San Lucas 12:37 - Kaqchikel Santo Domingo (Xenacoj)

³⁷ Jabꞌel rokiqꞌij ri samajelaꞌ ri kin ekꞌes apu koyobꞌen ri kajaw atoq nduqaqa. Kin qetzij nibꞌij chiwa, chi ri kajaw ndubꞌen rukꞌojlen chin ngerilij, ngerutzꞌuyubꞌaꞌ chuchiꞌ ru-mesa y ngerutzuq.

နောက်ထပ်ဗားရှင်းများ

Kaqchikel Santa Maria de Jesus

³⁷ Can jaꞌal caꞌquicuot ri samajiel ri icꞌas antok xtalka ri cajaf. Y can ketzij niꞌej chiva, chi ri cajaf ncaꞌrutzꞌuyubꞌaꞌ chirij ri mesa, nurucusaj-pa ru-gavacha y nuya-apa nojiel kax richin nitij chiquivach.

Kaqchiquel Bible

³⁷ Kan jebel k'a ruwa-kiq'ij ri samajela' ri koyoben-apo ri kajaw, y rija' yeberutz'eta' chi e k'es. Kan qitzij ninbij chiwe, chi ri kajaw xtuchojmirisaj-ri' richin nisamej, yerutz'uyuba' ri rusamajela' ri pa mesa y nuya-apo chikiwech ronojel ri nitij.

Kaqchikel Central Guatemala

³⁷ Y can jebel c'a ruva-quik'ij ri samajela' ri e q'ues tok xoka' ri cajaf. Y kitzij ninbij chive, chi ri cajaf xtuchojmirisaj-ri' richin nisamej, yerutz'uyuba' ri rusamajela' ri pa mesa y nuya-apo ronojel cosas richin nitij chiquivech. Yerilij-apo jebel roma janíla niquicot chi c'a coyoben na apo ri hora ri'.

Re C'ac'a Testamento pa Kach'abal

³⁷ Otz-quibanoj re ye'chajin jun jay vo xa je c'as tak ne'ka re qui-patrón. Y katzij nimbij chiva, che re qui-patrón mismo xto'rcusaj-pa re rutziak chin samaj y c'are' conojel re ru-mozos ye'rutz'uyuba-apo chach mesa, y ye'ruvilij-apo jabal roma reja' camas niqui'cot, roma je c'as y quiyaben-apo.

Kaqchikel Western Solola

³⁷ Y can jabel c'a ruwaquik'ij ri mozos ri ye q'ues tek noka ri quipatrón. Y kas kitzij nbij chiwe, chi ri quipatrón xtuchojmirisaj c'a ri' y yerutz'uyuba' c'a ri rumozos pa mesa. Y yerunimaj yerilij apo jabel ruma sibilaj niquicot chi c'a coyoben na apo ri hora ri'.

San Lucas 12:37 ပူးပေါင်းရင်းမြစ်များ

2 Pedro 3:14

Roma kꞌa riꞌ, rix hermanos ri tzꞌan ngixinwojoꞌ, nibꞌij chiwa chi rikꞌin ri iwoyobꞌen chi ndibꞌanatej nojel reꞌ, titijaꞌ iqꞌij chi atoq nduqaqa ri qꞌij riꞌ, kin ta kꞌo uxlanen pa iwánima rikꞌin ri Dios, chꞌajchꞌaj ta ri ikꞌaslen y nixta jun itzel achike ndilitej chiwij.

San Mateo 24:42

Romariꞌ ma kixwer, tichajij utz-utz ri ikꞌaslen, porque ma iwetaman ta ri qꞌij atoq nduqaqa ri Iwajaw.

Filipenses 1:23

Kin ma niwil ta achike ri más utz, bꞌaláta ngiken e chin ngibꞌekꞌojeꞌ apeꞌ kꞌo ri Cristo, porque riꞌ más yalan utz chuwa riyin.

1 Corintios 2:9

Kin achel tzꞌibꞌan kan chupan ri rutzij ri Dios ri ndubꞌij: Nixta jun tzꞌeteyon, nixta jun akꞌaxayon, Nixta jun wineq qꞌaxneq pa ránima, Ri runabꞌan ri Dios chin nduyaꞌ chake ri ngeꞌojowan richin. Keriꞌ tzꞌibꞌan kan.

Apocalipsis 14:13

Ja atoq riꞌ riyin Juan xinwakꞌaxaj jun chꞌabꞌel chikaj ri xubꞌij: Tatzꞌibꞌaj reꞌ: Wokami nditiker e chi jabꞌel rokiqꞌij konojel ri ngeken y xe jun kibꞌanun rikꞌin ri Ajaw. Jaꞌn, keriꞌ, ndichajeꞌ ri Espíritu Santo. Porque kin ngeꞌuxlan chuwech ri itzel ndibꞌan chake roma rusamaj ri Ajaw, y nojel ri utz kibꞌanun ma xe ta keriꞌ ndikanej, xa kin ndiyoꞌox wi rajel-rukꞌexel chake.

2 Pedro 1:11

Porque si ngekꞌiyer re utzulej teq noꞌoj reꞌ pa ikꞌaslen, kin jabꞌel ndikꞌan apu iwech chupan ri reino ma ndikꞌis ta chin ri Qajaw y Qakolonel Jesucristo.

San Juan 12:26

Si kꞌo jun ndirajoꞌ ndubꞌen ri nusamaj, kiroqaj kꞌa, y apeꞌ yinkꞌo riyin, chiriꞌ chuqaꞌ ndikꞌojeꞌ ri nusamajel. Y ri ndibꞌanun ri nusamaj, ri Tataꞌaj Dios kin xtubꞌen chare chi ndikꞌojeꞌ ruqꞌij.

San Lucas 21:36

Roma kꞌa riꞌ, tichajij ri ikꞌaslen, y tikꞌutuj chare ri Dios chi nduyaꞌ uchuqꞌaꞌ chiwa chin ngixqꞌax chupan nojel ri kꞌayew nubꞌiꞌin pe chiwa ri nduqaqa yan pa ruwiꞌ ri rochꞌulew. Tikꞌutuj chuqaꞌ chi ma ngixkꞌix ta ngixbꞌeqaqa chinuwech riyin ri aj chikaj ri xinuꞌalex chiꞌikajal, xchajeꞌ ri Jesús.

Apocalipsis 7:17

Porque ja ri Alaj Karneꞌl ri kꞌo apu apeꞌ kꞌo ri trono Ri ndiyuqꞌun kichin Y kin xkerukꞌuaj apeꞌ ndalex pe ri yaꞌ ri ndiyoꞌon kꞌaslen ma ndikꞌis ta, Y ja ri Dios ri ndisuꞌun e ri ruyiꞌal teq kiwech ri koqꞌej rejeꞌ.

Apocalipsis 3:21

Ri xtitiker ndubꞌen ri nubꞌiꞌin kan, niyaꞌ qꞌij chare chi nditzꞌuyeꞌ wikꞌin pa nu-trono, achel riyin xitiker xinbꞌen ri xubꞌij ri Nataꞌ chuwa y xitzꞌuyeꞌ rikꞌin rijaꞌ pa ru-trono.

Filipenses 1:21

Porque chuwa riyin, ri rukꞌuꞌx nukꞌaslen chochꞌulew ja ri Cristo, y si xkiken, kin kꞌo utz ndukꞌen pe chuwa.

San Lucas 17:8

Pa rukꞌexel riꞌ, xa kereꞌ ndibꞌij chare: Tabꞌanaꞌ akꞌojlen chin ndabꞌen ri nurikil, kanatzuquꞌ y hasta kꞌa kiwaꞌ na y xtintij na nuyaꞌ riyin, kꞌateriꞌ xkawaꞌ y xtatij ayaꞌ rat.

San Lucas 12:43

Kin jabꞌel roruqꞌij jun loqꞌon samajel ri nduꞌilox roma ri rajaw chi ndajin rikꞌin ri samaj bꞌiꞌin kan chare.

San Lucas 12:36

Tibꞌanaꞌ achel ndikibꞌen ri samajelaꞌ ekꞌes koyobꞌen nditzolij pe ri kajaw ri bꞌaneq pa jun kꞌulubꞌik. Rejeꞌ ekꞌes chin keriꞌ atoq ndeqaqa ri kajaw y ndikꞌujkꞌut apu chi puerta, chaꞌanin paqiꞌ ndikijeq pe chuwech.

San Lucas 22:27

Porque, ¿achike kꞌa ri más nim ruqꞌij ndinojij rix, ja ri tzꞌuyul chuchiꞌ mesa chin ndilix o ja ri samajel ri ndilin apu? ¿Ma ja ta kami ri ndilix apu? Jakꞌa riyin ma ke ta riꞌ nubꞌanun chiꞌikajal, porque yin jun iliy iwichin yinkꞌo chiꞌikajal.

Apocalipsis 16:15

Ri Ajaw Jesucristo ndubꞌij: Kꞌateꞌ ruwech nginuqaqa achel nduqaqa jun eleqꞌon. Kin jabꞌel rokiqꞌij ri ndikichajij kiꞌ y ndikikꞌuaj jun chojmilej kꞌaslen. Porque ri keriꞌ ngebꞌanun, kin achel kikusan kitziaq ngeꞌilitej atoq nginuqaqa, y ma ngekꞌix ta achel ndikꞌix jun ri ma rukusan ta rutziaq ndilitej.