San Juan 17:24 - Kaqchikel Santo Domingo (Xenacoj)

²⁴ Nataꞌ, ri eꞌayoꞌon chuwa, niwojoꞌ chi ngekꞌojeꞌ apeꞌ ngikꞌojeꞌ riyin, chin ndikitzꞌet ri nimalej nuqꞌij ayoꞌon, porque yin awojowan pe xe jampeꞌ kꞌajani tibꞌan ri rochꞌulew.

နောက်ထပ်ဗားရှင်းများ

Kaqchikel Santa Maria de Jesus

²⁴ Nataꞌ Dios, inreꞌ nivajoꞌ chi quinojiel ri i-ayoꞌn chuva xcaꞌbꞌacꞌujieꞌ viqꞌuin chicaj, chi niquitzꞌat ri nukꞌij ri ayoꞌn, ruma in avajoꞌn-pa antok cꞌa majaꞌ cꞌo ri roch-ulief.

Kaqchiquel Bible

²⁴ Nata' Dios, yin kan ninwajo' k'a chi konojel ri e aya'on chuwe xkebek'oje' ta k'a wik'in richin chi nikitz'et ri nuq'ij-nuk'ojlen ri aya'on. Xaya' chuwe roma xinawajo' yan toq k'a man jani k'o ta re ruwach'ulew.

Kaqchikel Central Guatemala

²⁴ Nata' Dios, yin can ninvajo' c'a chi conojel ri e ayo'on chuve xquebec'oje' ta c'a viq'uin chila' chicaj; richin chi niquitz'et ta c'a ri nuk'ij-nuc'ojlen ri ayo'on; roma xinavajo' yan tok c'a man jani c'o ta re ruvach'ulef, chiri'.

Re C'ac'a Testamento pa Kach'abal

²⁴ Nata' Dios, yen ninjo' che conojel re je'ayi'on chua xque'bec'ue-ta viq'uin chila' chicaj, chin che niquitz'at-ta re nuk'ij re ayi'on, roma xinajo' tak c'amaje-na tic'ue' re ruch'ulef che'.

Kaqchikel Western Solola

²⁴ Nata' Dios, riyin can nwajo' c'a chi quinojel ri ye aya'on chuwe xquebec'oje' ta c'a wuq'ui chila' chicaj; riche (rixin) chi niquitz'et ta c'a ri nuk'ij nuc'ojlen ri aya'on; ruma can yin awajowan wi pe tek c'a ma jane c'o ta re ruwach'ulef.

San Juan 17:24 ပူးပေါင်းရင်းမြစ်များ

San Mateo 25:21

Ri rajaw xubꞌij chare: Utz xabꞌen, utzulej samajel, ri kin ndabꞌen ri ndibꞌix chawa. Rat utz xasamajij ri jubꞌaꞌ méra nujachon pa aqꞌaꞌ, romariꞌ nijech más kꞌiy pa aqꞌaꞌ. Katámpe y kakikot junan wikꞌin riyin ri awajaw.

San Mateo 25:23

Ri rajaw xubꞌij chare: Utz xabꞌen, utzulej samajel, ri kin ndabꞌen ri ndibꞌix chawa. Rat utz xasamajij ri jubꞌaꞌ méra nujachon pa aqꞌaꞌ, romariꞌ nijech más kꞌiy pa aqꞌaꞌ. Katámpe y kakikot junan wikꞌin riyin ri awajaw.

San Mateo 25:34

Y ja atoq riꞌ riyin ri Rey nibꞌij chake ri ekꞌo pa wikiqꞌaꞌ: Kixámpe rix ri kꞌo ru-favor ri Nataꞌ Dios pa iwiꞌ, kixok chupan ri reino bꞌanun ruwech chi ndok iwichin xe jampeꞌ xbꞌan pe ri rochꞌulew roma ri Dios.

San Mateo 26:29

Y nibꞌij chiwa chi ma nitij chi ta ruyiꞌal ri uva, hasta terilaꞌ na ri qꞌij atoq junan iwikꞌin ndiqatij jun kꞌakꞌakꞌ ruyiꞌal uva pa ru-reino ri Nataꞌ Dios.

San Lucas 12:37

Jabꞌel rokiqꞌij ri samajelaꞌ ri kin ekꞌes apu koyobꞌen ri kajaw atoq nduqaqa. Kin qetzij nibꞌij chiwa, chi ri kajaw ndubꞌen rukꞌojlen chin ngerilij, ngerutzꞌuyubꞌaꞌ chuchiꞌ ru-mesa y ngerutzuq.

San Lucas 23:43

Y ri Jesús xubꞌij chare: Qetzij nibꞌij chawa, chi ja wokami ngabꞌekꞌojeꞌ chupan ri paraíso apeꞌ ngibꞌekꞌojeꞌ riyin.

San Juan 1:14

Ri Jun ri ndiqꞌalajrisan runoꞌoj ri Dios xuqaqa chochꞌulew, xkꞌojeꞌ jun ru-cuerpo achel qa-cuerpo roj wineq y rijaꞌ xkꞌojeꞌ chiqakajal. Roj xqatzꞌet ri nimalej ruqꞌij ri kin chin wi ri junayon Rukꞌajol ri Tataꞌaj Dios ri nojneq ránima rikꞌin ri qetzij y rikꞌin ri ru-favor ri Dios.

San Juan 12:26

Si kꞌo jun ndirajoꞌ ndubꞌen ri nusamaj, kiroqaj kꞌa, y apeꞌ yinkꞌo riyin, chiriꞌ chuqaꞌ ndikꞌojeꞌ ri nusamajel. Y ri ndibꞌanun ri nusamaj, ri Tataꞌaj Dios kin xtubꞌen chare chi ndikꞌojeꞌ ruqꞌij.

San Juan 14:3

Y atoq xibꞌa yan, y nubꞌanun chik rukꞌojlen ri apeꞌ ngixbꞌekꞌojeꞌ, nginuqaqa chik jumbꞌey y ngixunkꞌamaꞌ qa, chin keriꞌ ri apeꞌ yinkꞌo riyin, ngixbꞌekꞌojeꞌ chuqaꞌ rix.

San Juan 15:9

Achel ngirajoꞌ ri Nataꞌ, keriꞌ chuqaꞌ ngixinwojoꞌ riyin. Jumul kꞌa kixkꞌojeꞌ chupan ri ajowabꞌel riꞌ.

San Juan 17:2

Porque ajachon uchuqꞌaꞌ pa nuqꞌaꞌ chin ngikꞌojeꞌ pa kiwiꞌ konojel wineq, chin keriꞌ niyaꞌ ri kꞌaslen ma ndikꞌis ta chake konojel ri eꞌayoꞌon chuwa.

San Juan 17:22

Kin achel ri abꞌanun chuwa yin chi kin kꞌo nuqꞌij, keriꞌ chuqaꞌ nubꞌanun chake rejeꞌ, chin keriꞌ jun kánima ndikibꞌen, achel roj jun qánima qabꞌanun.

San Juan 17:5

Wokami, Nataꞌ, tabꞌanaꞌ chi ndikꞌojeꞌ chik nuqꞌij jumbꞌey, achel ri nuqꞌij xkꞌojeꞌ awikꞌin atoq kꞌajani tikꞌojeꞌ ri rochꞌulew.

San Juan 6:37

Konojel ri ngeruyaꞌ ri Nataꞌ Dios chuwa, ngepuꞌun y ndikiyaꞌ kánima wikꞌin, y riyin ma ngenwoqotaj ta e.

San Juan 6:39

Y ri rurayibꞌel ri taqayon pe wichin, jareꞌ: Konojel ri eruyoꞌon chuwa, nixta jun chikiwech rejeꞌ nisech kan, xa kin xkenkꞌastajbꞌaꞌ e chikikajal ri animaꞌiꞌ pa rukꞌisibꞌel qꞌij.

San Juan 8:58

Ri Jesús xubꞌij chake: Kin qetzij nibꞌij chiwa chi riyin kin yinkꞌo wi atoq kꞌajani talex ri Abraham.

1 Corintios 13:12

Wokami, kin kꞌa ndimoymot ruwech ndiqatzꞌet nojel, achel ta ngojtzuꞌun chupan jun espejo ndimoyilan ruwech, pero nduqaqa jun qꞌij atoq kin jabꞌel qꞌalej ndiqatzꞌet nojel. Wokami kꞌo nimalej teq etamabꞌel qakꞌoxoman, pero ma nojel ta, pero ri qꞌij riꞌ, xtiqetamaj nojel, achel retaman qawech rijaꞌ.

2 Corintios 3:18

Y romariꞌ, roj ri qataqin ri Ajaw, maneq chik kꞌul tzꞌapiyon qawech, y ndiqatzꞌet rijaꞌ achel pa jun espejo apeꞌ ndiyikꞌan ruqꞌij, y qꞌij-qꞌij ndijalatej ri qakꞌaslen chin nderubꞌanaꞌ achel rukꞌaslen rijaꞌ, y riꞌ roma ri samaj ndubꞌen ri Ajaw pa qakꞌaslen, y ri Ajaw riꞌ, ja ri Espíritu.

2 Corintios 4:6

Porque ri Dios ri kereꞌ xubꞌij: Tiyikꞌiyoꞌ pe luz pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima, chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.

2 Corintios 5:8

Roj kin jumul kuqul qakꞌuꞌx rikꞌin ri Ajaw, y más ndiqarayij chi man ta chik rojkꞌo chupan re aj rochꞌulew qa-cuerpo, chin ngojbꞌekꞌojeꞌ apeꞌ kꞌo rijaꞌ.

Filipenses 1:23

Kin ma niwil ta achike ri más utz, bꞌaláta ngiken e chin ngibꞌekꞌojeꞌ apeꞌ kꞌo ri Cristo, porque riꞌ más yalan utz chuwa riyin.

1 Tesalonicenses 4:17

Kꞌateriꞌ roj ri qataqin ri Cristo ri kꞌa roj kꞌes chochꞌulew ri tiempo riꞌ, ngojukꞌuꞌex e chikaj junan kikꞌin ri xekꞌastej pe chin ndeqakꞌuluꞌ ri Ajaw, y keriꞌ ngojbꞌekꞌojeꞌ chin jumul rikꞌin.

1 Pedro 1:21

Rix roma itaqin ri Cristo, xe chare ri Dios iyoꞌon wi itzij, ri Dios ri xkꞌastajbꞌan e ri Cristo chikikajal ri animaꞌiꞌ y xubꞌen chare chi xkꞌojeꞌ chik nimalej ruqꞌij, y keriꞌ kin rikꞌin ri Dios ikuqubꞌan ikꞌuꞌx y iwoyobꞌen ri rusujun kan.

1 Juan 3:2

Y nibꞌij chiwa rix ri tzꞌan ngixinwojoꞌ, chi wokami roj ralkꞌuaꞌl chik ri Dios, y maske kꞌajani tiqꞌalajin ri kꞌakꞌakꞌ rubꞌanik qakꞌaslen ndubꞌen ri Dios más apu chiqawech, kin qetaman chi atoq ri Jesucristo nduqaqa chik jumbꞌey, ri rubꞌanik ri qakꞌaslen ndubꞌen qa achel rukꞌaslen rijaꞌ, porque kin xtiqatzꞌet rikꞌin qawech qitz achike rijaꞌ.

Apocalipsis 21:22

Y chupan ri tinamit, ma jun achoch apeꞌ ndiyoꞌox ruqꞌij ri Dios xintzꞌet, porque ja ri Ajaw Dios ri kꞌo nojel uchuqꞌaꞌ pa ruqꞌaꞌ y ri Alaj Karneꞌl ri eꞌokuneq rachoch ri Dios chiriꞌ.

Apocalipsis 3:21

Ri xtitiker ndubꞌen ri nubꞌiꞌin kan, niyaꞌ qꞌij chare chi nditzꞌuyeꞌ wikꞌin pa nu-trono, achel riyin xitiker xinbꞌen ri xubꞌij ri Nataꞌ chuwa y xitzꞌuyeꞌ rikꞌin rijaꞌ pa ru-trono.