Hechos 6:7 - Kaqchikel Santo Domingo (Xenacoj)

⁷ Y ri rutzij ri Dios bꞌaneq más rutzijol, y qꞌij-qꞌij pa tinamit Jerusalén ngekꞌiyer más ri kitaqin ri Ajaw, y ekꞌiy chuqaꞌ sacerdotes israelitas ngeniman chuwech ri Dios roma ndikitaqij ri Jesús.

နောက်ထပ်ဗားရှင်းများ

Kaqchikel Santa Maria de Jesus

⁷ Y ri ruchꞌabꞌal ri Dios riqꞌuin ruchukꞌaꞌ bꞌanak, y ncaꞌqꞌuiyir jeꞌ ri discípulos chireꞌ pa tanamet Jerusalén. Y iqꞌuiy jeꞌ chiquivach ri sacerdotes ri niquicukubꞌaꞌ quicꞌuꞌx riqꞌuin ri Jesucristo.

Kaqchiquel Bible

⁷ Ri ruch'abel ri Dios rik'in ruchuq'a' beneq, y yek'iyer k'a chuqa' ri nimanela' ri chiri' pa tinamit Jerusalem. Y e janila k'a chuqa' chike ri sacerdote ri yeniman.

Kaqchikel Central Guatemala

⁷ Y ri ruch'abel ri Dios riq'uin ruchuk'a' benek, y yeq'uiyer c'a chuka' ri nimanela' ri chiri' pa tinamit Jerusalem. Y e janíla c'a chuka' chique ri sacerdotes ri yeniman.

Re C'ac'a Testamento pa Kach'abal

⁷ Y re ruch'abal re Dios riq'uin ruchuk'a' binak, y camas ye'q'uier re ye'niman chin re Jesús y chuka' je q'uiy chique re sacerdotes re ye'niman, y ronojel re' pa tenemit Jerusalén xbanataj-va.

Kaqchikel Western Solola

⁷ Y ri ruch'abel ri Dios riq'ui ruchuk'a' benak, y yeq'uiyer c'a chuka' ri yeniman chiri' pa tinamit Jerusalem. Y ye q'uiy c'a chuka' chique ri sacerdotes ri yeniman.

Hechos 6:7 ပူးပေါင်းရင်းမြစ်များ

Hechos 19:20

Y keriꞌ, ri rutzij ri Ajaw rikꞌin ruchuqꞌaꞌ bꞌaneq rutzijol chikikajal ri wineq, y ekꞌiy más ngetaqin richin.

Hechos 12:24

Pero ri rutzij ri Dios más bꞌaneq rutzijol chi nej chi naqaj, y más ekꞌiy ri ngetaqin richin.

Colosenses 1:6

Ri utzulej teq tzij chin kolotajik xbꞌeqaqa rutzijol chiꞌikajal, y jabꞌel ndikꞌiy y ndiwachin achel jun tikoꞌ. Ri utzulej teq tzij riꞌ kꞌiyineq nojel apeꞌ chuwech ri rochꞌulew y kꞌiyineq chuqaꞌ chiꞌikajal rix, xe jampeꞌ xiwetamaj y qetzij xikꞌoxomaj pe ri ru-favor ri Dios.

Hebreos 5:9

Y roma xubꞌen nojel ri achike roma xtaq pe chochꞌulew, rijaꞌ xok Kolonel ri nduyaꞌ kolotajik chin jumul chake konojel ri ngeniman richin.

Romanos 16:26

pero chupan re tiempo rojkꞌo, xqꞌalajrisex chiqawech. Y achel kiqꞌalajrisan kan ri profetas chi kꞌo jun qꞌij ndibꞌanatej, y achel chuqaꞌ rubꞌanun kan mandar ri Dios ri kin jumul kꞌo, roj ndiqayaꞌ rutzijol chake ri jalajaj kiwech wineq chochꞌulew chi tikitaqij ri Jesucristo y tikinimaj rutzij.

Romanos 1:5

Y roma ri xubꞌen ri Jesucristo, y chin ndinimrisex rubꞌiꞌ, xyoꞌox favor chaqe chin xojok ru-apóstoles y romariꞌ ndiqatzijoj chake ri jalajaj kiwech wineq chochꞌulew chi tikitaqij rijaꞌ y tikinimaj rutzij.

Hechos 14:22

Y pa kibꞌey, ngekipixabꞌaj ri kitaqin ri Ajaw, chi tikikuqubꞌaꞌ más kikꞌuꞌx rikꞌin, y ndikibꞌilaꞌ kan chuqaꞌ chi roj ri qataqin ri Jesucristo ndikꞌatzin chi rikꞌin ndiqaqꞌasaj jalajaj teq kꞌayew ngojok pa ru-reino ri Dios.

Hebreos 11:8

Ri Abraham roma kuqul rukꞌuꞌx rikꞌin ri Dios, kin xniman atoq xoyox roma ri Dios, chin xbꞌa pa jun lugar ri ndusipaj ri Dios chare. Y xutzꞌen bꞌey, maske ma retaman ta apeꞌ ndibꞌa wi.

2 Timoteo 2:9

Y roma nitzijoj ri utzulej teq tzij riꞌ, niqꞌasaj kꞌayew, y hasta yin ximon pa cheꞌ achel yin ta jun itzel achi keriꞌ. Pero ri rutzij ri Dios ma qꞌaton ta rutzijoxik.

2 Tesalonicenses 1:8

Chupan ri qꞌij riꞌ, nduyaꞌ castigo chake konojel ri ma xkajoꞌ ta xketamaj runoꞌoj ri Dios, y ma xkinimaj ta ri ndubꞌij ri utzulej teq tzij chin kolotajik ri ndichꞌaꞌa pa ruwiꞌ ri Qajaw Jesús.

Hechos 21:20

Atoq rejeꞌ xkakꞌaxaj ri xubꞌij ri Pablo, xkiyaꞌ ruqꞌij ri Dios, y kereꞌ xkibꞌij chare: Hermano Pablo, rat awetaman janipeꞌ teq miles israelitas kitaqin ri Ajaw, y konojel ndikitij kiqꞌij ndikibꞌen ri ndubꞌij chupan ri ley xyoꞌox chare ri Moisés.

Hechos 13:8

Ri Barjesús ri bꞌanuy magia, ndibꞌix chuqaꞌ Elimas chare, porque Elimas pa chꞌabꞌel griego ndubꞌij tzij bꞌanuy magia. Y atoq ri Bernabé y ri Saulo xebꞌeqaqa chuwech ri Sergio Paulo, ri Elimas ndutij ruqꞌij nduqꞌatalaꞌ ruwech kitzij ri Saulo, chin keriꞌ ri Sergio Paulo ma tutaqij ri Ajaw Jesús.

San Juan 12:42

Maske keriꞌ bꞌiꞌin kan chikij ri israelitas, ekꞌo santienta ri xkitaqij ri Jesús, hasta ekꞌo jujun achiꞌaꞌ israelitas kꞌo uchuqꞌaꞌ pa kiqꞌaꞌ ri xkitaqij, pero roma kixibꞌin kiꞌ chi ngeꞌoqotex pe pa sinagoga koma ri fariseos, ma xkibꞌij ta chi xkitaqij.

San Lucas 2:34

Ri Simeón xerubꞌen bendecir y kereꞌ chuqaꞌ xubꞌij chare ri María ri ruteꞌ ri akꞌual: Tawakꞌaxaj re nibꞌij chawa: Re jun akꞌual reꞌ xtubꞌen chi ekꞌo israelitas ndikiyaꞌ kan ri Dios y xtubꞌen chuqaꞌ chi ekꞌo ri nditzolij pe kánima rikꞌin ri Dios. Rijaꞌ ndok jun etal chikiwech, pero ekꞌiy ngeyakatej chirij,

San Mateo 19:30

Pero ekꞌiy ri nim kiqꞌij chupan re tiempo rojkꞌo, maneq ok kiqꞌij ndekꞌojeꞌ chupan ri tiempo más chiqawech apu, y ekꞌiy ri maneq ok kiqꞌij chupan re tiempo rojkꞌo, kin nim kiqꞌij xtikꞌojeꞌ.

Hechos 2:47

Ndikiyalaꞌ ruqꞌij ri Dios y kin yalan ngetzꞌat koma ri wineq. Y ri Ajaw qꞌij-qꞌij ndubꞌen chi más ngekꞌiyer, porque ngerukal ri wineq ri rubꞌanun ruwech chi ngekolotej.

Hechos 6:1

Chupan teq ri qꞌij atoq ngekꞌiyer más ri kitaqin ri Ajaw, ri israelitas ri ngechꞌaꞌa pa chꞌabꞌel griego ma ngekikot ta rikꞌin ri achike modo ndibꞌan chare ri rujachik ri kitoꞌik ri malkaꞌ teq ixoqiꞌ ri ndibꞌan qꞌij-qꞌij, romariꞌ kereꞌ xkibꞌij chake ri apóstoles: Ma junan ta ri ndiyoꞌox chake ri malkaꞌ teq ixoqiꞌ chiqakajal roj ri ngojchꞌaꞌa pa chꞌabꞌel griego, rikꞌin ri ndiyoꞌox chake ri malkaꞌ teq ixoqiꞌ ri ngechꞌaꞌa pa chꞌabꞌel hebreo, ngechajeꞌ.

Gálatas 1:23

Xaxe kakꞌaxan chuwij chi riyin ri jun tiempo kan, xentzeqlebꞌej ri kitaqin ri Cristo chin xinbꞌen itzel chake y xinwojoꞌ xinkꞌis kiqꞌij, pero xa kin xjalatej ri nukꞌaslen y wokami nitzijoj chake ri wineq ri utzulej teq tzij chin kolotajik ri ndubꞌij chi ndikꞌatzin ndikitaqij ri Cristo.

Gálatas 6:10

Romariꞌ, janipeꞌ na mul ngojtiker, tiqabꞌanaꞌ ri utz chake konojel, pero más chake ri kitaqin chik ri Cristo.

Judas 1:3

Rix ri tzꞌan ngixinwojoꞌ, riyin kin nutijon nuqꞌij chi nutzꞌibꞌan e jun wuj chiwa pa ruwiꞌ ri kolotajik yoꞌon chaqe. Pero xinnaꞌ pa wánima nitzꞌibꞌaj e re wuj reꞌ chiwa, chin ngixinpixabꞌaj chi tipabꞌaꞌ iwiꞌ chikiwech ri ndikajoꞌ ndikijel qa rubꞌeyal ri tijonik ri xe jumbꞌey y chin jumul ruyoꞌon kan ri Dios chaqe roj ri loqꞌolej rutinamit.

Judas 1:20

Pero rix ri tzꞌan ngixinwojoꞌ, tikꞌiytisaj ri ikꞌaslen chupan ri loqꞌolej tijonik itaqin, tijonik ri pataneq rikꞌin ri Dios, y tiyaꞌ qꞌij chi ri Espíritu Santo ndukꞌuan iwichin pa oración.