Hechos 15:39 - Kaqchikel Santo Domingo (Xenacoj)

³⁹ Ri Pablo y ri Bernabé santienta xkichuquchaꞌ kiꞌ chi tzij, romariꞌ ma xkachibꞌilaj chi ta kiꞌ pa rusamaj ri Ajaw. Ri Bernabé xukꞌuaj ri Juan Marcos, xeꞌok e pa jun barco y xebꞌa pa rochꞌulew Chipre.

နောက်ထပ်ဗားရှင်းများ

Kaqchikel Santa Maria de Jesus

³⁹ Y xquichꞌolila-ka-quiꞌ chiquivach; rumareꞌ ja xquijach-quiꞌ. Ri Bernabé xucꞌuaj ri Marcos, y xaꞌuoc-el chupan jun barco chi xaꞌa chupan ri isla rubꞌinan Chipre.

Kaqchiquel Bible

³⁹ Roma ri' xejalajo', y xkich'er k'a ki'. Ri Bernabé, xrachibilaj-el ri Marcos, xok-el pa jun barco richin xbe k'a pa Chipre.

Kaqchikel Central Guatemala

³⁹ Y romari' xejalajo', y xquich'er c'a qui'. Ri Bernabé xrachibilaj-el ri Marcos, y xe'oc-el pa jun barco richin xebe c'a pa Chipre.

Re C'ac'a Testamento pa Kach'abal

³⁹ Y mare' xoc ayoval chiquicojol, y xquijach-qui'. Re Bernabé xoc-a ruchibil re Marcos, y xe'oc-a pa jun barco chin xe'ba chupan re jun lugar rubini'an Chipre.

Kaqchikel Western Solola

³⁹ Y rumari' xejalajo' chiquiwech, y xquijech c'a qui'. Ri Bernabé xrachibilaj el ri Marcos, y xe'oc el pa jun barco riche (rixin) chi xebe c'a pa Chipre.

Hechos 15:39 ပူးပေါင်းရင်းမြစ်များ

Colosenses 4:10

Ri hermano Aristarco ri wachibꞌil waweꞌ pa cheꞌ nduteq e ruxunaqil iwech. Nduteq chuqaꞌ ruxunaqil iwech ri hermano Marcos ri roxpochel ri Bernabé. Y achel nubꞌiꞌin chik chiwa, atoq ri Marcos xteqaqa iwikꞌin, jabꞌel rukꞌamik ruwech tibꞌanaꞌ.

Santiago 3:2

Porque roj qonojel kꞌiy mul ma ja ta ri ndiqabꞌen, y ngeqabꞌij tzij ri ndubꞌen chake chꞌaqa chi ma utz ta ndikinaꞌ chare, pero si kꞌo jun ri ma ndisach ta rikꞌin ri tzij ngerubꞌilaꞌ, ri rukꞌaslen ri jun riꞌ kin ja achel ri ndirajoꞌ ri Dios, y nditiker chuqaꞌ nduqꞌet riꞌ chikiwech ri itzel teq achike.

Hechos 4:36

Keriꞌ xubꞌen jun achi alaxneq pa rochꞌulew Chipre rubꞌiniꞌan José, jun riy-rumam kan ri Leví. Re José reꞌ, xbꞌix Bernabé chare koma ri apóstoles, y ri bꞌiꞌaj riꞌ ndubꞌij tzij: Jun ri ndibꞌochiꞌin kánima ri wineq.

Hechos 11:20

Pero chikikajal ri xesututex e pa tinamit Jerusalén, ekꞌo jujun achiꞌaꞌ aj rochꞌulew Chipre y aj tinamit Cirene. Rejeꞌ atoq xebꞌeqaqa pa tinamit Antioquía, jajun chake ri ma israelitas ta xkitzijoj ri utzulej teq tzij ri ndubꞌij chi ja ri Jesús ri Ajaw.

Hechos 6:1

Chupan teq ri qꞌij atoq ngekꞌiyer más ri kitaqin ri Ajaw, ri israelitas ri ngechꞌaꞌa pa chꞌabꞌel griego ma ngekikot ta rikꞌin ri achike modo ndibꞌan chare ri rujachik ri kitoꞌik ri malkaꞌ teq ixoqiꞌ ri ndibꞌan qꞌij-qꞌij, romariꞌ kereꞌ xkibꞌij chake ri apóstoles: Ma junan ta ri ndiyoꞌox chake ri malkaꞌ teq ixoqiꞌ chiqakajal roj ri ngojchꞌaꞌa pa chꞌabꞌel griego, rikꞌin ri ndiyoꞌox chake ri malkaꞌ teq ixoqiꞌ ri ngechꞌaꞌa pa chꞌabꞌel hebreo, ngechajeꞌ.

Hechos 27:4

Pa tinamit Sidón xojok chi e chupan ri barco y xojbꞌa. Kin chunaqaj ri rochꞌulew kꞌo pa mar rubꞌiniꞌan Chipre roj bꞌaneq, porque ri kaqiqꞌ ngojrutzolij chiqij.

Hechos 15:2

Riꞌ xubꞌen chi ri Pablo y ri Bernabé ndikichuquchaꞌ kiꞌ chi tzij kikꞌin rejeꞌ, y hasta xmeqꞌeꞌ qa chake ri ndikibꞌilaꞌ. Y roma keriꞌ xbꞌanatej, ri hermanos pa tinamit Antioquía xekichaꞌ ri Pablo y ri Bernabé y jujun chik hermanos chin xekiteq e pa tinamit Jerusalén apeꞌ ekꞌo ri apóstoles y ri eꞌukꞌuey bꞌey chikiwech ri hermanos, chin ndikikanoj rubꞌeyal nojel reꞌ.

Hechos 12:12

Y atoq xunojij yan ri achike ndubꞌen, xbꞌa chirachoch ri María ruteꞌ ri Juan ri ndibꞌix Marcos chare, apeꞌ kimolon kiꞌ ekꞌiy hermanos, ndikibꞌen orar.

Hechos 15:37

Ri Bernabé xrajoꞌ xukꞌuaj ri Juan ri ndibꞌix Marcos chare.

1 Pedro 5:13

Ri hermanos ekꞌo pa Babilonia, ri echaꞌon roma ri Dios, achel rubꞌanun chiwa rix, ndikiteq e ruxunaqil iwech. Keriꞌ chuqaꞌ ri Marcos ri kin achel nukꞌajol pa rubꞌiꞌ ri Ajaw, nduteq e ruxunaqil iwech.