San Lucas 12:9 - Kaqchikel Santo Domingo (Xenacoj)

⁹ Pero achike na jun ri xtibꞌiꞌin chikiwech wineq chi maneq ru-cuenta chuwa, keriꞌ chuqaꞌ riyin nibꞌij chikiwech ri ru-ángeles ri Dios, chi ri jun riꞌ ma jun nu-cuenta chare.

နောက်ထပ်ဗားရှင်းများ

Kaqchikel Santa Maria de Jesus

⁹ pero ri nuꞌej chi man in-runiman ta, xtiꞌan negar chiquivach ri ru-ángeles ri Dios.

Kaqchiquel Bible

⁹ Jak'a ri wineq ri xa nrewaj chi rija' wichin chik yin, yin chuqa' kan man xtinq'alajirisaj ta apo ri rubi' chikiwech ri ru-ángel ri Dios.

Kaqchikel Central Guatemala

⁹ Jac'a ri vinek ri man nuk'alajirisaj ta ri' chi vichin yin, yin c'a chuka' man xtink'alajirisaj ta ri rubi' chiquivech ri ru-ángeles ri Dios, roma man vichin ta yin ri vinek ri'.

Re C'ac'a Testamento pa Kach'abal

⁹ Jac'a re vinak re niq'uex nubij che yinruniman chic, yen chuka' xquinq'uex nimbij chiquivach re ru-ángeles re Dios che re vinak re' vichin yen.

Kaqchikel Western Solola

⁹ Yac'a jun winek ri ma nuk'alajsaj ta ri' chiquiwech ri winek chi yin runiman riyin, queri' chuka' xtinben riyin, man c'a xtink'alajsaj ta chiquiwech ri ru'ángeles ri Dios, ruma ri winek ri' xa ma wuche (wixin) ta riyin.

San Lucas 12:9 ပူးပေါင်းရင်းမြစ်များ

San Mateo 10:33

Pero achike na jun ri xtibꞌiꞌin chikiwech wineq chi maneq ru-cuenta chuwa, keriꞌ chuqaꞌ riyin, nibꞌij chuwech ri Nataꞌ kꞌo chikaj, chi ri jun riꞌ ma jun nu-cuenta chare.

San Mateo 25:12

Pero ri kꞌajol ndikꞌuleꞌ xubꞌij pe chake: Kin qetzij nibꞌij chiwa chi ma wetaman ta iwech, xchajeꞌ.

San Mateo 25:31

Atoq riyin ri aj chikaj ri xinuꞌalex chiꞌikajal ngitzolij chi pe jumbꞌey, kin Rey wi nginuqaqa, y konojel ri nu-ángeles epataneq wikꞌin. Ja atoq riꞌ ngitzꞌuyeꞌ pa nu-trono ri kin kꞌo ruqꞌij.

San Mateo 25:41

Jakꞌa chake ri ekꞌo pa nuxakan nibꞌij: Kixel e chinuwech rix ri bꞌiꞌin chik pa iwiꞌ chi ngixbꞌeqaqa chupan ri qꞌaqꞌ ri ma ndichup ta, ri bꞌanun chin ndeyoꞌox ri itzel y ri ru-ángeles.

San Mateo 7:23

Pero riyin nibꞌij chake: Ma jumbꞌey xinbꞌij chi wetaman iwech, ¡kixel e chinuwech, rix bꞌanuy itzel teq achike!

Marcos 8:38

Porque achike na jun xtikꞌix xtubꞌij chi oqey wichin, y chi rutaqin ri nutzij, y kin chikiwech ri aj mak teq wineq chin wokami xtikꞌix wi, keriꞌ chuqaꞌ riyin ri aj chikaj ri xinuꞌalex chiꞌikajal, atoq nginuqaqa chik jumbꞌey rikꞌin ri nimalej ruqꞌij ri Nataꞌ y yin koqan pe ri loqꞌolej teq ángeles, ngikꞌix nibꞌij chi ri jun riꞌ oqey wichin.

San Lucas 15:10

Ri Jesús xubꞌij chuqaꞌ: Riyin nibꞌij chiwa chi keriꞌ chuqaꞌ santienta ngekikot ri ángeles chin ri Dios, roma jun aj mak ri nditzolij pe ránima rikꞌin ri Dios.

San Lucas 22:57

Pero ri Pedro ma xuyaꞌ ta chirij, xa kereꞌ xubꞌij: Ixaq, riyin ma wetaman ta ruwech.

San Lucas 9:26

Porque achike na jun xtikꞌix xtubꞌij chi oqey wichin y chi rutaqin ri nutzij, riyin ri aj chikaj ri xinuꞌalex chiꞌikajal ngikꞌix chuqaꞌ nibꞌij chi rijaꞌ oqey wichin, atoq nginuqaqa chik jumbꞌey rikꞌin ri nimalej nuqꞌij, rikꞌin ri nimalej ruqꞌij ri Nataꞌ y rikꞌin ri nimalej kiqꞌij ri loqꞌolej teq ángeles.

2 Timoteo 2:12

Si xtiqakachꞌ qawech chupan ri kꞌayew ndiqaqꞌasaj roma qataqin rijaꞌ, nduqaqa qꞌij atoq junan ndeqabꞌanaꞌ reinar rikꞌin. Y si xtiqabꞌij chi ma roj ta richin rijaꞌ, keriꞌ chuqaꞌ rijaꞌ xtubꞌij chi ma roj ta richin.

1 Juan 2:23

Konojel ri ndikibꞌij chi ri Jesús ma Rukꞌajol ta ri Tataꞌaj Dios, maneq ri Tataꞌaj Dios pa kánima. Pero ri ndibꞌiꞌin chi ri Jesús kin Rukꞌajol ri Dios, kꞌo chuqaꞌ ri Tataꞌaj Dios pa ránima.

1 Juan 2:28

Wokami rix ri kin achel rix walkꞌuaꞌl keriꞌ, jumul xe jun tibꞌanaꞌ rikꞌin ri Cristo, chin keriꞌ atoq rijaꞌ nduruqꞌalajrisaj riꞌ, roj kin kuqul qakꞌuꞌx rikꞌin, y ma ngojkꞌixbꞌiyaj ta ngojel e chuwech atoq nduqaqa chik jumbꞌey.

Apocalipsis 3:8

Riyin wetaman ri ngaꞌabꞌanalaꞌ. Tatzꞌetaꞌ chi nujaqon jun puerta chawech ri nixta jun nditiker nditzꞌapin richin. Rat maske jubꞌaꞌ ok awuchuqꞌaꞌ, kin abꞌanun wi pe ri nubꞌiꞌin y ma awewan ta chi yin ataqin.