Hebreos 7:25 - Kaqchikel Santo Domingo (Xenacoj)

²⁵ Romariꞌ, nditiker ngerukal chin jumul ri ngetaqin richin chin ngebꞌeqaqa rikꞌin ri Dios, porque jumul kꞌo rukꞌaslen chin ndukꞌutuj ru-favor ri Dios pa kiwiꞌ.

နောက်ထပ်ဗားရှင်းများ

Kaqchikel Santa Maria de Jesus

²⁵ Rumareꞌ jajaꞌ siempre nitiquir ncaꞌrucol quinojiel ri niquinimaj jajaꞌ chi ncaꞌjiel-apa riqꞌuin ri Dios. Ri Jesús cꞌo rucꞌaslien richin nojiel tiempo, y rumareꞌ siempre nichꞌoꞌ cha ri Dios pa qui-cuenta.

Kaqchiquel Bible

²⁵ Y roma ri' rija' kan jantape' k'a nitikir yerukol ri yejel-apo rik'in ri Dios pa rubi' rija'. Roma rija' kan man kamel ta, y roma ri' beneq-ruwech nuk'utuj rutzil ri Dios pa kiwi'.

Kaqchikel Central Guatemala

²⁵ Y romari' rija' can jantape' c'a nitiquir yerucol ri yejel-apo riq'uin chucanoxic ri Dios. Roma rija' can man camel ta, y romari' benek-ruvech nuc'utuj rutzil ri Dios pa quivi'.

Re C'ac'a Testamento pa Kach'abal

²⁵ Y mare' reja' can nitiquir ye'rucol chin nojel tiempo re ye'niman richin, chin che c'o modo ye'jelon-apo riq'uin re Dios. Roma reja' can nojel tiempo Sacerdote, mare' binak-rach nich'o pa qui-cuenta re vinak cha re Dios.

Kaqchikel Western Solola

²⁵ Y rumari' Riya' can benak ruwech chi nicowin yerucol ri yejel apo riq'ui chucanoxic ri Dios. Ruma Riya' jurayil chi c'o ruc'aslen riche (rixin) chi ma nitane' ta chi nuc'utuj rutzil ri Dios pa quiwi'.

Hebreos 7:25 ပူးပေါင်းရင်းမြစ်များ

Romanos 8:34

Y nixta jun chuqaꞌ nditiker chiqij chin ta ngojruteq chupan ri castigo nduyaꞌ ri Dios, porque ja ri Cristo Jesús xken qoma chutojik ri qamak, y ma xe ta riꞌ, keriꞌ chuqaꞌ xkꞌastajbꞌex pe chikikajal ri animaꞌiꞌ, y wokami kꞌo e chikaj pa rikiqꞌaꞌ ri Dios, y ndukꞌutuj chi ndikuyutej qamak.

1 Timoteo 2:5

Porque xaxe jun Dios kꞌo. Y xaxe Jun ri ndibꞌanun chaqe roj wineq chi ma jun qamak ndiqeqalej chuwech ri Dios y keriꞌ kꞌo cheꞌel ngojbꞌeqaqa chuwech. Y ri Jun ri ndibꞌanun riꞌ, ja ri Cristo Jesús, ri aj chikaj ri xuꞌok wineq chiqakajal.

Judas 1:24

Kin nimalej ruqꞌij ri Dios ri nditiker ngixruchajij chin ma ngixtzaq pa mak, y nditiker chuqaꞌ ndubꞌen chiwa chi chꞌajchꞌaj ikꞌaslen ngixbꞌekꞌojeꞌ chuwech rijaꞌ ri kin nimalej ruqꞌij, apeꞌ santienta ngixbꞌekikot.

San Juan 14:6

Y ri Jesús xubꞌij: Ja riyin ri bꞌey, ja riyin ri qetzij y ja riyin ri kꞌaslen, nixta jun nditiker ndeqaqa apeꞌ kꞌo ri Tataꞌaj Dios, si ma ngirutaqij ta riyin.

Efesios 2:18

Y roma rukamik ri Cristo cho cruz, kꞌo cheꞌel ngojjel apu chuwech ri Qatataꞌ Dios chi israelitas y ma israelitas ta, y xe jun mismo Espíritu Santo ukꞌuayon qichin roj qonojel chin ngojjel apu chuwech.

Romanos 5:2

Y roma qataqin ri Qajaw Jesucristo, xuyaꞌ qꞌij chaqe chi xojok chupan ri favor nduyaꞌ ri Dios, ri achoq chupan qꞌij-qꞌij kaw roj peꞌel y ngojkikot qoyobꞌen ri qꞌij atoq ndikꞌojeꞌ qaqꞌij chupan ri nimalej ruqꞌij ri Dios.

Hebreos 11:6

Y keriꞌ kꞌa, jun wineq chin ndiqaꞌ chuwech ri Dios ndikꞌatzin chi rukuqubꞌan rukꞌuꞌx rikꞌin. Porque ri ndirajoꞌ ndijel apu chuwech ri Dios, ndikꞌatzin ndutaqij chi ri Dios kin kꞌo wi y chi nduyaꞌ utzulej rajel-rukꞌexel chake ri ngekanon richin.

Efesios 3:20

Tiqayaꞌ ruqꞌij ri Dios ri nditiker ndubꞌen más chuwech ri achike ndiqakꞌutuj o ndiqanojij, rikꞌin ri nimalej ruchuqꞌaꞌ ri ndisamej pa qánima.

Hebreos 9:24

Keriꞌ nibꞌij chiwa porque ri Cristo, ma chupan ta ri aj rochꞌulew rachoch ri Dios, ri kin rachibꞌel wi ri qetzij rachoch ri Dios, xok chin xusuj ri rukikꞌel. Ri Cristo xbꞌa e chikaj, y xbꞌeqaqa chuwech ri Dios chin ndukꞌutuj favor pa qawiꞌ.

Hebreos 7:19

Porque ri ley nixta jun achike xtiker xuchꞌajchꞌojrisaj chin jumul chuwech ri Dios. Jakꞌa ri achike qoyobꞌen wokami kin más wi utz roma ja ri Jesús ri qa-Sacerdote, ri achoq roma ngojjel apu rikꞌin ri Dios.

San Juan 14:13

Y nojel ri ndikꞌutuj rix pa nubꞌiꞌ riyin, kin nibꞌen wi, chin keriꞌ ndiqꞌalajin ruqꞌij ri Tataꞌaj Dios woma riyin ri Rukꞌajol.

Hebreos 5:7

Atoq ri Cristo xkꞌojeꞌ chochꞌulew, rikꞌin oqꞌej y kaw ruchꞌabꞌel xubꞌen orar, xukꞌutuj kamelal chare ri Dios ri kꞌo ruchuqꞌaꞌ chin ndukal pa ruqꞌaꞌ ri kamik; y roma rijaꞌ kin xniman, xakꞌaxex roma ri Dios.

Hebreos 13:15

Y roma ri Cristo xken qoma, ma ndikꞌatzin chi ta ngeqasuj awej chuwech ri Dios. Pa rukꞌexel riꞌ jumul tiqasujuꞌ chare ri Dios rikꞌin qachiꞌ loqꞌolej teq tzij chin ndiqayaꞌ ruqꞌij, tzij ri achoq ikꞌin ndiqabꞌij chi qetzij ja rijaꞌ ri Dios.

Hebreos 7:16

Ri Qajaw Jesucristo xok Sacerdote, pero ma achel ta ri ndubꞌij ri ley xyoꞌox chare ri Moisés, ri ndubꞌij chi chikikajal ri eriy-rumam kan ri Leví ngechaꞌox ri ngeꞌok sacerdotes. Ri Jesucristo xok Sacerdote roma nim ruchuqꞌaꞌ ri rukꞌaslen ri ma jubꞌaꞌ xtikꞌis.

Hebreos 2:18

Y roma rijaꞌ xuqꞌasaj santienta kꞌayew atoq ri itzel xutaqchiꞌij chin ta xrajoꞌ xutzeq pa mak, ndiqꞌalajin chi rijaꞌ kꞌo ruchuqꞌaꞌ chin ngerutoꞌ ri ngetojtobꞌex roma ri itzel.

Filipenses 3:21

Rijaꞌ kin xtujel ruwech ri qa-cuerpo ri xa kin chin wi ndiken. Ndubꞌen kꞌakꞌakꞌ chare chin ndikꞌojeꞌ ruqꞌij achel ruqꞌij ri ru-cuerpo rijaꞌ. Keriꞌ ndubꞌen chaqe rikꞌin ri nimalej ruchuqꞌaꞌ ri ndubꞌen chi pa ruqꞌaꞌ rijaꞌ ndikꞌojeꞌ nojel ri kꞌo.

San Juan 14:16

Y riyin kin xtinkꞌutuj chare ri Tataꞌaj Dios, y rijaꞌ nduteq pe jun chik Bꞌochinel chin ndikꞌojeꞌ jumul iwikꞌin.

2 Timoteo 1:12

Romariꞌ niqꞌasaj kꞌayew waweꞌ pa cheꞌ, pero ma ngikꞌix ta yinkꞌo chireꞌ, porque kin wetaman ri utzulej runoꞌoj ri achoq ikꞌin nukuqubꞌan nukꞌuꞌx y kin kuqul nukꞌuꞌx chi rijaꞌ kꞌo ruchuqꞌaꞌ chin nduchajij ri ruyoꞌon chuwa hasta kꞌa nduqaqa na ri qꞌij atoq nditzolij pe.

Hebreos 7:24

Jakꞌa ri Jesús chin jumul kꞌo rukꞌaslen, y romariꞌ ma ndijalatej ta, xa kin Sacerdote chin jumul.

Efesios 3:12

Y roj roma xe jun qabꞌanun rikꞌin ri Cristo Jesús, kuqul qakꞌuꞌx ngojjel apu chuwech ri Dios y ma ndiqaxibꞌij ta qiꞌ ngojchꞌaꞌa chare roma qataqin rijaꞌ.

Hebreos 7:8

Chireꞌ chochꞌulew, ri diezmo ndiyoꞌox chake sacerdotes israelitas ri xa ngeken e, pero pa ruwiꞌ ri sacerdote Melquisedec ndibꞌix chi kꞌo rukꞌaslen, y ri Abraham chare rijaꞌ xuyaꞌ ri diezmo.

Romanos 5:10

Keriꞌ nibꞌij chiwa, porque atoq kꞌa rojkꞌo contra ri Dios, rijaꞌ xrelesaj ri qamak jachayon qawech rikꞌin y xukꞌen apu qawech, y riꞌ roma ri kamik xuqꞌasaj ri Rukꞌajol. Y kami ke elesan ri mak jachayon qawech rikꞌin, kin más ndiqꞌalajin chi ngojkolotej roma rukꞌaslen ri Rukꞌajol.

1 Corintios 1:21

Porque ri Dios roma ri santienta nojibꞌel ruchajin, kin rubꞌanun chik ruwech chi ri wineq ma roma ta ri aj rochꞌulew nojibꞌel kichajin xtiketamaj achike rijaꞌ. Xa kin xqaꞌ chuwech chi roma rutzijoxik rukamik ri Cristo cho cruz ngerukal ri wineq ri ngetaqin richin, maske chake chꞌaqa, ri tzij riꞌ xa chꞌujulej teq tzij.

Hebreos 2:9

Pero ndiqatzꞌet chi ri Jesús xe chin jubꞌaꞌ teq qꞌij xbꞌan chare chi menos jubꞌaꞌ ruqꞌij ke chikiwech ri ángeles, y ndiqatzꞌet chuqaꞌ chi xnimrisex chik ruqꞌij y xnimrisex chik rubꞌiꞌ roma ri kamik xuqꞌasaj. Y roma ri Dios xrajoꞌ xuyaꞌ ru-favor pa qawiꞌ, ri Jesús xken qoma roj qonojel.