Hechos 3:19 - Kaqchikel Santo Domingo (Xenacoj)

¹⁹ Romariꞌ, tiyaꞌ chiwij chi ma utz ta ri xibꞌen, titzolij pe iwánima rikꞌin ri Dios y titaqij ri Jesús, chin ndikuyutej ri imak.

နောက်ထပ်ဗားရှင်းများ

Kaqchikel Santa Maria de Jesus

¹⁹ Vacame titzalaj-pa ivánima riqꞌuin ri Dios y tibꞌanaꞌ ri nrajoꞌ jajaꞌ y ticꞌaxaꞌ ri icꞌaslien, chi quireꞌ niꞌan perdonar ri i-pecados. Y xcaꞌpa tiempos richin uxlanien, antok ri Ajaf xticꞌujieꞌ chiꞌicajol.

Kaqchiquel Bible

¹⁹ Wakami titzolej k'a pe ik'u'x rik'in ri Dios, y tijalatej ri ik'aslen, richin keri' nikuyutej y nisachatej ri imak. Y xkepe k'a q'ij richin uxlanen toq ri ajaw kan k'o chik iwik'in.

Kaqchikel Central Guatemala

¹⁹ Vacami titzolej c'a pe ic'u'x riq'uin ri Ajaf Dios y tijalatej ri ic'aslen, richin queri' nicuyutej y nisachatej ri imac. Y xquepe c'a tiempos richin uxlanen tok ri Ajaf can c'o chic iviq'uin.

Re C'ac'a Testamento pa Kach'abal

¹⁹ Mare' vocame titzolaj-pa ivánma riq'uin re Ajaf Dios y tijalataj re ic'aslen chach, chin quire' nicuyutaj re imac. Y xque'pa tiempo chin uxlanen tak re Ajaf Dios can c'o chic iviq'uin.

Kaqchikel Western Solola

¹⁹ Wacami titzolin c'a pe ic'u'x riq'ui ri Ajaf Dios y tijalatej ri ic'aslen, riche (rixin) chi queri' nicuyutej y nisachatej ri imac. Y xquepe c'a tiempo riche (rixin) uxlanen tek ri Ajaf c'o chic iwuq'ui.

Hechos 3:19 ပူးပေါင်းရင်းမြစ်များ

Hechos 2:38

Ri Pedro xubꞌij chake: Tijalaꞌ ri itzel inoꞌoj ibꞌanun chare ri Jesús y titaqij pa iwánima, y pa rubꞌiꞌ rijaꞌ tibꞌanaꞌ bautizar iwiꞌ, chin ndikuyutej imak, y keriꞌ ndiyoꞌox pa iwánima ri Espíritu Santo, ri loqꞌolej sipanik sujun kan.

San Mateo 18:3

y kereꞌ xubꞌij chake: Kin qetzij nibꞌij chiwa, si rix ma ndijel ta inoꞌoj, y ndibꞌen qa achel kinoꞌoj chꞌuteq akꞌolaꞌ, ma ngixok ta chupan ri ru-reino ri aj chikaj Dios.

San Mateo 13:15

Porque ri kánima re tinamit reꞌ abꞌej rubꞌanun, Ma ndok ta pa kixikin ri ndibꞌix chake, kiyupun kiwech chin ma ngetzuꞌun ta, Keriꞌ rubꞌanun kánima chin ma ndeqꞌax ta rubꞌeyal chikiwech ri ndikitzꞌet, chin ma ndikikꞌoxomaj ta ri ndikakꞌaxaj, y chin ma ketaqin pa kánima. Ma kꞌateꞌ xtikiyaꞌ kan ri mak y xtitzolij pe kánima wikꞌin, Y riyin xtinchojmirisaj ri kikꞌaslen. Keriꞌ xubꞌij ri Dios, ri ruqꞌalajrisan kan ri Isaías.

2 Tesalonicenses 1:7

Y rix ri ndibꞌan itzel chiwa, ri Dios kin pa ruchojmil ndubꞌen chi nduyaꞌ uxlanen chiwa junan qikꞌin roj chupan ri qꞌij atoq ri Ajaw Jesús nduqꞌalajrisaj riꞌ chikaj chupan ruxaq teq qꞌaqꞌ, achibꞌilan pe koma ri ru-ángeles ri yoꞌon pe nimalej uchuqꞌaꞌ chake.

Hechos 11:21

Ri ruchuqꞌaꞌ ri Ajaw kin kꞌo pa kiwiꞌ ri achiꞌaꞌ riꞌ, y kꞌiy wineq xkitaqij ri xkibꞌij, y xkiyaꞌ kánima rikꞌin ri Ajaw.

2 Pedro 3:8

Pero rix hermanos ri tzꞌan ngixinwojoꞌ, ma timestaj chi chare ri Ajaw, jun qꞌij achel 1,000 junaꞌ, y 1,000 junaꞌ achel jun qꞌij keriꞌ.

Hechos 28:27

Keriꞌ taꞌabꞌij, porque ri kánima re tinamit reꞌ abꞌej rubꞌanun. Ma ndok ta pa kixikin ri ndibꞌix chake, Kiyupun kiwech chin ma ngetzuꞌun ta, Keriꞌ rubꞌanun kánima chin ma ndeqꞌax ta rubꞌeyal chikiwech ri ndikitzꞌet, nixta ndikikꞌoxomaj ri ndikakꞌaxaj, Chin keriꞌ ma ngetaqin ta pa kánima, Ma kꞌateꞌ xtikiyaꞌ kan ri mak y xtitzolij pe kánima wikꞌin, Y riyin xtinchojmirisaj ri kikꞌaslen, ndichajeꞌ ri Espíritu Santo.

1 Pedro 2:25

Porque rix jumbꞌey kan, rix achel karneꞌl sachineq bꞌey chikiwech, pero wokami xtzolij pe iwánima rikꞌin ri Cristo ri Yuqꞌunel y Chajinel chin ri iwánima.

2 Tesalonicenses 1:10

Nojel reꞌ ndibꞌanatej chupan ri qꞌij atoq ri Ajaw nduqaqa, chin keriꞌ ri loqꞌolej rutinamit ndikiyaꞌ ruqꞌij y chin chuqaꞌ ndisach kikꞌuꞌx chirij konojel ri xetaqin richin. Y chikikajal ri xetaqin rixkꞌo rix, porque xitaqij chuqaꞌ ri utzulej teq tzij chin kolotajik ri xqatzijoj kan chiwa.

Hechos 11:18

Atoq ri israelitas ri kitaqin ri Jesucristo pa tinamit Jerusalén xkakꞌaxaj ri xubꞌij ri Pedro, ma jun chik achike xkichꞌojij chare, xa kin xkiyaꞌ ruqꞌij ri Dios rikꞌin ri kereꞌ xkibꞌij: ¡Wokami kin qetzij qetaman chi jajun chake ri ma israelitas ta, ri Dios ruyoꞌon qꞌij chi ndikijel kinoꞌoj y ndikiyaꞌ kánima rikꞌin, chin ndikil ri kꞌaslen ma ndikꞌis ta!

San Lucas 1:16

Atoq ndok pe intéra, ndubꞌen chi santienta israelitas nditzolij pe kánima rikꞌin ri Dios, ri kin Kajaw rejeꞌ.

Romanos 11:25

Hermanos, riyin niwojoꞌ chi ndikꞌoxomaj ri ma kin ta qꞌalej rubꞌeyal ojer kan chupan ri tiempos eqꞌaxneq pe, pero wokami xqꞌalajrisex, chin keriꞌ ma ndinimrisaj iwiꞌ. Y ri xqꞌalajrisex, jareꞌ: Chiqakajal roj israelitas ekꞌo ekꞌiy kikowirisan ri kánima, y keriꞌ xtubꞌen ri kánima hasta kꞌa ngekolotej na konojel ri ma israelitas ta ri echaꞌon chin ngekolotej.

Hechos 17:26

Rijaꞌ xubꞌen chi rikꞌin ri nabꞌey achi xtzꞌukutej pe ri jalajaj teq kiwech wineq, chin ngekꞌojeꞌ chuwech nojel ri rochꞌulew. Ja rijaꞌ jachayon chake ri janipeꞌ ulew kꞌo pa kiqꞌaꞌ, y ja rijaꞌ bꞌiyon janipeꞌ junaꞌ ngekꞌojeꞌ chuwech ri rochꞌulew.

Hechos 15:3

Y ri ndikimal kiꞌ pa rubꞌiꞌ ri Dios pa tinamit Antioquía xkiyaꞌ e chake nojel ri ndikꞌatzin chin xkitzꞌen e bꞌey, y pa kibꞌey xeꞌeqꞌax pa rochꞌulew Fenicia y chuqaꞌ pa rochꞌulew Samaria, ndikitzijolaꞌ ri achike modo ekꞌiy ma israelitas ta xkitaqij ri Ajaw, y konojel ri hermanos chupan teq ri tinamit riꞌ tzꞌan xekikot atoq xkakꞌaxaj keriꞌ.

Hechos 3:21

Pero ndikꞌatzin chi ri Jesús ndikꞌojeꞌ chikaj, kꞌa tuqaqa na ri tiempo atoq ndibꞌan kꞌakꞌakꞌ chare nojel, achel xuqꞌalajrisaj ri Dios ojer kan chake ri loqꞌolej teq profetas chin xkibꞌij.

Hechos 1:6

Kꞌo jun qꞌij ri kimolon kiꞌ rikꞌin ri Jesús, kereꞌ xkibꞌij chare: Ajaw, ¿ja chupan re tiempo reꞌ ndayaꞌ chik jun qawinaqul chin ndubꞌen reinar pa qawiꞌ roj israelitas?

Apocalipsis 21:4

Rijaꞌ ndusuꞌ nojel ruyiꞌal teq kiwech ri koqꞌej, y chiriꞌ maneq chik kamik, y ma ngeꞌoqꞌ chi ta, nixta ngejila chi bꞌis y ma jun chik qꞌaxon ndikinaꞌ, porque nojel ri richin ri nabꞌey kꞌaslen xekꞌis yan.

2 Timoteo 2:25

Ki-kiꞌ awánima takꞌutuꞌ ruchojmil ri rutzij ri Dios chikiwech ri ndikipabꞌaꞌ kiꞌ chuwech ri qetzij, kolopeꞌ ri Dios xtisamej pa kánima chin ndijalatej ri kinoꞌoj y keriꞌ ndikiyaꞌ yan chik pa cuenta ri qetzij,

Hechos 3:20

Chin keriꞌ ri Ajaw nduteq pe pa iwiꞌ jabꞌel teq qꞌij chin ndikꞌases ri iwánima, y nduteq chi pe jumbꞌey ri Jesús ri ruchaꞌon chukolik ri rutinamit.

Hebreos 4:1

Romariꞌ, tiqabꞌanaꞌ cuenta ri qakꞌaslen, utz chi kꞌa kꞌo cheꞌel ngojok chupan ri uxlanen rusujun ri Dios. Ma kꞌateꞌ ekꞌo jujun chiꞌikajal ri ma xkeꞌok ta chupan ri uxlanen riꞌ.

San Lucas 22:57

Pero ri Pedro ma xuyaꞌ ta chirij, xa kereꞌ xubꞌij: Ixaq, riyin ma wetaman ta ruwech.