Hechos 5:9 - Kaqchikel Santo Domingo (Xenacoj)

⁹ Ri Pedro xubꞌij chare: ¿Achike roma xibꞌen ruwech chi xiwojoꞌ xichꞌakatij ri Espíritu Santo chin ri Ajaw? Tatzꞌetaꞌ chi ri xebꞌemuqu ri awachijil ekꞌo pe chi puerta chin ngatekimuquꞌ chuqaꞌ rat.

နောက်ထပ်ဗားရှင်းများ

Kaqchikel Santa Maria de Jesus

⁹ Y ri Pedro xuꞌej cꞌa cha: ¿Karruma ixreꞌ xixcꞌujieꞌ de acuerdo chi xiꞌan chi man nquixrutzꞌat ta pa ri Ru-Espíritu ri Ajaf? Ya ncaꞌlka chuchiꞌ ri puerta ri xaꞌbꞌamukuꞌ richin ri avachajil y ncatquilasaj-el jeꞌ atreꞌ, xchaꞌ.

Kaqchiquel Bible

⁹ Jak'a ri Pedro xubij chire: ¿Achike roma rix kan xiben chi achi'el xa ta man yixrutz'et ta pe ri Loq'olej Espíritu richin ri Dios? Roma ri' ri awachijil jari' xbemuq kan. Y ri e beneq muquy richin, jari' ye'ok yan pe, richin keri' yatokik'ama' chik el rat, richin yatbekimuqu' kan chuqa', xcha'.

Kaqchikel Central Guatemala

⁹ Pero ri Pedro xubij c'a chire: ¿Achique c'a roma rix can xiben chi man yixrutz'et ta pe ri Lok'olej Espíritu richin ri Ajaf Dios? ¿Achique roma rix can xiya' chivech chi xiben queri'? Romari' ri avachijil jari' xbemuk can. Y ri e benek mukuy richin, jari' ye'oc yan pe, richin queri' yatoquic'ama' chic el rat, richin yatbequimuku' can chuka', xcha'.

Re C'ac'a Testamento pa Kach'abal

⁹ Pero re Pedro xubij cha: ¿Anchique roma yex can xibij che man yixrutz'at-ta-pa re Espíritu Santo chin re Ajaf Dios? ¿Anchique roma yex can xiya' chivach che xiban quire'? Mare' re avchijil xbemuk-yan can. Y re xe'ba chumukic xa chire-oc je'pitinak-va, chin quire' yatequic'ama' chic rat, chin yatequimuku' can chuka', xcha' cha re ixok.

Kaqchikel Western Solola

⁹ Yac'a ri Pedro xubij c'a chare: ¿Achique c'a ruma riyix can xiben chi ma yixrutz'et ta pe ri Lok'olaj Espíritu riche (rixin) ri Ajaf Dios? ¿Achique ruma riyix can xiya' chiwech chi xiben queri'? Rumari' ri awachijil yari' xbemuk ca. Y ri ye benak chumukic, ya xa ye'oc pe, riche (rixin) chi queri' yatoquic'ama' chic el riyit, riche (rixin) chi yatbequimuku' chic ca.

Hechos 5:9 ပူးပေါင်းရင်းမြစ်များ

1 Corintios 10:9

Ma tiqayek chuqaꞌ royowal ri Ajaw pa qawiꞌ, achel xkibꞌen ekꞌiy chikikajal rejeꞌ y xeken roma xetiꞌox koma kumetz.

Romanos 3:19

Pa ruwiꞌ ri qabꞌiꞌin pe, qetaman chi ri ley xyoꞌox chare ri Moisés, chake ri ekꞌo chuxeꞌ ri ley riꞌ ndichꞌaꞌa. Rikꞌin riꞌ ndiqꞌalajin chi nixta jun xtitiker xtubꞌij chi maneq rumak chuwech ri Dios. Konojel kin rukꞌulun chi ndiyoꞌox castigo chake.

Hechos 15:10

Y wokami nitzꞌet chi rix ndiwojoꞌ ndiyek royowal ri Dios porque ndiwojoꞌ ndiyaꞌ eqaꞌ chokacheq ri kitaqin chik ri Ajaw, eqaꞌ ri nixta ri ojer teq qatit-qamamaꞌ xetiker xkikꞌuaj y nixta roj.

San Lucas 16:2

Ri rajaw xroyoj y xubꞌij chare: ¿Achike rubꞌeyal ri niwakꞌaxaj chawij? Tan, tajachaꞌ cuenta chuwa achike abꞌanun rikꞌin ri méra nuyoꞌon pa aqꞌaꞌ, porque ma niyaꞌ ta chik pa aqꞌaꞌ chi ndasamajij ri nubꞌeyomal.

San Mateo 4:7

Y ri Jesús xubꞌij chare: Tzꞌibꞌan kan chuqaꞌ chupan ri rutzij ri Dios: Ma tatojtobꞌej ri Awajaw Dios, chin ta ndubꞌen ri ndawojoꞌ rat.

Romanos 10:15

Y, ¿achike modo xkebꞌa ri ngeyoꞌon utzulej rutzijol ri Cristo si ma jun nditaqo e kichin? Porque chupan ri rutzij ri Dios kereꞌ ndubꞌij: ¡Kin tzꞌan ndikikot ri awánima, atoq ngetuqaqa ri ekꞌamayon pe rutzijol ri utzulej teq tzij chin kolotajik! Keriꞌ ndubꞌij ri rutzij ri Dios.

Hechos 5:6

Ja atoq riꞌ xejel apu chiriꞌ jujun teq kꞌajolaꞌ, xkibꞌir pa jun kꞌul ri Ananías, y xbꞌekimuquꞌ.