San Juan 1:17 - Kaqchikel Santo Domingo (Xenacoj)

¹⁷ Keriꞌ ndiqꞌalajin, porque ri ley pa ruqꞌaꞌ ri Moisés xjach wi chin ndukꞌut rubꞌeyal ri kꞌaslen chiqawech, y wokami yoꞌon chaqe ri qetzij y ri ru-favor ri Dios, y ri kꞌamayon pe richin, ja ri Jesucristo ri Jun taqon pe roma ri Dios chukolik ri rutinamit.

နောက်ထပ်ဗားရှင်းများ

Kaqchikel Santa Maria de Jesus

¹⁷ Ri Dios ja ri Moisés ri xucusaj chi xuya-pa ri ley. Pero antok xuya-pa ri favor y ri ketzij, ja ri Jesucristo xucusaj.

Kaqchiquel Bible

¹⁷ Ri pixa' xya'ox roma ri Moisés, jak'a ri utzil ri' y ri qitzij, xya'ox roma ri Jesús ri Cristo ri nibix chuqa' ch'abel chire.

Kaqchikel Central Guatemala

¹⁷ Ri Dios jac'a ri Moisés ri xrucusaj richin xuya-pe ri ley. Jac'a richin chi xoka' ri utzil y ri kitzij, ja ri Jesucristo ri xrucusaj.

Re C'ac'a Testamento pa Kach'abal

¹⁷ Re Dios jac'a re Moisés re xucusaj chin xuya' re ley. Pero chin che xbeka re utzil y re katzij, ja re Jesucristo re xucusaj.

Kaqchikel Western Solola

¹⁷ Ri Dios ya c'a ri Moisés ri xucusaj riche (rixin) chi xuya' pe ri ley. Yac'a riche (rixin) chi xoka ri utzil y ri kitzij, ya ri Jesucristo ri xucusaj.

San Juan 1:17 ပူးပေါင်းရင်းမြစ်များ

Romanos 6:14

Porque ri mak ma utz ta chi ndikꞌojeꞌ ruchuqꞌaꞌ pa iwiꞌ, porque ma rixkꞌo ta chuxeꞌ ri ley xyoꞌox chare ri Moisés chin ndibꞌen ri ndubꞌij, xa kin rixkꞌo chuxeꞌ ri ru-favor ri Dios.

San Juan 14:6

Y ri Jesús xubꞌij: Ja riyin ri bꞌey, ja riyin ri qetzij y ja riyin ri kꞌaslen, nixta jun nditiker ndeqaqa apeꞌ kꞌo ri Tataꞌaj Dios, si ma ngirutaqij ta riyin.

San Juan 1:14

Ri Jun ri ndiqꞌalajrisan runoꞌoj ri Dios xuqaqa chochꞌulew, xkꞌojeꞌ jun ru-cuerpo achel qa-cuerpo roj wineq y rijaꞌ xkꞌojeꞌ chiqakajal. Roj xqatzꞌet ri nimalej ruqꞌij ri kin chin wi ri junayon Rukꞌajol ri Tataꞌaj Dios ri nojneq ránima rikꞌin ri qetzij y rikꞌin ri ru-favor ri Dios.

Hebreos 9:22

Chupan ri ley riꞌ, ndubꞌij chi jubꞌaꞌ ma nojel ri ndichꞌajchꞌojrisex, ndikꞌatzin chi rikꞌin kikꞌ ndibꞌan. Y si ma ndibꞌiyin ta rukikꞌel jun awej ri ndikamisex, ma ndikuyutej ta ri mak chuwech ri Dios.

San Juan 8:32

Y keriꞌ ndiwetamaj achike ri qetzij, y ri qetzij ndubꞌen chiwa chi ngixel libre.

San Juan 7:19

Ri Moisés chiwa rix ruyoꞌon kan ri ley, pero nixta jun chiꞌikajal ndubꞌen ri ndubꞌij ri ley riꞌ, porque xa niwojoꞌ nginikamisaj.

Hechos 28:23

Y xkibꞌen ruwech achike qꞌij ndikimal kiꞌ, y atoq xuqaqa ri qꞌij riꞌ, ekꞌiy xebꞌeqaqa apeꞌ chajin ri Pablo, y xe kumaj y hasta xqaqꞌij na qa, ri Pablo ndichꞌaꞌa pa ruwiꞌ ri ru-reino ri Dios chikiwech, y ndutij ruqꞌij chin ndikikꞌoxomaj ri ndubꞌij ri rutzij ri Dios pa ruwiꞌ ri Jesús, ri tzꞌibꞌan kan chupan ri ley xyoꞌox chare ri Moisés y chupan ri kitzꞌibꞌan kan ri profetas ojer.

Gálatas 3:17

Y ri niwojoꞌ nibꞌij chiwa jareꞌ: Ri Dios xubꞌen jun pacto rikꞌin ri Abraham, y xuyaꞌ rutzij chare chi kin nduyaꞌ wi ri ndusuj. Y ri ley ri xyoꞌox chare ri Moisés 430 junaꞌ más kereꞌ pe, ma xujel ta ri pacto riꞌ, nixta xuyuj ri achike rusujun.

Hechos 7:38

Y ja chuqaꞌ ri Moisés ri xkꞌojeꞌ rikꞌin ri rutinamit ri Dios atoq xekibꞌanalaꞌ kimolojriꞌil pa chaqiꞌj y tzꞌiran ulew, y ja rijaꞌ ri xqꞌasan rutzij ri ángel chake ri ojer teq qatit-qamamaꞌ, atoq ri ángel xchꞌaꞌa chare pariꞌ ri juyuꞌ Sinaí. Y chare ri Moisés xyoꞌox ri kꞌaslik teq tzij chin xuqꞌasaj chaqe roj israelitas.

San Juan 5:45

Pero ma tinojij chi ja riyin ri xkisujun iwichin chuwech ri Nataꞌ Dios. Ri xtisujun iwichin, ja ri Moisés, maske iwoyobꞌen chi ja ri rutzꞌibꞌan rijaꞌ xtitoꞌon iwichin.

2 Corintios 1:20

porque nojel ri rusujun pe ri Dios, rikꞌin ri Cristo Jesús ndiqil wi. Roma kꞌa riꞌ, atoq ngojchꞌaꞌa chare ri Dios pa rubꞌiꞌ ri Cristo, ndiqabꞌij: Amén, kin qetzij wi chi ndabꞌen ri ndabꞌij, ngojchajeꞌ chare, chin ndiyoꞌox ruqꞌij qoma roj.

San Juan 9:29

Roj qetaman chi ri Dios xchꞌaꞌa chare ri Moisés, pero ri jun achi riꞌ ma qetaman ta aj apeꞌ.

San Juan 18:37

Romariꞌ ri Pilato kereꞌ xukꞌutuj razón chare: ¿Rat ndabꞌij chi rat rey? Y ri Jesús xubꞌij: Ja rat ri ngabꞌiꞌin chi yin rey. Riyin chin wi reꞌ xinuqaqa y xinuꞌalex chochꞌulew, chin nitzijoj ri qetzij chikiwech ri wineq. Konojel ri ndikajoꞌ ndikibꞌen ri qetzij, ndikibꞌen ri ndubꞌij ri nutzij.