Hechos 7:60 - Kaqchikel Santo Domingo (Xenacoj)

⁶⁰ Ja atoq riꞌ xxukeꞌ qa, y rikꞌin kaw ruchꞌabꞌel xubꞌij: ¡Ajaw, ma tikeqalej re mak reꞌ chawech! Y atoq ri Esteban rubꞌiꞌin chik keriꞌ, xken.

နောက်ထပ်ဗားရှင်းများ

Kaqchikel Santa Maria de Jesus

⁶⁰ Y jajaꞌ xxuquie-ka, y xurak ruchiꞌ chi xchꞌoꞌ y xuꞌej: Vajaf, man taꞌan chica chi nicakaj ri pecado ri niquiꞌan, xchaꞌ. Y joꞌc cꞌa reꞌ xuꞌej, ja xcon.

Kaqchiquel Bible

⁶⁰ Jari' k'a toq rija' xxuke', y kan rik'in k'a ruchuq'a' xch'on y xubij: Wajaw, man k'a taben chike chi nikejqalej re nikiben chuwe, xcha'. Y kan xaxe k'a xubij kere', xken.

Kaqchikel Central Guatemala

⁶⁰ Y jac'ari' tok rija' xxuque', y can riq'uin c'a ruchuk'a' xch'on y xubij: Vajaf, man c'a taben chique chi niquejkalej re niquiben chuve, xcha'. Y can xe c'a xubij quere', xquen (xcom).

Re C'ac'a Testamento pa Kach'abal

⁶⁰ Y jare' tak reja' xuque', y cof xch'o tak xubij: Vajaf, man taban chique che niquijkalej re niquiban chua, xcha'. Y can xe xubij quire', xcom.

Kaqchikel Western Solola

⁶⁰ Y yac'ari' tek riya' xxuque' ka, y can riq'ui c'a ruchuk'a' xch'o y xubij: Wajaf, man c'a taya' ta pa cuenta re mac re yetajin chubanic, xcha'. Y can xu (xe) wi c'a xubij queri', can yac'ari' tek xcom ka.

Hechos 7:60 ပူးပေါင်းရင်းမြစ်များ

San Mateo 5:44

Pero riyin nibꞌij chiwa: Keꞌiwojoꞌ ri ngebꞌanun oyowal chiwa, y tibꞌanaꞌ orar koma ri ngixkitzeqlebꞌej chin ndikibꞌen itzel chiwa,

San Lucas 23:34

Y ri Jesús xubꞌij: Nataꞌ Dios, takuyuꞌ ri kimak porque ma ketaman ta ri ngetajin chubꞌanik. Ri soldados xkiyaꞌ pa etzꞌanin ri rutziaq, chin xkijech chikiwech.

1 Corintios 15:20

Pero ri qetzij xbꞌanatej jareꞌ: Ri Cristo xkꞌastajbꞌex pe chikikajal ri animaꞌiꞌ. Ja rijaꞌ ri nabꞌey xkꞌastajbꞌex pe chin jumul chikikajal ri animaꞌiꞌ y romariꞌ qetaman chi ri animaꞌiꞌ ngekꞌastajbꞌex pe chin jumul chuqaꞌ. Rijaꞌ kin achel ri nabꞌey ruwech jun tikoꞌ. Porque atoq ngechꞌupeꞌ ri nabꞌey teq ruwech, qetaman chi kꞌa kꞌo más ruwech ri tikoꞌ ngebꞌechꞌuputej.

Hechos 20:36

Atoq xubꞌij yan nojel reꞌ, ri Pablo xxukeꞌ y xubꞌen orar kikꞌin konojel ri ekꞌo chiriꞌ.

Hechos 9:40

Ja atoq riꞌ ri Pedro xerelesaj pe konojel saqil, y xxukeꞌ qa chin xubꞌen orar. Xtzuꞌun apu rikꞌin ri ámna, y xubꞌij: ¡Tabitá, kayakatej! xchajeꞌ chare. Ja atoq riꞌ ri ixaq xujeq ruwech y atoq xutzꞌet ri Pedro, xtzꞌuyeꞌ pe.

San Lucas 6:28

Tikꞌutuj ru-favor ri Dios pa kiwiꞌ ri itzel ngechꞌaꞌa chiwij, y tibꞌanaꞌ orar koma ri ndikibꞌen itzel chiwa.

1 Corintios 15:18

Y xa ta qetzij chi ri animaꞌiꞌ ma ngebꞌekꞌastej ta pe, riꞌ ndubꞌij tzij chi ri xeken y xkitaqij e ri Cristo, xa ma xekolotej ta.

Hechos 21:5

Atoq xeqꞌax ri wuquꞌ qꞌij, xojel e chuchiꞌ ri tinamit, y konojel ri hermanos, ri kixjayil y ri kalkꞌuaꞌl xojbꞌekiyaꞌ chuchiꞌ ri mar. Chiriꞌ xojxukeꞌ chin xqabꞌen orar.

Hechos 13:36

Kin qetzij wi chi ri David atoq xkꞌojeꞌ chochꞌulew, xerutoꞌ ri wineq achel xrajoꞌ ri Dios, pero xken y xmuq apeꞌ emuqul ri rute-rutataꞌ y kin xqꞌey wi qa ri ru-cuerpo.

San Lucas 22:41

Y ri Jesús xeruyaꞌ kan, y xbꞌa apu achel kami apeꞌ ndeqaqa jun abꞌej atoq ndatorij e pa awuchuqꞌaꞌ, xxukeꞌ qa chin ndubꞌen orar,

1 Tesalonicenses 5:10

ri xken qoma, chin keriꞌ, si kꞌa roj kꞌes o roj kamineq chi e, kin kꞌo qakꞌaslen rikꞌin rijaꞌ.

1 Corintios 15:6

Kꞌariꞌ, xukꞌut riꞌ chikiwech más e 500 hermanos kimolon kiꞌ, y chikiwech ri 500 riꞌ, ekꞌiy ri kꞌa ekꞌes wokami, pero ekꞌo jujun ri xeken yan e.

San Mateo 27:52

Ri kikꞌojlibꞌel ri animaꞌiꞌ xejaqatej, y santienta wineq ekamineq ri xkikꞌuaj chojmilej kꞌaslen chuwech ri Dios xekꞌastajbꞌex pe.

1 Corintios 11:30

Romariꞌ, ekꞌo ekꞌiy chiꞌikajal ri maneq kuchuqꞌaꞌ, chꞌaqa ngeyawej y hasta ekꞌo ekamineq.

1 Corintios 15:51

Tiwakꞌaxaj utz-utz ri ewan kan rubꞌeyal ojer roma ri Dios pa ruwiꞌ ri ndebꞌanatej, ri niqꞌalajrisaj wokami chiwech: Ma roj qonojel ta ngojken e, pero roj qonojel ndibꞌan kꞌakꞌakꞌ chare ri qa-cuerpo.

San Juan 11:11

Y atoq ri Jesús xukꞌis rubꞌixik ri tzij riꞌ, xubꞌij chuqaꞌ: Ri Lázaro ri santienta ndiqajoꞌ, wokami ndiwer, y riyin ngibꞌa chin nekꞌasoj.

2 Timoteo 4:16

Atoq nabꞌey mul xinukꞌuꞌex pa qꞌatbꞌel tzij, nixta jun xkꞌojeꞌ wikꞌin chin xirutoꞌ, xa konojel xinkiyaꞌ kan nuyon. Y riyin ma niwojoꞌ ta chi ri Dios xtubꞌen rukꞌexel chake roma ri ma xinkitoꞌ ta.

2 Pedro 3:4

Rejeꞌ ndikibꞌilaꞌ: Si bꞌiꞌin kan chi ri Jesucristo nduqaqa chik jumbꞌey, ¿achike kꞌa roma kꞌajani tuqaqa? Porque kꞌiy chik tiempo keken e ri nabꞌey teq wineq ri xetaqin, y nixta jun achike jalatajneq ruwech. Kin achel atoq xbꞌan ri rochꞌulew pa nabꞌey, kꞌa junajaꞌ rubꞌanun wokami.