Hechos 13:46 - Kaqchikel Santo Domingo (Xenacoj)

⁴⁶ Pero ri Pablo y ri Bernabé ma xkixibꞌij ta kiꞌ chikiwech ri israelitas riꞌ, xa xkibꞌij chake: Xkꞌatzin chi nabꞌey xqatzijoj ri rutzij ri Dios chiwa, pero rix xa ma jun reqalen ndibꞌen chare re tzij reꞌ, y rikꞌin riꞌ ndikꞌut iwiꞌ chi ma rix rukꞌulun ta chi ndiyoꞌox ri kꞌaslen ma ndikꞌis ta chiwa. Romariꞌ, wokami roj ngojbꞌa chutzijoxik re utzulej teq tzij chin kolotajik chake ri ma israelitas ta.

နောက်ထပ်ဗားရှင်းများ

Kaqchikel Santa Maria de Jesus

⁴⁶ Pero ri Pablo y ri Bernabé man xquixiꞌij ta quiꞌ chiquivach chi xquiꞌej chica: Can nicꞌatzin chi naꞌay chiva ixreꞌ ix kavanakil nakatzijuoj-ve ri ruchꞌabꞌal ri Dios, pero ixreꞌ xa man nika ta chivach. Y ruma quireꞌ ntiꞌan, can kꞌalaj chi man otz ta niyoꞌx chiva ixreꞌ ri cꞌaslien ri man niqꞌuis ta. Rumareꞌ quiqꞌuin ri vinak ri man israelitas ta nkuꞌa-ve.

Kaqchiquel Bible

⁴⁶ Ri Pablo y ri Bernabé man k'a xkixibij ta ki' chikiwech richin xech'on kik'in y xkibij: Kan nik'atzin k'a chi nabey na chiwech rix ri qawinaq noqabij-wi ri ruch'abel ri Dios, jak'a rix xa man niqa' ta chiwech. Rik'in ri' kan niq'alajin k'a chi man ruk'amon ta chiwe rix ri k'aslen ri man k'isel ta. Roma ri' kik'in ri winaqi' ri man e judío ta ri yojbe-wi.

Kaqchikel Central Guatemala

⁴⁶ Y ri Pablo y ri Bernabé man c'a xquixibij ta qui' chiquivech richin xquibij chique: Can nic'atzin c'a chi nabey na chivech rix ri kavinak nokabij-vi ri ruch'abel ri Dios, pero rix xa man nika' ta chivech. Y riq'uin ri' can nik'alajin c'a chi man ruc'amon ta chive rix ri c'aslen ri man q'uisel ta. Romari' quiq'uin ri vinek ri man e israelitas ta ri yojbe-vi.

Re C'ac'a Testamento pa Kach'abal

⁴⁶ Pero re Pablo y re Bernabé man xquixibij-ta-qui' chiquivach re vinak chin xquibij chique: Can nic'atzin che nabey chivach yex re yix kavinak nakatzijoj-va re ruch'abal re Dios, pero yex can man nika-ta chivach. Y riq'uin re' can k'alaj che cama-va ivichin-ta yex re c'aslen re man niq'uis-ta. Mare' quiq'uin re vinak re man je israelitas-ta re yojbo-va.

Kaqchikel Western Solola

⁴⁶ Y ri Pablo y ri Bernabé man c'a xquixibij ta qui' chiquiwech riche (rixin) chi xquibij chique: Can rajawaxic c'a chi nabey na chiwe riyix ri yix kech aj Israel nokabij wi ri ruch'abel ri Dios, pero riyix xa ma nika ta chiwech. Y riq'ui ri' can nik'alajin c'a chi ma ruc'amon ta chiwe riyix ri c'aslen riche (rixin) xtibe k'ij xtibe sek. Rumari' quiq'ui ri winek ri ma ye israelitas ta ri yojbe wi.

Hechos 13:46 ပူးပေါင်းရင်းမြစ်များ

Hechos 28:28

Y roma ikowirisan iwánima achel xkikowirisaj kánima ri qatit-qamamaꞌ ojer, wokami chake ri ma israelitas ta ndiyoꞌox rutzijol ri utzulej teq tzij chin kolotajik ri ndusuj ri Dios, y rejeꞌ kin xtikitaqij y xtikinimaj.

Hechos 26:20

Romariꞌ nabꞌey chake ri ekꞌo pa tinamit Damasco, chake ri ekꞌo pa tinamit Jerusalén, chake ri ekꞌo pa nojel teq tinamit chin ri rochꞌulew Judea, y chake chuqaꞌ ri ma israelitas ta xintzijoj chi tikiyaꞌ kan ri kimak y tikiyaꞌ kánima rikꞌin ri Dios, y tikibꞌanaꞌ ri utz ri ndikꞌutu chi jalatajneq kikꞌaslen.

San Mateo 21:43

Romariꞌ, nibꞌij chiwa chi ma ndiyoꞌox chi ta qꞌij chin ngixok pa ru-reino ri Dios. Xa chake chꞌaqa chik wineq ri kin ndikibꞌen ri ndubꞌij ri Dios, ndiyoꞌox qꞌij chin ngeꞌok pa ru-reino ri Dios.

Hechos 3:26

Y atoq ri Dios xukꞌastajbꞌaꞌ pe ri Rukꞌajol chikikajal ri animaꞌiꞌ, nabꞌey xuteq pe iwikꞌin rix chin xuyaꞌ ru-favor pa iwiꞌ, chin ngixrutoꞌ chin ndiyaꞌ kan ri itzel teq achike ri ngixtajin rikꞌin.

Romanos 2:10

Pero ri ngekibꞌanalaꞌ ri utz, kin xtikꞌojeꞌ kiqꞌij rikꞌin ri Dios, y ri Dios ndunimrisaj kibꞌiꞌ y nduyaꞌ uxlanen pa kánima. Keriꞌ ndibꞌan nabꞌey chake ri israelitas, y keriꞌ chuqaꞌ chake ri ma israelitas ta.

Romanos 1:16

Y ma ngikꞌix ta nitzijoj ri utzulej teq tzij chin kolotajik, porque ja utzulej tzij riꞌ ri uchuqꞌaꞌ ndukusaj ri Dios chin ngerukal konojel ri ndikitaqij. Ri utzulej teq tzij riꞌ nabꞌey xtzijox chake ri israelitas, y chake chuqaꞌ ri ma israelitas ta.

Hechos 22:21

Pero ri Ajaw xubꞌij: Kabꞌiyin, porque ngatinteq nej chin ndaꞌatzijoj ri nutzij chake ri ma israelitas ta. Keriꞌ xubꞌij ri Ajaw chuwa, xchajeꞌ ri Pablo.

Hechos 13:26

Y ri Pablo xubꞌij chik: Achiꞌaꞌ teq nuwinaqul riy-rumam kan ri Abraham, y rix chuqaꞌ ma israelitas ta ri ndiyaꞌ ruqꞌij ri Dios, re tzij chin kolotajik reꞌ chaqe roj qonojel taqon pe.

San Juan 1:11

Chikikajal ri wineq ri erichin rijaꞌ xuqaqa wi, pero rejeꞌ ma xkikꞌen ta apu ruwech.

Hechos 7:51

Pero rix xa ma ngixkꞌoxoman ta, y ma iyoꞌon ta qꞌij chare ri Espíritu Santo chi ndubꞌen samaj pa iwánima. Ri ndiwakꞌaxaj ndok pa jun ixikin y ndel chi e chupan ri jun, jumul ma ndiwojoꞌ ta ndibꞌen ri ndubꞌij ri Espíritu, xa junan inoꞌoj kikꞌin ri ojer teq iwatit-imamaꞌ.

San Lucas 24:47

y ndubꞌij chuqaꞌ chi pa nubꞌiꞌ riyin ndetzijox chake nojel kiwech wineq chi ndikꞌatzin ndikiyaꞌ kan ri mak y ndikiyaꞌ kánima rikꞌin ri Dios chin ndikuyutej ri kimak. Y chireꞌ pa tinamit Jerusalén nditzꞌukutej e rutzijoxik.

Filipenses 1:14

Y ri hermanos roma ketaman chi ri Dios yin rutoꞌon pa cheꞌ, jubꞌama konojel chikiwech rejeꞌ xkikuqubꞌaꞌ más kikꞌuꞌx rikꞌin ri Ajaw y xkꞌojeꞌ pe más ruchuqꞌaꞌ kánima y wokami ma ndikixibꞌij ta kiꞌ ndikiyaꞌ rutzijol ri rutzij ri Dios.

Hechos 13:14

Atoq ri Pablo y ri Bernabé kiyoꞌon chi kan ri tinamit Perge, xebꞌeqaqa pa jun tinamit rubꞌiniꞌan Antioquía ri kꞌo pa rochꞌulew Pisidia. Pa jun uxlanibꞌel qꞌij xeꞌok pa sinagoga y xebꞌetzꞌuyeꞌ chiriꞌ.

Hechos 13:5

Atoq xebꞌeqaqa pa jun tinamit rubꞌiniꞌan Salamina chin ri rochꞌulew Chipre, xkitzꞌen rutzijoxik rutzij ri Dios pa teq ki-sinagogas ri israelitas. Y ri Juan ri ndibꞌix Marcos chare, bꞌaneq chikij chin ngerutoꞌ.

Hechos 4:13

Atoq ri bꞌotzaj achiꞌaꞌ israelitas kꞌo uchuqꞌaꞌ pa kiqꞌaꞌ xkitzꞌet chi ri Pedro y ri Juan ma ndikixibꞌij ta kiꞌ ngechꞌaꞌa, y xkiyaꞌ cuenta chare chi xa erelik teq achiꞌaꞌ y xa maneq kꞌiy estudio kiqꞌasan, xsach kikꞌuꞌx chikij y xkiyaꞌ cuenta chare chi ri ekaꞌiꞌ riꞌ eꞌoqey richin ri Jesús.

San Juan 4:22

Rix aj rochꞌulew Samaria nixta iwetaman ri achike ndiyaꞌ ruqꞌij. Jakꞌa roj israelitas kin qetaman ri achike ndiqayaꞌ ruqꞌij, porque ri Jun ri ndikꞌamo pe kolotajik, chiqakajal roj ndel wi pe.

San Mateo 10:6

Pa rukꞌexel riꞌ, kixbꞌiyin pa teq kitinamit ri israelitas ri kin eꞌachel karneꞌl esachineq, porque kiyoꞌon kan rubꞌey ri Dios.

Hebreos 11:34

jujun chik xkichup ruchuqꞌaꞌ nimalej teq qꞌaqꞌ, jujun chik xkikal kiꞌ pa kiqꞌaꞌ wineq ri xkajoꞌ xekikamisaj rikꞌin espada, jujun chik xyoꞌox kuchuqꞌaꞌ atoq ma jun chik kuchuqꞌaꞌ, jujun chik xyoꞌox kuchuqꞌaꞌ pa guerra, jujun chik xechꞌakon pa kiqꞌaꞌ ejércitos y xkibꞌen chi xeꞌanimej chikiwech.

San Mateo 21:41

Y rejeꞌ xkibꞌij: Kin xtukꞌis kiqꞌij ri itzel teq samajelaꞌ riꞌ, y nduyaꞌ pa qajik ri ulew chake chꞌaqa, ri qetzij xkeyoꞌon ri ruwech uva rajel ruqajik ri ulew atoq ndiril ri tiempo chin ndichꞌupeꞌ.

San Mateo 25:46

Y nibꞌij chuqaꞌ chi re ekꞌo pa nuxakan ngebꞌa chupan ri castigo chin jumul, jakꞌa ri wineq chojmilej kikꞌaslen, ngeꞌok chupan ri kꞌaslen ma ndikꞌis ta.

Hechos 9:20

Ri Saulo kin ja paqiꞌ xutzꞌuk ndok pa teq sinagogas chin ndutzijoj chi ri Jesús kin Rukꞌajol wi ri Dios.

Hechos 19:9

Pero jujun teq israelitas ri ekꞌo chikikajal xkikowirisaj kánima. Ma xkinimaj ta ri rutzij ri Dios y chikiwech ri wineq itzel xechꞌaꞌa chirij ri utzulej bꞌey chin ri Dios. Romariꞌ ri Pablo xel e chikikajal, y xerukꞌuaj ri kitaqin ri Jesús, y qꞌij-qꞌij nditzijon kikꞌin pa ruwiꞌ ri rutzij ri Dios pa jun tijobꞌel richin jun achi rubꞌiniꞌan Tirano.