Hechos 2:47 - Kaqchikel Santo Domingo (Xenacoj)

⁴⁷ Ndikiyalaꞌ ruqꞌij ri Dios y kin yalan ngetzꞌat koma ri wineq. Y ri Ajaw qꞌij-qꞌij ndubꞌen chi más ngekꞌiyer, porque ngerukal ri wineq ri rubꞌanun ruwech chi ngekolotej.

နောက်ထပ်ဗားရှင်းများ

Kaqchikel Santa Maria de Jesus

⁴⁷ Y niquiyaꞌ rukꞌij ri Dios, y otz ncaꞌtzꞌiet cuma ri vinak. Y kꞌij-kꞌij icꞌo más ri ncaꞌbꞌaka chupan ri iglesia, ruma ja ri Ajaf ri nibꞌano chi ncaꞌcolotaj.

Kaqchiquel Bible

⁴⁷ Rije' utz k'a yetz'et koma ri winaqi'. Nikiya' k'a ruq'ij ri Dios, y kan q'ij-q'ij k'a ek'o más ri yekolotej, roma kan ja ri ajaw ri nibanon chike chi yek'iyer.

Kaqchikel Central Guatemala

⁴⁷ Y niquiya' ruk'ij ri Dios. Can k'ij-k'ij c'a ec'o más ri yecolotej, roma can jac'a ri Ajaf ri nibanon chique chi yeq'uiyer. Y rije' utz c'a yetz'et coma ri vinek.

Re C'ac'a Testamento pa Kach'abal

⁴⁷ Y niquiya' ruk'ij re Dios. Can k'ij-k'ij c'a jec'o más re ye'colotaj, roma can ja re Ajaf re nibano chique che ye'q'uier. Y reje' otz c'a ye'tz'et coma re vinak.

Kaqchikel Western Solola

⁴⁷ Y niquiya' ruk'ij ri Dios. Y riye' can utz c'a yetz'et cuma quinojel ri winek y ri Ajaf ntajin nuben chique chi yeq'uiyer ri ye colotajnek, ruma can k'ij k'ij ye q'uiy chique ri can c'o wi chi yecolotej ri yetajin niquinimaj ri Jesucristo.

Hechos 2:47 ပူးပေါင်းရင်းမြစ်များ

Hechos 16:5

Y keriꞌ, pa teq tinamit ndikꞌojeꞌ más ruchuqꞌaꞌ kánima ri ndikimal kiꞌ pa rubꞌiꞌ ri Ajaw, y qꞌij-qꞌij más ngekꞌiyer ri ngetaqin.

1 Corintios 1:18

Porque ri tzij ri ndichꞌaꞌa pa ruwiꞌ rukamik ri Cristo cho cruz, pa kiwech ri wineq ri ebꞌaneq chupan ri bꞌey chin ma ngekolotej ta, xa achel chꞌujulej teq tzij keriꞌ, pero chaqe roj ri roj bꞌaneq chupan ri bꞌey chin ngojkolotej, ri tzij riꞌ kin nimalej ruchuqꞌaꞌ ri Dios.

Hechos 2:41

Y keriꞌ kꞌa, ri xkitaqij ri xubꞌij ri Pedro, xebꞌan bautizar, y chupan ri qꞌij riꞌ, jun laꞌeq 3,000 ri xkitaqij ri Ajaw y xeꞌok kachibꞌil ri kitaqin chik ri Ajaw.

Hechos 2:39

Porque ri Qajaw Dios rusujun chi nduyaꞌ ri Espíritu Santo chake konojel ri ngeroyoj chin ngeꞌok rutinamit, ri achoq chikikajal rixkꞌo rix, ekꞌo ri iwalkꞌuaꞌl, y ri eꞌaj nej teq apeꞌ, xchajeꞌ ri Pedro.

Romanos 14:18

Porque ri keriꞌ rukꞌaslen rukꞌuan, ndubꞌen rusamaj ri Cristo, kin ndiqaꞌ wi chuwech ri Dios, y utz rutzijol ndibꞌan chikikajal ri wineq.

Hechos 11:24

Keriꞌ xubꞌij ri Bernabé, porque kin utz runoꞌoj, kuqul rukꞌuꞌx rikꞌin ri Dios, y nojneq ránima rikꞌin ri Espíritu Santo. Ri qꞌij riꞌ, ekꞌiy xkitaqij ri Ajaw.

Hechos 13:48

Atoq ri ma israelitas ta xkakꞌaxaj keriꞌ, santienta xekikot y ndikiyalaꞌ ruqꞌij ri rutzij ri Dios. Y konojel ri bꞌiꞌin chi pe pa kiwiꞌ chi ndikil ri kꞌaslen ma ndikꞌis ta, xkitaqij ri Ajaw.

Romanos 9:27

Y keriꞌ chuqaꞌ ri profeta Isaías kereꞌ xubꞌij kan pa kiwiꞌ ri israelitas: Maske ri israelitas kin esantienta achel ri sanayiꞌ kꞌo chuchiꞌ ri mar, xa ejubꞌaꞌ ok ri ngekolotej.

Romanos 8:30

Y ri echaꞌon pe, xeroyoj chin xkiyaꞌ kánima chare, y ri xeroyoj xubꞌen chake chi nixta jun kimak ndikeqalej chuwech, y ri nixta jun kimak keqalen, xubꞌen chake chi ndikꞌojeꞌ kiqꞌij chupan ri nimalej ruqꞌij rijaꞌ.

San Lucas 2:52

Y ri Jesús bꞌaneq rukꞌiyik rupalen, keriꞌ chuqaꞌ ri runojibꞌal, y ri favor nduyaꞌ ri Dios kꞌo pa ruwiꞌ y ri wineq kin utz runoꞌoj ndikitzꞌet.

Hechos 4:21

Y ri bꞌotzaj achiꞌaꞌ israelitas kꞌo uchuqꞌaꞌ pa kiqꞌaꞌ, jumbꞌey chik xekixibꞌij chi ngekibꞌen castigar, pero xkiyaꞌ qꞌij chake chi xebꞌa, porque ma xkil ta jun modo chi man ta ndikiyek koyowal ri wineq si ngekibꞌen castigar, porque konojel ri wineq ndikiyaꞌ ruqꞌij ri Dios roma ri xbꞌanatej.

Hechos 4:33

Rikꞌin nimalej ruchuqꞌaꞌ ri Dios, ri apóstoles ndikitzijoj chi xkꞌastajbꞌex pe ri Ajaw Jesús chikikajal ri animaꞌiꞌ. Kin nditzꞌetetej chi ri ru-favor ri Dios kꞌo pa kiwiꞌ konojel ri kitaqin rijaꞌ.

San Lucas 19:48

Pero ma ndikil ta achike modo ndikibꞌen, porque konojel ri wineq santienta bꞌaneq kánima pa ruwiꞌ ri ndubꞌij ri Jesús chake.

Hechos 4:4

Pero ekꞌiy chikiwech ri xeꞌakꞌaxan rutzij ri Dios ri xkitzijoj ri Pedro y ri Juan, xkitaqij ri Ajaw. Y keriꞌ xekꞌiyer y xkibꞌen qa jun laꞌeq 5,000 achiꞌaꞌ ri kitaqin chik ri Ajaw.

Hechos 6:1

Chupan teq ri qꞌij atoq ngekꞌiyer más ri kitaqin ri Ajaw, ri israelitas ri ngechꞌaꞌa pa chꞌabꞌel griego ma ngekikot ta rikꞌin ri achike modo ndibꞌan chare ri rujachik ri kitoꞌik ri malkaꞌ teq ixoqiꞌ ri ndibꞌan qꞌij-qꞌij, romariꞌ kereꞌ xkibꞌij chake ri apóstoles: Ma junan ta ri ndiyoꞌox chake ri malkaꞌ teq ixoqiꞌ chiqakajal roj ri ngojchꞌaꞌa pa chꞌabꞌel griego, rikꞌin ri ndiyoꞌox chake ri malkaꞌ teq ixoqiꞌ ri ngechꞌaꞌa pa chꞌabꞌel hebreo, ngechajeꞌ.

Hechos 6:7

Y ri rutzij ri Dios bꞌaneq más rutzijol, y qꞌij-qꞌij pa tinamit Jerusalén ngekꞌiyer más ri kitaqin ri Ajaw, y ekꞌiy chuqaꞌ sacerdotes israelitas ngeniman chuwech ri Dios roma ndikitaqij ri Jesús.

Hechos 9:31

Chupan ri tiempo riꞌ, ri hermanos aj rochꞌulew Judea, aj rochꞌulew Galilea y aj rochꞌulew Samaria, ma ngetzeqlebꞌex chi ta chin ndibꞌan itzel chake. Ri hermanos ndikinimaj ri Ajaw y ndikꞌiy ri kikꞌaslen, y más wineq ndikitaqij ri Ajaw, porque ri Espíritu Santo ngerutoꞌ.

Hechos 9:35

Y ri aj tinamit Lida y ri aj tinamit Sarón, atoq xkitzꞌet ri xbꞌanatej rikꞌin ri Eneas, xkiyaꞌ kan ri itzel kꞌaslen kikꞌuan y xkitaqij ri Ajaw.

Hechos 11:21

Ri ruchuqꞌaꞌ ri Ajaw kin kꞌo pa kiwiꞌ ri achiꞌaꞌ riꞌ, y kꞌiy wineq xkitaqij ri xkibꞌij, y xkiyaꞌ kánima rikꞌin ri Ajaw.

Hechos 14:1

Ri Pablo y ri Bernabé xebꞌeqaqa pa tinamit Iconio, y junan xeꞌok apu pa sinagoga kichin ri israelitas. Chiriꞌ xkitzijoj ri rutzij ri Dios, y riꞌ xubꞌen chi santienta israelitas y ma israelitas ta xkitaqij ri Ajaw.

Hechos 14:21

Atoq xkitzijoj yan ri utzulej teq tzij chin kolotajik chiriꞌ, y atoq ekꞌiy chik kitaqin ri Cristo chin ndikinimaj, ri Pablo y ri Bernabé xetzolij pa tinamit Listra. Chiriꞌ xkitzꞌen chik bꞌey, xetzolij pa tinamit Iconio y kꞌateriꞌ xetzolij pa tinamit Antioquía ri kꞌo pa rochꞌulew Pisidia.

Hechos 17:12

Y roma keriꞌ ndikibꞌen, ekꞌiy chikikajal rejeꞌ xkitaqij ri Ajaw, y keriꞌ chuqaꞌ chikikajal ri ma israelitas ta ekꞌo nimalej kiqꞌij ixoqiꞌ y ekꞌiy achiꞌaꞌ xkitaqij ri Ajaw.