Hechos 20:4 - Kaqchikel Santo Domingo (Xenacoj)

⁴ Ri xkachibꞌilaj e ri Pablo atoq xel pe pa rochꞌulew Grecia, ja ri Sópatro rukꞌajol jun achi rubꞌiniꞌan Pirro aj tinamit Berea, ekaꞌiꞌ aj tinamit Tesalónica kibꞌiniꞌan Aristarco y Segundo, ri Gayo aj tinamit Derbe, ri Timoteo y ekaꞌiꞌ aj rochꞌulew Asia kibꞌiniꞌan Tíquico y Trófimo.

နောက်ထပ်ဗားရှင်းများ

Kaqchikel Santa Maria de Jesus

⁴ Y icꞌo ri xaꞌa riqꞌuin ri Pablo cꞌa Asia; y ri xaꞌa ja ri Sópater aj-Berea, ri Aristarco y ri Segundo ri aj-Tesalónica, ri Gayo aj-Derbe, ri Tíquico y ri Trófimo ri aj-Asia, y ri Timoteo jeꞌ.

Kaqchiquel Bible

⁴ Ri xrachibilaj-el ri Pablo k'a pan Asia, ja ri Sópater aj pa Berea; rija' ruk'ajol ri jun achin rubini'an Pirro. Chuqa' xerachibilaj-el ri Aristarco y ri Segundo ri e aj pa Tesalónica, ri Gayo ri aj-Derbe, ri Timoteo, ri Tíquico y ri Trófimo ri e aj pan Asia.

Kaqchikel Central Guatemala

⁴ Ri yebe ta chirij ri Pablo c'a pan Asia ja ri Sópater aj pa Berea, ri Aristarco y ri Segundo ri e aj pa Tesalónica, ri Gaio ri aj-Derbe, ri Timoteo, ri Tíquico y ri Trófimo ri e aj pan Asia.

Re C'ac'a Testamento pa Kach'abal

⁴ Re ye'ba chij re Pablo pan Asia ja re Sópater re ache aj-Berea, re Aristarco y re Segundo re aj pa Tesalónica, re Gayo re aj-Derbe, re Timoteo, re Tíquico y re Trófimo re aj pan Asia.

Kaqchikel Western Solola

⁴ Ri xebe c'a chrij ri Pablo c'a pan Asia ya ri Sópater aj pa Berea, ri Aristarco y ri Segundo ri ye aj pa Tesalónica, ri Gayo ri aj Derbe, ri Timoteo, ri Tíquico y ri Trófimo ri ye aj pan Asia.

Hechos 20:4 ပူးပေါင်းရင်းမြစ်များ

Hechos 19:29

Ri wineq chin ri tinamit xeyakatej maske ma ketaman ta achike roma. Xebꞌekitzꞌamaꞌ ri Gayo y ri Aristarco, ekaꞌiꞌ achiꞌaꞌ aj rochꞌulew Macedonia ri kachibꞌilan ri Pablo apejeꞌ ndibꞌa y ekijororen xekikꞌuaj pa nimajay apeꞌ ndikimal kiꞌ ri wineq chin ri tinamit.

2 Timoteo 4:20

Ri hermano Erasto xkanej kan pa tinamit Corinto, jakꞌa ri hermano Trófimo ndiyawej xinyaꞌ kan pa tinamit Mileto.

Efesios 6:21

Ri hermano Tíquico ri tzꞌan niwojoꞌ nderutzijoj chiwa ri rubꞌanun ri nukꞌaslen, y ri ax cheꞌel yinkꞌo. Rijaꞌ xe jun rubꞌanun rikꞌin ri Ajaw y rikꞌin nojel ránima ndubꞌen rusamaj ri Ajaw.

Tito 3:12

Atoq niteq e ri hermano Artemas o ri hermano Tíquico apeꞌ ratkꞌo, chimanchiꞌ kabꞌiyin chinukꞌulik pa tinamit Nicópolis, porque nubꞌanun ruwech chi chiriꞌ niqꞌasaj ri tiempo chin tew.

2 Timoteo 4:12

Xinteq chuqaꞌ ri hermano Tíquico pa tinamit Éfeso.

Colosenses 4:7

Ri hermano Tíquico ri tzꞌan niwojoꞌ nderuyaꞌ rutzijol chiwa nojel ri achike rubꞌanun ri nukꞌaslen. Rijaꞌ jun wachibꞌil ri kin rikꞌin nojel ránima ndubꞌen rusamaj ri Ajaw.

Hechos 21:29

Keriꞌ ndikibꞌilaꞌ ri israelitas riꞌ, porque kitzꞌeton ri Pablo pa tinamit chi achibꞌilan roma jun achi aj Éfeso rubꞌiniꞌan Trófimo, y pa kitzij rejeꞌ ri Pablo xukꞌusaj apu pa rachoch ri Dios.

Hechos 16:1

Ri Pablo xbꞌeqaqa pa tinamit Derbe y kꞌajariꞌ xbꞌeqaqa pa tinamit Listra. Chiriꞌ pa tinamit Listra kꞌo jun hermano rutaqin ri Cristo rubꞌiniꞌan Timoteo, ral jun ixaq israelita ri rutaqin ri Ajaw, y rukꞌajol jun achi aj Grecia.

Hechos 14:6

Atoq ri Pablo y ri Bernabé xkinabꞌej ri ndojowex chikij, xeꞌanimej y xebꞌa pa kaꞌiꞌ tinamit kibꞌiniꞌan Listra y Derbe chin ri rochꞌulew Licaonia, y pa teq lugares ekꞌo chikinaqaj ri tinamit riꞌ.

Colosenses 4:10

Ri hermano Aristarco ri wachibꞌil waweꞌ pa cheꞌ nduteq e ruxunaqil iwech. Nduteq chuqaꞌ ruxunaqil iwech ri hermano Marcos ri roxpochel ri Bernabé. Y achel nubꞌiꞌin chik chiwa, atoq ri Marcos xteqaqa iwikꞌin, jabꞌel rukꞌamik ruwech tibꞌanaꞌ.

3 Juan 1:1

Riyin Juan, jun ukꞌuey bꞌey chikiwech ri hermanos, nitzꞌibꞌaj e re wuj reꞌ chawa rat hermano Gayo ri tzꞌan ngatojowex. Niteq e ruxunaqil awech rat ri qetzij ngatinwojoꞌ.

Filemón 1:24

Y ri Marcos, ri Aristarco, ri Demas y ri Lucas ri ewachibꞌil pa samaj ndikiteq e chuqaꞌ ruxunaqil awech.

2 Timoteo 1:2

Nitzꞌibꞌaj e re wuj reꞌ chawa rat Timoteo, ri rat achel nukꞌajol ri tzꞌan ngatinwojoꞌ. Ri Tataꞌaj Dios y ri Qajaw Cristo Jesús kin ta xtikiyaꞌ ki-favor pa awiꞌ, xtikijoyowaj awech, y xtikiyaꞌ uxlanen pa awánima.

1 Timoteo 1:1

Riyin Pablo, jun ru-apóstol ri Cristo Jesús, roma keriꞌ xkibꞌen mandar ri Dios Qakolonel y ri Cristo Jesús ri achoq roma qoyobꞌen ri qakolotajik.

Filipenses 2:19

Nubꞌanun ruwech chi niteq yan e ri hermano Timoteo chiꞌitzꞌetik, si keriꞌ ndirajoꞌ ri Ajaw Jesús, chin keriꞌ achel ndikuqer qa ikꞌuꞌx rix ri ndiwetamaj achike nubꞌanun riyin, keriꞌ chuqaꞌ riyin ndikuqer qa nukꞌuꞌx ri niwetamaj achike ibꞌanun rix.

2 Corintios 1:19

Porque ri Jesucristo, ri Rukꞌajol ri Dios, ma ndubꞌij ta jun achike ri ma ndubꞌen ta, rijaꞌ kin jumul wi ndubꞌen ri ndubꞌij, keriꞌ ri qatzijon kan riyin Pablo, ri Silvano y ri Timoteo chiwa, y rikꞌin ri Cristo nditzꞌetetej chi ri Dios kin jumul wi ndubꞌen ri ndubꞌij,

2 Corintios 1:1

Riyin Pablo, apóstol chin ri Cristo Jesús roma jariꞌ rurayibꞌel ri Dios, junan rikꞌin ri hermano Timoteo ndiqatzꞌibꞌaj e re wuj reꞌ chiwa rix ri ralkꞌuaꞌl ri Dios ri ndimal iwiꞌ pa rubꞌiꞌ pa tinamit Corinto, y chake konojel ri hermanos ekꞌo chiriꞌ pa rochꞌulew Acaya.

Romanos 16:23

Ri Gayo nduteq chuqaꞌ ruxunaqil iwech. Rijaꞌ rukꞌamon apu nuwech pa rachoch, achel ndubꞌen kikꞌin konojel ri ralkꞌuaꞌl ri Dios ri ngetuqaqa waweꞌ. Ri Erasto ri ndibꞌanun cuenta ri méra chin ri tinamit chireꞌ, nduteq e ruxunaqil iwech. Ri hermano Cuarto nduteq e chuqaꞌ ruxunaqil iwech.

Romanos 16:21

Ri Timoteo nduteq ruxunaqil iwech. Rijaꞌ junan ngojsamej rikꞌin pa rusamaj ri Ajaw. Keriꞌ chuqaꞌ ndikiteq ruxunaqil iwech ri nuwinaqul Lucio, ri Jasón y ri Sosípatro.

Hechos 27:2

Y xojok e pa jun barco chin ri tinamit Adramitio. Ri barco riꞌ ndeꞌeqꞌax pe chikichiꞌ ri tinamit ri ekꞌo chuchiꞌ mar chin ri rochꞌulew Asia. Xojbꞌa pariꞌ ri yaꞌ, y qikꞌin roj bꞌaneq ri Aristarco aj Tesalónica, jun tinamit chin ri rochꞌulew Macedonia.

Hechos 17:1

Atoq ri Pablo y ri Silas kitzꞌamon bꞌey, xeꞌeqꞌax pa tinamit Anfípolis y pa tinamit Apolonia, y xebꞌeqaqa pa tinamit Tesalónica apeꞌ kꞌo jun sinagoga kichin ri israelitas.

Hechos 14:20

Pero atoq ri kitaqin ri Ajaw xbꞌekimoloꞌ kiꞌ chirij ri Pablo, rijaꞌ xyakatej pe, xok chi apu pa tinamit, y chukan qꞌij xutzꞌen bꞌey junan rikꞌin ri Bernabé chin xebꞌa pa tinamit Derbe.

Hechos 2:9

Porque chiqakajal ri rojkꞌo waweꞌ, ekꞌo aj rochꞌulew Partia, aj rochꞌulew Media, aj rochꞌulew Elam, aj rochꞌulew Mesopotamia, aj rochꞌulew Judea, aj rochꞌulew Capadocia, aj rochꞌulew Ponto, aj rochꞌulew Asia,

Hechos 16:6

Ri Espíritu Santo ma xuyaꞌ ta qꞌij chake ri Pablo y ri erachibꞌilan chin ta xkitzijoj ri rutzij ri Dios pa rochꞌulew Asia, romariꞌ rejeꞌ xeꞌeqꞌax pa rochꞌulew Frigia y pa rochꞌulew Galacia.

Hechos 17:13

Atoq ri israelitas chin ri tinamit Tesalónica xkakꞌaxaj chi pa tinamit Berea ri Pablo ndutzijoj ri rutzij ri Dios, xebꞌeqaqa pa tinamit Berea y xkiyaꞌ tzij pa kixikin santienta wineq chin xeyakatej chirij ri Pablo.

Hechos 20:16

Keriꞌ xqabꞌen, porque ri Pablo ma ndirajoꞌ ta nduqꞌasaj kꞌiy qꞌij pa rochꞌulew Asia, romariꞌ ma xeqꞌax ta pa tinamit Éfeso, porque ndutij ruqꞌij ndeqaqa pa tinamit Jerusalén, roma ndirajoꞌ, si kꞌo ta cheꞌel, kꞌo chi ta chiriꞌ atoq nduqaqa ri nimaqꞌij Pentecostés.

Hechos 20:18

Atoq ri eꞌukꞌuey bꞌey riꞌ xebꞌeqaqa rikꞌin ri Pablo, rijaꞌ kereꞌ xubꞌij chake: Rix iwetaman achike chi kꞌaslen xinkꞌuaj chiwech xe jampeꞌ ri nabꞌey qꞌij xinuqaqa pa rochꞌulew Asia.