Hechos 10:38 - Kaqchikel Santo Domingo (Xenacoj)

³⁸ Iwakꞌaxan chuqaꞌ chi ri Dios xunojisaj ránima ri Jesús aj Nazaret rikꞌin ri Espíritu Santo y rikꞌin uchuqꞌaꞌ. Ri Jesús pa rukꞌaslen chochꞌulew jalajaj teq apeꞌ xubꞌen ri utz y xerukꞌachojrisaj konojel ri ekꞌo pa ruqꞌaꞌ ri itzel, porque ri Dios kin kꞌo wi rikꞌin.

နောက်ထပ်ဗားရှင်းများ

Kaqchikel Santa Maria de Jesus

³⁸ Ivataꞌn jeꞌ chi ri Jesús ri aj-Nazaret, can cꞌo-ve ri Espíritu Santo riqꞌuin, ri yoꞌn-pa cha ruma ri Dios, y rumareꞌ cꞌo poder pa rukꞌaꞌ. Y joꞌc ri otz xaꞌruꞌon chica ri vinak. Xaꞌruꞌon jeꞌ sanar vinak ri icꞌo pa rukꞌaꞌ ri diablo. Quireꞌ xaꞌruꞌon ri Jesús, ruma cꞌo ri Dios riqꞌuin.

Kaqchiquel Bible

³⁸ Iwetaman chuqa' ri' chi ri Jesús ri aj-Nazaret, kan k'o-wi ri Loq'olej Espíritu rik'in, ri ya'on-pe chire roma ri Dios. Roma ri' kan k'o-wi uchuq'a' pa ruq'a'. Kan xaxe k'a ri utz ri xerubanala' chike ri winaqi'. Xeruk'achojirisala' chuqa' winaqi' ri e chapon roma ri itzel-wineq. Kere' ri xerubanala' ri Jesús, roma kan k'o-wi ri Dios rik'in.

Kaqchikel Central Guatemala

³⁸ Y ivetaman chuka' ri' chi ri Jesús ri aj-Nazaret, can c'o-vi ri Lok'olej Espíritu riq'uin, ri yo'on-pe chire roma ri Dios, y romari' can c'o-vi uchuk'a' pa ruk'a'. Y can xe c'a ri utz ri xerubanala' chique ri vinek. Xeruc'achojirisala' chuka' vinek ri e chapon roma ri itzel-vinek. Quere' ri xerubanala' ri Jesús, roma can c'o-vi ri Dios riq'uin.

Re C'ac'a Testamento pa Kach'abal

³⁸ Y chuka' itaman che re Jesús re aj-Nazaret can c'o-va re Espíritu Santo riq'uin, re yi'om-pa cha roma re Dios, y mare' c'o poder pa ruk'a'. Y xe re otz re xe'rubanala' chique re vinak. Xe'ruc'achojsaj chuka' vinak re je'kejnak pa ruk'a' re ru-poder re itzel. Quire' xe'rubanala' re Jesús, roma c'o re Dios riq'uin.

Kaqchikel Western Solola

³⁸ Y can iwetaman chuka' chi ri Jesús ri aj Nazaret, ri Dios can xuya' wi pe ri Lok'olaj Espíritu pa ruwi' y xuya' chuka' pe uchuk'a' pa ruk'a'. Can xerubanala' utzil chique ri winek y xeruc'achojsaj chuka' ri ye chapon ruma ri itzel winek. Queri' ri xerubanala' ri Jesús, ruma can c'o ri Dios riq'ui.

Hechos 10:38 ပူးပေါင်းရင်းမြစ်များ

San Lucas 4:18

Ri Espíritu chin ri Ajaw kꞌo pa nuwiꞌ, Roma yin ruchaꞌon Chin niqꞌalajrisaj ri utzulej teq tzij chin kolotajik chake ri maneq ok kichajin, Yin rutaqon pe chuqaꞌ chin ngenwelesaj ri wineq pa ruqꞌaꞌ ri itzel, Yin taqon chuqaꞌ chin nibꞌen chake ri wineq esoqꞌ chi ngetzuꞌun Y yin taqon chin ngeꞌel libre ri etzꞌamon,

Hechos 2:22

Y ri Pedro xubꞌij chik: Achiꞌaꞌ teq israelitas, tiwakꞌaxaj re nibꞌij chiwa: Ri Jesús aj Nazaret kin xqꞌalajin chi ja ri Dios taqayon pe richin, porque ri Dios xuyaꞌ qꞌij chare chi xerubꞌen chiꞌikajal nimalej teq retal ri ruchuqꞌaꞌ, milagros y nimalej teq achike ri nixta jumbꞌey etzꞌeton. Y rix kin iwetaman chi keriꞌ xbꞌanatej.

San Juan 3:34

Porque ri Jun ri taqon pe roma ri Dios, ja ri tzij rakꞌaxan pe rikꞌin ri Dios ndutzijoj, porque ri Dios nduyaꞌ ri Espíritu Santo y ma ndukꞌekꞌej ta nduyaꞌ.

Hebreos 1:9

Rat kin ndiqaꞌ chawech ndabꞌen ri utz, y kin itzel ndatzꞌet ri ma utz ta. Romariꞌ riyin ri Dios, ri a-Dios rat, xinqꞌij aceite pa awiꞌ Y rikꞌin riꞌ xinbꞌen chawa chi más santienta ngakikot Ke chikiwech ri awachibꞌil.

San Juan 3:2

Pa jun tokoqꞌaꞌ, xbꞌeqaqa apeꞌ kꞌo ri Jesús y xubꞌij chare: Tijonel, qetaman chi rat jun tijonel taqon pe roma ri Dios, porque ri retal ruchuqꞌaꞌ ri Dios ngaꞌabꞌanalaꞌ, nixta jun wineq nditiker ndubꞌen, si maneq ri Dios rikꞌin.

San Mateo 12:28

Pero si riyin, yin ukꞌuan roma ri Espíritu chin ri Dios ngenwelesaj itzel teq espíritu, riꞌ ndubꞌij tzij chi ja xuqaqa ri ru-reino ri Dios pa iwiꞌ.

San Lucas 3:22

Y ri Espíritu Santo xqaqa pe pariꞌ achel jun paloma, y xakꞌaxex jun chꞌabꞌel chikaj ri kereꞌ xubꞌij: Ja rat ri Nukꞌajol, y tzꞌan ngatinwojoꞌ. Riyin santienta ngikikot awoma, xchajeꞌ.

San Juan 10:32

Pero ri Jesús xubꞌij chake: Rikꞌin ruchuqꞌaꞌ ri Tataꞌaj Dios, santienta utzulej y nimalej teq achike enubꞌanun pe chiwech. ¿Achike chikiwech ri nimalej teq achike enubꞌanun pe, ri ma xqaꞌ ta chiwech, y romariꞌ ndiwojoꞌ nginikꞌeq chi abꞌej?

San Juan 16:32

Yin nibꞌij chiwa chi ja nduqaqa ri hora, y yaméra nduqaqa, atoq nditalux e iwech, ngixtzolij pa teq ibꞌey y nginiyaꞌ kan nuyon. Pero riyin ma nuyon ta yinkꞌo, porque ri Tataꞌaj Dios kꞌo wikꞌin.

1 Juan 3:8

Pero ri jun ri xe mak roma, xa kin chin wi ri itzel, porque ri itzel xe jampeꞌ kꞌajani tibꞌan ri kaj y ri rochꞌulew ndajin rikꞌin mak. Y ri Rukꞌajol ri Dios xuqꞌalajrisaj riꞌ chin ndurukꞌisaꞌ ruqꞌij rusamaj ri itzel.

San Juan 6:27

Titijaꞌ iqꞌij, pero ma xe ta chin ndiwil ri rikil ri xa ndikꞌis. Titijaꞌ iqꞌij chin ndiwil ri rikil iway ri ndiyoꞌon chiwa ri kꞌaslen ma ndikꞌis ta. Y ri rikil wey riꞌ niyaꞌ chiwa riyin ri aj chikaj ri xinuꞌalex chiꞌikajal, roma ja yin ri chaꞌon roma ri Tataꞌaj Dios chin niyaꞌ chiwa.

San Mateo 9:35

Chupan teq ri qꞌij riꞌ ri Jesús ndibꞌiyaj pa teq tinamit y pa teq aldeas, ngerutijoj ri wineq rikꞌin ri rutzij ri Dios pa teq ki-sinagogas, ndutzijoj ri utzulej teq tzij chin kolotajik ri ndubꞌij ri achike rubꞌeyal chin ngeꞌok ri wineq pa ru-reino ri Dios, y ngerukꞌachojrisaj nojel ruwech yabꞌil y qꞌaxomal.

1 Pedro 5:8

Pa iwuxnaqil tibꞌanaꞌ nojel y tichajij utz-utz ri ikꞌaslen, porque ri itzel royowal chiwa, y achel jun koj ndisikꞌin ndukanoj achike ta jun nduqetzelaꞌ chi eyaj.

San Lucas 9:42

Atoq ri kꞌajol naqaj chik kꞌo chin ndeqaqa chuwech ri Jesús, ri seqꞌ espíritu xuroqij qa pa ulew y xubꞌen chi xuyaꞌ ataque chare. Pero ri Jesús xrelesaj e ri seqꞌ espíritu riꞌ, xukꞌachojrisaj ri kꞌajol y xujech e chare ri rutataꞌ.

San Mateo 12:15

Pero ri Jesús retaman ri ndikibꞌen ruwech ri fariseos chirij, romariꞌ xel e chiriꞌ. Y ekꞌiy wineq xkoqaj, y rijaꞌ xerukꞌachojrisaj konojel ri ngeyawej.

Marcos 6:6

y kin ndisach rukꞌuꞌx chikij ri wineq porque ma ndikitaqij ta. Ri Jesús xbꞌa pa teq aldeas ri ekꞌo chunaqaj ri tinamit y ngerutijoj ri wineq rikꞌin ri rutzij ri Dios.

San Lucas 9:56

Y ja atoq riꞌ xebꞌa pa jun chik aldea.

Hechos 10:37

Y rix iwakꞌaxan ri xbꞌanatej pa nojel ri rochꞌulew Judea atoq xkꞌojeꞌ ri Jesús chochꞌulew. Nabꞌey ri Juan ri Bautista xuyaꞌ rutzijol chake ri wineq chi titzolij pe kánima rikꞌin ri Dios y tikibꞌanaꞌ bautizar kiꞌ, y kꞌateriꞌ ri Jesús xutzꞌuk rutzijoxik ri rutzij ri Dios pa rochꞌulew Galilea.

1 Juan 2:20

Pero rix, rix ukꞌuan roma ruchuqꞌaꞌ ri Espíritu ri yoꞌon chiwa roma ri Cristo ri kin loqꞌolej wi, y romariꞌ rix iwonojel iwetaman chik ri qetzij ruqꞌalajrisan ri Dios.

San Mateo 9:19

Ri Jesús xyakatej pe y achibꞌilan koma ri ru-discípulos xkoqaj ri achi riꞌ.