Hechos 9:5 - Kaqchikel Santo Domingo (Xenacoj)

⁵ Y ri Saulo xubꞌij: ¿Achike kꞌa rat, Ajaw? Y ri jun ri xchꞌaꞌa pe chare kereꞌ xubꞌij: Ja riyin ri Jesús ri atzeqlebꞌen chin ndabꞌen itzel chuwa.

နောက်ထပ်ဗားရှင်းများ

Kaqchikel Santa Maria de Jesus

⁵ Y ri Saulo xuꞌej: ¿At chica cꞌa atreꞌ tuoya? xchaꞌ. Pero ri nichꞌo-pa cha ri Saulo xuꞌej-pa cha: Inreꞌ ri Jesús, ri in-abꞌanun perseguir. Y ruma quireꞌ naꞌan, xa ayuon atreꞌ naya-ka-aviꞌ pa sufrimiento.

Kaqchiquel Bible

⁵ Ri Saulo xuk'utuj: ¿At achike k'a rat?, xcha'. Jak'a ri nich'on rik'in ri Saulo xubij chire: Ja yin ri Jesús, y chuwij yin achapon-wi rubanik ch'a'oj, xcha' chire.*f22*

Kaqchikel Central Guatemala

⁵ Y ri Saulo xuc'utuj: ¿At achique c'a rat? xcha'. Pero ri nich'on c'a riq'uin ri Saulo xubij chire: Ja yin ri Jesús, y chuvij yin achapon-vi rubanic ch'a'oj. Xa ayon c'a rat nasoc-avi', roma achapon ch'a'oj chuvij. Xa ayon rat naya-avi' chutza'n ri puya, xcha' chire.

Re C'ac'a Testamento pa Kach'abal

⁵ Y re Saulo xuc'utuj: ¿Yat anchique c'a rat c'a? xcha'. Pero re nich'o riq'uin re Saulo xubij cha: Ja yen re Jesús, y ja chuij yen atz'amon-va ch'a'oj, xa ayon rat nasoc-ka-avi', xcha' cha.

Kaqchikel Western Solola

⁵ Y riya' xuc'utuj: ¿Yit achique c'a riyit, táta? xcha'. Pero ri nich'o pe riq'ui ri Saulo xubij chare: Yin c'a riyin ri Jesús, ri achapon wokotaxic. Xa ayon c'a riyit nasoc awi', ruma achapon wokotaxic. Xa ayon riyit naya' awi' chutza'n jun che' ri ch'ut rutza'n, xcha' chare.

Hechos 9:5 ပူးပေါင်းရင်းမြစ်များ

1 Timoteo 1:13

Xiruyaꞌ pa rusamaj, maske rubꞌanun kan riyin xinyoqꞌolaꞌ rubꞌiꞌ y xentzeqlebꞌej ri kitaqin rijaꞌ chin xinbꞌen itzel chake; y santienta kichapik xinbꞌen. Pero ri Dios xujoyowaj nuwech, porque ri tiempo riꞌ, kꞌajani tintaqij ri Cristo y pa nutzij riyin, kin utz ri ngitajin rikꞌin.

Hechos 26:9

Qetzij wi rubꞌanun kan xinbꞌen ruwech chi xinbꞌen itzel chake ri kitaqin ri Jesús aj Nazaret.

1 Corintios 10:22

Porque atoq ndiqakꞌux ri achike ngesuj chikiwech ri itzel teq espíritu, ndiqayek royowal ri Ajaw. Y si keriꞌ ta ndiqabꞌen, ¿kꞌo kami más quchuqꞌaꞌ ke chuwech rijaꞌ chin ta ndiqatoꞌ qiꞌ chuwech? ¡Maneq!

Hechos 5:39

pero si ri ndikibꞌen rikꞌin ri Dios pataneq, rix ma ngixtiker ta ndikꞌis kiqꞌij. Y ma kꞌateꞌ chare ri Dios ndibꞌen oyowal, xchajeꞌ ri Gamaliel. Konojel ri achiꞌaꞌ israelitas kꞌo uchuqꞌaꞌ pa kiqꞌaꞌ, xkinimaj rutzij ri Gamaliel.

Hechos 9:4

Rijaꞌ xtzaq pa ulew, y xrakꞌaxaj jun chꞌabꞌel ri kereꞌ xubꞌij chare: ¡Saulo! ¿Achike roma yin atzeqlebꞌen chin ndabꞌen itzel chuwa?

Hechos 9:6

Pero wokami kayakatej, katok apu pa tinamit, y chiriꞌ ndibꞌix chawa achike ndikꞌatzin chi ndabꞌen.

Hechos 10:14

Pero ri Pedro kereꞌ xubꞌij: Ajaw, ma nikꞌux ta ok, matiox. Riyin ma jumbꞌey nukꞌuxun ri ma chꞌajchꞌaj ta y xajan chi ndikꞌuxeꞌ.

Hechos 26:14

Y atoq roj qonojel xojtzaq pa ulew, xinwakꞌaxaj jun chꞌabꞌel ri xchꞌaꞌa pe chuwa pa chꞌabꞌel hebreo y xubꞌij: ¡Saulo! ¿Achike roma yin atzeqlebꞌen chin ndabꞌen itzel chuwa? Xa ayon ndakanoj chꞌaꞌoj chawij, achel ta ndasak awiꞌ chuwech ruchꞌutal jun cheꞌ keriꞌ.

Filipenses 3:12

Riyin ma nibꞌij ta chi nubꞌanun chik nojel reꞌ y ma nibꞌij ta chuqaꞌ chi yin okuneq nojel ri ndirajoꞌ ri Dios chi nginok. Pero nitij nuqꞌij chi tzꞌaqet ndubꞌen pa nukꞌaslen nojel ri xrajoꞌ ri Cristo Jesús chuwa atoq xirukal.