Hechos 18:21 - Kaqchikel Santo Domingo (Xenacoj)

²¹ Y atoq ja ndel pe chiriꞌ, xchꞌaꞌa kan chake y xubꞌij: ¡Si Dios ndirajoꞌ, ngitzolij chi pe jumbꞌey iwikꞌin! Y ja atoq riꞌ xok e pa jun barco, y xuyaꞌ kan ri tinamit Éfeso.

နောက်ထပ်ဗားရှင်းများ

Kaqchikel Santa Maria de Jesus

²¹ Xa xuꞌej cꞌa chica: Can nicꞌatzin chi nquicꞌujieꞌ Jerusalén ri kꞌij richin ri namakꞌej ri patanak. Pero xquitzalaj chic pa jun bꞌay iviqꞌuin, vi xa quireꞌ nrajoꞌ ri Dios, xchaꞌ chica. Y xaꞌruꞌon can despedir quinojiel y ja xuoc chic el chupan ri barco y xuyaꞌ can ri tanamet Efeso.

Kaqchiquel Bible

²¹ Xa xubij k'a chike chi kan xtitzolin chik pe jun bey kik'in, wi keri' nrajo' ri Dios. Toq ch'owineq chik kan chike konojel, xuya' kan ri Éfeso y xok chik el pa barco.

Kaqchikel Central Guatemala

²¹ Xa xubij c'a can chique chi can nic'atzin chi c'o pa Jerusalem ri k'ij richin ri nimak'ij ri petenek. Pero xquitzolin chic pe jun bey iviq'uin, vi queri' nrajo' ri Dios, xcha'. Y tok ch'ovinek chic c'a can chique conojel, xuya' c'a can ri tinamit Éfeso y xoc chic el pa barco.

Re C'ac'a Testamento pa Kach'abal

²¹ Xa xubij chique che reja' tiene que ne'c'ue' pa Jerusalén chin re namak'ij pitinak. Pero xquintzolaj chic-pa jun bey iviq'uin, vo xa quire' nrajo' re Dios, xcha' chique. Y tak ch'ovenak chic can chique conojel, xuya' can re tenemit Efeso y xoc chic-a chupan re barco.

Kaqchikel Western Solola

²¹ Xa xubij c'a ca chique chi can nic'atzin chi c'o pa Jerusalem ri k'ij riche (rixin) ri nimak'ij ri petenak. Pero xquitzolin chic pe jun bey iwuq'ui, wi queri' nrajo' ri Dios, xcha'. Y tek ch'onak chic c'a ca chique quinojel, xuya' c'a ca ri tinamit Efeso y xoc chic el pa barco.

Hechos 18:21 ပူးပေါင်းရင်းမြစ်များ

1 Corintios 4:19

Pero si ri Ajaw ndirajoꞌ, ngibꞌa yan chiꞌitzꞌetik, y ja atoq riꞌ nitzꞌet si qetzij kꞌo ruchuqꞌaꞌ ri Dios kikꞌin ri ndikinimrisalaꞌ kiꞌ, o xa xetal ok ngewalal.

Santiago 4:15

Ri ndikꞌatzin ndibꞌij rix, jareꞌ: Si ri Ajaw nduyaꞌ qakꞌaslen, ndiqabꞌen ri jalajaj teq achike qanojin, kixchajeꞌ.

Hebreos 6:3

Y kin xtikꞌiy más ri qakꞌaslen chiraqen ri Dios, si rijaꞌ nduyaꞌ qꞌij chaqe.

Romanos 15:32

Chin keriꞌ ngikikot ngibꞌeqaqa iwikꞌin, si jariꞌ ri rurayibꞌel ri Dios, y keriꞌ nginuxlan e jun jarupeꞌ qꞌij chiꞌikajal.

Romanos 1:10

Y jumul nikꞌutuj chare chi man ta chik kꞌo achike ndiqꞌato chinuwech chin ngibꞌa apu chiꞌitzꞌetik si jariꞌ rurayibꞌel rijaꞌ.

Hechos 20:16

Keriꞌ xqabꞌen, porque ri Pablo ma ndirajoꞌ ta nduqꞌasaj kꞌiy qꞌij pa rochꞌulew Asia, romariꞌ ma xeqꞌax ta pa tinamit Éfeso, porque ndutij ruqꞌij ndeqaqa pa tinamit Jerusalén, roma ndirajoꞌ, si kꞌo ta cheꞌel, kꞌo chi ta chiriꞌ atoq nduqaqa ri nimaqꞌij Pentecostés.

1 Pedro 3:17

Porque más utz ndiqꞌasaj kꞌayew roma ndibꞌen ri utz, si jariꞌ ri rurayibꞌel ri Dios chi ndiqꞌasaj pa ikꞌaslen, ke chuwech ndiqꞌasaj kꞌayew roma ndibꞌen ri ma utz ta.

2 Corintios 13:11

Hermanos, pa rukꞌisibꞌel nibꞌij chiwa: Tikikot ri iwánima. Titijaꞌ iqꞌij chin nditzꞌaqatisaj ri kꞌajani titzꞌaqet pa ikꞌaslen, tibꞌochilaꞌ iwiꞌ chiwech, jun ruwech iwánima tibꞌanaꞌ y man ta jun oyowal chiꞌikajal. Y ri Dios ri tzꞌan ndojowan y ndiyoꞌon uxlanen kin xtikꞌojeꞌ pa iwánima.

1 Corintios 16:7

Ma niwojoꞌ ta ngixbꞌentzꞌetaꞌ yan wokami xe chin kaꞌi-oxiꞌ qꞌij. Porque nuyoꞌon pa wánima chi niwojoꞌ ngikꞌojeꞌ chiꞌikajal kꞌiy qꞌij, si ri Ajaw nduyaꞌ qꞌij chuwa.

Hechos 21:14

Y roma ma xojtiker ta xqabꞌen chi ri Pablo man ta ndibꞌa e pa tinamit Jerusalén, ma jun chik achike xqabꞌij, xa kin xqayaꞌ nojel pa ruqꞌaꞌ ri Ajaw.

Hechos 19:21

Atoq xbꞌanatej yan nojel reꞌ, ri Pablo xuyaꞌ pa ránima chi ndibꞌa pa tinamit Jerusalén, pero nabꞌey ngebꞌerutzꞌetaꞌ ri kitaqin ri Ajaw pa teq tinamit chin ri rochꞌulew Macedonia y chin ri rochꞌulew Acaya, y kereꞌ ndubꞌij pa ránima: Atoq enutzꞌeton chik kan ri hermanos pa tinamit Jerusalén, ndikꞌatzin chuqaꞌ ngibꞌa pa tinamit Roma. Keriꞌ xunojij ri Pablo.

Hechos 15:29

Ma tikꞌux ri sujun chik chikiwech tiox, ma tikꞌamalaꞌ qa iwiꞌ xa achoq na ikꞌin chin ndibꞌen mak, ma tikꞌux tiꞌij ri kꞌo kikꞌ warneq chupan, nixta kikꞌ. Si ndibꞌen cuenta iwiꞌ chuwech nojel reꞌ, kin utz ri ndibꞌen. Ri Dios kin ta xtuyaꞌ ri ru-favor pa iwiꞌ.

San Lucas 9:61

Y jun chik kereꞌ xubꞌij chare ri Jesús: Ajaw, yin niwojoꞌ ngatinwoqaj, pero nabꞌey tayaꞌ qꞌij chuwa chin ngichꞌaꞌa kan chake ri ekꞌo pa wachoch.

San Mateo 26:39

Ja atoq riꞌ xbꞌa apu jubꞌaꞌ más kelaꞌ, xxukeꞌ qa y xuqasaj rujolon pa ulew, y kereꞌ ndubꞌen orar: Nataꞌ Dios, si kꞌo ta cheꞌel chi man ta niqꞌasaj ri kꞌayew pataneq pa nuwiꞌ, kanakoloꞌ. Pero ma tibꞌanatej ri niwojoꞌ yin, xa kin ja ri ndawojoꞌ rat, xchajeꞌ.

Marcos 6:46

Atoq ri Jesús xeruteq yan ri wineq chikachoch, xbꞌa e chuwech jun juyuꞌ chin xbꞌerubꞌanaꞌ orar.

Hechos 18:19

Y atoq xebꞌeqaqa pa tinamit Éfeso, ri Pablo xeruyaꞌ kan chiriꞌ ri Priscila y ri Aquila, y xbꞌa pa sinagoga chin xtzijon kikꞌin ri israelitas pa ruwiꞌ ri rutzij ri Dios.

Hechos 18:20

Rejeꞌ xkikꞌutuj kamelal chare chi tikꞌojeꞌ más tiempo kikꞌin pa kitinamit Éfeso, pero ri Pablo xubꞌij chi maneq cheꞌel chi keriꞌ.

Hechos 18:24

Chupan ri tiempo riꞌ pa tinamit Éfeso, xbꞌeqaqa jun achi israelita rubꞌiniꞌan Apolos, aj Alejandría. Rijaꞌ jabꞌel retaman ndichꞌaꞌa chikiwech wineq, y santienta chuqaꞌ retaman pa ruwiꞌ ri rutzij ri Dios tzꞌibꞌan kan.

Hechos 19:1

Atoq ri Apolos kꞌo pa tinamit Corinto, ri Pablo ndeqꞌax pa teq tinamit ekꞌo pa teq juyuꞌ chin ri rochꞌulew Galacia y ri rochꞌulew Frigia, y xbꞌeqaqa qa pa tinamit Éfeso, y chiriꞌ xebꞌerilaꞌ jujun teq wineq ri xe ok ri bautismo ri xukꞌut kan ri Juan ketaman.

Hechos 19:17

Y re xbꞌanatej xakꞌaxex koma konojel ri ekꞌo pa tinamit Éfeso, chi israelitas y ma israelitas ta. Y konojel xok xibꞌriꞌil pa kánima, y xnimrisex rubꞌiꞌ ri Ajaw Jesús.

Hechos 21:29

Keriꞌ ndikibꞌilaꞌ ri israelitas riꞌ, porque kitzꞌeton ri Pablo pa tinamit chi achibꞌilan roma jun achi aj Éfeso rubꞌiniꞌan Trófimo, y pa kitzij rejeꞌ ri Pablo xukꞌusaj apu pa rachoch ri Dios.

1 Corintios 15:32

Pero xa ta qetzij chi ri animaꞌiꞌ ma ngekꞌastajbꞌex ta pe, ndubꞌij tzij chi ma jun utz ndukꞌen pe chuwa ri kꞌayew nuqꞌasan pe chireꞌ pa tinamit Éfeso pa kiqꞌaꞌ wineq ri eꞌachel kꞌuxunel teq chikap. Y xa más ta utz nibꞌen achel ri tzij ndibꞌix: Quwaꞌ y tiqaqꞌabꞌarisaj qiꞌ porque chuwaꞌq-kabꞌij ngojken e.

1 Corintios 16:8

Pero kꞌa ngikꞌojeꞌ waweꞌ pa tinamit Éfeso, kꞌa teqꞌax na ri nimaqꞌij Pentecostés.

Efesios 1:1

Riyin Pablo jun apóstol chin ri Cristo Jesús roma jariꞌ rurayibꞌel ri Dios. Nitzꞌibꞌaj e re wuj reꞌ chiwa rix ri loqꞌolej rutinamit ri Dios ri rixkꞌo pa tinamit Éfeso, ri xe jun ibꞌanun rikꞌin ri Cristo Jesús ri itaqin.

Apocalipsis 1:11

Y xubꞌij pe chuwa: Tatzꞌibꞌaj chuwech jun wuj ri ndatzꞌet, y tataqaꞌ e chake ri bꞌotzaj teq ralkꞌuaꞌl ri Dios ri ndikimal kiꞌ pa rubꞌiꞌ rijaꞌ pa teq kitinamit pa rochꞌulew Asia. Ri wuquꞌ tinamit riꞌ ja ri Éfeso, ri Esmirna, ri Pérgamo, ri Tiatira, ri Sardes, ri Filadelfia y ri Laodicea.

Apocalipsis 2:1

Tatzꞌibꞌaj reꞌ chare ri nusamajel kꞌo pa ruwiꞌ ri bꞌotzaj ralkꞌuaꞌl ri Dios ri ndikimal kiꞌ pa tinamit Éfeso: Riyin ri Jesucristo ri ekꞌo wuquꞌ chꞌumil pa wikiqꞌaꞌ nuqꞌaꞌ y ngibꞌiyaj pa kinikꞌajal ri wuquꞌ candeleros ebꞌanun chare qꞌanapueq, nibꞌij kereꞌ: