Hechos 5:17 - Kaqchikel Santo Domingo (Xenacoj)

¹⁷ Pero ri más nimalej ruqꞌij sacerdote junan kikꞌin ri bꞌotzaj teq achiꞌaꞌ saduceos, tzꞌan itzel ndikinaꞌ pa kánima chikij ri apóstoles,

နောက်ထပ်ဗားရှင်းများ

Kaqchikel Santa Maria de Jesus

¹⁷ Pero ri sacerdote ri más cꞌo rukꞌij y ri achiꞌaꞌ saduceos ri icꞌo riqꞌuin, itziel ncaꞌquitzꞌat ri apóstoles.

Kaqchiquel Bible

¹⁷ Jak'a ri nimalej sacerdote y jujun chike ri saduceo itzel k'a nikina' chike roma ri nikiben.

Kaqchikel Central Guatemala

¹⁷ Pero ri nimalej sacerdote e rachibilan ri achi'a' quibini'an saduceo, itzel c'a niquina' chique ri apóstoles roma ri yetiquir niquiben.

Re C'ac'a Testamento pa Kach'abal

¹⁷ Pero re namalaj sacerdote je ruchibil re achi'a' quibini'an saduceos, itzel niquina' chique re apóstoles.

Kaqchikel Western Solola

¹⁷ Pero ri nimalaj sacerdote ye rachibilan ri achi'a' ri nibix saduceos chique, itzel c'a niquina' chique ri apóstoles.

Hechos 5:17 ပူးပေါင်းရင်းမြစ်များ

San Mateo 27:18

Keriꞌ xubꞌij ri Pilato chake, porque retaman chi ri xejacho ri Jesús pa ruqꞌaꞌ, xkijech roma ndiququt kánima chirij.

San Mateo 3:7

Pero atoq xerutzꞌet chi ekꞌiy fariseos y saduceos ngebꞌeqaqa chin ngerubꞌen bautizar, rijaꞌ kereꞌ xubꞌij chake: ¡Rix xa rix achel kal itzel teq kumetz! ¿Achike xbꞌiꞌin chiwa chi kixanimej chuwech ri castigo pataneq?

San Juan 12:10

Romariꞌ ri sacerdotes israelitas ri más kꞌo ruchuqꞌaꞌ kitzij, jun ruwech kitzij xkibꞌen chin ndikikamisaj chuqaꞌ ri Lázaro.

San Juan 12:19

Romariꞌ, ri fariseos ndikibꞌilaꞌ chikiwech: Titzꞌetaꞌ kꞌa, ma jun chik achike ngojtiker ndiqabꞌen chin ndiqaqꞌet ri ndubꞌen re jun achi reꞌ, porque konojel wineq ebꞌaneq chirij.

Hechos 13:45

Pero ri israelitas ri ma ndikitaqij ta ri Jesús, atoq xkitzꞌet chi santienta wineq kimolon kiꞌ kikꞌin ri Pablo y ri Bernabé, ndiququt kánima chikij, y ndikibꞌilaꞌ tzij chupalej ri Pablo y ndikibꞌij chi ri tijonik nduyaꞌ ma qetzij ta.

Hechos 15:5

Pero jujun teq fariseos ri kitaqin ri Ajaw Jesús xeyakatej y kereꞌ xkibꞌij: Ri ma israelitas ta ri xkitaqij ri Ajaw, ndikꞌatzin chi ngebꞌan circuncidar, y ndikꞌatzin chi ndibꞌan mandar chake chi tikinimaj ri ley ri xyoꞌox chare ri Moisés, xechajeꞌ.

Hechos 17:5

Pero ri israelitas ri ma xkitaqij ta ri xubꞌij ri Pablo, xququt kánima chikij, y xekimal lutz teq wineq itzel kinoꞌoj, y ma xe ta riꞌ xkibꞌen, xa xekimal ekꞌiy wineq chuqaꞌ, chin xekiyek ri tinamit chikij ri Pablo y ri Silas. Ri israelitas riꞌ xeꞌok pa rachoch jun achi rubꞌiniꞌan Jasón chin xebꞌekikanoj pe ri Pablo y ri Silas, porque ndikajoꞌ ngekijech pa kiqꞌaꞌ ri wineq.

Hechos 4:26

Xkimal kiꞌ ri reyes chin ri rochꞌulew, y ri kꞌo uchuqꞌaꞌ pa kiqꞌaꞌ pa kiwiꞌ teq tinamit, Chin xeyakatej chuwij riyin ri Ajaw, Y chirij ri Jun ri niteq chukolik ri nutinamit.

Hechos 4:6

Kꞌo apu chiriꞌ ri más nimalej ruqꞌij sacerdote Anás, keriꞌ chuqaꞌ ri Caifás, ri Juan, ri Alejandro, y chꞌaqa chik koxpochel ri más nimalej teq kiqꞌij sacerdotes.

Hechos 5:16

Keriꞌ chuqaꞌ ekꞌiy wineq aj pa teq tinamit ri ekꞌo chunaqaj ri Jerusalén, xepuꞌun pa tinamit Jerusalén kikꞌamaloꞌon pe ri ngeyawej y ri ndikiqꞌasaj kꞌayew roma kꞌo seqꞌ teq espíritu pa kikꞌaslen, y konojel xekꞌachojrisex.

Hechos 7:9

Ri erukꞌajol ri Jacob itzel xkinaꞌ pa kánima chirij ri kichaqꞌ José, romariꞌ xkikꞌayij e, y ri José xukꞌuꞌex pa rochꞌulew Egipto. Pero ri José ma jumbꞌey xyoꞌox kan roma ri Dios.

Gálatas 5:21

Itzel ndikinaꞌ chare roma utz kibꞌanun chꞌaqa chik, ndikiqꞌabꞌarisaj kiꞌ, ndikibꞌen nimaqꞌij ri apeꞌ apux teq achike ngekibꞌanalaꞌ, y ngekibꞌanalaꞌ chꞌaqa chik itzel teq achike achel re ngojtajin chubꞌixik. Y riyin nikamuluj rubꞌixik ri nubꞌiꞌin kan chiwa xe pa nabꞌey, chi ri ngebꞌanun itzel teq achike achel ri kꞌaja ok xqabꞌij, ma ngeꞌok ta chupan ri ru-reino ri Dios.

Santiago 4:5

Ma tinojij rix chi maneq reqalen ri tzꞌibꞌan kan chupan ri rutzij ri Dios ri kereꞌ ndubꞌij: Ri Dios santienta ndirajoꞌ ri espíritu ri ruyoꞌon chaqe. Keriꞌ tzꞌibꞌan kan.

1 Pedro 2:1

Romariꞌ, rix tiyaꞌ kan nojel ri itzel teq achike kꞌo pa iwánima chikij chꞌaqa, tiyaꞌ kan nojel ruwech chꞌakatinik, ri kaꞌiꞌ ipalej, ri itzel ndinaꞌ chare roma utz kibꞌanun chꞌaqa chik, y nojel itzel teq tzij ri ndikusaj chin ndiqasaj kiqꞌij chꞌaqa.