Hechos 16:9 - Kaqchikel Santo Domingo (Xenacoj)

⁹ Y pa jun tokoqꞌaꞌ, ri Pablo xutzꞌet pa jun achel achikꞌ jun achi aj rochꞌulew Macedonia peꞌel apu chuwech, y ri achi riꞌ ndukꞌutuj kamelal chare y kereꞌ ndubꞌij: Tabꞌanaꞌ kamelal, kateqꞌax qikꞌin pa rochꞌulew Macedonia y qojatoꞌ, xchajeꞌ.

နောက်ထပ်ဗားရှင်းများ

Kaqchikel Santa Maria de Jesus

⁹ Y chakꞌaꞌ ri Pablo xutzꞌat chupan jun incheꞌl achicꞌ, chi cꞌo jun ache aj-Macedonia ri paꞌl-apa choch, y ri ache reꞌ nuꞌej cha: Tabꞌanaꞌ favor catakꞌax kiqꞌuin Macedonia y kojatoꞌ, xchaꞌ cha.

Kaqchiquel Bible

⁹ chupan ri aq'a' ri' ri Pablo xutz'et k'a pa jun achik', chi k'o jun achin aj pa ruwach'ulew Macedonia ri pa'el-apo chuwech. Y ri achin ri' nubij k'a chire: Tabana' utzil, kaq'ax qik'in pa Macedonia, y qojato', xcha' chire.

Kaqchikel Central Guatemala

⁹ Y chak'a' ri Pablo xutz'et c'a pa jun achi'el achic', chi c'o jun achin aj pa Macedonia ri pa'el-apo chuvech, y chi ri achin ri' nubij c'a chire: Tabana' utzil, cak'ax c'a kiq'uin pa Macedonia, y kojato', xcha' chire, xutz'et ri Pablo.

Re C'ac'a Testamento pa Kach'abal

⁹ Y re ak'a' re' re Pablo xutz'at pa jun ancha'l achic', che c'o jun ache aj-Macedonia re xpa'e-apo chach y re ache re' nubij cha: Tabana' utzil, catak'ax kaq'uin pa Macedonia, y kojato', xcha' cha.

Kaqchikel Western Solola

⁹ Y chak'a' ri Pablo xutz'et c'a pa jun achi'el achic', chi c'o jun achi aj pa Macedonia ri pa'el apo chuwech, y chi ri achi ri' nubij c'a chare: Tabana' jun utzil, cak'ax c'a kiq'ui pa Macedonia, y kojato', xcha' chare.

Hechos 16:9 ပူးပေါင်းရင်းမြစ်များ

Hechos 10:3

Pa rox laꞌeq hora chin jun tiqaqꞌij, ri Cornelio xubꞌen jun achel achikꞌ, y jabꞌel qꞌalej xutzꞌet jun ángel chin ri Dios ri bꞌaneq apu apeꞌ kꞌo rijaꞌ y ri ángel kereꞌ xubꞌij chare: ¡Cornelio!

Hechos 10:30

Y ri Cornelio xubꞌij: Pa kajiꞌ qꞌij kan, riyin nibꞌen orar chireꞌ pa wachoch, kewaꞌ laꞌeq hora riꞌ, ri rox hora chin tiqaqꞌij. Kꞌateꞌ ruwech xuqꞌalajrisaj riꞌ chinuwech jun achi ndiyikꞌilan rutziaq.

Hechos 16:10

Y atoq ri Pablo xutzꞌet yan ri achel achikꞌ, xqabꞌen paqiꞌ qakꞌojlen chin xojbꞌa pa rochꞌulew Macedonia, porque xqanaꞌ chi ja ri Dios ndoyon qichin, chin ndeqatzijoj ri utzulej teq tzij chin kolotajik chake.

Hechos 16:12

Y atoq xojel e pa tinamit Neápolis, xojbꞌa pa tinamit Filipos, ri tinamit más kꞌo ruqꞌij chin ri rochꞌulew Macedonia. Pa tinamit Filipos, ekꞌiy wineq aj Roma ekꞌo, y chiriꞌ xojkꞌojeꞌ jujun teq qꞌij.

Hechos 18:5

Atoq ri Silas y ri Timoteo xeꞌel pe pa rochꞌulew Macedonia y xebꞌa qa apeꞌ kꞌo ri Pablo pa tinamit Corinto, ri Pablo rujachon riꞌ chutzijoxik ri rutzij ri Dios chiriꞌ, y kin nduqꞌalajrisaj chikiwech ri israelitas chi ja ri Jesús ri xtaq pe roma ri Dios chukolik ri rutinamit.

Hechos 19:21

Atoq xbꞌanatej yan nojel reꞌ, ri Pablo xuyaꞌ pa ránima chi ndibꞌa pa tinamit Jerusalén, pero nabꞌey ngebꞌerutzꞌetaꞌ ri kitaqin ri Ajaw pa teq tinamit chin ri rochꞌulew Macedonia y chin ri rochꞌulew Acaya, y kereꞌ ndubꞌij pa ránima: Atoq enutzꞌeton chik kan ri hermanos pa tinamit Jerusalén, ndikꞌatzin chuqaꞌ ngibꞌa pa tinamit Roma. Keriꞌ xunojij ri Pablo.

Hechos 19:22

Xeruteq pa rochꞌulew Macedonia ekaꞌiꞌ ri ngetoꞌon richin, ri Timoteo y ri Erasto, pero ri Pablo xkanej kan pa rochꞌulew Asia.

Hechos 19:29

Ri wineq chin ri tinamit xeyakatej maske ma ketaman ta achike roma. Xebꞌekitzꞌamaꞌ ri Gayo y ri Aristarco, ekaꞌiꞌ achiꞌaꞌ aj rochꞌulew Macedonia ri kachibꞌilan ri Pablo apejeꞌ ndibꞌa y ekijororen xekikꞌuaj pa nimajay apeꞌ ndikimal kiꞌ ri wineq chin ri tinamit.

Hechos 20:1

Atoq xtaneꞌ ri oyowal y xkikiraj e kiꞌ ri wineq, jun chik qꞌij ri Pablo xuteq koyoxik ri hermanos y xerupixabꞌaj. Y atoq erupixabꞌan chik, xchꞌaꞌa kan chake, y xbꞌa pa rochꞌulew Macedonia.

Hechos 20:3

Atoq ja oxiꞌ ikꞌ tikꞌojeꞌ pa rochꞌulew Grecia, ri Pablo xubꞌen ruwech chi ndibꞌa pa jun barco chin nditzolij pa rochꞌulew Siria, pero xunabꞌej chi ri israelitas kibꞌanun ruwech chi ndikajoꞌ ndikikamisaj. Romariꞌ xuyaꞌ pa ránima chi más utz ndutzꞌen bꞌey, ndeqꞌax pa rochꞌulew Macedonia chin nditzolij pa rochꞌulew Siria.

Hechos 27:2

Y xojok e pa jun barco chin ri tinamit Adramitio. Ri barco riꞌ ndeꞌeqꞌax pe chikichiꞌ ri tinamit ri ekꞌo chuchiꞌ mar chin ri rochꞌulew Asia. Xojbꞌa pariꞌ ri yaꞌ, y qikꞌin roj bꞌaneq ri Aristarco aj Tesalónica, jun tinamit chin ri rochꞌulew Macedonia.

Hechos 9:38

Y roma ri tinamit Lida ma nej ta kikajal rikꞌin ri tinamit Jope, y roma ri discípulos xkakꞌaxaj chi ri Pedro kꞌo pa tinamit Lida, xekiteq kaꞌiꞌ achiꞌaꞌ apeꞌ kꞌo ri Pedro, chin xbꞌekikꞌutuj kamelal chare chi tipuꞌun paqiꞌ chikij pa tinamit Jope.

Romanos 15:26

Porque ri hermanos aj rochꞌulew Macedonia y aj rochꞌulew Acaya, xalex pa kánima xkimal jun ofrenda chin kitoꞌik ri hermanos ri maneq ok kichajin ri ekꞌo chikikajal ri loqꞌolej teq ralkꞌuaꞌl ri Dios pa tinamit Jerusalén.

2 Corintios 11:9

Y atoq xikꞌojeꞌ chiꞌikajal y maneq nikusaj, nixta jun chiꞌikajal rix ri xinyaꞌ ta ri eqaꞌ chirij, porque ri hermanos aj rochꞌulew Macedonia xinkitoꞌ rikꞌin ri xkꞌatzin chuwa atoq xebꞌeqaqa chiriꞌ. Riyin xintij nuqꞌij chi nixta jun eqaꞌ xinyaꞌ chiwij, y kꞌa keriꞌ na xtinbꞌen ri más chiqawech apu.

2 Corintios 12:7

Kin nimalej teq achike ri xeqꞌalajrisex chinuwech chupan ri achel teq achikꞌ. Y chin ma tinyaꞌ más nuqꞌij, ri Ajaw xuyaꞌ qꞌij chare ri itzel chi xuyaꞌ jun achel kꞌix pa nu-cuerpo ri ngiruyaꞌ pa kꞌayew chin ma ninimrisaj ta más wiꞌ.

2 Corintios 7:5

Keriꞌ nibꞌij chiwa, porque atoq xojbꞌeqaqa pa rochꞌulew Macedonia, ma jun uxlanen xqil. Pa rukꞌexel riꞌ, xa xqil nojel ruwech kꞌayew roma xeyakatej oyowal chiqij y pa qánima tzꞌan xibꞌriꞌil xqanaꞌ.

2 Corintios 8:1

Wokami hermanos, ndiqajoꞌ chi rix ndiyaꞌ cuenta chare ri samaj ndubꞌen ri ru-favor ri Dios pa kiwiꞌ ri ralkꞌuaꞌl ekꞌo pa rochꞌulew Macedonia, ri ndikimal kiꞌ pa rubꞌiꞌ pa teq kitinamit.

2 Corintios 9:2

Keriꞌ nibꞌij roma wetaman ri utzulej iwánima chi ndiwojoꞌ ngixtoꞌon, y kin ngikikot nibꞌij chake ri hermanos aj rochꞌulew Macedonia chi rix ri aj rochꞌulew Acaya kin xe junabꞌir xiwojoꞌ xixtoꞌon. Y roma ri keriꞌ xiwojoꞌ xibꞌen, santienta aj rochꞌulew Macedonia xkajoꞌ chuqaꞌ xetoꞌon.

1 Tesalonicenses 4:10

Y kin qetzij chi ngixojowan, porque ngeꞌiwojoꞌ konojel ri hermanos ekꞌo pa nojel rochꞌulew Macedonia. Pero ndiqabꞌij chiwa hermanos chi qꞌij-qꞌij más tiwojoꞌ iwiꞌ.