Hechos 5:5 - Kaqchikel Santo Domingo (Xenacoj)

⁵ Atoq ri Ananías xrakꞌaxaj keriꞌ, xtzaq qa pa ulew y xken. Y konojel ri xeꞌakꞌaxan ri xukꞌulwachij ri Ananías, tzꞌan xibꞌriꞌil xpuꞌun pa kánima.

နောက်ထပ်ဗားရှင်းများ

Kaqchikel Santa Maria de Jesus

⁵ Y ri Ananías, joꞌc xraꞌxaj ri tzij ri xuꞌej ri Pedro, xtzak-ka y xcon. Y quinojiel ri xaꞌcꞌaxan ri xbꞌanataj, xpa cꞌa jun gran xibꞌinreꞌl chiquij.

Kaqchiquel Bible

⁵ Y ri Ananías kan xaxe k'a xrak'axaj ri ch'abel ri xerubij ri Pedro, xken y xtzaq-qa. Y konojel k'a ri xe'ak'axan ri xbanatej, xpe k'a janila xibinri'il chike.

Kaqchikel Central Guatemala

⁵ Y ri Ananías, ri achin ri xc'ayin ri ulef, can xe c'a xrac'axaj ri ch'abel xerubij ri Pedro, xquen-ka (xcom-ka). Y conojel c'a ri xe'ac'axan ri xbanatej, xpe c'a jun xibinri'il chique janíla.

Re C'ac'a Testamento pa Kach'abal

⁵ Y re Ananías, can xe xuc'axaj re tzij re xe'rubij re Pedro, xtzak-ka y xcom. Y conojel re xe'c'axan re xbanataj, camas xquixibij-qui'.

Kaqchikel Western Solola

⁵ Y ri Ananías, ri achi ri xc'ayin ri ulef, can xaxu (xaxe wi) c'a xrac'axaj ri ch'abel ri xerubij ri Pedro, xcom ka. Y quinojel c'a ri xe'ac'axan ri xbanatej, xpe c'a jun nimalaj xibinri'il chique.

Hechos 5:5 ပူးပေါင်းရင်းမြစ်များ

Hechos 2:43

Y konojel wineq ndisach kikꞌuꞌx, porque kꞌiy nimalej teq achike ri nixta jumbꞌey etzꞌeton y kꞌiy nimalej teq retal ruchuqꞌaꞌ ri Dios ngebꞌanatej chikiqꞌaꞌ ri apóstoles.

Apocalipsis 11:13

Y ja atoq riꞌ xbꞌanatej jun nimalej kobꞌraqen, y jun lajuj parte chin ri nimalej tinamit xwuluwuꞌ, y xeken wuquꞌ mil wineq. Y ri ma xeken ta, santienta xkixibꞌij kiꞌ y xkiyaꞌ ruqꞌij ri aj chikaj Dios.

Apocalipsis 11:5

Y xa achike na jun ri ndirajoꞌ ndubꞌen itzel chake, ma nditiker ta, porque pa kichiꞌ ri ekaꞌiꞌ riꞌ ndel pe qꞌaqꞌ ri achoq ikꞌin ngekiporoj ri itzel ngetzꞌeto kichin. Keriꞌ ri kamik ndukꞌulwachij xa achike na ri ndirajoꞌ ndubꞌen itzel chake.

2 Corintios 13:2

Atoq xixbꞌentzꞌetaꞌ pa rukamul, xinbꞌij kan chake ri xebꞌanun mak y chiwa rix iwonojel, y wokami ri ma yinkꞌo ta apu iwikꞌin, nikamuluj chi e rubꞌixik chiwa: Atoq xkixbꞌentzꞌetaꞌ chik jumbꞌey, nixta jun ri ndibꞌanun mak chiꞌikajal xtinpoqonaj ruwech.

2 Corintios 7:11

¡Tiyaꞌ cuenta chare ri jarupeꞌ utz xukꞌen pe chiwa ri bꞌis ri xuyaꞌ qꞌij ri Dios chi xiqꞌasaj! Xubꞌen chi xichojmirisaj ri ma utz ta xbꞌanatej chiꞌikajal, chi xikꞌut chi ma ja ta rix ri kꞌo imak rikꞌin ri xbꞌanatej, chi ma xqaꞌ ta chiwech ri xbꞌanatej, chi xixibꞌij qa iwiꞌ. Xubꞌen chuqaꞌ chi xiwojoꞌ xinitzꞌet, chi ma xixkꞌojeꞌ ta chupan ri xbꞌanatej, y chi xiyaꞌ castigo chare ri xbꞌanun mak chin xkꞌaj ruwech. Y rikꞌin ri keriꞌ xibꞌen, xixqꞌalajin chi rix maneq imak rikꞌin ri xbꞌanatej chiꞌikajal.

1 Corintios 4:21

¿Achike ndiwojoꞌ rix? ¿Ndiwojoꞌ ngibꞌa chiꞌitzꞌetik rikꞌin chꞌolinik tzij, o rikꞌin tzij ri ndukꞌut jarupeꞌ ngixinwojoꞌ y rikꞌin loqꞌ wánima?

Hechos 13:11

Wokami ndiqaqa ruchuqꞌaꞌ royowal ri Ajaw pa awiꞌ, ngasoqꞌir y jun tiempo ma ndatzꞌet ta ri qꞌij, xucheꞌex. Y qꞌequ-qꞌequꞌ xubꞌen nojel chuwech y ja paqiꞌ xsoqꞌir ri Elimas, y ndimaqeq ndukanolaꞌ achike ta jun ndiyuqen chiruqꞌaꞌ.

Hechos 5:13

Pero nixta jun chikikajal ri ma kitaqin ta ri Ajaw ndukowij riꞌ chin ta ndok kachibꞌil ri kitaqin ri Ajaw. Pero ri kitaqin chik ri Ajaw, utz ngetzꞌat koma ri wineq.

2 Corintios 13:10

Romariꞌ nitzꞌibꞌaj e re wuj reꞌ chiwa wokami re kꞌajani kibꞌa chiꞌitzꞌetik, chin keriꞌ atoq xkibꞌeqaqa chiriꞌ, ri uchuqꞌaꞌ ruyoꞌon ri Ajaw pa nuqꞌaꞌ, ma nikusaj ta chin ngixinchꞌolij, porque ri uchuqꞌaꞌ riꞌ, ma chin ta chꞌolinik, xa chin ngixkꞌiy chupan ri kꞌakꞌakꞌ kꞌaslen ruyoꞌon ri Dios chiwa, y ma chin ta nikꞌis iqꞌij.