Hechos 14:22 - Kaqchikel Santo Domingo (Xenacoj)

²² Y pa kibꞌey, ngekipixabꞌaj ri kitaqin ri Ajaw, chi tikikuqubꞌaꞌ más kikꞌuꞌx rikꞌin, y ndikibꞌilaꞌ kan chuqaꞌ chi roj ri qataqin ri Jesucristo ndikꞌatzin chi rikꞌin ndiqaqꞌasaj jalajaj teq kꞌayew ngojok pa ru-reino ri Dios.

နောက်ထပ်ဗားရှင်းများ

Kaqchikel Santa Maria de Jesus

²² y niquiyaꞌ can ruchukꞌaꞌ cánima ri discípulos, y niquiꞌej can chica chi siempre tiquicukubꞌaꞌ quicꞌuꞌx riqꞌuin ri Jesucristo. Y xquiꞌej jeꞌ chica: Can qꞌuiy nakaꞌan sufrir pa kacꞌaslien ruma nkojuoc pa ru-reino ri Dios.

Kaqchiquel Bible

²² Ri tinamit ri xebeq'ax-wi-pe, xkikuqubala' k'a kan kik'u'x ri qach'alal, y xkibila' kan chike chi tikuqer kik'u'x rik'in ri Jesucristo. Nikibila' k'a chi rik'in tijoj-poqonal ye'ok pa rajawaren ri Dios.

Kaqchikel Central Guatemala

²² Y ri tinamit ri xebek'ax-vi-pe, xquicukubala' c'a can quic'u'x ri kach'alal, y xquibila' can chique chi ticuker quic'u'x riq'uin ri Jesucristo. Roma nic'atzin chi riq'uin janíla tijoj-pokonal yojoc pa rajavaren o pa ruk'a' ri Dios.

Re C'ac'a Testamento pa Kach'abal

²² Y re tenemit re anche' xe'bak'ax-va-pa, xquicukubala' c'a can quic'o'x re hermanos, y xquibila' can chique che tiquibana' confiar-qui' riq'uin re Jesucristo. Roma nic'atzin che riq'uin q'uiy tijoj-pokonal yojoc pa ruk'a' re Dios.

Kaqchikel Western Solola

²² Y ri tinamit ri xebek'ax wi pe, xquicukubala' c'a ca quic'u'x ri kach'alal, y xequipixabaj c'a ca chi ticuke' quic'u'x riq'ui ri Jesucristo. Ruma nic'atzin chi riq'ui q'uiy tijoj pokonal yoj-oc pa rajawaren ri Dios.

Hechos 14:22 ပူးပေါင်းရင်းမြစ်များ

1 Pedro 5:10

Y ri Dios ri ndiyoꞌon nojel ruwech favor, ri xoyon iwichin chin ndikꞌojeꞌ iqꞌij chupan ri nimalej ruqꞌij ri Cristo, roma xe jun ibꞌanun rikꞌin, rijaꞌ atoq iqꞌasan chik jubꞌaꞌ tiempo chupan ri kꞌayew, ndubꞌen chiwa chi ngixok nojel ri ndirajoꞌ rijaꞌ chi ngixok, ndubꞌen chiwa chi ma jumbꞌey xtiyaꞌ kan, chi kꞌo ruchuqꞌaꞌ ri iwánima, y chi nixta jun ndelesan e iwichin pa ruqꞌaꞌ rijaꞌ.

2 Timoteo 3:12

Y qetzij wi, konojel ri xe jun kibꞌanun rikꞌin ri Cristo Jesús y ndikajoꞌ ndikikꞌuaj jun utzulej kꞌaslen chuwech ri Dios, kin ngetzeqlebꞌex chin ndibꞌan itzel chake.

San Juan 16:33

Y nojel reꞌ nibꞌij kan chiwa, chin keriꞌ rix, roma xe jun ibꞌanun wikꞌin, ndiwil uxlanen chin ri iwánima. Chochꞌulew ndiqꞌasaj kꞌayew, pero ma tixibꞌij iwiꞌ, porque riyin xitiker yan pa ruqꞌaꞌ nojel reꞌ.

Romanos 8:17

Y roma roj ralkꞌuaꞌl chik ri Dios, kin nduyaꞌ chaqe ri rusujun kan, y kꞌo ri ruyoꞌon chik chare ri Cristo ri ndiyoꞌox chuqaꞌ chaqe roj. Pero ndikꞌatzin ndiqaqꞌasaj kꞌayew achel rijaꞌ, chin keriꞌ ndikꞌojeꞌ qaqꞌij rikꞌin, chupan ri nimalej ruqꞌij rijaꞌ.

Apocalipsis 2:10

Ma taxibꞌij awiꞌ rikꞌin ri ndaꞌaqꞌasaj, porque ri itzel ndubꞌen chake jujun ri ekꞌo chiꞌikajal chi ngeyoꞌox pa cheꞌ, chin ngixtojtobꞌex si qetzij yin itaqin, y lajuj qꞌij ndiqꞌasaj kꞌayew pa ikꞌaslen. Ma tajel ruwech atzij chi yin ataqin maske ndipuꞌun kamik chawij, y riyin niyaꞌ jun nimalej rajel-rukꞌexel chawa, y riꞌ ja ri kꞌaslen ma ndikꞌis ta.

Colosenses 1:23

Pero chin ndibꞌanatej keriꞌ rikꞌin ri ikꞌaslen, ndikꞌatzin chi jumul kuqul ikꞌuꞌx rikꞌin ri Ajaw, kaw rix peꞌel chiraqen, y ma ndiyaꞌ kan royobꞌexik ri sujun chupan ri utzulej teq tzij chin kolotajik ri iwakꞌaxan. Y ja utzulej teq tzij riꞌ ri nditzijox chake konojel wineq chochꞌulew, y riyin Pablo yin okuneq samajel chin ndibꞌa más rutzijol.

2 Timoteo 1:8

Romariꞌ, ma kakꞌix ndayaꞌ utzulej rutzijol ri Qajaw, ma kakꞌix chuqaꞌ ndabꞌij chi awetaman nuwech riyin ri yin tzꞌapel pa cheꞌ roma nitzijoj ri utzulej teq tzij chin kolotajik. Pa rukꞌexel riꞌ, rikꞌin ri uchuqꞌaꞌ yoꞌon chawa roma ri Dios, takochꞌoꞌ junan wikꞌin ri kꞌayew ndipuꞌun pa qakꞌaslen roma rutzijoxik ri utzulej teq tzij chin kolotajik.

Hechos 18:23

Atoq xuqꞌasaj yan jubꞌaꞌ tiempo pa tinamit Antioquía, ri Pablo xutzꞌen bꞌey xbꞌa pa rochꞌulew Galacia y pa rochꞌulew Frigia, y chi tinamit chi tinamit nduyaꞌ kan ruchuqꞌaꞌ kánima ri hermanos chiriꞌ.

San Mateo 10:38

Y jun wineq ri ndirajoꞌ ndok wichin yin, ndikꞌatzin chi ma ndupoqonaj ta nduqꞌasaj kꞌayew roma ngiroqaj, achel xa ta kin bꞌaneq chuxeꞌ ru-cruz chin ndekamisex. Jakꞌa ri wineq ri xa ndupoqonaj nduqꞌasaj kꞌayew roma ngiroqaj, ri jun riꞌ ma rukꞌulun ta chi ndok wichin yin.

Apocalipsis 7:14

Y riyin xinbꞌij chare: Táta, rat etamayon. Y rijaꞌ xubꞌij chuwa: Rejeꞌ ja ri eꞌeleneq pe chupan ri nimalej kꞌayew y kichꞌajchꞌojrisan pe kiꞌ chupan rukikꞌel ri Alaj Karneꞌl, achel ndubꞌen jun ri nduchꞌej rutziaq y kin puchupuj ndubꞌen chare.

2 Pedro 1:11

Porque si ngekꞌiyer re utzulej teq noꞌoj reꞌ pa ikꞌaslen, kin jabꞌel ndikꞌan apu iwech chupan ri reino ma ndikꞌis ta chin ri Qajaw y Qakolonel Jesucristo.

Hechos 9:16

Y riyin nikꞌut chuwech janipeꞌ kꞌayew nderuqꞌasaj roma nderuyaꞌ utzulej nutzijol, xchajeꞌ.

1 Corintios 1:8

Ri Dios ndubꞌen chuqaꞌ chiwa chi jumul kaw ngixpeꞌeꞌ pa rubꞌey chin ma ngixtzaq hasta jampeꞌ ndekꞌis nojel, chin keriꞌ chupan ri qꞌij atoq nditzolij pe ri Qajaw Jesucristo, nixta jun mak xtilitej pa ikꞌaslen.

Hechos 15:41

Y atoq ri Pablo bꞌaneq, xeqꞌax pa rochꞌulew Siria y Cilicia, y pa teq tinamit apeꞌ ndeqꞌax, nduyalaꞌ kan ruchuqꞌaꞌ kánima ri hermanos ri ndikimal kiꞌ pa rubꞌiꞌ ri Ajaw.

Hechos 15:32

Ri Judas y ri Silas xekibꞌochiꞌij y xkiyaꞌ ruchuqꞌaꞌ kánima ri hermanos rikꞌin ri tzij ri nduyaꞌ pe ri Dios pa kánima. Keriꞌ xkibꞌen porque rejeꞌ eqꞌalajrisanel chin ri ndubꞌij pe ri Dios pa kánima.

San Lucas 24:26

¿La ma bꞌiꞌin ta kꞌa kan chi ri Jun ri nditaq pe roma ri Dios chukolik ri rutinamit, ndikꞌatzin nduqꞌasaj nojel re kꞌayew nditzijoj rix, y kꞌateriꞌ ndibꞌa chi e chikaj chin ndikꞌojeꞌ nimalej ruqꞌij?

San Mateo 16:24

Ja atoq riꞌ ri Jesús xubꞌij chake ri ru-discípulos: Si kꞌo jun ndirajoꞌ ngiroqaj, ma tuyaꞌ pa nabꞌey ri ndurayij rijaꞌ, xa tubꞌanaꞌ achel rutelen ru-cruz chin ndekamisex y kiroqaj.

Hechos 11:23

Atoq ri Bernabé xbꞌeqaqa chiriꞌ, santienta xkikot atoq xutzꞌet chi ri Dios ruyoꞌon ri ru-favor pa kiwiꞌ ri hermanos. Y xerupixabꞌaj konojel chi rikꞌin nojel kánima, jumul kekꞌojeꞌ rikꞌin ri Ajaw.

San Juan 15:20

Tikꞌuxlaꞌaj ri tzij nubꞌiꞌin kan chiwa: Ma jun samajel más ta kꞌo ruqꞌij ke chuwech ri rajaw. Romariꞌ, si ri wineq yin kitzeqlebꞌen chin ndikibꞌen itzel chuwa, keriꞌ chuqaꞌ xtikibꞌen chiwa rix. Pero si xtikinimaj nutzij riyin, kin xtikinimaj chuqaꞌ itzij rix.

Apocalipsis 1:9

Riyin Juan, yin i-hermano y iwachibꞌil chupan ri kꞌayew ndiqaqꞌasaj, y keriꞌ chuqaꞌ junan roj jun tinamit apeꞌ ri Dios ndubꞌen reinar pa qawiꞌ, y junan chuqaꞌ qakochꞌon qawech chupan ri ndiqaqꞌasaj roma xe jun qabꞌanun rikꞌin ri Jesús. Riyin Juan xibꞌeyoꞌox pa jun chꞌuti rochꞌulew rubꞌiniꞌan Patmos ri kꞌo pa mar, roma nitzijoj ri utzulej rutzij ri Dios y niyaꞌ rutzijol ri xuqꞌalajrisaj ri Jesús.

Judas 1:3

Rix ri tzꞌan ngixinwojoꞌ, riyin kin nutijon nuqꞌij chi nutzꞌibꞌan e jun wuj chiwa pa ruwiꞌ ri kolotajik yoꞌon chaqe. Pero xinnaꞌ pa wánima nitzꞌibꞌaj e re wuj reꞌ chiwa, chin ngixinpixabꞌaj chi tipabꞌaꞌ iwiꞌ chikiwech ri ndikajoꞌ ndikijel qa rubꞌeyal ri tijonik ri xe jumbꞌey y chin jumul ruyoꞌon kan ri Dios chaqe roj ri loqꞌolej rutinamit.

1 Tesalonicenses 3:13

chin keriꞌ ndiwil ruchuqꞌaꞌ ri iwánima chin ndibꞌen nojel pa ruchojmil, y keriꞌ loqꞌolej nditzꞌetetej ri ikꞌaslen y nixta jun mak ndilitej chiwij chuwech ri Tataꞌaj Dios atoq nduqaqa chik jumbꞌey ri Ajaw Jesús, junan kikꞌin ri loqꞌolej teq oqey richin. Amén.

Hechos 13:43

Atoq ndikikiraj e kiꞌ ri wineq, ekꞌiy israelitas y chuqaꞌ ekꞌiy ma israelitas ta ri kiniman ri ley xyoꞌox chare ri Moisés xekoqaj ri Pablo y ri Bernabé. Y ri Pablo y ri Bernabé ngekipixabꞌaj chi jumul kekꞌojeꞌ chupan ri ru-favor ri Dios.

Hechos 6:7

Y ri rutzij ri Dios bꞌaneq más rutzijol, y qꞌij-qꞌij pa tinamit Jerusalén ngekꞌiyer más ri kitaqin ri Ajaw, y ekꞌiy chuqaꞌ sacerdotes israelitas ngeniman chuwech ri Dios roma ndikitaqij ri Jesús.

Marcos 10:30

ri man ta xtiyoꞌox 100 mul más chare chupan re tiempo rojkꞌo. Kin ndiyoꞌox rachoch, ruchaqꞌ-runimal, eranaꞌ, ruteꞌ, ralkꞌuaꞌl y ruxolal, pero nditzeqlebꞌex chuqaꞌ chin ndibꞌan itzel chare, y chupan ri tiempo más chiqawech apu, kin ndiyoꞌox ri kꞌaslen ma ndikꞌis ta chare.

Marcos 9:47

Y si jun awech ndubꞌen chawa chi ngatzaq pa mak, tawelesaj e. Porque más utz chi xe jun awech kꞌo y ngatok pa ru-reino ri Dios, ke chuwech tzꞌaqet ri kaꞌiꞌ awech y xkatorix pa infierno,

San Juan 3:5

Ri Jesús xubꞌij: Kin qetzij nibꞌij chawa, si jun wineq ma ndalex ta rikꞌin yaꞌ y rikꞌin ri alaxik nduyaꞌ ri Espíritu Santo, ri wineq riꞌ maneq cheꞌel ndok pa ru-reino ri Dios.

San Mateo 19:24

Y nibꞌij chuqaꞌ chiwa, chi más ma cuesta ta ndeqꞌax jun camello chi racheq jun bꞌaq chin tꞌisoꞌ, ke chuwech xtok jun bꞌeyon pa ru-reino ri Dios.

San Juan 15:18

Si ri wineq ri ma kitaqin ta ri Dios itzel xkixkitzꞌet, tikꞌuxlaꞌaj chi ja riyin ri nabꞌey keriꞌ xkibꞌen chuwa.

Hechos 11:26

Atoq xril, xukꞌuaj pa tinamit Antioquía, y jun junaꞌ xekꞌojeꞌ chikikajal ri hermanos, y xekitijoj santienta wineq rikꞌin ri rutzij ri Dios. Y ja chiriꞌ pa tinamit Antioquía ri nabꞌey apeꞌ xbꞌix cristianos chake ri kitaqin ri Jesucristo.

Hechos 11:29

Y romariꞌ, ri hermanos chin ri tinamit Antioquía xkibꞌen ruwech chi chikijununal ndikiyaꞌ e ri janipeꞌ ngetiker ndikiyaꞌ chin ndikiteq kitoꞌik ri hermanos pa rochꞌulew Judea.

Hechos 14:20

Pero atoq ri kitaqin ri Ajaw xbꞌekimoloꞌ kiꞌ chirij ri Pablo, rijaꞌ xyakatej pe, xok chi apu pa tinamit, y chukan qꞌij xutzꞌen bꞌey junan rikꞌin ri Bernabé chin xebꞌa pa tinamit Derbe.

Hechos 14:28

Y ri Pablo y ri Bernabé kꞌiy qꞌij xekꞌojeꞌ pa tinamit Antioquía kikꞌin ri kitaqin ri Ajaw.

Filipenses 1:29

Porque chiwa rix, yoꞌon jun nimalej favor, y riꞌ ma xe ta chi itaqin ri Cristo, xa kin yoꞌon chuqaꞌ qꞌij chiwa chi ndiqꞌasaj kꞌayew roma itaqin rijaꞌ.

1 Pedro 2:21

Porque xixoyox roma ri Dios chin ndiqꞌasaj jubꞌaꞌ kꞌayew roma ri utz ngixtajin rikꞌin, porque ri Cristo chuqaꞌ xuqꞌasaj kꞌayew iwoma, y keriꞌ xuyaꞌ kan ejemplo chiwech chi tiwoqaj ri achel xubꞌen rijaꞌ pa rukꞌaslen.

1 Pedro 5:9

Tipabꞌaꞌ iwiꞌ chuwech ri itzel, rikꞌin jabꞌel kuqul ikꞌuꞌx rikꞌin ri Dios, porque iwetaman chi nojel apeꞌ pariꞌ ri rochꞌulew, ri qa-hermanos ndikiqꞌasaj kꞌayew achel ri ndiqꞌasaj rix wokami.