Hechos 26:18 - Kaqchikel Santo Domingo (Xenacoj)

¹⁸ chin ndajeq kiwech, ngeꞌel pe pa qꞌequꞌ y ngekꞌojeꞌ pa luz, ngeꞌel pe chuxeꞌ ruchuqꞌaꞌ ri Satanás y ngeꞌok chuxeꞌ ruchuqꞌaꞌ ri Dios, chin nginikitaqij y ndikuyutej ri kimak. Y ndiyoꞌox chake ri sujun kan roma ri Dios chake ri chꞌajchꞌaj bꞌanun chare ri kikꞌaslen. Keriꞌ xubꞌij ri Ajaw chuwa.

နောက်ထပ်ဗားရှင်းများ

Kaqchikel Santa Maria de Jesus

¹⁸ Ncantak-el quiqꞌuin, chi quireꞌ ijejeꞌ nijakataj ri quinakꞌavach, y ncaꞌiel-pa chupan ri kꞌakuꞌn y ncaꞌcꞌujieꞌ chupan ri sakil, ncaꞌiel-pa chuxieꞌ ri ru-poder ri Satanás y ncaꞌuoc chuxieꞌ ri ru-poder ri Dios, chi niꞌan perdonar ri pecados, y ri Dios xtuyaꞌ ri herencia chica, junan quiqꞌuin ri nicꞌaj chic ri sak chic ri quicꞌaslien y i-richin chic ri Dios, ruma xquicukubꞌaꞌ quicꞌuꞌx viqꞌuin, xchaꞌ ri Jesús chuva.

Kaqchiquel Bible

¹⁸ Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

Kaqchikel Central Guatemala

¹⁸ Yatintek c'a el quiq'uin, richin chi rije' nijakatej ri runak' tak quivech, y ye'el-pe chupan ri k'eku'n y yec'oje' chupan ri sakil, ye'el c'a chuka' pe chuxe' ri rutzij ri Satanás y ye'oc chuxe' rutzij ri Dios, richin niquic'ul ri cuyubel quimac, y ri Dios c'o xtuya' chique richin niquichinaj, e cachibilan ri ch'aka' ri ch'ajch'oj chic ri quic'aslen y e richin ri Dios, roma xquicukuba' chuka' quic'u'x viq'uin, xcha' ri Jesús chuve.

Re C'ac'a Testamento pa Kach'abal

¹⁸ Yatintak-a quiq'uin, chin che reje' nijakataj re quinak'avach, y ye'el-pa chupan re k'oko'm y ye'c'ue' chupan re sakil, ye'el chuka' pa ruk'a' re Satanás y ye'oc chuxe' rutzij re Dios, y re Dios can xtucuy quimac, y xtuya' qui-herencia, ancha'l re xtuya' chique re ch'ajch'oj chic quic'aslen roma xquiban confiar-qui' viq'uin, xcha' re Jesús chua.

Kaqchikel Western Solola

¹⁸ Yatintek c'a el quiq'ui, riche (rixin) chi riye' nijakatej ri runak' tak quiwech, y ye'el pe chupan ri k'eku'm y yec'oje' chupan ri sakil; chuka' ye'el c'a pe chuxe' rutzij ri Satanás y ye'oc chuxe' rutzij ri Dios, riche (rixin) chi niquic'ul ri cuybel quimac, y xtiquic'ul ri herencia ri xtuya' ri Dios chique quinojel ri ch'ajch'oj chic ri quic'aslen y ye riche (rixin) chic ri Dios, ruma xquicukuba' quic'u'x wuq'ui, xcha' ri Jesús chuwe.

Hechos 26:18 ပူးပေါင်းရင်းမြစ်များ

San Mateo 4:10

Pero ri Jesús xubꞌij chare: ¡Katel e chinuwech, Satanás! Porque chupan ri rutzij ri Dios kereꞌ tzꞌibꞌan kan: Ja ri Awajaw Dios tayaꞌ ruqꞌij, y kin xe wi ri ndirajoꞌ rijaꞌ tabꞌanaꞌ.

San Mateo 4:16

Ri tinamit ekꞌo pa qꞌequꞌ, Xkitzꞌet jun nimalej luz, Y ri wineq ekꞌo pa rumochꞌochꞌil ri kamik Xyikꞌan jun nimalej luz pa kiwiꞌ.

San Lucas 1:77

Y ndaꞌatzijoj chake ri rutinamit Chi ri Dios ndukuy ri kimak, Chin nduyaꞌ kolotajik chake.

San Lucas 1:79

Ri Jun riꞌ nduqaqa chin nduruyikꞌaj kikꞌaslen Ri ekꞌo pa qꞌequꞌ y chuxeꞌ ruchuqꞌaꞌ ri kamik, Y nduqaqa chuqaꞌ chin ndukꞌuaj bꞌey chiqawech Chin ndiqil uxlanen pa qánima, xchajeꞌ ri Zacarías.

San Lucas 2:32

Rijaꞌ kin xtuyikꞌaj kikꞌaslen ri ma israelitas ta, Y roma rijaꞌ ndikꞌojeꞌ qaqꞌij roj israelitas, xchajeꞌ ri Simeón.

San Lucas 24:45

Ja atoq riꞌ xujeq kinojibꞌal chin xkikꞌoxomaj ri rutzij ri Dios tzꞌibꞌan kan.

San Lucas 24:47

y ndubꞌij chuqaꞌ chi pa nubꞌiꞌ riyin ndetzijox chake nojel kiwech wineq chi ndikꞌatzin ndikiyaꞌ kan ri mak y ndikiyaꞌ kánima rikꞌin ri Dios chin ndikuyutej ri kimak. Y chireꞌ pa tinamit Jerusalén nditzꞌukutej e rutzijoxik.

San Lucas 4:18

Ri Espíritu chin ri Ajaw kꞌo pa nuwiꞌ, Roma yin ruchaꞌon Chin niqꞌalajrisaj ri utzulej teq tzij chin kolotajik chake ri maneq ok kichajin, Yin rutaqon pe chuqaꞌ chin ngenwelesaj ri wineq pa ruqꞌaꞌ ri itzel, Yin taqon chuqaꞌ chin nibꞌen chake ri wineq esoqꞌ chi ngetzuꞌun Y yin taqon chin ngeꞌel libre ri etzꞌamon,

San Juan 17:17

Tabꞌanaꞌ chake ri eꞌayoꞌon chuwa chi ndikijech más kiꞌ chunimaxik ri atzij, porque ri atzij rat, jariꞌ ri qetzij.

San Juan 3:19

Ri achike roma ri Dios nduyaꞌ castigo pa kiwiꞌ ri wineq, jareꞌ: Ri Jun ri ndiyikꞌan kikꞌaslen ri wineq xuqaqa chochꞌulew, pero ri wineq más xkajoꞌ xekꞌojeꞌ pa qꞌequꞌ, porque xa kin itzel wi ri ngetajin rikꞌin.

San Juan 4:10

Ri Jesús xubꞌij chare: Xa ta awetaman achike chi sipanik nduyaꞌ ri Dios, y xa ta awetaman chuqaꞌ achike ri Jun ri ndikꞌutun jubꞌaꞌ ruyaꞌ chawa, ja ta rat ri ngakꞌutun ayaꞌ chare rijaꞌ, y rijaꞌ nduyaꞌ chawa ri yaꞌ ri ndikꞌamo pe kꞌaslen.

San Juan 4:14

Pero ri nditijo ri yaꞌ ri niyaꞌ yin chare, ma jumbꞌey chik xtichaqiꞌj ruchiꞌ, porque ri yaꞌ ri niyaꞌ yin kin ndubꞌen chare ri ránima achel jun alaxbꞌel yaꞌ apeꞌ ndichoxin pe ri yaꞌ. Y ri yaꞌ riꞌ ndukꞌuan chupan ri kꞌaslen ma ndikꞌis ta.

San Juan 8:12

Jumbꞌey chik ri Jesús xchꞌaꞌa chake ri wineq y xubꞌij: Ja riyin ri ngiyikꞌan kikꞌaslen ri wineq. Ri ndoqan wichin, ndikꞌojeꞌ pa ránima ri luz chin ri kꞌaslen ma ndikꞌis ta, y ri wineq riꞌ ma ndikꞌojeꞌ chi ta pa qꞌequꞌ.

San Juan 9:39

Y ri Jesús xubꞌij: Riyin xinuqaqa chochꞌulew chin niqꞌalajrisaj ri kꞌo pa kikꞌaslen ri wineq, chin keriꞌ nibꞌen chake ri ma ngetzuꞌun ta chi ngetzuꞌun y chin chuqaꞌ niqꞌalajrisaj chikiwech ri ndikinaꞌ chi ngetzuꞌun, chi xa esoqꞌ.

San Juan 9:5

Ri janipeꞌ qꞌij ri kꞌa yinkꞌo na chochꞌulew, ja riyin ri ngiyikꞌan kikꞌaslen ri wineq.

Hechos 10:43

Konojel chuqaꞌ ri profetas kereꞌ kibꞌiꞌin kan pa ruwiꞌ ri Jesús: Konojel ri ndikitaqij rijaꞌ, ndikuyutej ri kimak roma ri ndubꞌen rijaꞌ. Keriꞌ kibꞌiꞌin kan ri profetas, xchajeꞌ ri Pedro.

Hechos 13:47

Porque kereꞌ rubꞌiꞌin kan ri Ajaw Dios chaqe: Riyin rat nuyoꞌon achel jun luz chake ri ma israelitas ta, Chin keriꞌ ngatok ukꞌuey rutzijol ri kolotajik niyaꞌ Chake ri wineq ekꞌo chi nej chi naqaj pa ruwiꞌ ri rochꞌulew. Keriꞌ rubꞌiꞌin kan ri Ajaw Dios.

Hechos 15:9

Ma jun kikajal xubꞌen chake rejeꞌ qikꞌin roj, porque ri Dios xuchꞌajchꞌojrisaj chuqaꞌ ri kánima rejeꞌ roma xkitaqij ri Jesucristo.

Hechos 2:38

Ri Pedro xubꞌij chake: Tijalaꞌ ri itzel inoꞌoj ibꞌanun chare ri Jesús y titaqij pa iwánima, y pa rubꞌiꞌ rijaꞌ tibꞌanaꞌ bautizar iwiꞌ, chin ndikuyutej imak, y keriꞌ ndiyoꞌox pa iwánima ri Espíritu Santo, ri loqꞌolej sipanik sujun kan.

Hechos 20:21

Chake ri israelitas y ri ma israelitas ta, xinbꞌij chi tikijalaꞌ kinoꞌoj y tikiyaꞌ kánima rikꞌin ri Dios y tikitaqij ri Qajaw Jesús.

Hechos 20:32

Wokami kꞌa hermanos, ngixinjech kan pa ruqꞌaꞌ ri Dios chin ngixruchajij, y nibꞌij kan chiwa chi tinimaj ri rutzij ri ndukꞌen pe ru-favor pa iwiꞌ, tzij ri kꞌo ruchuqꞌaꞌ chin ndubꞌen chi ndikꞌiy ri ikꞌaslen chiraqen y chi ndiwil ri herencia ri ndiyoꞌox chake konojel ri chꞌajchꞌojrisan kikꞌaslen roma rijaꞌ.

Hechos 26:19

Riyin nibꞌij chawa, nimalej rey Agripa, chi ngitajin chubꞌanik ri xbꞌix pe chuwa roma ri chꞌabꞌel pataneq chikaj.

Hechos 26:23

Ri Jun ri nditaq pe roma ri Dios chukolik ri rutinamit, kin xtiyoꞌox pa kꞌayew y ndikamisex, y ja rijaꞌ ri nabꞌey ndikꞌastajbꞌex pe chikikajal ri animaꞌiꞌ chin ma ndiken chi ta, y ja rijaꞌ ndikꞌamo pe rutzijol ri kolotajik chake ri israelitas y ri ma israelitas ta. Keriꞌ kibꞌiꞌin kan y jariꞌ ri nitzijoj riyin chi xbꞌanatej, xchajeꞌ ri Pablo.

Hechos 3:19

Romariꞌ, tiyaꞌ chiwij chi ma utz ta ri xibꞌen, titzolij pe iwánima rikꞌin ri Dios y titaqij ri Jesús, chin ndikuyutej ri imak.

Hechos 5:31

Ri Dios xubꞌen chi pa rikiqꞌaꞌ rijaꞌ xbꞌekꞌojeꞌ ri Jesús rikꞌin nimalej ruqꞌij, y xubꞌen chare chi ndubꞌen mandar pa ruwiꞌ nojel y chi ja rijaꞌ ri Kolonel, chin keriꞌ roj israelitas nditzolij qánima rikꞌin ri Dios y ndikuyutej qamak.

Romanos 8:17

Y roma roj ralkꞌuaꞌl chik ri Dios, kin nduyaꞌ chaqe ri rusujun kan, y kꞌo ri ruyoꞌon chik chare ri Cristo ri ndiyoꞌox chuqaꞌ chaqe roj. Pero ndikꞌatzin ndiqaqꞌasaj kꞌayew achel rijaꞌ, chin keriꞌ ndikꞌojeꞌ qaqꞌij rikꞌin, chupan ri nimalej ruqꞌij rijaꞌ.

1 Corintios 1:2

chiwa rix ri rix richin ri Dios ri ndimal iwiꞌ pa tinamit Corinto, ri rix chꞌajchꞌojrisan roma ri Cristo Jesús ri achoq ikꞌin xe jun ibꞌanun, y rix oyon chin ngixok chin ri loqꞌolej rutinamit ri Dios, junan kikꞌin konojel ri ndikiyaꞌ ruqꞌij ri Qajaw Jesucristo pa teq kitinamit, ri Kajaw rejeꞌ y Qajaw chuqaꞌ roj.

1 Corintios 1:30

Pero roma ri Dios, rix jun ibꞌanun rikꞌin ri Cristo Jesús ri achoq ikꞌin qilon ri nojibꞌel pataneq rikꞌin ri Dios, y roma ri Cristo nixta jun chik qamak qeqalen chuwech ri Dios, kin loqꞌolej bꞌanun chare ri qakꞌaslen y roj loqꞌon chin xojelesex pa ruqꞌaꞌ ri tzꞌamayon qichin.

2 Corintios 4:4

Porque ja ri itzel ri rajawal ri rochꞌulew, tzꞌapiyon kinoꞌoj, chin ma tikitzꞌet ri luz nduyaꞌ ri utzulej teq tzij chin kolotajik, utzulej teq tzij ri ngekꞌutu ri nimalej ruqꞌij ri Cristo, ri achoq ikꞌin nditzꞌetetej achike qitz runoꞌoj ri Dios.

2 Corintios 4:6

Porque ri Dios ri kereꞌ xubꞌij: Tiyikꞌiyoꞌ pe luz pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima, chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.

2 Corintios 6:14

Rix ri itaqin chik ri Ajaw, ma tixim iwiꞌ kikꞌin ri ma kitaqin ta. Porque ri chojmilej kꞌaslen, ma chaj ta ndukꞌuaj riꞌ rikꞌin ri ma chojmilej ta kꞌaslen. Keriꞌ chuqaꞌ ri yikꞌan kikꞌaslen roma ri Dios, ma chaj ta ndikikꞌuaj kiꞌ kikꞌin ri kꞌa ekꞌo pa qꞌequꞌ.

Gálatas 2:20

Romariꞌ ma yin chi ta ukꞌuayon ri nukꞌaslen, xa kin ja ri Cristo. Y chupan nojel ri nibꞌen pa nukꞌaslen chireꞌ chochꞌulew, kuqul nukꞌuꞌx rikꞌin ri Rukꞌajol ri Dios ri santienta xirajoꞌ, y xujech riꞌ pa kamik woma riyin.

Gálatas 3:14

Keriꞌ xubꞌen ri Cristo, chin keriꞌ ri favor sujun chare ri Abraham roma ri Dios, kin ndiyoꞌox chake ri jalajaj kiwech wineq ma israelitas ta ri ndikitaqij rijaꞌ. Y keriꞌ roj qonojel ri ndiqataqij ri Cristo, ndiyoꞌox pa qánima ri Espíritu Santo ri rusujun ri Dios chi nduyaꞌ.

Gálatas 3:2

Xaxe niwojoꞌ nikꞌutuj razón chiwa: ¿Xyoꞌox ri Espíritu Santo pa iwánima porque xibꞌen ri ndubꞌij ri ley xyoꞌox chare ri Moisés? Ma ke ta riꞌ. Ri Espíritu Santo xyoꞌox pa iwánima porque xitaqij ri Jesucristo ri xtzijox chiwa.

Efesios 1:11

Y roj ri xe jun qabꞌanun rikꞌin ri Cristo, ri Dios roj ruchaꞌon pe xe jampeꞌ pa nabꞌey chin ngojok rutinamit, porque rubꞌanun pe ruwech chi keriꞌ ndubꞌen chaqe roma ja wi riꞌ ri rurayibꞌel.

Efesios 1:14

Y ri Espíritu Santo yoꞌon pa qánima, jun etal chuqaꞌ chi ri Dios kꞌo más nduyaꞌ chaqe chupan ri qꞌij atoq nditzꞌaqet ri qakolotajik roj ri roj loqꞌon roma rijaꞌ chin ndinimrisex rubꞌiꞌ roma kin nimalej ruqꞌij.

Efesios 1:18

Nikꞌutuj chuqaꞌ chare ri Dios chi tuyikꞌaj más ri iwánima, chin ndiwetamaj más chirij ri favor qoyobꞌen ri achoq roma xojroyoj ri Dios, y chi ndiwetamaj chuqaꞌ janipeꞌ reqalen y roruqꞌij ri herencia rusujun chaqe roj ri loqꞌolej rutinamit,

Efesios 1:7

Y roma xbꞌiyin ri rukikꞌel ri Rukꞌajol, xojrelesaj pa ruqꞌaꞌ ri tzꞌamayon qichin y xukuy qamak, chin keriꞌ ndiqꞌalajin chi ri favor ruyoꞌon pa qawiꞌ kin nimalej bꞌeyomal.

Efesios 2:8

Porque rix, roma ri favor ruyoꞌon ri Dios pa iwiꞌ, xixkolotej roma xitaqij ri Cristo, y ma jun achike xibꞌen chin xixkolotej, porque reꞌ rusipan ri Dios chiwa.

Efesios 4:18

Ri wineq riꞌ xqꞌeqꞌumer qa kinojibꞌal, maneq kiqꞌaꞌ chare ri kꞌaslen nduyaꞌ ri Dios, porque ma ndikajoꞌ ta ndiketamaj ri qetzij, roma kikowirisan ri kánima.

Efesios 5:11

Ma titzeq iwiꞌ chupan ri itzel teq achike ngekibꞌanalaꞌ ri wineq ri pa qꞌequꞌ kꞌo kikꞌaslen, porque ri ngekibꞌanalaꞌ ma jun utz ndukꞌen pe. Xa kin titijaꞌ iqꞌij chin ndiqꞌalajrisaj chikiwech chi ma utz ta ri ngetajin rikꞌin.

Efesios 5:14

Y keriꞌ kꞌo cheꞌel ndikiyaꞌ kan ri mak ngekibꞌanalaꞌ chin ngeꞌok ralkꞌuaꞌl ri Dios ri kin luz wi. Romariꞌ kereꞌ ndibꞌix: Kakꞌastej rat ri ngawer; Kayakatej pe chikikajal ri ekamineq pa mak, Y ri Cristo nduyikꞌaj ri akꞌaslen. Keriꞌ ri ndibꞌix.

Efesios 5:8

Jumbꞌey kan, pa qꞌequꞌ xkꞌojeꞌ ri ikꞌaslen, pero wokami roma xe jun ibꞌanun rikꞌin ri Ajaw, ri ikꞌaslen kꞌo pa luz, romariꞌ tikꞌuaj ri ikꞌaslen achel kikꞌaslen ri ekꞌo pa luz.

Efesios 6:12

Porque roj rojkꞌo pa guerra, pero ma wineq ta ri ngebꞌanun guerra chaqe, xa itzel teq espíritu ri ndikibꞌen reinar, ri espíritus ri kꞌo uchuqꞌaꞌ pa kiqꞌaꞌ, ri erajawal ri rochꞌulew ri eꞌukꞌuayon kikꞌaslen ri wineq qꞌequ-qꞌequꞌ kánima, y chuqaꞌ ri itzel teq espíritu ekꞌo pa kaqiqꞌ.

2 Timoteo 2:26

chin keriꞌ xketzolij ta pe pa kuxnaqil y xkeꞌanimej pe pa ruqꞌaꞌ ri itzel ri tzꞌamayon kichin. Rijaꞌ erutzꞌamon chin ndikibꞌen ri rurayibꞌel.

Hebreos 10:10

Ri Dios xubꞌen chꞌajchꞌaj chaqe roma ri Jesucristo xubꞌen ri rurayibꞌel ri Dios, atoq xusuj ri ru-cuerpo pa kamik xe jumbꞌey y chin jumul.

Hebreos 10:14

Porque rijaꞌ xe jumbꞌey xkꞌatzin chi xusuj riꞌ pa kamik chuwech ri Dios, chin xubꞌen chi ma jumbꞌey chik ndikeqalej mak konojel ri ndichꞌajchꞌojrisex kikꞌaslen roma rijaꞌ.

Hebreos 11:6

Y keriꞌ kꞌa, jun wineq chin ndiqaꞌ chuwech ri Dios ndikꞌatzin chi rukuqubꞌan rukꞌuꞌx rikꞌin. Porque ri ndirajoꞌ ndijel apu chuwech ri Dios, ndikꞌatzin ndutaqij chi ri Dios kin kꞌo wi y chi nduyaꞌ utzulej rajel-rukꞌexel chake ri ngekanon richin.

Hebreos 9:15

Y romariꞌ, ja ri Jesús xkusex chin xbꞌan ri kꞌakꞌakꞌ pacto, chin keriꞌ rikꞌin ri rukamik ngerukal ri wineq chuwech ri mak xkibꞌen atoq xekꞌojeꞌ chuxeꞌ ruchuqꞌaꞌ ri nabꞌey pacto. Y roma chuqaꞌ ri rukamik roj qonojel ri roj oyon roma ri Dios, ndiyoꞌox chaqe ri herencia ri ma ndikꞌis ta, herencia ri rusujun kan rijaꞌ.

Santiago 2:5

Nu-hermanos ri tzꞌan ngixinwojoꞌ, tiwakꞌaxaj re nibꞌij chiwa: Ri Dios eruchaꞌon ri maneq ok kichajin chochꞌulew chin ndikitaqij rijaꞌ, y riꞌ kin nimalej bꞌeyomal, y eruchaꞌon chuqaꞌ chin ngeꞌok pa ru-reino ri Dios, reino ri sujun chake konojel ri ngeꞌojowan richin.

1 Pedro 1:4

Y ndubꞌen chuqaꞌ chi ndiyoꞌox ri herencia yakon apu chiwa chikaj roma ri Dios. Ri herencia riꞌ ma ndiqꞌey ta, kin jumul chꞌajchꞌaj y ma ndikꞌis ta ruqꞌij.

1 Pedro 2:25

Porque rix jumbꞌey kan, rix achel karneꞌl sachineq bꞌey chikiwech, pero wokami xtzolij pe iwánima rikꞌin ri Cristo ri Yuqꞌunel y Chajinel chin ri iwánima.

1 Pedro 2:9

Pero rix, rix jun tinamit chaꞌon roma ri Dios, rix sacerdotes ri ndibꞌen rusamaj ri Dios ri nimalej Rey, rix jun loqꞌolej tinamit y rix loqꞌon roma ri Dios. Keriꞌ rubꞌanun ri Dios chiwa, chin nditzijoj ri nimalej teq achike erubꞌanun rijaꞌ ri xoyon iwichin chin xixrelesaj pe chupan ri qꞌequꞌ y xixruyaꞌ chupan ri nimalej ru-luz rijaꞌ.

1 Juan 1:9

Pero si ndiqayaꞌ chiqij ri mak qabꞌanun, rijaꞌ kin ndukuy ri qamak y ngojruchꞌajchꞌojrisaj chuwech nojel ri itzel teq achike qabꞌanaloꞌon. Rijaꞌ ndukuy qamak, porque kin chojmilej y kin ndubꞌen wi ri ndubꞌij.

1 Juan 2:12

Rix ri kin achel rix walkꞌuaꞌl keriꞌ, nitzꞌibꞌaj e reꞌ chiwa, porque ri imak xekuyutej yan roma ri xuqꞌasaj ri Jesucristo iwoma.

1 Juan 3:8

Pero ri jun ri xe mak roma, xa kin chin wi ri itzel, porque ri itzel xe jampeꞌ kꞌajani tibꞌan ri kaj y ri rochꞌulew ndajin rikꞌin mak. Y ri Rukꞌajol ri Dios xuqꞌalajrisaj riꞌ chin ndurukꞌisaꞌ ruqꞌij rusamaj ri itzel.

1 Juan 5:19

Roj qetaman chi roj richin ri Dios, y qetaman chuqaꞌ chi konojel wineq ri ma kitaqin ta ri Cristo, ekꞌo chuxeꞌ ruchuqꞌaꞌ ri itzel.

Judas 1:1

Riyin Judas, rusamajel ri Jesucristo y qachaqꞌ-qanimal qiꞌ rikꞌin ri Santiago, niteq e ruxunaqil iwech rix ri rix oyon roma ri Tataꞌaj Dios ri kin ngixrajoꞌ, y rix chajin chuqaꞌ chin ngixjach chare ri Jesucristo atoq nduqaqa chik.

Apocalipsis 21:27

Pero ri wineq ri ngekibꞌanalaꞌ seqꞌ teq achike, ma jumbꞌey xkeꞌok chupan ri tinamit riꞌ, nixta ri wineq ri ngebꞌanun chi ndimulu rukꞌuꞌx ri Dios, nixta ri ereqꞌóta. Xa kin xe ngeꞌok chiriꞌ ri kꞌo kibꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen ma ndikꞌis ta chake. Ri wuj riꞌ chin ri Alaj Karneꞌl.