Hebreos 6:4 - Kaqchikel Santo Domingo (Xenacoj)

⁴ Porque ri xyikꞌex yan jumbꞌey ri kikꞌaslen, y xekikot yan chupan ri favor nduyaꞌ ri Dios, y xkꞌojeꞌ yan chuqaꞌ ri Espíritu Santo kikꞌin,

နောက်ထပ်ဗားရှင်းများ

Kaqchikel Santa Maria de Jesus

⁴ Ri pa sakil chic cꞌo-ve ri quicꞌaslien, yoꞌn chic chica ri cꞌo chila chicaj y cꞌo chic ri Espíritu Santo quiqꞌuin,

Kaqchiquel Bible

^4-6 Man tikirel ta k'a niban chire jun chi nitzolej chik pe ruk'u'x rik'in ri Dios; ri saqirisan chik ruk'aslen, ri ruk'ulun chik ri utzil ri richin chila' chikaj y k'o chik ri Loq'olej Espíritu rik'in, retaman chik chi janila utz ri ruch'abel ri Dios, y retaman chik ri rubanik ri k'aslen richin ri q'ij ri peteneq chiqawech-apo y k'ari' nitzolin chik kan chuwech ri ruwach'ulew. Ri nibanon keri' rik'in ri rubanobal xa kan najin chik jun bey chukamisaxik ri Ruk'ajol ri Dios chuwech ri cruz, y nuk'ixbisaj chikiwech ri winaqi'.

Kaqchikel Central Guatemala

⁴ Roj sakirisan chic ri kac'aslen, kac'ulun chic utzil ri richin chila' chicaj y c'o chic ri Lok'olej Espíritu kiq'uin.

Re C'ac'a Testamento pa Kach'abal

⁴ Yoj sekresan chic re kac'aslen, kac'ulun chic re utzil re pitinak chila' chicaj y c'o chic re Espíritu Santo kaq'uin,

Kaqchikel Western Solola

⁴ Ri winek ri sakirisan chic ri quic'aslen, ri quic'ulun chic ri utzil riche (rixin) chila' chicaj y c'o chic ri Lok'olaj Espíritu quiq'ui,

Hebreos 6:4 ပူးပေါင်းရင်းမြစ်များ

San Mateo 5:13

Rix ngixkꞌatzin achel atzꞌan chin kikꞌaslen ri wineq, pero si ri atzꞌan ndikꞌis retzꞌamil, ¿achike kꞌa jun ta ndibꞌan chare chin nditzolij chi pe ri retzꞌamil? Xa ma jun chik ndikꞌatzin, xaxe chik ndiroqix e saqil chin ndiyeqꞌeloꞌox koma wineq.

San Juan 15:6

Ri ma jumul ta xe jun rubꞌanun wikꞌin ndelesex e saqil, ndibꞌan chare achel ri ruqꞌaꞌ teq uva ri ma ngewachin ta, ngechoy, ngechaqiꞌj qa, y ngemol chin ngetorix pa qꞌaqꞌ y ngekꞌat.

Efesios 2:8

Porque rix, roma ri favor ruyoꞌon ri Dios pa iwiꞌ, xixkolotej roma xitaqij ri Cristo, y ma jun achike xibꞌen chin xixkolotej, porque reꞌ rusipan ri Dios chiwa.

San Juan 3:27

Ri Juan xubꞌij chake ri ru-discípulos: Ma jun achike nditiker ndubꞌen jun wineq, si ma ja ta ri Dios ndiyoꞌon qꞌij chare chi ndubꞌen.

Hebreos 10:32

Rix tikꞌuxlaꞌaj ri qꞌij xeꞌeqꞌax yan, atoq kꞌa jubꞌaꞌ tiyikꞌex ri ikꞌaslen roma ri Ajaw y xikachꞌ ri santienta kꞌayew xbꞌan chiwa.

San Mateo 12:45

Ja atoq riꞌ ndibꞌa, ngebꞌerukꞌamaꞌ wuquꞌ teq espíritu más eꞌitzel chuwech rijaꞌ y konojel ngeꞌok pa rukꞌaslen ri jun wineq riꞌ chin ndikibꞌen kachoch chare. Y ri rukꞌaslen ri jun wineq riꞌ más pior ndubꞌen qa ke chuwech ri rubꞌanun pa nabꞌey. Kin keriꞌ xtibꞌanatej kikꞌin ri wineq aj wokami ri kin eꞌitzel chikibꞌanik.

Gálatas 3:2

Xaxe niwojoꞌ nikꞌutuj razón chiwa: ¿Xyoꞌox ri Espíritu Santo pa iwánima porque xibꞌen ri ndubꞌij ri ley xyoꞌox chare ri Moisés? Ma ke ta riꞌ. Ri Espíritu Santo xyoꞌox pa iwánima porque xitaqij ri Jesucristo ri xtzijox chiwa.

2 Timoteo 2:25

Ki-kiꞌ awánima takꞌutuꞌ ruchojmil ri rutzij ri Dios chikiwech ri ndikipabꞌaꞌ kiꞌ chuwech ri qetzij, kolopeꞌ ri Dios xtisamej pa kánima chin ndijalatej ri kinoꞌoj y keriꞌ ndikiyaꞌ yan chik pa cuenta ri qetzij,

1 Juan 5:16

Si jun ndutzꞌet jun ru-hermano ndajin rikꞌin mak, pero ri mak riꞌ ma ndukꞌuan ta pa kamik, tukꞌutuj chare ri Dios roma, y ri Dios nduchojmirisaj rukꞌaslen ri jun ri ndajin rikꞌin mak. Pero kꞌo mak ri ndukꞌuan pa kamik, y pa kiwiꞌ ri ngetajin rikꞌin ri mak riꞌ, ma nibꞌij ta chiwa chi tikꞌutuj koma.

Hebreos 2:4

Y re kolotajik reꞌ kin qetzij wi. Keriꞌ xqꞌalajin, porque ri Dios xuqꞌalajrisaj rikꞌin nimalej teq retal ruchuqꞌaꞌ y nimalej teq achike ri ma jumbꞌey etzꞌeton, rikꞌin jalajaj teq milagros, y rikꞌin chuqaꞌ chi ri Espíritu Santo xuyaꞌ jalajaj loqꞌolej teq sipanik chake ri rusamajelaꞌ ri Dios achel xrajoꞌ rijaꞌ.

1 Timoteo 4:14

Tabꞌanaꞌ cuenta ri loqꞌolej sipanik ruyoꞌon ri Espíritu Santo chawa, sipanik ri xqꞌalajrisex pe roma ri Dios chin ndiyoꞌox chawa y kin xyoꞌox wi atoq ri eꞌukꞌuey bꞌey chikiwech ri rutinamit ri Dios xkiyaꞌ kiqꞌaꞌ pa awiꞌ.

Hechos 11:17

Y si ri Dios junajaꞌ loqꞌolej sipanik xuyaꞌ chake konojel ri ekꞌo pa rachoch ri Cornelio achel ruyoꞌon chaqe roj israelitas ri qataqin ri Ajaw Jesucristo, ¿achike kꞌa ok riyin chin ta niwojoꞌ niqꞌet ri samaj ndubꞌen ri Dios? xchajeꞌ ri Pedro.

Efesios 4:7

Pero chiqajununal ri Cristo xuyaꞌ ri ru-favor pa qawiꞌ, achel xrajoꞌ xuyaꞌ rijaꞌ chin ndiqabꞌen ri rusamaj rikꞌin ri loqꞌolej teq sipanik ruyoꞌon chaqe.

Efesios 3:7

Y roma ri favor rusipan ri Dios chuwa rikꞌin ri nimalej ruchuqꞌaꞌ ri ndisamej pa nukꞌaslen, yin okuneq rusamajel chin nitzijoj ri utzulej teq tzij chin kolotajik.

Hechos 10:45

Y ri israelitas ri kitaqin ri Ajaw ri kachibꞌilan e ri Pedro, xsach kikꞌuꞌx atoq xkitzꞌet chi jajun chake ri ma israelitas ta xyoꞌox ri Espíritu Santo.

Hechos 8:20

Pero ri Pedro xubꞌij: Rat junan rikꞌin ri améra tikꞌis aqꞌij pa qꞌaqꞌ, porque xanojij chi rikꞌin améra ngatiker ndalaqꞌ re loqꞌolej sipanik nduyaꞌ ri Dios.

San Juan 6:32

Ri Jesús xubꞌij chake: Kin qetzij nibꞌij chiwa chi ma ja ta ri Moisés ri xyoꞌon ri kaxlan wey chin chikaj chake ri ojer teq iwatit-imamaꞌ, xa kin ja ri Nataꞌ Dios xyoꞌon chake, y ja chuqaꞌ rijaꞌ ri ndiyoꞌon ri qetzij kaxlan wey chin chikaj chiwa rix.

Gálatas 3:5

Romariꞌ nibꞌij chiwa: Ri Dios ruyoꞌon pe ri Espíritu Santo pa iwánima y ndubꞌanalaꞌ chuqaꞌ milagros chiꞌikajal, y keriꞌ ndubꞌen ma roma ta chi rix ndibꞌen ri ndubꞌij ri ley xyoꞌox chare ri Moisés, xa kin roma xitaqij ri Jesucristo atoq xiwakꞌaxaj ri xqatzijoj kan chiwa.

Hechos 15:8

Y ri Dios ri kin retaman ri kꞌo pa kánima ri wineq, xuqꞌalajrisaj chi ndirajoꞌ ngerukal chuqaꞌ ri ma israelitas ta, roma xuyaꞌ ri Espíritu Santo chake achel xuyaꞌ chaqe roj israelitas pa nabꞌey.

San Juan 4:10

Ri Jesús xubꞌij chare: Xa ta awetaman achike chi sipanik nduyaꞌ ri Dios, y xa ta awetaman chuqaꞌ achike ri Jun ri ndikꞌutun jubꞌaꞌ ruyaꞌ chawa, ja ta rat ri ngakꞌutun ayaꞌ chare rijaꞌ, y rijaꞌ nduyaꞌ chawa ri yaꞌ ri ndikꞌamo pe kꞌaslen.

2 Timoteo 4:14

Ri Alejandro ri ngerubꞌanalaꞌ jalajaj teq achike chare chꞌichꞌ, kꞌiy itzel rubꞌanun chuwa. Ja ri Ajaw ndiyoꞌon rukꞌexel chare roma ri erubꞌanaloꞌon.

Romanos 1:11

Porque tzꞌan nurayin ngixbꞌentzꞌetaꞌ, chin ta ndikꞌen kan rix ri loqꞌolej teq sipanik ri nduyaꞌ ri Espíritu Santo, chin keriꞌ más ndikꞌojeꞌ ruchuqꞌaꞌ iwánima rikꞌin ri Dios.

2 Corintios 4:4

Porque ja ri itzel ri rajawal ri rochꞌulew, tzꞌapiyon kinoꞌoj, chin ma tikitzꞌet ri luz nduyaꞌ ri utzulej teq tzij chin kolotajik, utzulej teq tzij ri ngekꞌutu ri nimalej ruqꞌij ri Cristo, ri achoq ikꞌin nditzꞌetetej achike qitz runoꞌoj ri Dios.

2 Corintios 4:6

Porque ri Dios ri kereꞌ xubꞌij: Tiyikꞌiyoꞌ pe luz pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima, chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.

Efesios 1:18

Nikꞌutuj chuqaꞌ chare ri Dios chi tuyikꞌaj más ri iwánima, chin ndiwetamaj más chirij ri favor qoyobꞌen ri achoq roma xojroyoj ri Dios, y chi ndiwetamaj chuqaꞌ janipeꞌ reqalen y roruqꞌij ri herencia rusujun chaqe roj ri loqꞌolej rutinamit,