Hechos 13:43 - Kaqchikel Santo Domingo (Xenacoj)

⁴³ Atoq ndikikiraj e kiꞌ ri wineq, ekꞌiy israelitas y chuqaꞌ ekꞌiy ma israelitas ta ri kiniman ri ley xyoꞌox chare ri Moisés xekoqaj ri Pablo y ri Bernabé. Y ri Pablo y ri Bernabé ngekipixabꞌaj chi jumul kekꞌojeꞌ chupan ri ru-favor ri Dios.

နောက်ထပ်ဗားရှင်းများ

Kaqchikel Santa Maria de Jesus

⁴³ Y antok ri vinak ri quimaluon-quiꞌ chireꞌ xaꞌa, iqꞌuiy ri xaꞌa chiquij ri Pablo y ri Bernabé; icꞌo israelitas, y icꞌo ri man israelitas ta ri niquiꞌan jeꞌ ri nuꞌej ri ley richin ri Moisés, ruma niquiyaꞌ jeꞌ rukꞌij ri Dios. Y ri Pablo y ri Bernabé xquiꞌej chica chi tiquiyaꞌ cánima riqꞌuin ri Dios ruma xuꞌon jun nem favor chica chi xaꞌrucol.

Kaqchiquel Bible

⁴³ Toq ri winaqi' ri kimolon-ki' chiri' xkitaluj-el ki', e k'iy k'a ri xebe chikij ri Pablo y ri Bernabé. Ek'o k'a judío, y ek'o k'a ri xa man e judío ta ri kan nikiben chuqa' ri nubij ri pixa' richin ri Moisés, roma kan e ya'ol-wi ruq'ij ri Dios. Y xbix k'a chike koma ri Pablo y ri Bernabé, chi kan tikuqer kik'u'x rik'in ri Dios ri niya'on ri utzil chike ri winaqi'.

Kaqchikel Central Guatemala

⁴³ Y tok ri vinek ri quimolon-qui' chiri' xquitaluj c'a el qui', e q'uiy c'a ri xebe chiquij ri Pablo y ri Bernabé. Ec'o c'a israelitas, y ec'o c'a ri xa man e israelitas ta ri can niquiben chuka' ri nubij ri ley richin ri Moisés, roma can e yo'ol-vi ruk'ij ri Dios. Y xbix c'a chique coma ri Pablo y ri Bernabé, chi can ticuker quic'u'x riq'uin ri Dios ri niyo'on ri utzil chique ri vinek, xecha' chique.

Re C'ac'a Testamento pa Kach'abal

⁴³ Y re vinak re quimalon-qui' chire' xquitaluj-a-qui', je q'uiy c'a xe'ba chiquij re Pablo y re Bernabé. Jec'o israelitas, y jec'o re man je israelitas-ta re can niquiban chuka' re nubij re ley chin re Moisés, roma can niquiya-va ruk'ij re Dios. Y xbex chique coma re Pablo y re Bernabé, che can tiquibana' confiar-qui' riq'uin re Dios re camas otz runa'oj kaq'uin, xe'cha' chique re vinak.

Kaqchikel Western Solola

⁴³ Y tek ri winek ri quimolon qui' chiri' xquiquiraj c'a el qui', ye q'uiy c'a ri xetzekelben el quiche (quixin) ri Pablo y ri Bernabé. Yec'o c'a israelitas, y yec'o c'a ri xa ma ye israelitas ta ri can niquiben chuka' ri nubij ri ley riche (rixin) ri Moisés, ruma can niquiya' ruk'ij ri Dios. Y ri Pablo y ri Bernabé xquibij c'a chique, chi can ticuke' quic'u'x riq'ui ri rutzil ri Dios.

Hechos 13:43 ပူးပေါင်းရင်းမြစ်များ

Hechos 11:23

Atoq ri Bernabé xbꞌeqaqa chiriꞌ, santienta xkikot atoq xutzꞌet chi ri Dios ruyoꞌon ri ru-favor pa kiwiꞌ ri hermanos. Y xerupixabꞌaj konojel chi rikꞌin nojel kánima, jumul kekꞌojeꞌ rikꞌin ri Ajaw.

Hechos 14:22

Y pa kibꞌey, ngekipixabꞌaj ri kitaqin ri Ajaw, chi tikikuqubꞌaꞌ más kikꞌuꞌx rikꞌin, y ndikibꞌilaꞌ kan chuqaꞌ chi roj ri qataqin ri Jesucristo ndikꞌatzin chi rikꞌin ndiqaqꞌasaj jalajaj teq kꞌayew ngojok pa ru-reino ri Dios.

2 Juan 1:9

Xa achike na jun ri nduyaꞌ qa más ruwiꞌ ri tijonik chin ri Cristo, ma kꞌo ta ri Dios pa ránima. Jakꞌa ri jun ri jumul kꞌo chupan ri tijonik chin ri Cristo, kꞌo ri Tataꞌaj Dios y ri Rukꞌajol ri Dios pa ránima.

Hebreos 13:9

Ma tiyaꞌ qꞌij chi ngixukꞌuꞌex chunimaxik jalajaj teq tijonik ri ma junan ta rikꞌin ri ndubꞌij ri rutzij ri Dios. Porque más utz chi rix ndiwil ruchuqꞌaꞌ iwánima rikꞌin ri favor nduyaꞌ ri Dios, ke kikꞌin tijonik ri ndubꞌij achike utz o ma utz ta chin ndikꞌuxeꞌ, porque ri tijonik riꞌ ma ndukꞌen ta pe kuqubꞌel kꞌuxlaj chake ri ngeniman kichin.

Hebreos 12:15

Titoꞌ iwiꞌ rix iwonojel, chin man ta kꞌo jun chiꞌikajal ri ma xtiril ta ri favor nduyaꞌ ri Dios. Ma kꞌateꞌ xtalex pe jun kꞌayilej noꞌoj chiꞌikajal ri ndukꞌen pe kꞌayew chiwa y xa nduchꞌabꞌaqrisaj kikꞌaslen ekꞌiy.

Colosenses 1:28

Y roj ja ri Cristo ndiqayaꞌ utzulej rutzijol, y ngeqapixabꞌaj konojel wineq y ngeqatijoj rikꞌin ri etamabꞌel ri pataneq rikꞌin ri Dios. Keriꞌ ndiqabꞌen, roma ndiqajoꞌ chi konojel xe jun ndikibꞌen rikꞌin ri Cristo, y tzꞌaqet kikꞌaslen ngebꞌeqajachaꞌ chuwech ri Dios.

Colosenses 1:23

Pero chin ndibꞌanatej keriꞌ rikꞌin ri ikꞌaslen, ndikꞌatzin chi jumul kuqul ikꞌuꞌx rikꞌin ri Ajaw, kaw rix peꞌel chiraqen, y ma ndiyaꞌ kan royobꞌexik ri sujun chupan ri utzulej teq tzij chin kolotajik ri iwakꞌaxan. Y ja utzulej teq tzij riꞌ ri nditzijox chake konojel wineq chochꞌulew, y riyin Pablo yin okuneq samajel chin ndibꞌa más rutzijol.

Filipenses 4:1

Romariꞌ, nu-hermanos ri tzꞌan ngixinwojoꞌ y tzꞌan nurayin ngixbꞌentzꞌetaꞌ, rix ri ngixbꞌanun chuqaꞌ chi santienta ngikikot, y rix rajel-rukꞌexel ri nusamaj, tiwakꞌaxaj ri nibꞌij chiwa rix ri kin ngixinwojoꞌ: Kaw kixkꞌojeꞌ chiraqen ri Ajaw, achel ri nutzꞌibꞌan pe chiwa, y chin kaw ngixkꞌojeꞌ, kereꞌ kꞌa tibꞌanaꞌ:

Filipenses 3:16

Pero ma qojtzolij chiqij, xa kin jumul tiqꞌalajin qikꞌin ri jarupeꞌ roj kꞌiyineq pa qakꞌaslen chuwech ri Dios.

Efesios 2:8

Porque rix, roma ri favor ruyoꞌon ri Dios pa iwiꞌ, xixkolotej roma xitaqij ri Cristo, y ma jun achike xibꞌen chin xixkolotej, porque reꞌ rusipan ri Dios chiwa.

Gálatas 5:1

Ri Cristo xojrelesaj chuxeꞌ ruchuqꞌaꞌ ri ley xyoꞌox chare ri Moisés chin xojel libre. Roma kꞌa riꞌ, kaw kixpeꞌeꞌ chupan ri libertad riꞌ, y ma tiyaꞌ chik iwiꞌ chuxeꞌ ruchuqꞌaꞌ ri ley riꞌ.

2 Corintios 6:1

Romariꞌ, roj ri junan ngojsamej pa rusamaj ri Dios, ngixqapixabꞌaj: Ma tibꞌen chare ri ru-favor ri Dios ri rusipan chiwa achel maneq ta reqalen keriꞌ.

2 Corintios 5:11

Y roma qetaman chi ri Ajaw jun qꞌij más chiqawech apu nduqꞌet tzij pa qawiꞌ, roj qaxibꞌin qiꞌ chuwech, ndiqatij qaqꞌij ndiqabꞌij chake konojel wineq chi tikitaqij rijaꞌ. Ri Dios kin retaman wi qanoꞌoj, y ndiqarayij chi rix chuqaꞌ pa ruchojmil ta kꞌa ngixnojin chiqij.

Romanos 11:6

Y ri xojchaꞌox, ma roma ta kꞌo utzulej teq achike xeqabꞌanalaꞌ, porque xa ta xojchaꞌox roma kꞌo utz qabꞌanaloꞌon pe, ri favor yoꞌon pa qawiꞌ chi xojchaꞌox, man ta ndiqꞌalajin chi favor ruyoꞌon pe ri Dios.

Romanos 5:21

Chin keriꞌ, achel ri mak xkꞌojeꞌ ruchuqꞌaꞌ pa kiwiꞌ ri wineq chin ngerukꞌuaj pa kamik, keriꞌ chuqaꞌ ri nimalej ru-favor ri Dios ndikꞌojeꞌ ruchuqꞌaꞌ pa kiwiꞌ ri wineq, y ndubꞌen chake chi nixta jun kimak ndikeqalej chin ngerukꞌuaj chupan ri kꞌaslen ma ndikꞌis ta roma ri xubꞌen ri Qajaw Jesucristo pa kikꞌexel.

Romanos 5:2

Y roma qataqin ri Qajaw Jesucristo, xuyaꞌ qꞌij chaqe chi xojok chupan ri favor nduyaꞌ ri Dios, ri achoq chupan qꞌij-qꞌij kaw roj peꞌel y ngojkikot qoyobꞌen ri qꞌij atoq ndikꞌojeꞌ qaqꞌij chupan ri nimalej ruqꞌij ri Dios.

Romanos 3:24

Pero roma ri favor rusipan pe ri Dios, wokami ri wineq nixta jun kimak ndikeqalej chuwech, y riꞌ roma ri Cristo Jesús xerulaqꞌ chin xerelesaj pa ruqꞌaꞌ ri tzꞌamayon kichin.

Hechos 17:34

Pero ekꞌo jujun achiꞌaꞌ xkoqaj ri Pablo y xkitaqij ri Ajaw Jesús. Chikikajal ri xetaqin, kꞌo jun achi rubꞌiniꞌan Dionisio ri kꞌo chikikajal ri ngeqꞌaton tzij chiriꞌ pa Areópago, y jun ixaq rubꞌiniꞌan Dámaris y chꞌaqa chik.

Hechos 17:4

Y jujun teq israelitas chin ri sinagoga xkitaqij, y xekachibꞌilaj ri Pablo y ri Silas. Keriꞌ chuqaꞌ ekꞌiy wineq aj Grecia ri ngeyoꞌon ruqꞌij ri Dios, y kꞌiy nimalej kiqꞌij ixoqiꞌ xkitaqij chuqaꞌ.

Hechos 16:14

Y chikikajal ri ixoqiꞌ riꞌ, kꞌo jun ixaq rubꞌiniꞌan Lidia, aj tinamit Tiatira. Ri ixaq riꞌ, ma israelita ta y nduyaꞌ ruqꞌij ri Dios, y ngerukꞌayij chuqaꞌ kꞌul morado kꞌiy kajel. Ri Dios xuyaꞌ pa ránima chi xrakꞌaxaj utz-utz ri ndubꞌij ri Pablo.

Hechos 14:3

Romariꞌ ri Pablo y ri Bernabé xekꞌojeꞌ kꞌiy qꞌij chiriꞌ, y ma ndikixibꞌij ta kiꞌ ndikitzijoj ri favor ri nduyaꞌ ri Ajaw. Y ri Ajaw ndubꞌen chikiqꞌaꞌ chi ngebꞌanatej nimalej teq retal ruchuqꞌaꞌ y nimalej teq achike ri nixta jumbꞌey etzꞌeton, ri ngeqꞌalajrisan chi kin qetzij wi ri ndikitzijoj.

2 Pedro 3:14

Roma kꞌa riꞌ, rix hermanos ri tzꞌan ngixinwojoꞌ, nibꞌij chiwa chi rikꞌin ri iwoyobꞌen chi ndibꞌanatej nojel reꞌ, titijaꞌ iqꞌij chi atoq nduqaqa ri qꞌij riꞌ, kin ta kꞌo uxlanen pa iwánima rikꞌin ri Dios, chꞌajchꞌaj ta ri ikꞌaslen y nixta jun itzel achike ndilitej chiwij.

1 Pedro 5:12

Ri Silvano xirutoꞌ chin xintzꞌibꞌaj e re wuj reꞌ chiwa. Rijaꞌ jun hermano ri kin kuqul nukꞌuꞌx rikꞌin. Chupan re wuj reꞌ ma kꞌiy ta ok achike nutzꞌibꞌan e chiwa, pero ri achike nutzꞌibꞌan e, kin chin ngixinpixabꞌaj y chin chuqaꞌ nibꞌij chiwa chi ri favor iwilon ndikꞌutu chi qetzij ri Dios ngixrajoꞌ. Roma kꞌa riꞌ, ma jumbꞌey kixel e chuxeꞌ ri favor riꞌ.

Gálatas 5:4

Rix ri ndiwojoꞌ chi nixta jun imak ndiweqalej chuwech ri Dios roma ndibꞌen ri ndubꞌij ri ley, xa xiyaꞌ yan kan ri Cristo y xa xixel yan e chuxeꞌ ri favor nduyaꞌ ri Dios.

Hechos 28:23

Y xkibꞌen ruwech achike qꞌij ndikimal kiꞌ, y atoq xuqaqa ri qꞌij riꞌ, ekꞌiy xebꞌeqaqa apeꞌ chajin ri Pablo, y xe kumaj y hasta xqaqꞌij na qa, ri Pablo ndichꞌaꞌa pa ruwiꞌ ri ru-reino ri Dios chikiwech, y ndutij ruqꞌij chin ndikikꞌoxomaj ri ndubꞌij ri rutzij ri Dios pa ruwiꞌ ri Jesús, ri tzꞌibꞌan kan chupan ri ley xyoꞌox chare ri Moisés y chupan ri kitzꞌibꞌan kan ri profetas ojer.

Hechos 17:17

Romariꞌ, ri Pablo ndok apu pa sinagoga y nditzijon pa ruwiꞌ ri rutzij ri Dios kikꞌin ri israelitas y kikꞌin ri ma israelitas ta ri ngeyoꞌon ruqꞌij ri Dios ri ndikimal kiꞌ chiriꞌ. Keriꞌ chuqaꞌ ndubꞌen qꞌij-qꞌij kikꞌin ri wineq ri ngebꞌeqaqa chi kꞌayibꞌel.

Hechos 13:50

Pero ri israelitas xekiyalaꞌ tzij pa kixikin jujun nimalej teq kiqꞌij ixoqiꞌ ri ndikiyaꞌ ruqꞌij ri Dios, y pa kixikin ri achiꞌaꞌ kꞌo ruchuqꞌaꞌ kitzij pa tinamit, xekiyek chikij ri Pablo y ri Bernabé chin xekitzeqlebꞌej chin ndikibꞌen itzel chake y xekoqotaj e pa kirochꞌulew.

Hechos 6:5

Ri xkibꞌij ri apóstoles, xqaꞌ chikiwech konojel ri kimolon kiꞌ pa rubꞌiꞌ ri Ajaw, y xkichaꞌ ri Esteban, jun hermano nojneq ránima rikꞌin ri Espíritu Santo y nojel ránima kuqul rukꞌuꞌx rikꞌin ri Dios chuqaꞌ. Xekichaꞌ chuqaꞌ ri Felipe, ri Prócoro, ri Nicanor, ri Timón, ri Pármenas, y jun achi ma israelita ta ri runiman ri ley xyoꞌox chare ri Moisés. Ri achi riꞌ rubꞌiniꞌan Nicolás, aj Antioquía.

Hechos 2:10

aj rochꞌulew Frigia, aj rochꞌulew Panfilia, aj rochꞌulew Egipto, y ekꞌo chuqaꞌ aj jalajaj teq lugar ekꞌo chunaqaj ri tinamit Cirene ri kꞌo pa rochꞌulew Libia. Y ekꞌo chuqaꞌ epataneq pa tinamit Roma, chin ndikiqꞌasaj jun jarupeꞌ qꞌij pa tinamit Jerusalén.

San Mateo 23:15

¡Juyo iwech rix tijonelaꞌ chin ri ley y rix fariseos, ri xa kaꞌiꞌ ipalej! Porque ngeꞌiqꞌasalaꞌ mar y rochꞌulew chin ndiqasaj kijolon ri wineq chin ngixkitaqij y ngixkoqaj, y atoq iqasan chik rujolon jun, ndibꞌen chare chi kaꞌiꞌ mul más itzel rukꞌaslen ke chiwech rix, y romariꞌ rukꞌulun chi ndibꞌa pa qꞌaqꞌ.

1 Juan 2:28

Wokami rix ri kin achel rix walkꞌuaꞌl keriꞌ, jumul xe jun tibꞌanaꞌ rikꞌin ri Cristo, chin keriꞌ atoq rijaꞌ nduruqꞌalajrisaj riꞌ, roj kin kuqul qakꞌuꞌx rikꞌin, y ma ngojkꞌixbꞌiyaj ta ngojel e chuwech atoq nduqaqa chik jumbꞌey.

Tito 2:11

Porque xuqꞌalajin chikiwech konojel wineq ri favor nduyaꞌ ri Dios ri rukꞌamon pe kolotajik.

Hechos 18:7

Ri Pablo xel pe pa sinagoga, y xbꞌa chirachoch jun achi rubꞌiniꞌan Ticio Justo. Ri achi riꞌ nduyaꞌ ruqꞌij ri Dios, y ri rachoch kꞌo chuchiꞌ ri sinagoga.