Hechos 11:24 - Kaqchikel Santo Domingo (Xenacoj)

²⁴ Keriꞌ xubꞌij ri Bernabé, porque kin utz runoꞌoj, kuqul rukꞌuꞌx rikꞌin ri Dios, y nojneq ránima rikꞌin ri Espíritu Santo. Ri qꞌij riꞌ, ekꞌiy xkitaqij ri Ajaw.

နောက်ထပ်ဗားရှင်းများ

Kaqchikel Santa Maria de Jesus

²⁴ Ri Bernabé jun utzulaj ache, ri rucukubꞌan rucꞌuꞌx riqꞌuin ri Dios y nojnak ránima riqꞌuin ri Espíritu Santo. Y iqꞌuiy ri vinak ri xquinimaj ri Ajaf Jesucristo.

Kaqchiquel Bible

²⁴ Ri Bernabé, kan jun achin k'a ri kuqul ruk'u'x rik'in ri Dios, y kan nojineq-wi chuqa' ri ránima rik'in ri Loq'olej Espíritu. Rija' jun utzilej achin. Y ri winaqi' ri xkikuquba' kik'u'x rik'in ri ajaw Jesucristo, kan janila e k'iy.

Kaqchikel Central Guatemala

²⁴ Ri Bernabé, can jun achin c'a ri cukul ruc'u'x riq'uin ri Dios, y can nojinek-vi chuka' ri ránima riq'uin ri Lok'olej Espíritu. Rija' jun utzilej achin. Y ri vinek ri xeniman ri Ajaf Jesucristo, can janíla vi e q'uiy. Que c'a ri' xbanatej chupan ri k'ij ri'.

Re C'ac'a Testamento pa Kach'abal

²⁴ Re Bernabé, jun ache re can rubanon confiar-ri' riq'uin re Dios, y re ránma can nojnak chuka' riq'uin re Espíritu Santo. Reja' jun utzulaj ache. Y re vinak re xe'niman re Ajaf Jesucristo, camas je q'uiy. Quire' c'a xbanataj chupan re k'ij re'.

Kaqchikel Western Solola

²⁴ Ri Bernabé, jun achi ri can cukul ruc'u'x riq'ui ri Dios, y can nojnek wi chuka' ri ránima riq'ui ri Lok'olaj Espíritu. Riya' jun utzilaj achi. Y sibilaj ye q'uiy winek ri xeniman riche (rixin) ri Ajaf Jesucristo chupan ri k'ij ri'.

Hechos 11:24 ပူးပေါင်းရင်းမြစ်များ

Hechos 11:21

Ri ruchuqꞌaꞌ ri Ajaw kin kꞌo pa kiwiꞌ ri achiꞌaꞌ riꞌ, y kꞌiy wineq xkitaqij ri xkibꞌij, y xkiyaꞌ kánima rikꞌin ri Ajaw.

Hechos 5:14

Y qꞌij-qꞌij más ngekꞌiyer ri ngetaqin, porque ekꞌiy chi achiꞌaꞌ chi ixoqiꞌ ndikitaqij ri Ajaw Jesús.

Hechos 6:5

Ri xkibꞌij ri apóstoles, xqaꞌ chikiwech konojel ri kimolon kiꞌ pa rubꞌiꞌ ri Ajaw, y xkichaꞌ ri Esteban, jun hermano nojneq ránima rikꞌin ri Espíritu Santo y nojel ránima kuqul rukꞌuꞌx rikꞌin ri Dios chuqaꞌ. Xekichaꞌ chuqaꞌ ri Felipe, ri Prócoro, ri Nicanor, ri Timón, ri Pármenas, y jun achi ma israelita ta ri runiman ri ley xyoꞌox chare ri Moisés. Ri achi riꞌ rubꞌiniꞌan Nicolás, aj Antioquía.

Romanos 15:15

Pero riyin xinkowij wiꞌ xintzꞌibꞌaj jujun teq achike chupan re wuj reꞌ, chin nikꞌuxlaꞌaj chiwa ri iwetaman chik. Keriꞌ nibꞌen porque ri Dios kin ruyoꞌon ri ru-favor pa nuwiꞌ

Hechos 9:31

Chupan ri tiempo riꞌ, ri hermanos aj rochꞌulew Judea, aj rochꞌulew Galilea y aj rochꞌulew Samaria, ma ngetzeqlebꞌex chi ta chin ndibꞌan itzel chake. Ri hermanos ndikinimaj ri Ajaw y ndikꞌiy ri kikꞌaslen, y más wineq ndikitaqij ri Ajaw, porque ri Espíritu Santo ngerutoꞌ.

Hechos 6:8

Ri Esteban jun achi nojneq ránima rikꞌin ri ruchuqꞌaꞌ ri Dios y rikꞌin ri ru-favor ri Dios. Y chikikajal ri israelitas, rijaꞌ ndubꞌen nimalej teq achike ri nixta jumbꞌey etzꞌeton y nimalej teq retal ruchuqꞌaꞌ ri Dios.

Hechos 6:3

Romariꞌ hermanos, keꞌikanoj rix wuquꞌ achiꞌaꞌ chiꞌikajal, ri ngetzꞌetetej chi chojmilej kikꞌaslen, nojneq kánima rikꞌin ri Espíritu Santo y rikꞌin ri nojibꞌel pataneq rikꞌin ri Dios, chin ndiqayaꞌ ri samaj riꞌ pa kiqꞌaꞌ.

Romanos 5:7

Y kin qetzij wi, cuesta chi jun wineq xtirajoꞌ xtuyaꞌ rukꞌaslen pa rukꞌexel jun ri rukꞌuan jun chojmilej kꞌaslen. O rikꞌin jubꞌaꞌ kꞌo jun ri xtukowij riꞌ chin xtuyaꞌ rukꞌaslen pa rukꞌexel jun ri rukꞌuan utzulej kꞌaslen.

Hechos 24:16

Romariꞌ, riyin jumul nitij nuqꞌij chi chꞌajchꞌaj ri wánima chuwech ri Dios y chikiwech chuqaꞌ ri wineq.

San Juan 7:12

Y chupan ri nimaqꞌij riꞌ, jalajaj ndikibꞌilaꞌ ri wineq chirij ri Jesús. Ekꞌo ndikibꞌilaꞌ chi ri Jesús jun utzulej achi pero ekꞌo chꞌaqa ndikibꞌilaꞌ chi xa ngeruchꞌakatij ri wineq.

San Lucas 23:50

Y kꞌo kꞌa jun achi rubꞌiniꞌan José, ri kin utzulej runoꞌoj y chojmilej ri rukꞌaslen, jun chikikajal ri achiꞌaꞌ israelitas kꞌo uchuqꞌaꞌ pa kiqꞌaꞌ.

San Mateo 19:17

Ri Jesús xubꞌij chare: ¿Achike roma ndakꞌutuj razón chuwa pa ruwiꞌ ri utz? Xa kin xe wi Jun ri utz. Pero si ndawojoꞌ ngatok chupan ri kꞌaslen ma ndikꞌis ta, tanimaj ri mandamientos eruyoꞌon ri Dios.

San Mateo 12:35

Jun wineq utz ránima, ja ri utz kꞌo pa ránima ndubꞌilaꞌ, pero jun wineq itzel ránima, ja ri ma utz ta kꞌo pa ránima ndubꞌilaꞌ.

Hechos 2:4

Konojel xnoj kánima rikꞌin ri Espíritu Santo, y xkitzꞌuk ngechꞌaꞌa pa jalajaj teq chꞌabꞌel ri ma kitijon ta kiꞌ rikꞌin, chꞌabꞌel ri xuyaꞌ ri Espíritu Santo chake.

Hechos 2:47

Ndikiyalaꞌ ruqꞌij ri Dios y kin yalan ngetzꞌat koma ri wineq. Y ri Ajaw qꞌij-qꞌij ndubꞌen chi más ngekꞌiyer, porque ngerukal ri wineq ri rubꞌanun ruwech chi ngekolotej.