Hebreos 3:1 - Kaqchikel Santo Domingo (Xenacoj)

¹ Romariꞌ, loqꞌolej teq hermanos ri rix oyon roma ri Dios chin ngixok richin, tiyaꞌ utz-utz cuenta chare ri ndubꞌen ri Jesús, ri qa-Apóstol y más nimalej ruqꞌij qa-Sacerdote, ri achoq ikꞌin kuqul qakꞌuꞌx achel ndiqatzijoj.

နောက်ထပ်ဗားရှင်းများ

Kaqchikel Santa Maria de Jesus

¹ Rumareꞌ, ixreꞌ santos hermanos ri junan xojayox iviqꞌuin ruma ri Dios, chi nkojbꞌacꞌujieꞌ chicaj riqꞌuin jajaꞌ, can titzꞌataꞌ ri Cristo Jesús. Jajaꞌ ri ka-apóstol, y jajaꞌ jeꞌ ri Kanamalaj Sacerdote ri kaniman.

Kaqchiquel Bible

¹ Roma ri', rix loq'olej wach'alal ri ix oyon chuqa' junan qik'in roj roma ri Dios, kan ja ri Cristo Jesús titzu'. Ja rija' ri qaniman, y niqaq'alajirisaj chi rija' kan ja ri Dios ri xtaqon-pe richin, y ja chuqa' rija' ri qanimalej sacerdote.

Kaqchikel Central Guatemala

¹ Romari', rix lok'olej tak vach'alal ri ix oyon chuka' junan kiq'uin roj roma ri Dios, richin chi xkojbec'oje' chila' chicaj riq'uin, can jac'a ri Cristo Jesús titzu'. Ja rija' ri kaniman, y nikak'alajirisaj chi rija' can jac'a ri Dios ri xtakon-pe richin, y ja chuka' rija' ri Kanimalej Sacerdote.

Re C'ac'a Testamento pa Kach'abal

¹ Mare' hermanos, yex re ch'ajch'oj ic'aslen y yixvayon junan kaq'uin yoj roma re Dios chin nic'ue' kac'aslen chila' chicaj, can ja re Jesucristo titzu' roma ja reja' re kaniman, y nakabij che ja re Dios xtako-pa richin, y ja chuka' reja' re Kanamalaj Sacerdote.

Kaqchikel Western Solola

¹ Rumari', riyix lok'olaj tak wach'alal ri yix siq'uin (oyon) chuka' ruma ri Dios riche (rixin) chi yixbec'oje' riq'ui chila' chicaj, can tich'obotej c'a chiwech chi ya c'a ri Cristo Jesús ri rutako'n ri Dios y ya chuka' Riya' ri Kanimalaj Sacerdote riyoj ri kaniman.

Hebreos 3:1 ပူးပေါင်းရင်းမြစ်များ

San Juan 17:3

Y ri kꞌaslen ma ndikꞌis ta kereꞌ rubꞌeyal: Tiketamaj anoꞌoj rat ri qetzij Dios ri kin xe wi rat jun, y tiketamaj nunoꞌoj riyin ri Jun taqon pe awoma rat chukolik ri atinamit.

San Juan 20:21

Y ri Jesús xubꞌij chik jumbꞌey chake: Tikꞌojeꞌ uxlanen pa iwánima. Achel ri Tataꞌaj Dios yin rutaqon pe chubꞌanik ri rusamaj, keriꞌ chuqaꞌ riyin ngixinteq chubꞌanik ri rusamaj rijaꞌ.

San Juan 20:27

Ja atoq riꞌ xubꞌij chare ri Tomás: Tajuꞌ ri ruwiꞌ aqꞌaꞌ chupan re taqꞌel ekꞌo pa nuqꞌaꞌ y kaꞌatzꞌetaꞌ re nuqꞌaꞌ. Tajelesaj pe ri aqꞌaꞌ y tajuꞌ pe apeꞌ kꞌo ri sokotajik xenukꞌalkꞌaꞌx, y ma tabꞌen achel jun ri ma ndutaqij ta chi kꞌo nukꞌaslen, xa kin tataqij pa awánima chi yin kꞌes.

Hechos 1:15

Chupan teq ri qꞌij riꞌ, kimolon kiꞌ jun laꞌeq 120 ri kitaqin ri Jesús, y ri Pedro xpeꞌeꞌ pa kinikꞌajal y kereꞌ xubꞌij:

Romanos 11:17

Ri ojer teq katit-kimamaꞌ ri israelitas eꞌachel ruxeꞌ ri cheꞌ rubꞌiniꞌan olivo, ri tikon y kin loqꞌolej wi. Pero ekꞌo ruqꞌaꞌ ri xejoqꞌ e. Y rat ri ma rat israelita ta, xa rat ruqꞌaꞌ jun aj pa qꞌayis olivo, ri xa ruyon xbꞌeꞌel pe. Pero xabꞌan injertar pa kikꞌexel ri ruqꞌaꞌ ri olivo ri xejoqꞌ e, chin xakꞌojeꞌ chikikajal ri ruqꞌaꞌ ri olivo tikon, y keriꞌ ri ruchuqꞌaꞌ ri rukꞌaslen ri olivo tikon ndeqꞌax pa akꞌaslen chuqaꞌ rat.

Romanos 15:27

Ri hermanos riꞌ xalex pa kánima xkimal ri ofrenda riꞌ, pero kin kꞌas wi chikij chin ngetoꞌon. Porque ri ma israelitas ta xkil ri favor nduyaꞌ ri Dios koma ri israelitas, romariꞌ ndikꞌatzin chuqaꞌ chi rejeꞌ ngekitoꞌ ri israelitas rikꞌin ri ndikꞌatzin chake chin ndikiqꞌasaj ri kikꞌaslen.

Romanos 15:8

Keriꞌ nibꞌij chiwa porque ri Cristo okuneq rusamajel ri Dios chiqakajal roj israelitas chin ndiqꞌalajin chi ri Dios ma ndujel ta ruwech rutzij, porque kin nduyaꞌ ri rusujun kan chake ri ojer teq qatit-qamamaꞌ.

Romanos 9:24

Y chikikajal ri ndijoyowex kiwech, rojkꞌo roj ri roj oyon pe roma ri Dios chikikajal ri israelitas y chikikajal ri ma israelitas ta.

1 Corintios 1:2

chiwa rix ri rix richin ri Dios ri ndimal iwiꞌ pa tinamit Corinto, ri rix chꞌajchꞌojrisan roma ri Cristo Jesús ri achoq ikꞌin xe jun ibꞌanun, y rix oyon chin ngixok chin ri loqꞌolej rutinamit ri Dios, junan kikꞌin konojel ri ndikiyaꞌ ruqꞌij ri Qajaw Jesucristo pa teq kitinamit, ri Kajaw rejeꞌ y Qajaw chuqaꞌ roj.

1 Corintios 10:17

Y roma xaxe jun ri kaxlan wey kꞌuxlabꞌel rukamik ri Ajaw ri ndiqaper y ndiqakꞌux, riꞌ ndukꞌut chiqawech chi roj ri roj santienta, xe jun cuerpo qabꞌanun, roma qonojel ndiqakꞌux jubꞌaꞌ chare ri jun kaxlan wey riꞌ.

1 Corintios 9:23

Y nojel reꞌ nibꞌen, porque niwojoꞌ chi ri utzulej teq tzij chin kolotajik ndibꞌa más rutzijol, chin keriꞌ junan kikꞌin ekꞌiy ndiqil ri favor nduyaꞌ ri Dios ri ndukꞌen pe ri utzulej tzij riꞌ.

2 Corintios 1:7

Kin kuqul qakꞌuꞌx chi rix roma ndiqꞌasaj kꞌayew, ri Dios ndubꞌochiꞌij chuqaꞌ iwánima, porque keriꞌ ndubꞌen qikꞌin roj. Atoq ndiqaqꞌasaj kꞌayew, rijaꞌ ndubꞌochiꞌij qánima.

2 Corintios 9:13

Y rejeꞌ kin xtikiyaꞌ ruqꞌij ri Dios, porque re toꞌonik reꞌ nduqꞌalajrisaj chi rix kin ndibꞌen ri ndubꞌij ri utzulej rutzij ri Cristo ri ndiyoꞌon kolotajik ri kuqul ikꞌuꞌx rikꞌin. Rejeꞌ chuqaꞌ xtikiyaꞌ ruqꞌij ri Dios roma ndikitzꞌet chi rix santienta toꞌonik ndiyaꞌ chake rejeꞌ y chake konojel.

Efesios 3:6

Y ri ruqꞌalajrisan ri Espíritu Santo jareꞌ: Rix ri ma rix israelitas ta, itaqin ri utzulej teq tzij chin kolotajik, y romariꞌ kꞌo favor ndiyoꞌox chiwa junan qikꞌin roj israelitas, y junan roj okuneq ruwachinel ruqꞌa-raqen ri Cristo y junan chuqaꞌ ndiyoꞌox chaqe ri rusujun ri Dios chi nduyaꞌ, porque xe jun qabꞌanun qonojel rikꞌin ri Cristo Jesús.

Efesios 4:1

Riyin Pablo, yin tzꞌapel pa cheꞌ roma nibꞌen rusamaj ri Ajaw. Ngixinpixabꞌaj chi tikꞌuaj jun chojmilej kꞌaslen achel rukꞌulun chi ndikꞌuaj chuwech ri xoyon iwichin.

Efesios 4:4

Roj ri qataqin ri Cristo xe jun cuerpo roj okuneq rikꞌin, y xe jun Espíritu kꞌo pa qánima. Y qonojel ri roj oyon roma ri Dios, kin junan ruwech favor qoyobꞌen chi nduyaꞌ chaqe.

Filipenses 3:14

Y roma ri xubꞌen ri Cristo Jesús woma, ri Dios yin royon chin newilaꞌ ri ndusuj rijaꞌ chikaj. Kin nixikꞌ wiꞌ chin newilaꞌ, achel ndubꞌen jun ri ndok pa jun maratón, kin nduxikꞌ riꞌ chin nderukꞌisaꞌ ri janipeꞌ bꞌey qꞌaton chin nduchꞌek ri premio sujun.

Colosenses 1:12

Ndiqakꞌutuj chuqaꞌ chi kin ta ngixkikot ngixmatioxin chare ri Tataꞌaj Dios, porque xubꞌen chiwa chi kin rukꞌulun ndiyoꞌox herencia chiwa junan kikꞌin ri loqꞌolej ralkꞌuaꞌl ri ekꞌo pa luz.

Colosenses 1:22

Maske keriꞌ xeꞌibꞌanalaꞌ jumbꞌey kan, wokami elesan ri mak jachayon iwech rikꞌin ri Dios, y kꞌamon apu iwech roma rijaꞌ, y riꞌ roma ri kamik xuqꞌasaj ri Cristo pa ru-cuerpo atoq xkꞌojeꞌ chochꞌulew. Keriꞌ xubꞌen rijaꞌ chin ndubꞌen loqꞌolej y chꞌajchꞌaj chare ri ikꞌaslen, y chin chuqaꞌ ma jun itzel achike ndilitej chiwij atoq ngixbꞌerujachaꞌ chuwech ri Dios.

Colosenses 3:12

Ri Dios kin rix rojowan wi pe, y xixruchaꞌ chin xixok loqꞌolej rutinamit. Romariꞌ tiweqaꞌ iwiꞌ rikꞌin poqonaxik, rikꞌin chuqaꞌ ndibꞌen utz inoꞌoj, rikꞌin ndiqasaj iwiꞌ, rikꞌin loqꞌ iwánima, y rikꞌin ndikachꞌ nojel ri ndipuꞌun pa ikꞌaslen.

1 Tesalonicenses 5:27

Y nibꞌen e mandar chiwa pa rubꞌiꞌ ri Ajaw, chi tibꞌan leer re wuj reꞌ chikiwech konojel ri hermanos ekꞌo chiriꞌ.

2 Tesalonicenses 1:11

Romariꞌ roj jumul ndiqabꞌen orar iwoma. Ndiqakꞌutuj chare ri qa-Dios chi ngixrutoꞌ chukꞌuaxik jun kꞌaslen ri ndubꞌen chi ndikikot rijaꞌ chi xixroyoj. Ndiqakꞌutuj chuqaꞌ chi rijaꞌ rikꞌin ri ruchuqꞌaꞌ ndubꞌen chiwa chi ngixtiker ndibꞌen ri utz ri ndiwojoꞌ ndibꞌen, y chi ngixtiker ndikꞌis kan nojel ri itzꞌamon rubꞌanik roma kuqul ikꞌuꞌx rikꞌin.

2 Tesalonicenses 2:14

Kin chin wi ngixkolotej xixroyoj ri Dios, y ja roj ri xojrukusaj chin xqatzijoj ri utzulej teq tzij ri xukꞌen pe kolotajik chiwa, chin keriꞌ ndikꞌojeꞌ iqꞌij rikꞌin ri Qajaw Jesucristo chupan ri nimalej ruqꞌij.

1 Timoteo 6:12

Rikꞌin ri kuqubꞌel kꞌuxlaj kꞌo pa awánima, tatijaꞌ aqꞌij chi jumul ndabꞌen pa akꞌaslen ri ndubꞌij ri rutzij ri Dios. Kin tiqꞌalajin utz-utz chi kꞌo chik awikꞌin ri kꞌaslen ma ndikꞌis ta, porque chin riꞌ xatoyox roma ri Dios. Y kin chikiwech ekꞌiy testigos xabꞌij chi akuqubꞌan akꞌuꞌx rikꞌin ri Ajaw.

1 Timoteo 6:2

Ri loqꞌon teq samajelaꞌ ri kitaqin ri Cristo ri ekꞌo kajaw ri kitaqin chuqaꞌ ri Cristo, ma tikinojij chi ma ndikꞌatzin ta ndikinimrisaj kiqꞌij ri kajaw roma ki-hermanos kiꞌ. Pa rukꞌexel riꞌ, más utz tikibꞌanaꞌ chare ri samaj, porque ri achoq chake kꞌo utz ndukꞌen pe ri kisamaj, kin kitaqin ri Cristo y eꞌojowan chuqaꞌ roma rijaꞌ. Y rat Timoteo, kaꞌatijoj y kaꞌapixabꞌaj ri hermanos rikꞌin nojel reꞌ.

2 Timoteo 1:9

Ri Dios xojrukal, y xojroyoj chin ndiqakꞌuaj jun chꞌajchꞌaj kꞌaslen. Rijaꞌ xojroyoj ma roma ta chi kꞌo utz qabꞌanun. Xa kin roma ri nimalej ru-favor rijaꞌ, y roma chuqaꞌ keriꞌ runojin pe xe pa nabꞌey atoq kꞌajani tubꞌen ri rochꞌulew. Xe jampeꞌ atoq riꞌ runojin chi nduyaꞌ ru-favor chaqe roj ri xe jun qabꞌanun rikꞌin ri Cristo Jesús.

2 Timoteo 2:7

Tanojij utz-utz re nibꞌij e chawa, porque si keriꞌ ndabꞌen, ri Ajaw ndubꞌen chawa chi más ndakꞌoxomaj nojel reꞌ.

Hebreos 10:19

Hermanos, roj wokami kin kuqul qakꞌuꞌx chi ngojtiker ngojok apu chupan ri kꞌojlibꞌel más loqꞌolej chin ri rachoch ri Dios, y riꞌ roma xbꞌiyin rukikꞌel ri Jesús cho cruz.

Hebreos 10:21

Y ma xe ta riꞌ, ja chuqaꞌ ri Jesús ri más nimalej ruqꞌij Sacerdote pa qawiꞌ roj ri rutinamit ri Dios.

Hebreos 10:23

Y roj ri qatzijon chake ri wineq chi qoyobꞌen ri rusujun ri Dios, ma kaꞌiꞌ qakꞌuꞌx tiqabꞌen chiroyobꞌexik, xa kin jumul kuqul qakꞌuꞌx tiqoyobꞌej, porque ri Dios ri sujuyun, ma ndujel ta ruwech rutzij, xa kin ndubꞌen wi ri rubꞌiꞌin.

Hebreos 13:22

Hermanos, nikꞌutuj kamelal chiwa, chi utz tikꞌamaꞌ apu pa iwánima ri pixabꞌanik nutaqon e chiwa chupan re wuj reꞌ, porque xa kaꞌi-oxiꞌ ok tzij ri nutzꞌibꞌan e chiwa.

Hebreos 2:11

Porque ri Jesús ri ndichꞌajchꞌojrisan kꞌaslen, kin richin wi ri Dios, y erichin chuqaꞌ ri Dios ri ndichꞌajchꞌojrisex kikꞌaslen. Romariꞌ ri Rukꞌajol ri Dios ma ndikꞌix ta ndubꞌij chi eruchaqꞌ,

Hebreos 2:17

Y chin xtiker xubꞌen keriꞌ, xkꞌatzin chi xuꞌok wineq achel ri wineq ri ngerukal e, chin xok ri más nimalej ruqꞌij Sacerdote ri ndujoyowaj kiwech ri wineq ri ngeꞌok ruchaqꞌ, y kin jumul wi ndubꞌen rusamaj ri Dios pa ruchojmil, chin keriꞌ roma ri kamik xuqꞌasaj, ndikuyutej kimak ri wineq chuwech ri Dios.

Hebreos 3:12

Rix hermanos, wokami ndikꞌatzin chi ndichajij ri ikꞌaslen, ma kꞌateꞌ kꞌo jun chiwech rix ri itzel xtubꞌen qa ránima y ma xtutaqij chi ta ri ndubꞌij ri Kꞌaslik Dios, y romariꞌ xtuyaꞌ kan.

Hebreos 3:14

Porque kꞌo chuqaꞌ qaqꞌaꞌ chare ri yoꞌon chik chare ri Cristo, pero ndikꞌatzin chi jumul ndiqayaꞌ qánima rikꞌin hasta pa rukꞌisibꞌel, achel qabꞌanun pe xe jampeꞌ pa nabꞌey.

Hebreos 6:20

Chiriꞌ xok apu nabꞌey ri Jesús qoma roj y xujeq ri bꞌey chiqawech, porque okuneq más nimalej ruqꞌij Sacerdote chin jumul, Sacerdote achel ri sacerdote Melquisedec.

Hebreos 7:26

Y keriꞌ kꞌa, ja ri Jesús ri más nimalej ruqꞌij Sacerdote ri ndikꞌatzin chaqe, porque rijaꞌ kin loqꞌolej wi, ma jumbꞌey rubꞌanun mak, y nixta jun itzel kꞌo pa ránima. Ma junan ta rukꞌaslen kikꞌin ri wineq, porque ri wineq kin eꞌaj mak wi, y rijaꞌ kin más nim ruqꞌij bꞌanun chare chikaj.

Hebreos 7:28

Porque chupan ri ley xyoꞌox chare ri Moisés, ndubꞌij chi ri ngeꞌok más nimalej teq kiqꞌij sacerdotes, xa wineq ri kꞌo cheꞌel ngetzaq pa mak. Pero tiempo más pe chuwech ri ley riꞌ, ri Dios xubꞌen jurar chi ja ri Rukꞌajol ri más nimalej ruqꞌij Sacerdote chin jumul, porque kin ndubꞌen nojel ri ndibꞌix chare roma ri Dios.

Hebreos 9:11

Pero ri Cristo okuneq más nimalej ruqꞌij Sacerdote ri ndiyoꞌon más utzulej teq favores ri kꞌo qaqꞌaꞌ chake, y wokami ndisamej chupan ri qetzij rachoch ri Dios chikaj, ri más kꞌo ruqꞌij y reqalen. Ri achoch riꞌ ma wineq ta ebꞌanayon, y riꞌ ndubꞌij tzij chi ma aj rochꞌulew ta achoch.

Hebreos 9:15

Y romariꞌ, ja ri Jesús xkusex chin xbꞌan ri kꞌakꞌakꞌ pacto, chin keriꞌ rikꞌin ri rukamik ngerukal ri wineq chuwech ri mak xkibꞌen atoq xekꞌojeꞌ chuxeꞌ ruchuqꞌaꞌ ri nabꞌey pacto. Y roma chuqaꞌ ri rukamik roj qonojel ri roj oyon roma ri Dios, ndiyoꞌox chaqe ri herencia ri ma ndikꞌis ta, herencia ri rusujun kan rijaꞌ.

1 Pedro 2:9

Pero rix, rix jun tinamit chaꞌon roma ri Dios, rix sacerdotes ri ndibꞌen rusamaj ri Dios ri nimalej Rey, rix jun loqꞌolej tinamit y rix loqꞌon roma ri Dios. Keriꞌ rubꞌanun ri Dios chiwa, chin nditzijoj ri nimalej teq achike erubꞌanun rijaꞌ ri xoyon iwichin chin xixrelesaj pe chupan ri qꞌequꞌ y xixruyaꞌ chupan ri nimalej ru-luz rijaꞌ.

1 Pedro 3:5

Porque keriꞌ ruweqbꞌel kánima xkibꞌen ri loqꞌolej teq ixoqiꞌ ojer, xkikuqubꞌaꞌ kikꞌuꞌx rikꞌin ri Dios y xeniman chikiwech ri kachijil.

1 Pedro 5:1

Y roma re qabꞌiꞌin pe, ngixinpixabꞌaj chuqaꞌ rix ri ukꞌuey bꞌey chikiwech ri hermanos. Riyin chuqaꞌ yin jun ukꞌuey bꞌey achel rix, y yin jun ri xintzꞌet ri kꞌayew xuqꞌasaj ri Cristo. Riyin chuqaꞌ jun ri ndikꞌojeꞌ nuqꞌij chikikajal ri ndikꞌojeꞌ kiqꞌij atoq ri Cristo xtuqꞌalajrisaj chik riꞌ chupan ri nimalej ruqꞌij.

1 Pedro 5:10

Y ri Dios ri ndiyoꞌon nojel ruwech favor, ri xoyon iwichin chin ndikꞌojeꞌ iqꞌij chupan ri nimalej ruqꞌij ri Cristo, roma xe jun ibꞌanun rikꞌin, rijaꞌ atoq iqꞌasan chik jubꞌaꞌ tiempo chupan ri kꞌayew, ndubꞌen chiwa chi ngixok nojel ri ndirajoꞌ rijaꞌ chi ngixok, ndubꞌen chiwa chi ma jumbꞌey xtiyaꞌ kan, chi kꞌo ruchuqꞌaꞌ ri iwánima, y chi nixta jun ndelesan e iwichin pa ruqꞌaꞌ rijaꞌ.

1 Juan 1:3

Ndiqatzijoj chiwa ri xqatzꞌet y ri xqakꞌaxaj, chin keriꞌ ma ndiyaꞌ kan chi xe jun ibꞌanun qikꞌin, achel xe jun qabꞌanun rikꞌin ri Qatataꞌ Dios, y rikꞌin ri Jesucristo ri Rukꞌajol.

Judas 1:1

Riyin Judas, rusamajel ri Jesucristo y qachaqꞌ-qanimal qiꞌ rikꞌin ri Santiago, niteq e ruxunaqil iwech rix ri rix oyon roma ri Tataꞌaj Dios ri kin ngixrajoꞌ, y rix chajin chuqaꞌ chin ngixjach chare ri Jesucristo atoq nduqaqa chik.

Apocalipsis 17:14

Y ndikibꞌen guerra chare ri Alaj Karneꞌl, pero ri Alaj Karneꞌl nditiker pa kiqꞌaꞌ, porque rijaꞌ Rey pa kiwiꞌ konojel reyes y Ajaw pa kiwiꞌ konojel ajaw. Y ri ekꞌo rikꞌin ri Alaj Karneꞌl, jariꞌ ri eꞌoyon, echaꞌon y ma jumbꞌey kiyoꞌon kan rijaꞌ.

Apocalipsis 18:20

¡Kixkikot kꞌa rix ri rixkꞌo chikaj Roma ri xbꞌanatej rikꞌin ri tinamit riꞌ! ¡Kixkikot rix loqꞌolej ralkꞌuaꞌl ri Dios, Rix apóstoles, y rix profetas, Porque ri Dios kin xuqꞌet tzij pa ruwiꞌ ri tinamit riꞌ, Y rikꞌin riꞌ xuyaꞌ rukꞌexel chare roma ri xubꞌen chiwa!