Ri rutziaq rukusan ri Juan, bꞌanun chare rusmal camello, y ri ximibꞌel rupan bꞌanun chare rutzꞌumal awej. Y ri ndukꞌux ja ri tzilaw y kabꞌ kichin wanan.

Marcos 1:6

Ri rutziaq rukusan ri Juan, bꞌanun chare rusmal camello, y ri ximibꞌel rupan bꞌanun chare rutzꞌumal awej. Ri ndukꞌux ja ri tzilaw y kabꞌ kichin wanan.

San Lucas 1:15

Porque ri akꞌual riꞌ nim ruqꞌij chuwech ri Dios. Ma jumbꞌey xtutij vino y nixta jun ruwech yaꞌ ri ndiqꞌabꞌarisan, y kꞌajani talex, ja nojneq chik ránima rikꞌin ri Espíritu Santo.

San Lucas 7:32

eꞌachel akꞌolaꞌ etzꞌuyul chi kꞌayibꞌel ri kereꞌ ngesikꞌiyaj chubꞌixik chake chꞌaqa chik: Xqaxulaj xul y rix ma xixxaja ta, xqabꞌixaj bꞌix chin bꞌis y ma xixoqꞌ ta.

San Lucas 7:34

Xinuqaqa riyin ri aj chikaj ri xinuꞌalex chiꞌikajal, ri nikꞌux rikil wey y nitij vino, y rix kereꞌ ndibꞌilaꞌ chuwij: Titzꞌetaꞌ la jun achi laꞌ, xe waꞌin roma y xe tijoj vino nduyal, xa kachibꞌil moloy teq méra pa rubꞌiꞌ ri rey y kachibꞌil aj mak teq wineq, ngixchajeꞌ.

San Juan 10:20

Ekꞌiy chikikajal ri wineq riꞌ ndikibꞌilaꞌ: Xa kꞌo itzel espíritu pa rukꞌaslen y xa okuneq chꞌuꞌj. ¿Achike roma ndiwakꞌaxaj ri ndubꞌij?

San Juan 8:48

Ri israelitas xkibꞌij chare ri Jesús: Qetzij wi ri ndiqabꞌij chi xa rat aj rochꞌulew Samaria y kꞌo itzel espíritu pa akꞌaslen.

San Juan 8:52

Y ri israelitas xkibꞌij chare ri Jesús: Wokami qetaman chi qetzij kꞌo itzel espíritu pa akꞌaslen, porque ri Abraham xken, y ri profetas chuqaꞌ, y rat ndabꞌij chi ri ndikibꞌen ri ndabꞌij, ma ngebꞌeqaqa ta chupan ri kamik ri kin chin jumul.

Hechos 2:13

Pero ekꞌo jujun xa ngetzeꞌen apu chikij y ndikibꞌilaꞌ: La wineq laꞌ xa kitijon yaꞌ.