Hechos 2:2 - Kaqchikel Santo Domingo (Xenacoj)

² Kꞌateꞌ ruwech xakꞌaxex chikaj ri achel ndiqꞌajan jun kaqiqꞌ santienta ruchuqꞌaꞌ, y kin xqꞌajan chupan nojel ri achoch apeꞌ etzꞌuyul.

နောက်ထပ်ဗားရှင်းများ

Kaqchikel Santa Maria de Jesus

² Y jun arapienta, xkꞌajan-pa chicaj, y can incheꞌl jun nem cakꞌiekꞌ ri nikꞌajan patanak. Y reꞌ altíra xuꞌon ri pa jay ri pacheꞌ i-tzꞌuyul-ve.

Kaqchiquel Bible

² Chaq k'ate' k'a k'o jun ri xq'ajan ri chikaj, kan achi'el toq k'o jun nimalej kaq'iq' ri niq'ajan peteneq. Y re' xunojisaj ri jay ri akuchi e tz'uyul-wi.

Kaqchikel Central Guatemala

² Y can man jun c'a runabexic tok jari' c'o jun ri xk'ajan ri chicaj, can achi'el tok c'o jun nimalej cak'ik' ri nik'ajan petenek. Y re' xunojisaj ri jay ri quimolon-vi-qui', e tz'uyul.

Re C'ac'a Testamento pa Kach'abal

² Y man jun quinaben, jare' tak c'o jun xk'ajan chicaj, can ancha'l nuban jun cak'ik' tak camas ruchuk'a' y nik'ajan pitinak. Y re' can xunojsaj re jay re anche' quimalon-va-qui', y je'tz'uyurnak.

Kaqchikel Western Solola

² Y can majun c'a runabexic tek yari' c'o jun ri xk'ajan pe chicaj, can achi'el tek c'o jun nimalaj cak'ik' ri nik'ajan petenak. Y re' xunojsaj ri jay ri acuchi (achique) quimolon wi qui', ye tz'uyul.

Hechos 2:2 ပူးပေါင်းရင်းမြစ်များ

Hechos 4:31

Y atoq xkibꞌen yan orar, xselon ri lugar apeꞌ kimolon kiꞌ, y konojel xnoj kánima rikꞌin ri Espíritu Santo, y ma ndikixibꞌij ta kiꞌ ndikitzijolaꞌ ri utzulej rutzij ri Dios.

San Juan 3:8

Ri kaqiqꞌ ndiwujuj xa apejeꞌ na, y maske ndawakꞌaxaj chi ndiwujuj, ma awetaman ta apeꞌ pataneq y apeꞌ ndibꞌa wi. Keriꞌ ndibꞌanatej kikꞌin ri wineq ri kikꞌuan ri kꞌakꞌakꞌ alaxik. Ma qꞌalej ta achike modo ndisamej ri Espíritu Santo pa kánima chin ndujel kikꞌaslen.

San Lucas 2:13

Y kꞌateꞌ ruwech rikꞌin ri ángel xeqꞌalajin pe santienta ángeles ri ndikiyaꞌ ruqꞌij ri Dios y ndikibꞌilaꞌ:

Hechos 2:3

Y ja atoq riꞌ xukꞌut riꞌ chikiwech achel ruxaq teq qꞌaqꞌ, ri xkijachalaꞌ kiꞌ y xqaqa pa kiwiꞌ chikijununal.

Hechos 2:6

Y atoq xkakꞌaxaj ri achel kaqiqꞌ ndiqꞌajan, santienta chikiwech rejeꞌ xkimal apu kiꞌ apeꞌ kimolon kiꞌ ri kitaqin ri Ajaw, y xsach kikꞌuꞌx roma kin pa teq kichꞌabꞌel rejeꞌ ngekakꞌaxaj chi ngechꞌaꞌa ri kitaqin ri Ajaw.

1 Pedro 1:12

Pero ri Dios xuqꞌalajrisaj chake ri profetas chi ri favor ndikitzijoj, ma pa ki-tiempo ta rejeꞌ ndiyoꞌox, xa kꞌa pa i-tiempo rix. Y ja favor riꞌ ri iwakꞌaxan pa kichiꞌ ri ngetzijon ri utzulej teq tzij chin kolotajik, rikꞌin ruchuqꞌaꞌ ri Espíritu Santo taqon pe chikaj. ¡Y hasta ri ángeles chuqaꞌ ndikajoꞌ ndiketamaj rubꞌeyal ri favor riꞌ!