Hebreos 9:16 - Kaqchikel Santo Domingo (Xenacoj)

¹⁶ Keriꞌ nibꞌij chiwa, porque atoq bꞌanun ruwujil jun herencia, hasta kꞌa ndiken na e ri ndiyoꞌon ri herencia, ndikꞌojeꞌ reqalen ri ruwujil ri herencia riꞌ.

နောက်ထပ်ဗားရှင်းများ

Kaqchikel Santa Maria de Jesus

¹⁶ Incheꞌl nuꞌon jun vinak, nuꞌon can jun vuj pacheꞌ nuꞌej-ve can chi antok xticon, nojiel ri rubꞌayomal ntuoc can richin jun chic.

Kaqchiquel Bible

¹⁶ Richin chi nukusex jun wuj richin retal-tzij ri banon kan, k'o chi noyobex y netamex jebel wi xken yan-el ri banayon kan.

Kaqchikel Central Guatemala

¹⁶ Can xc'atzin chi xquen (xcom) ri Cristo. Achi'el ri niban coma ri vinek. Jun tata'aj nuben jun vuj y nubij chupan chi tok xtiquen (xticom) c'o xtiquichinaj ri ralc'ual. Pero ketaman chuka' chi man niquichinaj ta ri k'ij tok nibix yan chique, xa c'o chi nicoyobej na, c'a tok niquen na (nicom na) ri tata'aj.

Re C'ac'a Testamento pa Kach'abal

¹⁶ Can xc'atzin che xcom re Jesucristo. Ancha'l nibanataj vova' chuch'ulef, tak jun tata'aj nuban jun vuj y chupan re vuj nubij che tak reja' xticom, re herencia ndoc quichin re rajc'ual. Pero kataman che re herencia man nijach-ta chique tak c'a c'as re tata'aj, tiene que niquiyabej-na che nicom.

Kaqchikel Western Solola

¹⁶ Y can rajawaxic chi xcom ri Cristo riche (rixin) chi xkac'ul ri herencia ri'. Achi'el tek jun winek rubanon jun wuj y rubin chupan chi tek xticom el, ronojel ri rubeyomal ntoc ca riche (rixin) jun chic winek. Pero ri winek ri' ma nijach ta na ri herencia chare, nic'atzin chi nroyobej na, c'a ya tek nicom na el ri banayon ca ri wuj, c'ac'ari' nijach ri herencia pa ruk'a'.

Hebreos 9:16 ပူးပေါင်းရင်းမြစ်များ

Santiago 2:10

Porque si jun ndubꞌen nojel ri ndubꞌij chupan ri ley, pero nduqꞌej jun chikiwech ri mandamientos, riꞌ ndubꞌen chare ri jun riꞌ, chi ndok qꞌajoy tzij chin nojel ri mandamientos.

1 Corintios 15:22

Y qetaman chi roma ri Adán, konojel wineq ndikikꞌulwachij ri kamik. Keriꞌ chuqaꞌ qetaman chi roma ri Jesucristo, ndiyoꞌox ri kꞌaslen ma ndikꞌis ta chake konojel ri ndikitaqij rijaꞌ.

Romanos 6:23

Porque ri tojik ndukꞌen pe ri mak, ja ri kamik, jakꞌa ri Dios ndusipaj ri kꞌaslen ma ndikꞌis ta, y riꞌ roma xe jun qabꞌanun rikꞌin ri Qajaw Cristo Jesús.

Romanos 5:12

Rikꞌin ri qabꞌiꞌin pe, ndiqabꞌij chuqaꞌ chi roma jun achi, xok pe ri mak chochꞌulew, y ri mak xukꞌen pe kamik. Ja atoq riꞌ xtzꞌukutej pe chi konojel wineq ngeken, porque konojel ndikibꞌen mak.

Hebreos 9:15

Y romariꞌ, ja ri Jesús xkusex chin xbꞌan ri kꞌakꞌakꞌ pacto, chin keriꞌ rikꞌin ri rukamik ngerukal ri wineq chuwech ri mak xkibꞌen atoq xekꞌojeꞌ chuxeꞌ ruchuqꞌaꞌ ri nabꞌey pacto. Y roma chuqaꞌ ri rukamik roj qonojel ri roj oyon roma ri Dios, ndiyoꞌox chaqe ri herencia ri ma ndikꞌis ta, herencia ri rusujun kan rijaꞌ.

Hebreos 9:17

Porque jun ruwujil herencia, maneq reqalen si ri ndiyoꞌon ri herencia kꞌa kꞌes, pero ndikꞌojeꞌ reqalen atoq ndiken e.

Hebreos 1:3

Rikꞌin ri Rukꞌajol ndiqꞌalajin ri nimalej ruqꞌij ri Dios, y rikꞌin rijaꞌ nditzꞌetetej achike qitz runoꞌoj ri Dios. Ja ri ruchuqꞌaꞌ ri rutzij ri Rukꞌajol tzꞌamayon kichin nojel ri achike ekꞌo, chin keriꞌ ekꞌo pa kikꞌojlibꞌel y ma ngebꞌojbꞌoꞌ ta. Y atoq ri Rukꞌajol xuqꞌasaj yan ri kamik chin ndichꞌajchꞌojir ri qakꞌaslen roj wineq chuwech ri mak, xbꞌetzꞌuyeꞌ e chikaj pa rikiqꞌaꞌ ri nimalej Rey Dios.

Hebreos 13:20

Ri Dios ri ndiyoꞌon uxlanen pa qánima, ja rijaꞌ ri xkꞌastajbꞌan pe chikikajal ri animaꞌiꞌ ri Nimalej Qayuqꞌunel ri roj rukarneꞌl, y riꞌ ja ri Qajaw Jesús ri xbꞌiyin rukikꞌel chin xkꞌachaj ri pacto ri kin chin jumul.