Hechos 14:7 - Kaqchikel Santo Domingo (Xenacoj)

⁷ Y chiriꞌ ndikitzijoj ri utzulej teq tzij chin kolotajik.

နောက်ထပ်ဗားရှင်းများ

Kaqchikel Santa Maria de Jesus

⁷ y chireꞌ xquitzijuoj-ve ri evangelio.

Kaqchiquel Bible

⁷ Rije' jak'a ri pa taq tinamit ri' xkitzijoj-wi ri ch'abel richin kolotajik.

Kaqchikel Central Guatemala

⁷ Rije' jac'a ri pa tak tinamit y ri pa tak lugar ri' xquitzijoj-vi ri ch'abel richin colotajic.

Re C'ac'a Testamento pa Kach'abal

⁷ Y jac'a pa tak tenemit y re pa tak lugares re' xquitzijoj-va re utzulaj ch'abal chin re Dios.

Kaqchikel Western Solola

⁷ Riye' ya c'a ri pa tak tinamit y ri pa tak lugar ri' xquitzijoj wi ri lok'olaj ch'abel ri niya'o colotajic.

Hechos 14:7 ပူးပေါင်းရင်းမြစ်များ

Hechos 14:21

Atoq xkitzijoj yan ri utzulej teq tzij chin kolotajik chiriꞌ, y atoq ekꞌiy chik kitaqin ri Cristo chin ndikinimaj, ri Pablo y ri Bernabé xetzolij pa tinamit Listra. Chiriꞌ xkitzꞌen chik bꞌey, xetzolij pa tinamit Iconio y kꞌateriꞌ xetzolij pa tinamit Antioquía ri kꞌo pa rochꞌulew Pisidia.

2 Timoteo 4:2

chi ma kataneꞌ chutzijoxik ri rutzij ri Dios chake ri ndikajoꞌ ndikakꞌaxaj y chake ri ma ndikajoꞌ ta ndikakꞌaxaj. Tabꞌij chake ri wineq ri koqan jun tijonik ma qetzij ta, chi tikiyaꞌ kan. Tabꞌij chake ri kikꞌuan itzel kꞌaslen, chi tikijalaꞌ ri kikꞌaslen. Kaꞌapixabꞌaj konojel chi jumul tikibꞌanaꞌ ri utz. Rikꞌin nojel awánima kaꞌatijoj konojel rikꞌin rutzij ri Dios, y ma tikꞌo akꞌuꞌx.

1 Tesalonicenses 2:2

Iwetaman chuqaꞌ chi xqaqꞌasaj kꞌayew y xbꞌan itzel chaqe pa tinamit Filipos atoq kꞌajani qojbꞌeqaqa pa itinamit, pero ri Dios xuyaꞌ ruchuqꞌaꞌ qánima chin xbꞌeqatzijoj chiwa rix ri utzulej teq tzij chin kolotajik ri pataneq rikꞌin rijaꞌ, maske santienta wineq xeyakatej chiqij pa itinamit.

Hechos 16:10

Y atoq ri Pablo xutzꞌet yan ri achel achikꞌ, xqabꞌen paqiꞌ qakꞌojlen chin xojbꞌa pa rochꞌulew Macedonia, porque xqanaꞌ chi ja ri Dios ndoyon qichin, chin ndeqatzijoj ri utzulej teq tzij chin kolotajik chake.

Hechos 14:15

Rix aj Listra, ma utz ta kelaꞌ ndibꞌen. Porque roj xa roj wineq achel rix, y ndiqatzijoj ri utzulej teq tzij chin kolotajik chiwa, chin ndiyaꞌ kan ri noꞌoj ri xa ma jun reqalen y ndiyaꞌ iwánima rikꞌin ri Kꞌaslik Dios ri bꞌanayon ri kaj y ri rochꞌulew y nojel ri ekꞌo chuwech, ri mar y nojel ri ekꞌo chupan.

Hechos 17:2

Ri Pablo kin achel wi jumul ndubꞌen, xbꞌa pa sinagoga, y oxiꞌ uxlanibꞌel teq qꞌij xtzijon kikꞌin ri israelitas pa ruwiꞌ ri rutzij ri Dios.

Hechos 11:19

Achel ri xqabꞌij yan, atoq xkamisex ri Esteban, xtzꞌukutej chi ngetzeqlebꞌex ri kitaqin ri Ajaw chin ndibꞌan itzel chake. Chikikajal rejeꞌ, ekꞌo xebꞌa pa rochꞌulew Fenicia, ekꞌo xebꞌa pa rochꞌulew Chipre y ekꞌo xebꞌa pa tinamit Antioquía, y xaxe chake ri israelitas ndikitzijoj ri utzulej teq tzij chin kolotajik.

Hechos 8:4

Pero maske keriꞌ ndajin, ri hermanos ri xesututex e ndikitzijoj ri utzulej teq tzij chin kolotajik chake ri wineq pa teq bꞌey apeꞌ ngeꞌeqꞌax wi.