Hechos 23:9 - Kaqchikel Santo Domingo (Xenacoj)

⁹ Konojel ri kimolon kiꞌ santienta ngesikꞌin apu, y xeyakatej jujun fariseos tijonelaꞌ chin ri ley xyoꞌox chare ri Moisés. Rejeꞌ xkireq apu kichiꞌ chubꞌixik: Ma jun rumak ndiqil re achi reꞌ, kolopeꞌ qetzij xuqꞌalajrisaj riꞌ jun espíritu o jun ángel chuwech, ngechajeꞌ.

နောက်ထပ်ဗားရှင်းများ

Kaqchikel Santa Maria de Jesus

⁹ Y can altíra pa quichiꞌ niquiꞌan. Y ri achiꞌaꞌ escribas ri icꞌo quiqꞌuin ri achiꞌaꞌ fariseos xaꞌpalaj y xquiꞌej: Va ache va man jun itziel rubꞌanun. Y xa jun espíritu o jun ángel ri bꞌiyuon cha ri ncaꞌruꞌej chakavach, xa nakaꞌan ayoval riqꞌuin ri Dios, xaꞌchaꞌ.

Kaqchiquel Bible

⁹ Janila k'a pa kichi' nikiben. Y ri etamanela' chirij ri pixa' ri ek'o kik'in ri fariseo xeyakatej k'a y xkibij: Re jun achin re' man jun itzel rubanon. Rik'in juba' jun espíritu o jun ángel taqon-pe roma ri Dios, ri biyon chire ri ch'abel ri yeruq'alajirisaj chiqawech, xecha'.

Kaqchikel Central Guatemala

⁹ Y janíla c'a pa quichi' niquiben. Y ri etamanela' chirij ri ley ri ec'o quiq'uin ri achi'a' fariseos xeyacatej c'a y xquibij: Re jun achin re' man jun itzel rubanon. Y riq'uin juba' jun espíritu o jun ángel takon-pe roma ri Dios, ri biyon chire ri ch'abel ri yeruk'alajirisaj chikavech. Y vi queri', man c'a ruc'amon ta chi yojel ch'ojinela' chirij ri Dios, xecha'.

Re C'ac'a Testamento pa Kach'abal

⁹ Y jun pa quichi' niquiban. Y re je'atamayon re qui-ley re israelitas re jec'o quiq'uin re achi'a' fariseos xe'yacataj y xquibij: Re jun ache re' man jun itzel cosa rubanon. Y q'uiba' jun espíritu o jun ángel biyom-pa cha, re tzij ye'rubila'. Y vo xa quire', man ruc'amon-ta che yojyacataj chij re Dios, xe'cha'.

Kaqchikel Western Solola

⁹ Y sibilaj c'a pa quichi' niquiben. Y ri aj tz'iba' ri yec'o quiq'ui ri achi'a' fariseos xeyacatej c'a y xquibij: Re jun achi re' majun itzel rubanon ta. Y riq'ui juba' jun espíritu o jun ángel ri takon pe ruma ri Dios, ri biyon chare ri ch'abel ri yeruk'alajsaj chkawech. Y wi queri', man c'a ruc'amon ta chi nikaben ch'a'oj chrij ri Dios, xecha'.

Hechos 23:9 ပူးပေါင်းရင်းမြစ်များ

Marcos 2:16

Jujun teq fariseos tijonelaꞌ chin ri ley xyoꞌox chare ri Moisés, atoq xkitzꞌet chi ri Jesús ndiwaꞌ kikꞌin moloy teq méra y kikꞌin aj mak teq wineq, kereꞌ xkibꞌij chake ri ru-discípulos: ¿Achike roma rijaꞌ ndiwaꞌ kikꞌin aj mak teq wineq y kikꞌin moloy teq méra pa rubꞌiꞌ ri rey?

San Lucas 23:22

Y ri Pilato, ja rox mul rikꞌin reꞌ xubꞌij chake: ¿Achike mak rubꞌanun? Ma jun mak niwil chirij chin ta niteq pa kamik. Romariꞌ niteq ruroqik, y nisoqꞌopij e.

San Lucas 23:4

Y ri Pilato kereꞌ xubꞌij chake ri sacerdotes israelitas más kꞌo ruchuqꞌaꞌ kitzij y chake ri santienta wineq kimolon apu kiꞌ chiriꞌ: Riyin nixta jun mak niwil chirij re jun achi reꞌ.

San Lucas 5:30

Y ri fariseos y ri tijonelaꞌ chin ri ley xyoꞌox chare ri Moisés ngechꞌaꞌa chikij ri ru-discípulos ri Jesús y kereꞌ ndikibꞌilaꞌ chake: ¿Achike roma ngixwaꞌ y nditij iyaꞌ kikꞌin moloy teq méra pa rubꞌiꞌ ri rey y kikꞌin aj mak teq wineq?

San Juan 12:29

Y ri santienta wineq ekꞌo apu chiriꞌ ri xkakꞌaxaj ri chꞌabꞌel riꞌ, ndikibꞌilaꞌ: Riꞌ, xa jun rayo ri xqꞌajan, xechajeꞌ. Chꞌaqa chik ndikibꞌilaꞌ chi jun ángel ri xchꞌaꞌa pe chare.

Hechos 11:17

Y si ri Dios junajaꞌ loqꞌolej sipanik xuyaꞌ chake konojel ri ekꞌo pa rachoch ri Cornelio achel ruyoꞌon chaqe roj israelitas ri qataqin ri Ajaw Jesucristo, ¿achike kꞌa ok riyin chin ta niwojoꞌ niqꞌet ri samaj ndubꞌen ri Dios? xchajeꞌ ri Pedro.

Hechos 22:6

Pero atoq roj bꞌaneq pa bꞌey y rojkꞌo chik chunaqaj ri tinamit Damasco, pa nikꞌaj laꞌeq qꞌij atoq riꞌ, kꞌateꞌ ruwech xyikꞌan pe jun luz chikaj ri santienta ruchuqꞌaꞌ ri xiruyikꞌaj.

Hechos 22:7

Riyin xitzaq pa ulew, y xinwakꞌaxaj jun chꞌabꞌel ri xubꞌij chuwa: ¡Saulo! ¿Achike roma yin atzeqlebꞌen chin ndabꞌen itzel chuwa?

Hechos 23:29

Y riyin xinwetamaj chi ri sujunik ndikiyaꞌ chirij, xa pa ruwiꞌ ri ki-ley, pero riyin nitzꞌet chi nixta jun rumak rubꞌanun chin ta nditzꞌapix pa cheꞌ o ndikamisex.

Hechos 23:8

Porque ri saduceos ndikibꞌij chi ri animaꞌiꞌ ma ngekꞌastajbꞌex ta pe, y ndikibꞌij chi maneq ángeles y maneq espíritus. Pero ri fariseos ndikitaqij nojel reꞌ.

Hechos 25:25

Pero riyin ma jun rumak xinwil chin ta rukꞌulun ndikamisex. Pero roma xukꞌutuj chi ja ri rey César tibꞌanun rukꞌojlen ri sujunik yoꞌon chirij, xinbꞌen ruwech chi niteq chuwech ri César.

Hechos 26:31

Y atoq xeꞌel e chiriꞌ, ngechꞌaꞌa chikiwech y kereꞌ ndikibꞌilaꞌ: La achi laꞌ ma jun mak rubꞌanun chin nditzꞌapix pa cheꞌ o ndikamisex.

Hechos 27:23

Porque ixqꞌeq xukꞌut riꞌ jun ángel chinuwech taqon pe roma ri Wajaw Dios ri achoq samaj nibꞌen,

Hechos 5:39

pero si ri ndikibꞌen rikꞌin ri Dios pataneq, rix ma ngixtiker ta ndikꞌis kiqꞌij. Y ma kꞌateꞌ chare ri Dios ndibꞌen oyowal, xchajeꞌ ri Gamaliel. Konojel ri achiꞌaꞌ israelitas kꞌo uchuqꞌaꞌ pa kiqꞌaꞌ, xkinimaj rutzij ri Gamaliel.

Hechos 9:4

Rijaꞌ xtzaq pa ulew, y xrakꞌaxaj jun chꞌabꞌel ri kereꞌ xubꞌij chare: ¡Saulo! ¿Achike roma yin atzeqlebꞌen chin ndabꞌen itzel chuwa?

1 Corintios 10:22

Porque atoq ndiqakꞌux ri achike ngesuj chikiwech ri itzel teq espíritu, ndiqayek royowal ri Ajaw. Y si keriꞌ ta ndiqabꞌen, ¿kꞌo kami más quchuqꞌaꞌ ke chuwech rijaꞌ chin ta ndiqatoꞌ qiꞌ chuwech? ¡Maneq!