San Juan 9:34 - Kaqchikel Santo Domingo (Xenacoj)

³⁴ Ri fariseos xkibꞌij chare: Kin qꞌalej chi awalaxibꞌen pe chi rat aj mak, ¿y ndawojoꞌ ngojatijoj? Y xkoqotaj pe chiriꞌ.

နောက်ထပ်ဗားရှင်းများ

Kaqchikel Santa Maria de Jesus

³⁴ Pero ri achiꞌaꞌ reꞌ xquiꞌej cha ri ache ri nitzuꞌn yan chic: Atreꞌ can xatalax chupan nojiel a-pecado, ¿y navajoꞌ nkojatijuoj ojreꞌ? xaꞌchaꞌ. Y xquikotaj-pa ri ache reꞌ chireꞌ.

Kaqchiquel Bible

³⁴ Jak'a ri fariseo ri' xkibij chire ri achin ri nitzu'un chik: Rat kan at aj-mak pe pan awalaxik, ¿y nawajo' yojatijoj roj?, xecha'. Kan jari' k'a xkoqotaj-pe chupan ri jay ri akuchi nikimol-ki' richin nikak'axaj ruch'abel ri Dios.

Kaqchikel Central Guatemala

³⁴ Pero ri achi'a' ri' xquibij chire ri achin ri nitzu'un chic: Rat can at aj-mac pe pan avalaxic, ¿y navajo' yojatijoj roj? xecha'. Y xquelesaj c'a pe ri achin ri', ri chiri'.

Re C'ac'a Testamento pa Kach'abal

³⁴ Pero re achi'a' re' xquibij cha re ache re nitzu'un chic: Rat can yat aj-mac-va tak xatalax, ¿y najo' yojatijoj yoj? xe'cha'. Y xquilisaj-pa re ache re', chire'.

Kaqchikel Western Solola

³⁴ Pero ri achi'a' ri' xquibij chare ri achi ri nitzu'un chic: Riyit can yit aj mac pe tek xatalex, ¿y nawajo' yojatijoj riyoj? xecha' chare. Y xquelesaj c'a pe ri achi ri', ri chiri'.

San Juan 9:34 ပူးပေါင်းရင်းမြစ်များ

San Juan 9:22

Keriꞌ xkibꞌij ri rute-rutataꞌ ri achi roma kixibꞌin kiꞌ chikiwech ri achiꞌaꞌ israelitas kꞌo uchuqꞌaꞌ pa kiqꞌaꞌ, porque ri achiꞌaꞌ riꞌ kibꞌiꞌin chik chi xa achike na jun ri xtibꞌiꞌin chi ja ri Jesús ri taqon pe roma ri Dios chukolik ri rutinamit, kin ndoqotex e pa sinagoga.

San Juan 9:2

Y ri ru-discípulos xkikꞌutuj razón chare: Tijonel, ¿achike xbꞌanun mak chi re jun achi reꞌ soqꞌ ralaxibꞌen pe, ja rijaꞌ o ja ri rute-rutataꞌ?

San Lucas 18:17

Kin qetzij nibꞌij chiwa: Xa achike na jun ri ma ndubꞌen ta achel ránima jun akꞌual chin ndukꞌen qa ri ru-reino ri Dios pa ránima, ma jubꞌaꞌ xtok pa ru-reino ri Dios, xchajeꞌ ri Jesús.

Apocalipsis 13:17

Y xubꞌen chi nixta jun nditiker ndikꞌayin o ndiloqꞌon, si ma kꞌo ta ri etal riꞌ chirij, y ri etal riꞌ, ja ri rubꞌiꞌ ri itzel chikap o ri número chin ri rubꞌiꞌ.

3 Juan 1:9

Riyin xintzꞌibꞌaj yan e jun wuj chake ri ndikimal kiꞌ pa rubꞌiꞌ ri Dios chiriꞌ pa atinamit, pero ri Diótrefes ndirajoꞌ chi xe rijaꞌ ri ndinimex rutzij koma ri hermanos ekꞌo chiriꞌ, y romariꞌ ma ndunimaj ta ri nubꞌiꞌin e chupan ri wuj riꞌ.

1 Pedro 5:5

Y achel qabꞌiꞌin pe chi ndikꞌatzin ndiqanimaj qiꞌ chiqawech, keriꞌ chuqaꞌ rix qꞌopojiꞌ y kꞌajolaꞌ, tinimaj kitzij ri eꞌukꞌuey bꞌey chikiwech ri hermanos. Rix iwonojel tiqasaj iwiꞌ chin ndinimaj iwiꞌ chiwech. Porque ri rutzij ri Dios tzꞌibꞌan kan kereꞌ ndubꞌij: Ri Dios ma ndukꞌen ta apu kiwech ri ndikinimrisalaꞌ kiꞌ, Pero nduyaꞌ ri ru-favor pa kiwiꞌ ri ndikiqasaj kiꞌ chuwech. Keriꞌ tzꞌibꞌan kan.

Efesios 2:3

Rubꞌanun kan, roj chuqaꞌ xqabꞌen achel ndikibꞌen ri wineq ri kꞌa bꞌaneq kánima chirij ri ndusuj ri rochꞌulew, y ja ri itzel teq rayinik chin ri qa-cuerpo y ri itzel teq achike xeqanojij ri xeqabꞌanalaꞌ, y kin qichin wi chi roj yakoy royowal ri Dios pa qawiꞌ, achel ri chꞌaqa chik ri ma ngeniman ta chuwech.

Gálatas 2:15

Roj ri qalaxibꞌen chi roj israelitas, ndiqabꞌij chi ma roj aj mak ta achel ri wineq ma eqawinaqul ta.

1 Corintios 5:13

Jakꞌa ri ndiqꞌato tzij pa kiwiꞌ ri wineq ma kitaqin ta ri Ajaw, ja ri Dios. Pero rix tiwelesaj e chiꞌikajal ri jun ri rukꞌuan qa riꞌ rikꞌin ri rukan ruteꞌ.

San Juan 9:40

Jujun chikikajal ri fariseos ri ekꞌo apu chiriꞌ apeꞌ kꞌo ri Jesús, atoq xkakꞌaxaj ri xubꞌij, xkibꞌij chare: ¿La roj soqꞌ kami chuqaꞌ roj?

San Juan 9:35

Ri Jesús xrakꞌaxaj chi ri achi ri xukꞌachojrisaj xoqotex pe koma ri fariseos, y atoq ri Jesús xril chik jumbꞌey, xubꞌij chare: ¿Ndataqij pa awánima rat ri Jun aj chikaj ri xuꞌalex chiꞌikajal?

San Juan 8:41

Rix ja ri ndubꞌen ri okuneq itataꞌ ri ndibꞌanalaꞌ. Atoq xkakꞌaxaj keriꞌ, rejeꞌ xkibꞌij chare ri Jesús: Roj ma roma ta xubꞌen mak ri qateꞌ xojalex, kin xe wi jun qatataꞌ kꞌo, y riꞌ ja ri Dios.

San Juan 6:37

Konojel ri ngeruyaꞌ ri Nataꞌ Dios chuwa, ngepuꞌun y ndikiyaꞌ kánima wikꞌin, y riyin ma ngenwoqotaj ta e.

San Lucas 14:11

Porque si jun ruyon chuwech ndunimrisaj riꞌ, kin xtiqasex ruqꞌij, pero ri nduqasaj riꞌ, kin xtinimrisex ruqꞌij.

San Lucas 11:45

Ja atoq riꞌ jun tijonel chin ri ley ri xyoꞌox chare ri Moisés kereꞌ xubꞌij chare ri Jesús: Tijonel, atoq keriꞌ ndabꞌij, jajun chaqe roj ndabꞌij chi ma utz ta qabꞌanun.

San Lucas 6:22

Kin jabꞌel roꞌiqꞌij rix, atoq ri wineq itzel ndikitzꞌet iwech, y ngixkoqotaj pe chikikajal, ngixkichapalaꞌ y ndikibꞌilaꞌ chi xa rix itzel teq wineq, roma rix oqey wichin riyin ri aj chikaj ri xinuꞌalex chiꞌikajal.

3 Juan 1:10

Romariꞌ, atoq ngibꞌeqaqa iwikꞌin, nechꞌolij, nebꞌij chare chi ma utz ta ri ndubꞌanalaꞌ. Porque rijaꞌ nduqasaj qaqꞌij rikꞌin ri aqꞌ ndubꞌilaꞌ chiqij, y ma xe ta riꞌ, porque ma ndukꞌen ta apu kiwech ri hermanos ri ngebꞌeqaqa, nixta nduyaꞌ qꞌij chake ri hermanos aj chiriꞌ chi ndikikꞌen apu kiwech. Y ri ngekꞌamo apu kiwech, ngerelesaj e chikikajal ri hermanos ri ndikimal kiꞌ pa rubꞌiꞌ ri Ajaw.