Hechos 17:28 - Kaqchikel Santo Domingo (Xenacoj)

²⁸ Porque ja ri Dios yoyon ri qakꞌaslen, ja rijaꞌ yoyon quchuqꞌaꞌ chin ngojtiker ngojselon, y roma rijaꞌ rojkꞌo chochꞌulew, achel kibꞌiꞌin jujun poetas chiꞌikajal rix atoq xkibꞌij: ¡Roj kin roj ralkꞌuaꞌl wi ri Dios! echayineq kan.

နောက်ထပ်ဗားရှင်းများ

Kaqchikel Santa Maria de Jesus

²⁸ Y ruma jajaꞌ cꞌo kacꞌaslien, ruma jajaꞌ nkojsiluon, y ruma jeꞌ jajaꞌ ojcꞌo, can incheꞌl quiꞌeꞌn jujun achiꞌaꞌ poetas ri chiꞌicajol, chi ojreꞌ can oj ralcꞌual jeꞌ ri Dios.

Kaqchiquel Bible

²⁸ Roma rija' k'o qak'aslen, roma rija' yojsilon, y roma chuqa' rija' re ojk'o. Kan achi'el k'a kibin ri bixanela' ri ek'o iwik'in, chi roj kan oj ralk'ual k'a chuqa' ri Dios.

Kaqchikel Central Guatemala

²⁸ Y roma rija' tok c'o kac'aslen, roma rija' tok yojsilon, y roma chuka' rija' tok ojc'o, can achi'el c'a quibin ch'aka' achi'a' poetas ri chi'icojol, chi roj can oj ralc'ual c'a chuka' ri Dios.

Re C'ac'a Testamento pa Kach'abal

²⁸ Y roma reja' tak c'o kac'aslen, roma reja' tak yojsilon, y roma chuka' reja' tak yojc'o, can ancha'l quibin ja'jun chique re achi'a' poetas re jec'o chi'icojol, che yoj can yoj rajc'ual chuka' re Dios.

Kaqchikel Western Solola

²⁸ Y ruma Riya' tek c'o kac'aslen, ruma Riya' tek yojsilon, y ruma chuka' Riya' tek yojc'o, can achi'el c'a quibin c'a nic'aj achi'a' poetas ri can ye iwinak riyix, tek xquibij: Riyoj can yoj ralc'ual c'a chuka' ri Dios, xecha'.

Hechos 17:28 ပူးပေါင်းရင်းမြစ်များ

Colosenses 1:17

Atoq kꞌajani titzꞌukutej pe nojel, ri Cristo kin xixkꞌo wi y ja rijaꞌ ndibꞌanun chi rikꞌin ri nimalej ruchuqꞌaꞌ, nojel ri erubꞌanun ekꞌo pa kikꞌojlibꞌel y ma ngebꞌojbꞌoꞌ ta.

Hebreos 1:3

Rikꞌin ri Rukꞌajol ndiqꞌalajin ri nimalej ruqꞌij ri Dios, y rikꞌin rijaꞌ nditzꞌetetej achike qitz runoꞌoj ri Dios. Ja ri ruchuqꞌaꞌ ri rutzij ri Rukꞌajol tzꞌamayon kichin nojel ri achike ekꞌo, chin keriꞌ ekꞌo pa kikꞌojlibꞌel y ma ngebꞌojbꞌoꞌ ta. Y atoq ri Rukꞌajol xuqꞌasaj yan ri kamik chin ndichꞌajchꞌojir ri qakꞌaslen roj wineq chuwech ri mak, xbꞌetzꞌuyeꞌ e chikaj pa rikiqꞌaꞌ ri nimalej Rey Dios.

San Lucas 20:38

Y rijaꞌ ki-Dios ri kꞌo kikꞌaslen, y ma ki-Dios ta ri maneq kikꞌaslen, porque pa ruwech ri Dios konojel kꞌo kikꞌaslen, xchajeꞌ ri Jesús.

San Juan 5:26

Porque achel ri Tataꞌaj Dios jumul kꞌo rukꞌaslen y nduyaꞌ kꞌaslen, keriꞌ rubꞌanun chuwa yin ri Rukꞌajol chi jumul kꞌo nukꞌaslen y niyaꞌ kꞌaslen chuqaꞌ.

San Juan 11:25

Ri Jesús xubꞌij: Ja riyin ri ngikꞌastajbꞌan e kichin ri animaꞌiꞌ, y ja riyin ri ngiyoꞌon ri kꞌaslen ma ndikꞌis ta. Ri nditaqin wichin, maske xtiken, kin ndikꞌastajbꞌex pe.

Hebreos 12:9

Tiqakꞌuxlaꞌaj chi jumbꞌey kan, atoq kꞌa roj akꞌolaꞌ, ri qate-qatataꞌ xkikꞌajisaj qawech y roj xeqanimaj. Si keriꞌ, kin más rukꞌulun chi ndiqanimaj ri Tataꞌaj Dios ri kꞌo pa kiwiꞌ konojel espíritus, chin keriꞌ ndiqil ri kꞌaslen ma ndikꞌis ta.

San Lucas 3:38

Ri Cainán riꞌ, rukꞌajol kan ri Enós, ri Enós rukꞌajol kan ri Set, ri Set rukꞌajol kan ri Adán, y ri Adán, ja ri Dios yoyon rukꞌaslen.

Tito 1:12

Xkꞌojeꞌ jun kiwinaqul ri xubꞌij kan kereꞌ pa kiwiꞌ: Ri aj rochꞌulew Creta jumul ngereqꞌon. Xa kin itzel kinoꞌoj achel ta eꞌitzel teq chikap keriꞌ, eqꞌoroy ri xe waꞌin koma. Keriꞌ xubꞌij ri jun achi ri ndibꞌix profeta chare koma ri ruwinaqul aj rochꞌulew Creta.

Hebreos 2:11

Porque ri Jesús ri ndichꞌajchꞌojrisan kꞌaslen, kin richin wi ri Dios, y erichin chuqaꞌ ri Dios ri ndichꞌajchꞌojrisex kikꞌaslen. Romariꞌ ri Rukꞌajol ri Dios ma ndikꞌix ta ndubꞌij chi eruchaqꞌ,