Hechos 15:24 - Kaqchikel Santo Domingo (Xenacoj)

²⁴ Xuqaqa rutzijol qikꞌin chi jujun teq achiꞌaꞌ ri ekꞌo chiqakajal xbꞌekitzijoj jun tijonik ri xubꞌen chiwa chi ma utz ta xinaꞌ y xusuqꞌ inoꞌoj. Pero ri wineq riꞌ, ma roj ta taqayon e kichin.

နောက်ထပ်ဗားရှင်းများ

Kaqchikel Santa Maria de Jesus

²⁴ Ojreꞌ xkaxaj chi icꞌo xaꞌbꞌaka iviqꞌuin, y vaveꞌ i-alanak-ve-el, pero man ja ta ojreꞌ oj-takayuon-el quichin. Ijejeꞌ xa jun-ve chic kax xquiꞌej chiva y rumareꞌ nquixquisach riqꞌuin ri iniman, ruma ijejeꞌ niquiꞌej chi can tiꞌan ri circuncisión chiva, y can tibꞌanaꞌ jeꞌ ri nicꞌaj chic kax ri nuꞌej chupan ri ley richin ri Moisés.

Kaqchiquel Bible

²⁴ Qak'axan k'a chi jujun chike ri qach'alal aj wawe' ri e apowineq iwik'in. Rije' xa jun wi chik ri xkibij chiwe y roma ri' xkisech ik'u'x, roma rije' nikibij chi rix k'o chi niban iwetal, y nitaqej ri pixa' ri richin kan ri Moisés. Jak'a man roj ta oj taqayon-el kichin.

Kaqchikel Central Guatemala

²⁴ Okavinek c'a rutzijol kiq'uin chi ec'o c'a ri e apovinek iviq'uin, y can vave' e elenek-vi-el, pero man ja ta roj oj takayon-el quichin. Rije' xa jun vi chic ri xquibij chive y romari' xquisech ic'u'x, roma rije' niquibij chi rix c'o chi niban ri circuncisión chive, y ri ch'aka' chic ri nubij chupan ri ley richin ri Moisés.

Re C'ac'a Testamento pa Kach'abal

²⁴ C'o rutzijol kaq'uin che jec'o je'aponak iviq'uin, y vova' je'elinak-va-a, pero mana-ta yoj re yojtakayon-a quichin. Reje' xa jun-va chic re xquibij chiva y mare' xquisatz ic'o'x, roma reje' niquibij che yex tiene que niban re circuncisión chiva, y re nic'aj chic cosas re nubij chupan re ley chin re Moisés.

Kaqchikel Western Solola

²⁴ Xoka c'a rutzijol kiq'ui chi yec'o c'a ri ye aponak iwuq'ui, y can wawe' ye elenak wi el, pero ma yoj ta c'a riyoj ri yoj takayon el quiche (quixin). Riye' xa jun wi chic ri xquibij chiwe y rumari' xquisech ic'u'x, ruma riye' niquibij chi rajawaxic chi niban ri circuncisión chiwe, y rajawaxic chi ninimaj ri nic'aj chic ri nubij chupan ri ley riche (rixin) ri Moisés.

Hechos 15:24 ပူးပေါင်းရင်းမြစ်များ

Gálatas 5:12

Pero ri wineq ri ndikisuqꞌ inoꞌoj rikꞌin ri kitijonik, ma xe ta kꞌa tikibꞌanaꞌ circuncidar kiꞌ, xa kin tikiqꞌataꞌ e nojel ri ki-parte.

Gálatas 5:10

Pero riyin kuqul nukꞌuꞌx rikꞌin ri Ajaw, chi rix ma xtijel ta ri ndinojij pa ruwiꞌ ri qetzij. Pero ri ndisuqꞌu inoꞌoj, maske achike na chi wineq, kꞌo na jun qꞌij ndiqaqa pa ruwiꞌ ri castigo ri nduyaꞌ ri Dios.

Hechos 15:1

Pero jujun teq israelitas chin ri rochꞌulew Judea xebꞌeqaqa pa tinamit Antioquía, y chupan ri tijonik ndikiyaꞌ chake ri hermanos kereꞌ ndikibꞌij: Si ma ndibꞌen ta circuncidar iwiꞌ achel ndubꞌij ri ley xyoꞌox chare ri Moisés, maneq cheꞌel ngixkolotej, ngechajeꞌ.

Gálatas 1:7

Y maneq chik jun rubꞌeyal ri utzulej teq tzij chin kolotajik, pero ri ndajin chiꞌikajal jareꞌ: Ekꞌo jujun wineq ri ndikiyaꞌ tzij pa ixikin chin ndikiqasaj ijolon, chin keriꞌ nditaqij jun chik tijonik ri ma junan ta rikꞌin ri utzulej teq tzij chin kolotajik ri xukꞌen pe ri Cristo.

1 Juan 2:19

Rejeꞌ chiqakajal roj xeꞌel e, pero ma eqachibꞌil ta, porque xa ta eqachibꞌil, xekꞌojeꞌ ta jumul chiqakajal. Pero xeꞌel e chiqakajal, chin xqꞌalajin chi ma konojel ta eqachibꞌil.

2 Timoteo 2:14

Rat Timoteo, takꞌuxlaꞌaj nojel reꞌ chake ri hermanos. Chuwech ri Dios tabꞌij chake chi ma tikichuquchaꞌ kiꞌ pa kiwiꞌ tzij, porque ma jun utz ndukꞌen pe chake. Xa ndusuqꞌ kinoꞌoj ri ngeꞌakꞌaxan richin.

Gálatas 5:4

Rix ri ndiwojoꞌ chi nixta jun imak ndiweqalej chuwech ri Dios roma ndibꞌen ri ndubꞌij ri ley, xa xiyaꞌ yan kan ri Cristo y xa xixel yan e chuxeꞌ ri favor nduyaꞌ ri Dios.