San Lucas 5:32 - Kaqchikel Santo Domingo (Xenacoj)

³² Riyin ma xinuqaqa ta chikikanoxik wineq ri pa kiwech rejeꞌ kikꞌuan jun chojmilej kꞌaslen, riyin xinuqaqa chikikanoxik aj mak teq wineq chin ndikiyaꞌ kan ri mak y nditzolij pe kánima rikꞌin ri Dios.

နောက်ထပ်ဗားရှင်းများ

Kaqchikel Santa Maria de Jesus

³² Inreꞌ man xipa ta chi ncaꞌnvayuoj ri choj quicꞌaslien choch ri Dios, xa ja ri cꞌo qui-pecados, chi nitzalaj-pa cánima riqꞌuin ri Dios y niquiꞌan ri nrajoꞌ jajaꞌ, xchaꞌ chica.

Kaqchiquel Bible

³² Yin man xipe ta chikikanoxik ri winaqi' ri choj kik'aslen. Yin xipe chikikanoxik ri man choj ta kik'aslen richin nitzolej-pe kik'u'x, xcha'.

Kaqchikel Central Guatemala

³² Y romari' yin man xipe ta chiquicanoxic vinek ri choj quic'aslen. Yin xipe chiquicanoxic ri aj-maqui', ri nic'atzin chi nitzolej-pe quic'u'x riq'uin ri Dios, xcha' ri Jesús.

Re C'ac'a Testamento pa Kach'abal

³² Y mare' yen man ximpa-ta chiquicanoxic vinak re choj quic'aslen. Yen ximpa chiquicanoxic re c'o quimac, re nic'atzin che nijalataj quic'aslen chach re Dios, xcha' re Jesús.

Kaqchikel Western Solola

³² Riyin ma xipe ta chiquicanoxic winek ri choj quic'aslen. Riyin xipe chiquicanoxic ri aj maqui', ri rajawaxic chi nitzolin pe quic'u'x riq'ui ri Dios, xcha' ri Jesús.

San Lucas 5:32 ပူးပေါင်းရင်းမြစ်များ

San Lucas 19:10

Porque riyin ri aj chikaj ri xinuꞌalex chiꞌikajal xinuqaqa chikikanoxik y chikikolik ri esachineq pa mak, xchajeꞌ ri Jesús.

San Lucas 15:10

Ri Jesús xubꞌij chuqaꞌ: Riyin nibꞌij chiwa chi keriꞌ chuqaꞌ santienta ngekikot ri ángeles chin ri Dios, roma jun aj mak ri nditzolij pe ránima rikꞌin ri Dios.

San Lucas 15:7

Kin qetzij nibꞌij chiwa chi ri ekꞌo chikaj más ngekikot roma jun aj mak ri nditzolij pe ránima rikꞌin ri Dios, ke koma 99 wineq ri pa kiwech rejeꞌ chojmilej chik kꞌaslen kikꞌuan y ma ndikꞌatzin ta nditzolij pe kánima rikꞌin ri Dios.

Hechos 3:19

Romariꞌ, tiyaꞌ chiwij chi ma utz ta ri xibꞌen, titzolij pe iwánima rikꞌin ri Dios y titaqij ri Jesús, chin ndikuyutej ri imak.

San Lucas 24:47

y ndubꞌij chuqaꞌ chi pa nubꞌiꞌ riyin ndetzijox chake nojel kiwech wineq chi ndikꞌatzin ndikiyaꞌ kan ri mak y ndikiyaꞌ kánima rikꞌin ri Dios chin ndikuyutej ri kimak. Y chireꞌ pa tinamit Jerusalén nditzꞌukutej e rutzijoxik.

Hechos 17:30

Ojer kan ri wineq xekiyalaꞌ kiqꞌij dioses, roma ma ketaman ta achike ri utz chin ndikiyaꞌ ruqꞌij, y ri Dios xukachꞌ kiwech. Pero wokami ndubꞌij chake konojel wineq nojel teq apeꞌ chi tikiyaꞌ kan ri mak y tikiyaꞌ kánima rikꞌin rijaꞌ.

2 Pedro 3:9

Keriꞌ nibꞌij chiwa, porque ri Ajaw kꞌajani tuqaqa, ma roma ta chi ndilayaj, achel ndikibꞌij jujun wineq chi ma jumbꞌey ndibꞌanatej ri rubꞌiꞌin kan. Rijaꞌ kꞌajani tuqaqa roma ma qꞌaxneq ta rukꞌuꞌx chi rix royobꞌen, porque ma ndirajoꞌ ta chi kꞌo jun man ta ndikolotej, xa kin ndirajoꞌ chi konojel ndikijel kinoꞌoj y ndikiyaꞌ kánima rikꞌin.

Hechos 2:38

Ri Pedro xubꞌij chake: Tijalaꞌ ri itzel inoꞌoj ibꞌanun chare ri Jesús y titaqij pa iwánima, y pa rubꞌiꞌ rijaꞌ tibꞌanaꞌ bautizar iwiꞌ, chin ndikuyutej imak, y keriꞌ ndiyoꞌox pa iwánima ri Espíritu Santo, ri loqꞌolej sipanik sujun kan.

Hechos 20:21

Chake ri israelitas y ri ma israelitas ta, xinbꞌij chi tikijalaꞌ kinoꞌoj y tikiyaꞌ kánima rikꞌin ri Dios y tikitaqij ri Qajaw Jesús.

Hechos 3:26

Y atoq ri Dios xukꞌastajbꞌaꞌ pe ri Rukꞌajol chikikajal ri animaꞌiꞌ, nabꞌey xuteq pe iwikꞌin rix chin xuyaꞌ ru-favor pa iwiꞌ, chin ngixrutoꞌ chin ndiyaꞌ kan ri itzel teq achike ri ngixtajin rikꞌin.

San Mateo 18:10

Titijaꞌ iqꞌij chi ma tibꞌen chake re chꞌuteq wíta re yin kitaqin chi nixta jun keqalen. Porque nibꞌij chiwa chi ri ki-ángeles rejeꞌ jumul ekꞌo apu chuwech ri Nataꞌ chikaj.

Hechos 5:31

Ri Dios xubꞌen chi pa rikiqꞌaꞌ rijaꞌ xbꞌekꞌojeꞌ ri Jesús rikꞌin nimalej ruqꞌij, y xubꞌen chare chi ndubꞌen mandar pa ruwiꞌ nojel y chi ja rijaꞌ ri Kolonel, chin keriꞌ roj israelitas nditzolij qánima rikꞌin ri Dios y ndikuyutej qamak.

Marcos 15:10

Keriꞌ xubꞌij ri Pilato chake, porque retaman chi ri sacerdotes israelitas ri más kꞌo ruchuqꞌaꞌ kitzij, xkijech ri Jesús pa ruqꞌaꞌ roma ndiququt kánima chirij.

Marcos 15:7

Chupan ri tiempo riꞌ, tzꞌapel pa cheꞌ jun achi rubꞌiniꞌan Barrabás, junan kikꞌin chꞌaqa chik rachibꞌil, porque xkibꞌen jun kamik atoq xeyakatej chirij ri rey.

San Mateo 9:13

Titijaꞌ iqꞌij tiwetamaj ri achike ndirajoꞌ ndubꞌij ri rutzij ri Dios, ri kereꞌ ndubꞌij: Riyin más niwojoꞌ chi ndipoqonaj kiwech ri wineq, ke chuwech ngeꞌisujlaꞌ chikap pariꞌ ri altar. Keriꞌ nibꞌij chiwa, porque riyin ma xinuqaqa ta chikikanoxik wineq ri pa kiwech rejeꞌ kikꞌuan jun chojmilej kꞌaslen. Riyin xinuqaqa chikikanoxik aj mak teq wineq.

Marcos 2:17

Atoq ri Jesús xrakꞌaxaj ri ndikibꞌilaꞌ ri fariseos, xubꞌij chake: Ri ma ngeyawej ta, ma ndikꞌatzin ta aqꞌomanel chake, xa ja ri ngeyawej. Riyin ma xinuqaqa ta chikikanoxik ri pa kiwech rejeꞌ kikꞌuan jun chojmilej kꞌaslen, riyin xinuqaqa chikikanoxik aj mak teq wineq.

San Lucas 5:31

Ri Jesús xubꞌij chake: Ri ma ngeyawej ta ma ndikꞌatzin ta aqꞌomanel chake; xa ja ri ngeyawej.

San Lucas 5:33

Y xbꞌix kꞌa chare ri Jesús: Ri ru-discípulos ri Juan ri Bautista, y ri ki-discípulos ri fariseos jutaqil ndikibꞌen ayunar y ndikibꞌen orar. Jakꞌa ri a-discípulos rat ma ke ta riꞌ ndikibꞌen, xa ngewaꞌ y ndikitij kiyaꞌ.