Hechos 23:1 - Kaqchikel Santo Domingo (Xenacoj)

¹ Ja atoq riꞌ ri Pablo xuchꞌik ruwech chikij ri achiꞌaꞌ israelitas kꞌo uchuqꞌaꞌ pa kiqꞌaꞌ y kereꞌ xubꞌij chake: Achiꞌaꞌ teq nuwinaqul, nojel nukꞌaslen nutijon nuqꞌij nibꞌen ri ndubꞌij ri qa-Dios, y ninaꞌ chi ma jun achike nubꞌanun ri xajan ta chuwech rijaꞌ.

နောက်ထပ်ဗားရှင်းများ

Kaqchikel Santa Maria de Jesus

¹ Y ri Pablo xaꞌrucaꞌyiej cꞌa otz ri achiꞌaꞌ ri autoridades quichin ri israelitas y xuꞌej chica: Achiꞌaꞌ nuvanakil, inreꞌ man jun chica nunaꞌ ri nujaluon y ri vánima, ruma ri nucꞌaslien choch ri Dios hasta vacame can choj cꞌo, xchaꞌ.

Kaqchiquel Bible

¹ Ri Pablo xerutzu' k'a ri achi'a' ri kan pa komon wi yeq'aton-tzij, y xubij chike: Achi'a' ri ix nuwinaq yin, kan man jun k'a achike ta nuna' ri wánima, roma ri nuk'aslen chuwech ri Dios kan choj k'a rubanon-pe, xcha'.

Kaqchikel Central Guatemala

¹ Y ri Pablo xerutzu' c'a ri achi'a' ri can pa comon vi yek'aton tzij, y xubij chique: Achi'a' ri ix nuvinak yin, can man jun c'a achique ta nuna' ri vánima, roma ri nuc'aslen chuvech ri Dios can choj c'a rubanon-pe, xcha'.

Re C'ac'a Testamento pa Kach'abal

¹ Y re Pablo xe'rutzu' re achi'a' pa camon ye'bano juzgar, y xubij chique: Achi'a' re yix nuvinak, can man jun nuna' re vánma, roma c'a chupan re tiempo vocame re nuc'aslen can choj-va chach re Dios, xcha'.

Kaqchikel Western Solola

¹ Y ri Pablo xerutzu' c'a ri achi'a' ri can pa moc (comon) yek'ato tzij, y xubij chique: Achi'a' ri yix wech aj Israel, can majun c'a achique ta nuna' ri wánima chuwech ri Dios, ruma ri nuc'aslen can choj c'a rubanon pe, y queri' rubanon c'a wacami, xcha'.

Hechos 23:1 ပူးပေါင်းရင်းမြစ်များ

Hechos 24:16

Romariꞌ, riyin jumul nitij nuqꞌij chi chꞌajchꞌaj ri wánima chuwech ri Dios y chikiwech chuqaꞌ ri wineq.

2 Timoteo 1:3

Riyin jumul ngatinkꞌuxlaꞌaj pa nu-oración. Chi chaqꞌaꞌ chi paqꞌij nimatioxij chare ri Dios, ri Dios ri niyaꞌ ruqꞌij rikꞌin chꞌajchꞌaj wánima achel kibꞌanun pe ri watit-numamaꞌ.

2 Corintios 1:12

Keriꞌ ndiqabꞌij chiwa porque ri ndibꞌanun chaqe chi ndikuqer qakꞌuꞌx, ja ri ndubꞌij ri qánima chaqe chi qakꞌuan jun chꞌajchꞌaj kꞌaslen y ndubꞌij chuqaꞌ chi nojel ri ndiqabꞌen kin qetzij wi, y más keriꞌ qabꞌanun chiwech rix. Roj ma ja ta ri aj rochꞌulew nojibꞌel ukꞌuayon qichin, xa kin ja ri ru-favor ri Dios ukꞌuayon qichin.

Hebreos 13:18

Tibꞌanaꞌ orar qoma roj, porque kuqul qakꞌuꞌx chi utz ngojtajin rikꞌin, y ndiqarayij chi kin ta jumul keriꞌ ndiqabꞌen pa ruwiꞌ nojel.

1 Corintios 4:4

Porque maske ri wánima maneq ndubꞌij chuwa chi ma utz ta nubꞌanun chare ri samaj jachon pa nuqꞌaꞌ, pero riꞌ ma ndel ta chi tzij chi utz nubꞌanun chare, xa kin kꞌaja na ri Ajaw ndibꞌiꞌin si utz o ma utz ta.

Hechos 22:5

Jajun ri más nimalej ruqꞌij sacerdote y konojel ri achiꞌaꞌ israelitas ri kꞌo uchuqꞌaꞌ pa kiqꞌaꞌ pa ruwiꞌ ri tinamit enu-testigos, chi qetzij ri ngitajin chubꞌixik. Ja rejeꞌ xeyoꞌon wuj pa nuqꞌaꞌ chin nijech pa kiqꞌaꞌ ri qawinaqul ekꞌo pa tinamit Damasco, ri achoq chupan ndubꞌij chi kiyoꞌon uchuqꞌaꞌ pa nuqꞌaꞌ chin ngentzꞌen ri kitaqin ri Ajaw y ngenkꞌen pe pa tinamit Jerusalén chin ndiyoꞌox castigo chake.

2 Corintios 4:2

Pa rukꞌexel chi ndiqamalij qa qakꞌuꞌx, kin qayoꞌon pa qánima chi ma jumbꞌey ndiqabꞌen jun achike chilaqꞌel ri ndukꞌen pe kꞌix chaqe, ma ngojchꞌakatin ta y ma ndiqajel ta rubꞌeyal ri rutzij ri Dios ri ndiqatzijoj. Ri Dios retaman chi ri ndiqabꞌen, ja ri ndiqaqꞌalajrisaj ri qetzij chake konojel kiwech wineq, achike na chi nojibꞌel kichajin. Keriꞌ ndiqabꞌen roma ndiqajoꞌ chi konojel ndikinaꞌ pa kánima chi ja ri qetzij ngojtajin chubꞌixik.

Hechos 23:6

Atoq ri Pablo xuyaꞌ cuenta chare chi chiriꞌ kimolon apu kiꞌ saduceos y fariseos, kereꞌ xsikꞌin chubꞌixik: Achiꞌaꞌ teq nuwinaqul, riyin, yin fariseo, y yin kiy-kimam kan fariseos, y wokami ndiqꞌat tzij pa nuwiꞌ xe roma nutaqin chi ri animaꞌiꞌ ngekꞌastajbꞌex pe, xchajeꞌ.

1 Pedro 3:16

Pero atoq nditzolij ruwech kitzij, tibꞌanaꞌ rikꞌin jun iwánima ri nixta jun oyowal ndurayij y rikꞌin yalan teq tzij. Tikꞌuaj jun chꞌajchꞌaj kꞌaslen, chin ma itzel tunaꞌ ri iwánima, chin keriꞌ ri ngewalal chirij ri utzulej kꞌaslen ikꞌuan roma itaqin ri Cristo, xa kiyon ndikikꞌixbꞌisaj qa kiꞌ roma ri tzij ndikibꞌilaꞌ chiwij.

Hechos 22:30

Chukan qꞌij, ri ukꞌuey kibꞌey soldados ri más nim ruqꞌij, xrajoꞌ xretamaj ri sujunik ndikiyaꞌ ri israelitas chirij ri Pablo. Romariꞌ xubꞌen mandar chi keꞌoyox ri sacerdotes israelitas más kꞌo ruchuqꞌaꞌ kitzij y ri chꞌaqa chik achiꞌaꞌ israelitas kꞌo uchuqꞌaꞌ pa kiqꞌaꞌ, y xubꞌen mandar chi tesoqꞌopix pe ri Pablo y xupabꞌaꞌ chikiwech.

Hechos 6:15

Ri achiꞌaꞌ israelitas kꞌo uchuqꞌaꞌ pa kiqꞌaꞌ y konojel ri etzꞌuyul apu kikꞌin, xkichꞌik kiwech chirij ri Esteban, y xkitzꞌet chi achel ruwech jun ángel nditzuꞌun.

Hechos 22:1

Achiꞌaꞌ teq nuwinaqul y rix achiꞌaꞌ ri nimalej teq iqꞌij chin ri tinamit, tiwakꞌaxaj ri nibꞌij chiwa wokami chin nitoꞌ wiꞌ chiwech.

San Mateo 5:22

Pero riyin nibꞌij: Xa achike na ri ndikꞌuxkꞌut royowal chare jun chik, kin ndiqꞌat tzij pa ruwiꞌ chin ndiyoꞌox castigo chare, y xa achike na ri xtibꞌiꞌin nakanik chare jun chik, utz ndijach pa kiqꞌaꞌ ri bꞌotzaj achiꞌaꞌ israelitas kꞌo uchuqꞌaꞌ pa kiqꞌaꞌ, y xa achike na ri xtibꞌiꞌin tzꞌeteꞌy chi jolon chare jun wineq, kin rukꞌulun chi pa qꞌaqꞌ nderilaꞌ castigo.

Hechos 23:15

Wokami ri ndiqajoꞌ chi rix ndibꞌen jareꞌ: Rix junan kikꞌin ri chꞌaqa chik achiꞌaꞌ israelitas kꞌo uchuqꞌaꞌ pa iqꞌaꞌ, tibꞌij chare ri ukꞌuey kibꞌey soldados ri más nim ruqꞌij, chi chuwaꞌq tukꞌamaꞌ pe ri Pablo chiwech, achel kin ta ndiwojoꞌ ndikꞌat más ruchiꞌ pa ruwiꞌ ri sujunik bꞌanun chirij, y roj kin qanabꞌan chi apu qiꞌ chin ndiqakamisaj nabꞌey chi nduqaqa.

Hechos 23:20

Ri kꞌajol xubꞌij chare: Ri israelitas xkibꞌen ruwech chi ndukikꞌutuj chawa chi chuwaꞌq tayaꞌ qꞌij chi ndukꞌuꞌex qa ri Pablo chuwech ri bꞌotzaj achiꞌaꞌ israelitas kꞌo uchuqꞌaꞌ pa kiqꞌaꞌ, roma ndikibꞌen chi achel ta ndikajoꞌ ndikikꞌat ruchiꞌ pa ruwiꞌ ri sujunik yoꞌon chirij.

Hechos 23:28

Y roma riyin xinwojoꞌ xinwetamaj achike chi sujunik ndiyoꞌox chirij, xinkꞌuaj chuwech ri bꞌotzaj achiꞌaꞌ israelitas kꞌo uchuqꞌaꞌ pa kiqꞌaꞌ.