Hebreos 4:2 - Kaqchikel Santo Domingo (Xenacoj)

² Porque jajun chaqe roj tzijon pe ri utzulej teq tzij chin kolotajik, achel xtzijox ri utzulej rutzij ri Dios chake ri ojer teq qatit-qamamaꞌ. Pero chake rejeꞌ, ri xkakꞌaxaj xa ma jun utz xukꞌen pe, porque ma xkikuqubꞌaꞌ ta kikꞌuꞌx rikꞌin ri utzulej tzij xkakꞌaxaj.

နောက်ထပ်ဗားရှင်းများ

Kaqchikel Santa Maria de Jesus

² Ruma ri utzulaj ruchꞌabꞌal ri Dios ri xtzijos chika ojreꞌ, can incheꞌl ri xtzijos chica ri kateꞌt-kamamaꞌ ojier can. Pero chica ijejeꞌ man jun xcꞌatzin-ve ri utzulaj ruchꞌabꞌal ri Dios, ruma joꞌc xcaꞌxaj, pero man xquicukubꞌaꞌ ta quicꞌuꞌx riqꞌuin.

Kaqchiquel Bible

² Roma ri utzilej rutzijol ri ruch'abel ri Dios tzijon chiqe roj, kan achi'el xtzijox chike ri qati't-qamama' ri ojer kan. Jak'a rije' xa man xkikuquba' ta kik'u'x, y roma ri' man jun utz xuk'en-pe chike.

Kaqchikel Central Guatemala

² Roma ri utzilej ruch'abel ri Dios tzijon chike roj, can achi'el xtzijox chique ri kati't-kamama' ri ojer can. Pero rije' man xquinimaj ta ri utzilej ruch'abel ri Dios, y romari' man jun utz xuq'uen-pe chique.

Re C'ac'a Testamento pa Kach'abal

² Roma re utzulaj ch'abal chin re Dios tzijon chaka yoj, can ancha'l xtzijos chique re kavinak xe'c'ue' ajuer can. Pero chique reje' man jun xoc-va re utzulaj ch'abal chin re Dios, roma reje' man xquinimaj-ta.

Kaqchikel Western Solola

² Ruma ri utzilaj ruch'abel ri Dios tzijon chake riyoj, can xtzijox chuka' chique ri kati't kamama' ri ojer ca. Xa yac'a chi riye' xa ma xquinimaj ta ri utzilaj ruch'abel ri Dios, y rumari' majun utz xuc'om pe chique.

Hebreos 4:2 ပူးပေါင်းရင်းမြစ်များ

Hechos 13:46

Pero ri Pablo y ri Bernabé ma xkixibꞌij ta kiꞌ chikiwech ri israelitas riꞌ, xa xkibꞌij chake: Xkꞌatzin chi nabꞌey xqatzijoj ri rutzij ri Dios chiwa, pero rix xa ma jun reqalen ndibꞌen chare re tzij reꞌ, y rikꞌin riꞌ ndikꞌut iwiꞌ chi ma rix rukꞌulun ta chi ndiyoꞌox ri kꞌaslen ma ndikꞌis ta chiwa. Romariꞌ, wokami roj ngojbꞌa chutzijoxik re utzulej teq tzij chin kolotajik chake ri ma israelitas ta.

Hechos 3:26

Y atoq ri Dios xukꞌastajbꞌaꞌ pe ri Rukꞌajol chikikajal ri animaꞌiꞌ, nabꞌey xuteq pe iwikꞌin rix chin xuyaꞌ ru-favor pa iwiꞌ, chin ngixrutoꞌ chin ndiyaꞌ kan ri itzel teq achike ri ngixtajin rikꞌin.

Romanos 2:25

Rat ri kin kꞌo reqalen ri circuncisión pa awech, nibꞌij kꞌa chawa: Ri circuncisión kꞌo reqalen si ndabꞌen ri ndubꞌij ri ley, pero atoq ngatok jun qꞌajoy tzij chin ri ley, maske abꞌanun circuncidar ri a-cuerpo, xa achel ma abꞌanun ta circuncidar keriꞌ.

Romanos 3:3

Pero roma ekꞌo chiqakajal roj israelitas ri ma xkitaqij ta ri Dios, ¿roma kami riꞌ ri Dios ma ndubꞌen ta ri rubꞌiꞌin kan chi ndubꞌen?

1 Corintios 13:3

Y si xtinjech ta nojel ri nuchajin chake ri maneq ok kichajin, y si xtinjech ta ri nu-cuerpo chin xtikꞌatisex pa qꞌaqꞌ chin keriꞌ ndikꞌojeꞌ nuqꞌij, pero si ma nginojowan ta, nixta jun utz ndukꞌen pe chuwa ri keriꞌ nibꞌen.

Gálatas 3:2

Xaxe niwojoꞌ nikꞌutuj razón chiwa: ¿Xyoꞌox ri Espíritu Santo pa iwánima porque xibꞌen ri ndubꞌij ri ley xyoꞌox chare ri Moisés? Ma ke ta riꞌ. Ri Espíritu Santo xyoꞌox pa iwánima porque xitaqij ri Jesucristo ri xtzijox chiwa.

Gálatas 3:8

Y chupan ri rutzij ri Dios ndiqil chi ri Dios xuyaꞌ jun utzulej rutzijol chare ri Abraham pa ruwiꞌ ri ndibꞌanatej más apu chuwech, atoq kereꞌ xubꞌij: Awoma rat, riyin nibꞌen chi ri jalajaj kiwech wineq chin nojel teq tinamit chin ri rochꞌulew kꞌo cheꞌel ndikil ri favor niyaꞌ, xchajeꞌ chare. Wokami kin ndibꞌanatej ri ndubꞌij ri tzij riꞌ, porque ri Dios ndubꞌen chi ri jalajaj kiwech wineq ma israelitas ta, nixta jun kimak ndikeqalej chuwech roma ndikitaqij ri Jesucristo.

Gálatas 4:13

atoq roma jun yabꞌil xibꞌeqaqa pa itinamit, y xintzijoj nabꞌey mul ri utzulej teq tzij chin kolotajik chiwa. Rix jabꞌel iwetaman chi keriꞌ.

1 Tesalonicenses 1:5

Porque atoq xqatzijoj chiwa ri utzulej teq tzij chin kolotajik, ma xe ta rikꞌin qatzij xqabꞌen, xa kin xqꞌalajin chuqaꞌ ruchuqꞌaꞌ ri Espíritu Santo rikꞌin ri milagros ri xebꞌanatej chiqaqꞌaꞌ, y xqꞌalajin chuqaꞌ chi nojel ri xqabꞌij, kuqul qakꞌuꞌx chi kin qetzij wi. Y rix iwetaman chi keriꞌ, porque xitzꞌet ri achike chi kꞌaslen xqakꞌuaj chiꞌikajal roma ndiqajoꞌ chi kꞌo utz ndukꞌen pe chiwa.

1 Tesalonicenses 2:13

Rix roma xikꞌen qa pa iwánima ri rutzij ri Dios ri xqatzijoj kan chiwa, romariꞌ roj jutaqil ngojmatioxin chare ri Dios iwoma, porque ma xibꞌij ta chi xa relik kitzij wineq, xa kin xiyaꞌ pa iwánima chi qetzij rutzij ri Dios ri xqatzijoj chiwa. Y kin qetzij chi ri rutzij ri Dios ndubꞌen samaj pa ikꞌaslen rix ri itaqin ri Cristo.

1 Timoteo 4:8

Porque ri ndabꞌen ejercicio qꞌij-qꞌij ndukꞌen pe jubꞌaꞌ utz chare ri a-cuerpo. Pero ri ndakꞌuaj jun utzulej kꞌaslen chuwech ri Dios kꞌo utz ndukꞌen pe chare nojel akꞌaslen, porque kꞌo utz ndukꞌen pe chare ri akꞌaslen chireꞌ wokami y chare ri akꞌaslen nduyaꞌ ri Dios más chiqawech apu.

Hebreos 11:6

Y keriꞌ kꞌa, jun wineq chin ndiqaꞌ chuwech ri Dios ndikꞌatzin chi rukuqubꞌan rukꞌuꞌx rikꞌin. Porque ri ndirajoꞌ ndijel apu chuwech ri Dios, ndikꞌatzin ndutaqij chi ri Dios kin kꞌo wi y chi nduyaꞌ utzulej rajel-rukꞌexel chake ri ngekanon richin.

Hebreos 3:12

Rix hermanos, wokami ndikꞌatzin chi ndichajij ri ikꞌaslen, ma kꞌateꞌ kꞌo jun chiwech rix ri itzel xtubꞌen qa ránima y ma xtutaqij chi ta ri ndubꞌij ri Kꞌaslik Dios, y romariꞌ xtuyaꞌ kan.

Hebreos 4:6

Romariꞌ, ri ojer teq qatit-qamamaꞌ ma xeꞌok ta chupan ri uxlanen riꞌ, porque ma xeniman ta. Pero qꞌalej chuqaꞌ chi kꞌa ekꞌo jujun ri ngeꞌok chupan ri uxlanen rusujun ri Dios.

Santiago 1:21

Romariꞌ, tiwelesaj e pa ikꞌaslen nojel ri ndichꞌabꞌaqrisan richin y nojel ri itzel teq achike kꞌo pa iwánima. Tiqasaj iwiꞌ chuwech ri Dios chunimaxik ri rutzij tikon kan pa iwánima, porque ri utzulej teq tzij riꞌ kꞌo ruchuqꞌaꞌ chin ngixrukal.

1 Pedro 1:12

Pero ri Dios xuqꞌalajrisaj chake ri profetas chi ri favor ndikitzijoj, ma pa ki-tiempo ta rejeꞌ ndiyoꞌox, xa kꞌa pa i-tiempo rix. Y ja favor riꞌ ri iwakꞌaxan pa kichiꞌ ri ngetzijon ri utzulej teq tzij chin kolotajik, rikꞌin ruchuqꞌaꞌ ri Espíritu Santo taqon pe chikaj. ¡Y hasta ri ángeles chuqaꞌ ndikajoꞌ ndiketamaj rubꞌeyal ri favor riꞌ!