Hechos 2:20 - Kaqchikel Santo Domingo (Xenacoj)

²⁰ Ri qꞌij ndiqꞌeqꞌumer qa ruwech Y ri raqen ikꞌ, kikꞌ ruwech ndubꞌen qa, Keriꞌ ndibꞌanatej nabꞌey chi nduqaqa ri nimalej tiempo ri kin kꞌo ruqꞌij, atoq ndibꞌanatej nojel ri rubꞌiꞌin kan ri Ajaw.

နောက်ထပ်ဗားရှင်းများ

Kaqchikel Santa Maria de Jesus

²⁰ Y ri kꞌij man xtuyaꞌ ta chic rusakil. Ri icꞌ incheꞌl quicꞌ xtuꞌon. Jareꞌ ri xcaꞌbꞌanataj naꞌay antok majaꞌ talka ri kꞌij richin ri Ajaf, chupan ri nem kꞌij antok xcaꞌan juzgar quinojiel ri vinak.

Kaqchiquel Bible

²⁰ Ri q'ij man xtisaqirisan ta chik. Ri ik' xtok achi'el kik'. Kere' k'a ri xtibanatej toq man jani noqaqa ri q'ij wichin yin, chupan ri nimalej q'ij toq xtiq'at-tzij pa kiwi' ri winaqi', q'ij ri ruk'amon-pe nimalej xibinri'il.

Kaqchikel Central Guatemala

²⁰ Y ri k'ij man xtisakirisan ta chic. Ri ic' xtoc achi'el quic'. Que c'a re' ri xtibanatej nabey tok man jani noka' ri k'ij richin ri Ajaf, chupan ri nimalej k'ij tok xtik'at tzij pa quivi' ri vinek.

Re C'ac'a Testamento pa Kach'abal

²⁰ Y re k'ij xa xtik'ukumutaj rach y man chic xtitzu'un-ta. Re ic' xtoc ancha'l quic'. Quire' re xtibanataj nabey tak c'amaje-na ne'ka re k'ij chin re Ajaf, chupan re namalaj k'ij tak xque'ban juzgar re vinak.

Kaqchikel Western Solola

²⁰ Y ri k'ij ma xtitzu'un ta chic. Ri ic' xtoc achi'el quic'. Quec'ari' ri xtibanatej nabey tek ma jane noka ta ri nimalaj k'ij riche (rixin) ri Ajaf, chupan ri k'ij tek xtik'at tzij pa quiwi' ri winek.

Hechos 2:20 ပူးပေါင်းရင်းမြစ်များ

2 Pedro 3:10

Pero achel jun eleqꞌon pa jumel ruwech ndok pa jun achoch, keriꞌ pa jumel ruwech nduqaqa ri tiempo atoq ndibꞌanatej nojel ri rubꞌiꞌin kan ri Ajaw. Chupan teq ri qꞌij riꞌ, ri kaj santienta ndiqꞌajan ndikꞌis, nojel ri ebꞌanun roma ri Dios ngekꞌis pa qꞌaqꞌ, y ri rochꞌulew y nojel ri achike ekꞌo chuwech, maneq apeꞌ ndikewaj kiꞌ, xa ndikꞌis ruqꞌij nojel.

San Mateo 24:29

Atoq xqꞌax yan ri kꞌayew richin teq ri qꞌij riꞌ, ja ndiqꞌeqꞌumer qa ruwech ri qꞌij y ri raqen ikꞌ ma ndiyikꞌan chi ta, ri chꞌumilaꞌ ngetzaq e chuwech ri kaj, y ri nimalej teq uchuqꞌaꞌ ri erichin chikaj ngeꞌelesex pa teq kikꞌojlibꞌel.

1 Tesalonicenses 5:2

Porque rix iwetaman utz-utz chi ri tiempo atoq ndibꞌanatej nojel ri rubꞌiꞌin kan ri Ajaw, nduqaqa atoq nixta jun ndinabꞌen richin, achel jun eleqꞌon ri ma ndinabꞌex ta atoq ndok pa jun achoch chaqꞌaꞌ chin ndeꞌeleqꞌan pe.

2 Pedro 3:7

Rikꞌin chuqaꞌ ri rutzij ri Dios, ri kaj y ri rochꞌulew ri ngeqatzꞌet wokami qꞌaton tzij pa kiwiꞌ chi ngeporox pa qꞌaqꞌ, pero eyakel apu chin ri qꞌij atoq ri Dios nduqꞌet tzij y ndiqaqa nimalej castigo pa kiwiꞌ ri wineq maneq Dios pa kiwech.

San Lucas 21:25

Y ngetzꞌetetej etal chuwech ri qꞌij, chuwech ri raqen ikꞌ y chikiwech ri chꞌumilaꞌ, y chochꞌulew ri jalajaj kiwech wineq kixibꞌin kiꞌ y ma ndikil ta rubꞌeyal achike ndikibꞌen porque ri mar santienta ndiwujuj y santienta ndibꞌolqotilan,

Marcos 13:24

Atoq xqꞌax yan ri kꞌayew richin teq ri qꞌij riꞌ, ndiqꞌeqꞌumer qa ruwech ri qꞌij y ri raqen ikꞌ ma ndiyikꞌan chi ta.

Apocalipsis 16:8

Ri rukaj ángel xbꞌa, y pa ruwiꞌ ri qꞌij xbꞌeruwoxij ri kꞌo chupan ri copa rukꞌuan, y ri qꞌij xkꞌojeꞌ ruchuqꞌaꞌ chin ngerukꞌatisaj ri wineq rikꞌin ruqꞌaqꞌal.

Apocalipsis 6:12

Y atoq ri Alaj Karneꞌl xuraqꞌachꞌij ri ruwaq sello tzꞌamayon richin ri bꞌoton wuj, xintzꞌet chi xbꞌanatej jun nim kobꞌraqen, y ri qꞌij xqꞌeqꞌumer qa, y xok qa xaq achel jun tzieq chin bꞌis. Y nojel ruwech ri raqen ikꞌ xubꞌen qa keq achel kikꞌ.

1 Corintios 5:5

tijachaꞌ pa ruqꞌaꞌ ri itzel ri achi riꞌ chin ndikꞌojeꞌ pa kꞌayew, y keriꞌ ndikꞌis qa ri itzel rayinik kꞌo pa ru-cuerpo chin keriꞌ ndikolotej ri ránima chupan ri tiempo atoq ndibꞌanatej nojel ri rubꞌiꞌin kan ri Ajaw.

San Mateo 27:45

Atoq xnikꞌajer ri qꞌij, qꞌequꞌ xubꞌen qa nojel ri rochꞌulew, y ri qꞌequꞌ xkꞌis e hasta pa rox hora chin tiqaqꞌij.

Hechos 2:19

Chikaj nibꞌen nimalej teq achike ri nixta jumbꞌey etzꞌeton, Y chochꞌulew nibꞌen nimalej teq retal ri wuchuqꞌaꞌ ri ndisach ikꞌuꞌx nditzꞌet. Nditzꞌetetej kikꞌ, qꞌaqꞌ y sibꞌ ri ndibꞌuqubꞌut achel nubes.

Hechos 2:21

Y nabꞌey chi nduqaqa ri tiempo riꞌ, konojel ri ngekꞌutun kitoꞌik chare ri Ajaw, Kin ngekolotej wi. Keriꞌ rubꞌiꞌin kan ri Dios pa ruchiꞌ ri profeta Joel.