San Juan 1:4 - Kaqchikel Santo Domingo (Xenacoj)

⁴ Rikꞌin rijaꞌ kꞌo wi ri kꞌaslen y ri kꞌaslen riꞌ, jariꞌ ri ndiyikꞌan kikꞌaslen ri wineq.

နောက်ထပ်ဗားရှင်းများ

Kaqchikel Santa Maria de Jesus

⁴ Riqꞌuin jajaꞌ cꞌo-ve ri cꞌaslien. Y ri cꞌaslien reꞌ, jareꞌ ri Sakil quichin ri vinak.

Kaqchiquel Bible

⁴ Rik'in k'a rija' k'o-wi ri k'aslen. Y re k'aslen re', jare' ri nisaqirisan ri kik'aslen ri winaqi'.

Kaqchikel Central Guatemala

⁴ Riq'uin c'a rija' c'o-vi ri c'aslen. Y re c'aslen re', jac'are' ri nisakirisan quichin ri vinek.

Re C'ac'a Testamento pa Kach'abal

⁴ Riq'uin reja' c'o-va re c'aslen. Y re c'aslen re', jare' re sakil quichin re vinak.

Kaqchikel Western Solola

⁴ Riq'ui c'a Riya' c'o wi ri c'aslen. Y re c'aslen re', yac'are' ri Sakil quiche (quixin) ri winek.

San Juan 1:4 ပူးပေါင်းရင်းမြစ်များ

San Juan 8:12

Jumbꞌey chik ri Jesús xchꞌaꞌa chake ri wineq y xubꞌij: Ja riyin ri ngiyikꞌan kikꞌaslen ri wineq. Ri ndoqan wichin, ndikꞌojeꞌ pa ránima ri luz chin ri kꞌaslen ma ndikꞌis ta, y ri wineq riꞌ ma ndikꞌojeꞌ chi ta pa qꞌequꞌ.

San Juan 12:46

Ja riyin ri luz ri xinuqaqa chochꞌulew, chin keriꞌ ri nditaqin wichin, ma ndikanej ta pa qꞌequꞌ.

San Juan 5:26

Porque achel ri Tataꞌaj Dios jumul kꞌo rukꞌaslen y nduyaꞌ kꞌaslen, keriꞌ rubꞌanun chuwa yin ri Rukꞌajol chi jumul kꞌo nukꞌaslen y niyaꞌ kꞌaslen chuqaꞌ.

San Juan 9:5

Ri janipeꞌ qꞌij ri kꞌa yinkꞌo na chochꞌulew, ja riyin ri ngiyikꞌan kikꞌaslen ri wineq.

San Juan 11:25

Ri Jesús xubꞌij: Ja riyin ri ngikꞌastajbꞌan e kichin ri animaꞌiꞌ, y ja riyin ri ngiyoꞌon ri kꞌaslen ma ndikꞌis ta. Ri nditaqin wichin, maske xtiken, kin ndikꞌastajbꞌex pe.

1 Juan 5:11

Y jareꞌ ri ruqꞌalajrisan ri Dios chiqawech: Ruyoꞌon ri kꞌaslen ma ndikꞌis ta chaqe, y ri kꞌaslen riꞌ yoꞌon chaqe roma xe jun qabꞌanun rikꞌin ri Rukꞌajol.

San Juan 14:6

Y ri Jesús xubꞌij: Ja riyin ri bꞌey, ja riyin ri qetzij y ja riyin ri kꞌaslen, nixta jun nditiker ndeqaqa apeꞌ kꞌo ri Tataꞌaj Dios, si ma ngirutaqij ta riyin.

San Juan 12:35

Ri Jesús xubꞌij chake: Riyin ri ngiyikꞌan rubꞌey ri ikꞌaslen, kꞌa ngikꞌojeꞌ jubꞌaꞌ chiꞌikajal, romariꞌ, kixbꞌiyin chupan re yikꞌinik niyaꞌ riyin, utz kꞌa yinkꞌo chireꞌ, ma kꞌateꞌ tiqaqa qꞌequꞌ pa iwiꞌ. Porque ri ndibꞌiyin pa qꞌequꞌ, ndisach ri bꞌey chuwech.

Efesios 5:14

Y keriꞌ kꞌo cheꞌel ndikiyaꞌ kan ri mak ngekibꞌanalaꞌ chin ngeꞌok ralkꞌuaꞌl ri Dios ri kin luz wi. Romariꞌ kereꞌ ndibꞌix: Kakꞌastej rat ri ngawer; Kayakatej pe chikikajal ri ekamineq pa mak, Y ri Cristo nduyikꞌaj ri akꞌaslen. Keriꞌ ri ndibꞌix.

San Mateo 4:16

Ri tinamit ekꞌo pa qꞌequꞌ, Xkitzꞌet jun nimalej luz, Y ri wineq ekꞌo pa rumochꞌochꞌil ri kamik Xyikꞌan jun nimalej luz pa kiwiꞌ.

Colosenses 3:4

Y atoq nduqaqa chik jumbꞌey ri Cristo, ri yoyon chiwa ri kꞌaslen ma ndikꞌis ta, rix ngixbꞌekꞌojeꞌ rikꞌin rijaꞌ chupan ri nimalej ruqꞌij.

Hechos 26:23

Ri Jun ri nditaq pe roma ri Dios chukolik ri rutinamit, kin xtiyoꞌox pa kꞌayew y ndikamisex, y ja rijaꞌ ri nabꞌey ndikꞌastajbꞌex pe chikikajal ri animaꞌiꞌ chin ma ndiken chi ta, y ja rijaꞌ ndikꞌamo pe rutzijol ri kolotajik chake ri israelitas y ri ma israelitas ta. Keriꞌ kibꞌiꞌin kan y jariꞌ ri nitzijoj riyin chi xbꞌanatej, xchajeꞌ ri Pablo.

San Lucas 2:32

Rijaꞌ kin xtuyikꞌaj kikꞌaslen ri ma israelitas ta, Y roma rijaꞌ ndikꞌojeꞌ qaqꞌij roj israelitas, xchajeꞌ ri Simeón.

1 Juan 1:2

Ri Jun ri ndiyoꞌon kꞌaslen, xuruqꞌalajrisaj riꞌ chochꞌulew y roj rikꞌin qawech xqatzꞌet, y ndiqatzijoj chi qetzij porque xqatzꞌet. Y ri kꞌaslen nduyaꞌ rijaꞌ, ja ri kꞌaslen ma ndikꞌis ta. Y ri ndiyoꞌon ri kꞌaslen riꞌ, kin xixkꞌo wi rikꞌin ri Tataꞌaj Dios, y xuruqꞌalajrisaj riꞌ chiqawech.

San Juan 5:21

Keriꞌ nibꞌij chiwa porque achel ri Tataꞌaj Dios ngerukꞌastajbꞌaꞌ ri animaꞌiꞌ y nduyaꞌ chik kikꞌaslen, keriꞌ chuqaꞌ yin ri Rukꞌajol, niyaꞌ kikꞌaslen ri achoq chake niwojoꞌ niyaꞌ.

Apocalipsis 22:16

Riyin Jesús, xinteq ri nu-ángel chin xbꞌeruqꞌalajrisaj nojel reꞌ chiwech rix ri bꞌotzaj teq ralkꞌuaꞌl ri Dios ri ndimal iwiꞌ pa rubꞌiꞌ. Y ja riyin ri ruxeꞌel kan ri rey David y ri riy-rumam kan chuqaꞌ; ja riyin ri chꞌumil ri ndiyikꞌan atoq ndiseqresan pe.

1 Corintios 15:45

Achel tzꞌibꞌan kan chupan ri rutzij ri Dios ri ndubꞌij: Ri nabꞌey achi xubꞌiniꞌaj Adán, xyoꞌox rukꞌaslen chochꞌulew, keriꞌ tzꞌibꞌan kan. Pero ri rukꞌisibꞌel Adán, rijaꞌ Espíritu ri ndiyoꞌon kꞌaslen, y riꞌ ja ri Jesucristo.

Apocalipsis 22:1

Atoq nutzꞌeton chik reꞌ, ri ángel ri ukꞌuayon wichin xukꞌut chinuwech jun raqen yaꞌ ri ndiyoꞌon ri kꞌaslen ma ndikꞌis ta. Ri raqen yaꞌ riꞌ, achel vidrio nditzuꞌun y ndalex pe apeꞌ kꞌo ki-trono ri Dios y ri Alaj Karneꞌl.

San Juan 3:19

Ri achike roma ri Dios nduyaꞌ castigo pa kiwiꞌ ri wineq, jareꞌ: Ri Jun ri ndiyikꞌan kikꞌaslen ri wineq xuqaqa chochꞌulew, pero ri wineq más xkajoꞌ xekꞌojeꞌ pa qꞌequꞌ, porque xa kin itzel wi ri ngetajin rikꞌin.

1 Juan 1:1

Re wuj re nitzꞌibꞌaj e chiwa, ndichꞌaꞌa pa ruwiꞌ ri Jun ri kin xixkꞌo wi atoq kꞌajani tibꞌan ri kaj y ri rochꞌulew. Y roj ri roj apóstoles kin rikꞌin qawech xqatzꞌet rijaꞌ, rikꞌin qaxikin xqakꞌaxaj ri xubꞌij, y rikꞌin qaqꞌaꞌ xqatzꞌen. Y ri achoq pa ruwiꞌ ngojchꞌaꞌa, ja ri Jun ri ndiqꞌalajrisan runoꞌoj ri Dios y nduyaꞌ kꞌaslen.