San Lucas 6:21 - Kaqchikel Santo Domingo (Xenacoj)

²¹ Kin jabꞌel roꞌiqꞌij rix ri ndichꞌumuyaj ipan, porque kin xkixtzuq yan chik hasta janipeꞌ xkixnanoꞌ. Kin jabꞌel roꞌiqꞌij rix ri ngixoqꞌ wokami, porque kin xkixkikot yan chik.

နောက်ထပ်ဗားရှင်းများ

Kaqchikel Santa Maria de Jesus

²¹ Can jaꞌal quixquicuot ixreꞌ ri ntikꞌasaj viꞌjal, ruma ri Dios xtuyaꞌ nojiel chiva. Can jaꞌal quixquicuot ixreꞌ ri nquixuokꞌ vacame, ruma ri Dios xtucꞌax ri ivokꞌiej riqꞌuin tzeꞌn.

Kaqchiquel Bible

²¹ Jebel ruwa-iq'ij rix ri yixnum, roma ri Dios xtuben k'a chiwe chi xtich'uch'u' ri iwánima. Jebel ruwa-iq'ij rix ri yixoq', roma ri Dios xtujel ri iwoq'ej rik'in tze'en.

Kaqchikel Central Guatemala

²¹ Jebel ruva-ik'ij rix ri ninum ri ivánima chuvech ri Dios, roma ri Dios xtuben c'a chive chi xtich'uch'u' ri ivánima. Jebel ruva-ik'ij rix ri nok' ri ivánima chuvech ri Dios, roma ri Dios xtujel ri ivok'ej riq'uin tze'en.

Re C'ac'a Testamento pa Kach'abal

²¹ Otz-ibanoj yex re nich'umun ipan espiritualmente, roma re Dios xtuban chiva che xtich'uch'o' re ivánma. Otz-ibanoj yex re ndok' ivánma chach re Dios, roma xtuban chiva che man chic xquixok'-ta, xa xquixtze'en.

Kaqchikel Western Solola

²¹ Jabel ruwa'ik'ij riyix ri yixnum wacami, ruma ri Dios xtuben c'a chiwe chi xquixnoj na chi utz. Jabel ruwa'ik'ij riyix ri yixok', ruma ri Dios xtuben chiwe chi ma xquixok' ta chic y xa xquixbetze'en.

San Lucas 6:21 ပူးပေါင်းရင်းမြစ်များ

San Juan 6:35

Y ri Jesús xubꞌij chake: Ja riyin ri kaxlan wey ri ngiyoꞌon kꞌaslen. Ri ndipuꞌun wikꞌin y nduyaꞌ ránima wikꞌin, ma jumbꞌey chik xtichꞌumu rupan nixta xtichaqiꞌj chik ruchiꞌ.

San Mateo 5:6

Kin jabꞌel rokiqꞌij ri bꞌaneq kánima chirij rukꞌuaxik jun chojmilej kꞌaslen chuwech ri Dios, Porque kin xtibꞌanatej wi ri ndikajoꞌ.

Santiago 1:12

Kin jabꞌel roruqꞌij ri ndikochꞌon ri kꞌayew nduqꞌasaj, porque atoq xukachꞌ yan, nditzꞌetetej chi qetzij kuqul rukꞌuꞌx rikꞌin ri Dios, y ndiyoꞌox chare jun nimalej rajel-rukꞌexel y riꞌ ja ri kꞌaslen ma ndikꞌis ta, ri rusujun ri Dios chake ri ngeꞌojowan richin.

San Lucas 1:53

Ri ndichꞌumuyaj kipan, xuyaꞌ nojel ri ndikꞌatzin chake, Pero ri bꞌeyomaꞌ nixta jun achike xuyaꞌ e chake.

San Mateo 5:4

Kin jabꞌel rokiqꞌij ri ngeꞌoqꞌ chuwech ri Dios, Porque kin xtibꞌochiꞌix ri kánima.

Apocalipsis 7:16

Y ma jun chik ruchꞌumunik pamaj ndikiqꞌasaj, nixta ndichaqiꞌj chik kichiꞌ. Ri qꞌij ma ngerukꞌatisaj ta Y nixta jun chik kꞌaten ndikinaꞌ.

San Lucas 6:25

¡Juyo iwech rix ri kꞌo kꞌiy achike ndikꞌux wokami, porque kin xtichꞌumu ipan! ¡Juyo iwech rix ri ngixtzeyaj wokami, porque kin xkixoqꞌ y xkixbꞌison yan chik!

1 Corintios 4:11

Hasta jampeꞌ wokami ndiqaqꞌasaj wayijal, ndichaqiꞌj qachiꞌ, kꞌisneq qa qatziaq chiqij, nditzꞌajiloꞌox qawech chi qꞌaꞌaj, y maneq jun qachoch apeꞌ ngojkꞌojeꞌ jumul.

San Juan 4:10

Ri Jesús xubꞌij chare: Xa ta awetaman achike chi sipanik nduyaꞌ ri Dios, y xa ta awetaman chuqaꞌ achike ri Jun ri ndikꞌutun jubꞌaꞌ ruyaꞌ chawa, ja ta rat ri ngakꞌutun ayaꞌ chare rijaꞌ, y rijaꞌ nduyaꞌ chawa ri yaꞌ ri ndikꞌamo pe kꞌaslen.

Apocalipsis 21:3

Y xinwakꞌaxaj jun chꞌabꞌel xsikꞌin pe apeꞌ kꞌo ru-trono ri Dios ri kereꞌ xubꞌij: ¡Tatzꞌetaꞌ! Ri Dios ndubꞌen rachoch chikikajal ri wineq. Ja rejeꞌ ri rutinamit, y ja rijaꞌ ri ki-Dios y ndikꞌojeꞌ chikikajal.

2 Corintios 12:10

Romariꞌ, riyin ngikikot rikꞌin ri niqꞌasaj pa nukꞌaslen ri ngekꞌutu chi maneq ok wuchuqꞌaꞌ, achel ri yoqꞌonik teq tzij ngebꞌan chuwij, ri maneq ndutzꞌen nuqꞌaꞌ, ri ngitzeqlebꞌex chin ndibꞌan itzel chuwa, y ri jalajaj teq kꞌayew niqꞌasaj roma nibꞌen rusamaj ri Cristo. Porque atoq maneq ok wuchuqꞌaꞌ, kin ndiqꞌalajin ruchuqꞌaꞌ rijaꞌ pa nukꞌaslen.

2 Corintios 11:27

Nuqꞌasan kosik roma ri samaj enubꞌanun, kꞌiy mul ma yin warneq ta, nuqꞌasan wayijal, nuqꞌasan chaqiꞌj chiꞌ. Kiy mul ma yin wayineq ta roma ri samaj, kiy mul nusikiken pe tew y kꞌisneq qa nutziaq chuwij.

2 Corintios 6:10

Roj yoꞌon chi bꞌis, pero jumul ngojkikot, maneq ok qachajin, pero qabꞌanun chake ekꞌiy chi xbꞌeyomer kikꞌaslen rikꞌin ri rutzij ri Dios, y achel maneq ndutzꞌen qaqꞌaꞌ, pero nojel qichin roj.

San Juan 11:35

Y ri Jesús xoqꞌ.

San Lucas 6:20

Ri Jesús xerutzutzaꞌ apu ri ru-discípulos y kereꞌ xubꞌij: Kin jabꞌel roꞌiqꞌij rix ri maneq ok ichajin, porque kin xkixok pa ru-reino ri Dios.

San Lucas 6:22

Kin jabꞌel roꞌiqꞌij rix, atoq ri wineq itzel ndikitzꞌet iwech, y ngixkoqotaj pe chikikajal, ngixkichapalaꞌ y ndikibꞌilaꞌ chi xa rix itzel teq wineq, roma rix oqey wichin riyin ri aj chikaj ri xinuꞌalex chiꞌikajal.