Hebreos 5:12 - Kaqchikel Santo Domingo (Xenacoj)

¹² Y roma kꞌiy chik tiempo itaqin ri Ajaw, kin ta rix tijonelaꞌ chik, pero xa kꞌa ndikꞌatzin ngixtijox chik jumbꞌey rikꞌin tijonik chin ri rutzij ri Dios ri más ma cuesta ta ngekꞌoxomex. Xa kꞌa rix achel chꞌuteq akꞌolaꞌ, ri kꞌa tzꞌun ipan y kꞌajani kixtiker ndikꞌux rikil wey.

နောက်ထပ်ဗားရှင်းများ

Kaqchikel Santa Maria de Jesus

¹² Y ya ixreꞌ ta ri nquixtijuon quichin ri nicꞌaj chic riqꞌuin ri ruchꞌabꞌal ri Dios. Ruma qꞌuiy chic tiempo ri ix-tijuon-pa y cꞌa nicꞌatzin chi nquixtijox incheꞌl xꞌan chiva naꞌay antok cꞌajaꞌ xinimaj ri ruchꞌabꞌal ri Dios. Can ix incheꞌl xuluꞌ ri cꞌa ncaꞌtzꞌuman y cꞌa majaꞌ tiquicꞌux vay.

Kaqchiquel Bible

¹² Y kan ruk'amon ta chi ja ta rix ri yixtijon kichin ri ch'aqa' chik, rik'in ri ruch'abel ri Dios, roma kan k'iy yan q'ij ri iwak'axan-pe. Jak'a wakami xa itijoxik chik na niwajo' pa ruwi' ri etamabel ri xiwetamaj-pe pa nabey, xa k'a ix achi'el jun ak'ual ri k'ari' nalex, ri k'a xaxe tz'umaj nrajo' y k'a man jani nutej wey.

Kaqchikel Central Guatemala

¹² Y xa ruc'amon ta chic chi ja ta rix ri yixtijon quichin ri ch'aka' chic, riq'uin ri ruch'abel ri Dios. Q'uiy yan c'a tiempo ri' y rix xa c'a itijoxic na nivajo' chupan ri ruch'abel ri Dios. Xa c'a nic'atzin na itijoxic jun bey chic, chire ri etamabel ri xivetamaj chupan ri ruch'abel ri Dios pa nabey, tok xinimaj. C'a ix achi'el na jun ac'ual ri c'ari' nalex, ri xa c'a xe nitz'uman nrajo' y c'a man jani nutej vey.

Re C'ac'a Testamento pa Kach'abal

¹² Y can-ta ruc'amon che ja-ta chic yex re yixtijon quichin re nic'aj chic vinak riq'uin re ruch'abal re Dios, roma q'uiy-yan tiempo titzijos-va chiva. Pero yex xa c'a itijoxic nijo' chupan re ruch'abal re Dios. Xa c'a nic'atzin che yixtijox chic jun bey, cha re enseñanza re xitamaj jun bey can chij re ruch'abal re Dios tak xinimaj. C'a yix ancha'l jun ac'ual re c'aja nalax re xaxe tz'umaj nutaj, roma c'amaje-na nitiquir nutaj vay.

Kaqchikel Western Solola

¹² Y xa utz ta chic, chi yix ta riyix ri yixtijon quiche (quixin) ri nic'aj chic riq'ui ri ruch'abel ri Dios. Ruma q'uiy yan chic tiempo yixc'o pa ruch'abel, pero riyix xa c'a nic'atzin na itijoxic chupan ri nabey tak tijonic chare ri ruch'abel ri Dios. Ruma ri ibanon wacami xa c'a yix achi'el na jun ac'al ri xa c'ari' nalex, ri xa c'a xu (xe wi) tz'umaj nrajo' y c'a ma jane nutij ta wey.

Hebreos 5:12 ပူးပေါင်းရင်းမြစ်များ

Hebreos 6:1

Romariꞌ tiqabꞌanaꞌ chare ri qakꞌaslen chi ndikꞌiy más chiraqen ri Ajaw. Tiqetamaj más chuwech ri nabꞌey teq tijonik xyoꞌox chaqe pa ruwiꞌ ri Cristo. Ma qojkikot xe ok rikꞌin ri tijonik qetaman chik pa ruwiꞌ ri Cristo, achel ri tijonik ri ndubꞌij chi ndikꞌatzin ndiqayaꞌ kan ri itzel teq achike ri ndukꞌen pe kamik, o ri tijonik pa ruwiꞌ ri ndikꞌatzin ndiqakuqubꞌaꞌ qakꞌuꞌx rikꞌin ri Dios,

1 Pedro 2:2

Achel ri chꞌuteq akꞌolaꞌ ri kꞌa tzꞌun kipan tzꞌan ndikirayij ngetzꞌuman, keriꞌ tibꞌanaꞌ rix. Kin tirayij tikanoj rukꞌiyilen ri ikꞌaslen rikꞌin ri qetzij rutzij ri Dios, chin ngixkꞌiy pa ikꞌaslen, hasta kꞌa kixkolotej na e chin jumul,

Hebreos 5:13

Porque ri ndikitijoj kiꞌ xe ok rikꞌin ri tijonik más ma cuesta ta, xa eꞌachel chꞌuteq akꞌolaꞌ, porque kꞌajani tiketamaj utz-utz rukajal ri utz rikꞌin ri ma utz ta.

Colosenses 3:16

Kin ta xtinoj ri iwánima rikꞌin ri rutzij ri Cristo, y kin ta xtikꞌojeꞌ jumul chiriꞌ. Kin ta xtikusaj nojel ri utzulej nojibꞌel ri pataneq rikꞌin ri Cristo chin nditijoj y ndipixabꞌaj iwiꞌ chiwech. Rikꞌin nojel iwánima keꞌibꞌixaj salmos, himnos y chꞌaqa chik bꞌix ri nduyaꞌ ri Espíritu Santo chiwa chin ngixmatioxin chare ri Dios.

San Mateo 17:17

Ri Jesús xubꞌij chake ri discípulos: ¡Rix wineq aj wokami, xa ma kuqul ta ikꞌuꞌx rikꞌin ri Dios y xa ndijel ruwech rubꞌeyal ri ndibꞌix chiwa! ¿Rix ndinojij chi jumul ngikꞌojeꞌ chiꞌikajal? ¿Jarupeꞌ chik tiempo ngixinkachꞌ ndibꞌij rix? Tikꞌamaꞌ pe ri kꞌajol chinuwech.

1 Pedro 4:11

Ri hermano ri yoꞌon loqꞌolej sipanik chare chi ndipixabꞌan, kin tukusaj tzij ri pataneq rikꞌin ri Dios. Atoq jun ngerutoꞌ ri ndikꞌatzin kitoꞌik, tiqꞌalajin rikꞌin chi ja ri Dios yoyon uchuqꞌaꞌ chare chin nditoꞌon. Nojel ri ndibꞌen, tibꞌanaꞌ chin ndiyoꞌox ruqꞌij ri Dios roma ri xubꞌen ri Jesucristo. Rijaꞌ kin nimalej ruqꞌij y nimalej ruchuqꞌaꞌ chin jumul. Amén.

1 Corintios 14:19

Pero atoq yinkꞌo chikikajal ri eralkꞌuaꞌl ri Dios atoq kimolon kiꞌ, más niwojoꞌ nikusaj jun woꞌoꞌ tzij ri ndikikꞌoxomaj chin ngentijoj, ke chuwech ngenkusaj 10,000 tzij pa jun chik chꞌabꞌel ri ma ndikikꞌoxomaj ta.

Romanos 3:2

Riyin nibꞌij chi kꞌiy utz rukꞌamon pe chake. Keriꞌ nibꞌij, nabꞌey porque chake rejeꞌ xyoꞌox kan ri rutzij ri Dios.

Hechos 7:38

Y ja chuqaꞌ ri Moisés ri xkꞌojeꞌ rikꞌin ri rutinamit ri Dios atoq xekibꞌanalaꞌ kimolojriꞌil pa chaqiꞌj y tzꞌiran ulew, y ja rijaꞌ ri xqꞌasan rutzij ri ángel chake ri ojer teq qatit-qamamaꞌ, atoq ri ángel xchꞌaꞌa chare pariꞌ ri juyuꞌ Sinaí. Y chare ri Moisés xyoꞌox ri kꞌaslik teq tzij chin xuqꞌasaj chaqe roj israelitas.

Marcos 9:19

Ri Jesús xubꞌij chake ri discípulos: ¡Rix wineq aj wokami, xa ma kuqul ta ikꞌuꞌx rikꞌin ri Dios! ¿Rix ndinojij chi jumul ngikꞌojeꞌ chiꞌikajal? ¿Jarupeꞌ chik tiempo ngixinkachꞌ ndibꞌij rix? Tikꞌamaꞌ pe ri kꞌajol chinuwech.

Filipenses 3:1

Nu-hermanos, jun chik achike ri niwojoꞌ nibꞌij chiwa, jareꞌ: Kixkikot roma xe jun ibꞌanun rikꞌin ri Ajaw. Riyin ma ngikos ta nitzꞌibꞌaj chi e jumbꞌey chiwa ri xinbꞌij yan, y wetaman chi reꞌ kin ngixrutoꞌ chin ma ngixsach.

1 Corintios 14:20

Hermanos, pa kiwiꞌ ri loqꞌolej sipanik nduyaꞌ ri Espíritu, ma kixnojin achel ngenojin ri chꞌuteq akꞌolaꞌ, roma rejeꞌ kꞌajani tzꞌaqet ngenojin, xa kixnojin pa ruchojmil. Rix ndikꞌatzin ngixok achel chꞌuteq akꞌolaꞌ ri ma ndikiyek ta itzel teq achike pa kánima chikij chꞌaqa chik.

Gálatas 4:3

Keriꞌ chuqaꞌ roj israelitas jumbꞌey kan atoq kꞌajani tiqataqij ri Cristo, xojkꞌojeꞌ chuxeꞌ ruchuqꞌaꞌ ri aj rochꞌulew costumbres.

Hebreos 5:11

Pa ruwiꞌ ri qabꞌiꞌin pe, kꞌa kꞌiy achike ndiqajoꞌ ndiqabꞌij, pero cuesta ndiqabꞌij rubꞌeyal chiwa porque kꞌajani kixtiker ndikꞌoxomaj roma ma ndiwojoꞌ ta.

Hebreos 10:32

Rix tikꞌuxlaꞌaj ri qꞌij xeꞌeqꞌax yan, atoq kꞌa jubꞌaꞌ tiyikꞌex ri ikꞌaslen roma ri Ajaw y xikachꞌ ri santienta kꞌayew xbꞌan chiwa.