Hechos 8:29 - Kaqchikel Santo Domingo (Xenacoj)

²⁹ Y ri Espíritu Santo xubꞌij chare ri Felipe: Kajel apu rikꞌin la carruaje laꞌ y kabꞌiyin chunaqaj.

နောက်ထပ်ဗားရှင်းများ

Kaqchikel Santa Maria de Jesus

²⁹ Y ri Espíritu Santo xuꞌej cha ri Felipe: Cajiel-apa riqꞌuin ri carruaje pacheꞌ bꞌanak-ve ri alaꞌ eunuco, y caꞌin riqꞌuin.

Kaqchiquel Bible

²⁹ Ri Loq'olej Espíritu xubij k'a chire ri Felipe chi tuq'i' ri karruaje ri akuchi beneq-wi ri achin etíope, y junan tibe rik'in.

Kaqchikel Central Guatemala

²⁹ Y ri Lok'olej Espíritu xubij c'a chire ri Felipe chi tuk'i' ri carruaje ri acuchi benek-vi ri achin eunuco, y junan tibe riq'uin.

Re C'ac'a Testamento pa Kach'abal

²⁹ Y re Espíritu Santo xubij cha re Felipe che tuk'e' re carruaje re anche' binak-va re ache eunuco, y tiba junan riq'uin.

Kaqchikel Western Solola

²⁹ Y ri Lok'olaj Espíritu xubij c'a chare ri Felipe: Jet apo chuxquin ri carruaje ri acuchi (achique) benak wi ri achi eunuco, y junan c'a yixbe riq'ui, xuche'ex.

Hechos 8:29 ပူးပေါင်းရင်းမြစ်များ

Hechos 10:19

Y atoq ri Pedro kꞌa ndinojin pa ruwiꞌ ri achel achikꞌ xubꞌen, ri Espíritu Santo kereꞌ xubꞌij chare: Tatzꞌetaꞌ, ekꞌo oxiꞌ achiꞌaꞌ ngatikikanoj,

Hechos 11:12

Y ri Espíritu Santo xubꞌij chuwa chi ma kaꞌiꞌ nukꞌuꞌx tinbꞌen chin ngibꞌa chikij. Y re waqiꞌ hermanos re ekꞌo wikꞌin wokami, xinkachibꞌilaj, y xojbꞌeqaqa pa rachoch jun achi rubꞌiniꞌan Cornelio.

1 Timoteo 4:1

Pero kin qꞌalej ri rubꞌiꞌin pe ri Espíritu Santo chi chupan re rukꞌisibꞌel tiempo rojkꞌo, ekꞌo ri ndikiyaꞌ kan rokacheq chuwech ri qetzij tijonik ri xkuqeꞌ kikꞌuꞌx rikꞌin. Xa ngekinimaj tzij epataneq kikꞌin espíritu ri ngechꞌakatin kichin y tijonik epataneq kikꞌin itzel teq espíritu.

Hechos 21:11

Xbꞌeqaqa apeꞌ rojkꞌo, y xutzꞌen ri ximibꞌel rupan ri Pablo, y xuximilaꞌ qa ruqꞌa-raqen ruyon chuwech, y xubꞌij: Ri Espíritu Santo ndubꞌij: Kereꞌ ruximik ruqꞌa-raqen ri rajaw re ximibꞌel reꞌ ndikibꞌen ri israelitas pa tinamit Jerusalén, y ndikijech pa kiqꞌaꞌ ri ma israelitas ta, xchajeꞌ.

1 Corintios 12:11

Y nojel re loqꞌolej teq sipanik reꞌ, xa kin xe wi jun ndiyoꞌon richin, y riꞌ ja ri Espíritu Santo ri ndisipan chaqe chiqajununal kin achel ndirajoꞌ rijaꞌ.

Hechos 8:26

Atoq xbꞌanatej yan reꞌ, jun ángel chin ri Ajaw xchꞌaꞌa chare ri Felipe y kereꞌ xubꞌij chare: Kayakatej paqiꞌ, y kabꞌiyin chupan ri bꞌey ri ndel e pa tinamit Jerusalén y ndeqꞌax pa tzꞌiran-tzꞌiran teq ulew y ndeqaqa pa tinamit Gaza ri kꞌo pa sur.

Hechos 8:28

y ja rutzꞌamon bꞌey chin nditzolij pa rochꞌulew Etiopía, tzꞌuyul pa ru-carruaje, y ndubꞌen leer ri rutzꞌibꞌan kan ri profeta Isaías.

Hechos 8:30

Ri Felipe juꞌanin paqiꞌ xjel apu chunaqaj ri carruaje, y xrakꞌaxaj chi ri achi ndubꞌen leer ri rutzꞌibꞌan kan ri profeta Isaías. Y ri Felipe xubꞌij apu chare: ¿Ndakꞌoxomaj ri ndabꞌen leer?

Hechos 8:39

Atoq xeꞌel pe pa yaꞌ, ri Felipe kꞌateꞌ ruwech xukꞌuꞌex roma ri Espíritu, y ri aj Etiopía ma xutzꞌet chi ta ruwech, pero tzꞌan ndikikot xutzꞌen chik bꞌey.

Hechos 28:25

Y roma ma junan ta kitzij xkibꞌen pa ruwiꞌ ri ndubꞌij ri Pablo, xa ja ngeꞌel e chin ngebꞌa, pero nabꞌey ri Pablo xubꞌij e chake: Kin qetzij ri tzij xuyaꞌ ri Espíritu Santo chare ri profeta Isaías, chin xubꞌij chake ri ojer teq iwatit-imamaꞌ. Rijaꞌ xubꞌij:

Hebreos 3:7

Romariꞌ achel ndubꞌij ri Espíritu Santo chupan ri rutzij ri Dios tzꞌibꞌan kan: Si wokami ndiwakꞌaxaj ri ndubꞌij ri Dios chiwa,