Hechos 12:11 - Kaqchikel Santo Domingo (Xenacoj)

¹¹ Ja atoq riꞌ ri Pedro xuyaꞌ cuenta chare chi ma ndachikꞌan ta y xubꞌij: Wokami qetzij nikꞌoxomaj chi ri Ajaw xuteq pe ri ru-ángel chin xirukal pa ruqꞌaꞌ ri Herodes y xirukal chuqaꞌ chuwech ri itzel teq achike koyobꞌen ri israelitas chuwij.

နောက်ထပ်ဗားရှင်းများ

Kaqchikel Santa Maria de Jesus

¹¹ Cꞌajareꞌ ri Pedro xunaꞌ y xuꞌej: Vacame vataꞌn chi ri ángel can ketzij chi takuon-pa ruma ri Ajaf chi xirucol pa rukꞌaꞌ ri Herodes y choch nojiel ri canun pensar chi niquiꞌan chuva ri nuvanakil israelitas, xchaꞌ ri Pedro.

Kaqchiquel Bible

¹¹ Jari' toq ri Pedro xunabej, y xubij: Wakami, xinwetamaj chi ri ángel kan qitzij wi chi taqon-pe roma ri ajaw richin xinorukolo' kan pa ruq'a' ri Agripa y chuwech ronojel ri kinojin ri nuwinaq chi nikiben chuwe, nicha-qa pa ránima ri Pedro.

Kaqchikel Central Guatemala

¹¹ Y jari' tok ri Pedro xuna' ruvech, y xubij: Vacami c'a, xinvetamaj chi ri ángel can kitzij vi chi takon-pe roma ri Ajaf richin xinorucolo' can pa ruk'a' ri Herodes y chuvech ronojel ri quinojin ri nuvinak israelitas chi niquiben chuve, nicha-ka pa ránima ri Pedro.

Re C'ac'a Testamento pa Kach'abal

¹¹ Y jare' tak re Pedro xunabej, y xubij: Vocame xintamaj che re ángel can katzij-va che takom-pa roma re Ajaf chin xino'rcola-ka pa ruk'a' re Herodes y chach ronojel re quinojin re nuvinak israelitas che niquiban chua, xcha-ka pa ránma re Pedro.

Kaqchikel Western Solola

¹¹ Y yac'ari' tek ri Pedro xch'obotej chuwech, y xubij: Wacami c'a, xinwetamaj chi ri ángel can kitzij wi chi takon pe ruma ri Ajaf riche (rixin) chi xinorucolo' ca pa ruk'a' ri Herodes y chuwech ronojel ri quich'obon ri nuwinak israelitas chi niquiben chuwe, nicha' ka pa ránima.

Hechos 12:11 ပူးပေါင်းရင်းမြစ်များ

2 Pedro 2:9

Nojel reꞌ ndukꞌut chiqawech chi ri kikꞌuan jun utzulej kꞌaslen ri ndiqaꞌ chuwech ri Ajaw, rijaꞌ retaman ngerelesaj chuxeꞌ ri kꞌayew ndikil pa kikꞌaslen, pero ri kikꞌuan jun itzel kꞌaslen, chuxeꞌ castigo eruyoꞌon wi mientras nduqaqa ri qꞌij atoq ndiqꞌat tzij pa kiwiꞌ chin ndiyoꞌox ri castigo chin jumul chake.

Hechos 5:19

Pero chupan ri jun tokoqꞌaꞌ riꞌ, jun ángel chin ri Ajaw xujeq ruchiꞌ ri cheꞌ chikiwech ri apóstoles y xerelesaj e, y kereꞌ xubꞌij chake:

San Lucas 15:17

Re kꞌajol reꞌ xtzolij kꞌa pe runoꞌoj pa seq y xubꞌij: Chirachoch ri nataꞌ riꞌ… kꞌiy samajelaꞌ ekꞌo y kꞌiy achike ndikikꞌux, jakꞌa riyin ngiken chi ruchꞌumunik nupan chireꞌ.

Hechos 12:7

Kꞌateꞌ ruwech xuqꞌalajrisaj riꞌ jun ángel chin ri Ajaw y xyikꞌan jun luz pa cheꞌ apeꞌ tzꞌapel ri Pedro. Ri ángel xukuyukaꞌ apu xerukꞌalkꞌaꞌx ri Pedro chin xukꞌasoj y xubꞌij chare: ¡Kayakatej paqiꞌ! xchajeꞌ. Ja atoq riꞌ ri cadenas ri achoq ikꞌin ximon ruqꞌaꞌ ri Pedro xetzaq e.

Hebreos 1:14

Porque konojel ri ángeles xa erusamajelaꞌ ri Dios y e-espíritus ri ngeruteq chikitoꞌik ri wineq ri achoq chake nduyaꞌ ri kolotajik.

Hechos 24:27

Pero atoq ri Pablo ja kaꞌiꞌ junaꞌ tikꞌojeꞌ chiriꞌ, ri Félix xjal e y ja ri Porcio Festo xkꞌojeꞌ kan pa rukꞌexel. Ri Félix roma ndirajoꞌ chi ri israelitas utz ndikitzꞌet ruwech, ma xusoqꞌopij ta kan ri Pablo.

Hechos 25:9

Pero ri Festo, roma ndirajoꞌ chi utz nditzꞌat koma ri israelitas, xubꞌij chare ri Pablo: ¿Ndawojoꞌ ngojbꞌa e pa tinamit Jerusalén, chin keriꞌ, chiriꞌ ndiqatzꞌet ri sujunik yoꞌon chawij? xchajeꞌ.