Hechos 27:20 - Kaqchikel Santo Domingo (Xenacoj)

²⁰ Kꞌiy qꞌij ma xqatzꞌet ta ri qꞌij nixta ri chꞌumilaꞌ, y roma ndubꞌajilaꞌ riꞌ santienta jabꞌ chirij ri barco, hasta xqanaꞌ chi ma ngojkolotej ta pa ruqꞌaꞌ ri yaꞌ.

နောက်ထပ်ဗားရှင်းများ

Kaqchikel Santa Maria de Jesus

²⁰ Y ruma cꞌa nem ri cakꞌiekꞌ-jobꞌ ri nimiyuon kichin, y qꞌuiy yan kꞌij ri man katzꞌatuon ta ri kꞌij ni ri estrellas (chꞌumil), rumareꞌ joꞌc chic ri kacamic kayoꞌien; can man nkojcolotaj ta chic xkanaꞌ.

Kaqchiquel Bible

²⁰ Roma kan janila nim ri kaq'iq' ri nimiyon qichin, y k'iy yan q'ij ri man qatz'eton ta ruwech ri q'ij ni kiwech ri ch'umila', roma ri' xa qakamik chik qoyoben y man chik qoyoben ta chi yojkolotej.

Kaqchikel Central Guatemala

²⁰ Y roma can janíla nim ri cak'ik' ri nimiyon kichin, y q'uiy yan k'ij ri man katz'eton ta ruvech ri k'ij ni quivech ri ch'umila', roma c'a ri' xa kacamic chic koyoben y man chic koyoben ta chi yojcolotej.

Re C'ac'a Testamento pa Kach'abal

²⁰ Y roma camas ruchuk'a' re cak'ik' re nimiyon kachin, y q'uiy-yan k'ij re man katz'eton-ta rach re k'ij y ni xe-ta quivach re ch'umil, mare' xaxe chic re kacamic kayaben y nakana' che man chic yojcolotaj-ta.

Kaqchikel Western Solola

²⁰ Y ruma can sibilaj nim ri cak'ik' ri nimiyon kiche (kixin), y q'uiy yan k'ij ri ma katz'eton ta chic ruwech ri k'ij, ni quiwech ri ch'umila', rumac'ari' xa kacamic chic koyoben y man chic koyoben ta chi yojcolotej.

Hechos 27:20 ပူးပေါင်းရင်းမြစ်များ

San Mateo 24:29

Atoq xqꞌax yan ri kꞌayew richin teq ri qꞌij riꞌ, ja ndiqꞌeqꞌumer qa ruwech ri qꞌij y ri raqen ikꞌ ma ndiyikꞌan chi ta, ri chꞌumilaꞌ ngetzaq e chuwech ri kaj, y ri nimalej teq uchuqꞌaꞌ ri erichin chikaj ngeꞌelesex pa teq kikꞌojlibꞌel.

1 Tesalonicenses 4:13

Hermanos, roj ndiqajoꞌ chi rix ndiwetamaj ri ndebꞌanatej kikꞌin ri xkitaqij ri Ajaw y xeken yan e, chin keriꞌ ma ngixbꞌison koma ri ekamineq achel ngebꞌison ri wineq ri pa kitzij rejeꞌ ma ngekꞌastajbꞌex ta pe ri animaꞌiꞌ.

Efesios 2:12

Rubꞌanun kan chuqaꞌ, rix maneq ri Cristo pa iwánima, ma rix richin ta ri tinamit Israel, ma jun iqꞌaꞌ chare ri rusujun ri Dios chupan ri pactos erubꞌanun kikꞌin ri israelitas. Xetal rixkꞌo chochꞌulew, y maneq ri Dios pa ikꞌaslen, y ma jun iwoyobꞌen chi nduyaꞌ chiwa.

2 Corintios 11:25

Oxmul yin jichꞌan chare xikꞌaꞌy y jumbꞌey yin kꞌaqon chare abꞌej. Oxmul yin bꞌaneq pariꞌ mar y ri barcos xebꞌa qa chuxeꞌ yaꞌ, jun qꞌij y junaqꞌaꞌ xikꞌojeꞌ nej apu chupan ri mar, y jubꞌama xijiqꞌ pa yaꞌ.

Hechos 27:19

Pa rox qꞌij, roma ri kaqiqꞌ ma nditaneꞌ ta, ri eꞌukꞌuayon ri barco rikꞌin kiqꞌaꞌ xekitorilaꞌ kan ri achike ndikꞌatzin chare ri barco.

Hechos 27:21

Atoq qꞌaxneq chik kꞌiy qꞌij chi nixta jun rutzaꞌ qaway qakꞌuxun, ri Pablo xpeꞌeꞌ chiqakajal y xubꞌij: Rix ri rix ukꞌuey ri barco, xa ta xitaqij ri nutzij y man ta na xqayaꞌ kan ri rochꞌulew Creta, xqakal ta qiꞌ chuwech nojel ri qaqꞌasan pe y man ta xkꞌis ri eqaꞌ xe keriꞌ.