Hebreos 2:9 - Kaqchikel Santo Domingo (Xenacoj)

⁹ Pero ndiqatzꞌet chi ri Jesús xe chin jubꞌaꞌ teq qꞌij xbꞌan chare chi menos jubꞌaꞌ ruqꞌij ke chikiwech ri ángeles, y ndiqatzꞌet chuqaꞌ chi xnimrisex chik ruqꞌij y xnimrisex chik rubꞌiꞌ roma ri kamik xuqꞌasaj. Y roma ri Dios xrajoꞌ xuyaꞌ ru-favor pa qawiꞌ, ri Jesús xken qoma roj qonojel.

နောက်ထပ်ဗားရှင်းများ

Kaqchikel Santa Maria de Jesus

⁹ Pero nakatzꞌat chi antok ri Jesús xcꞌujieꞌ vaveꞌ choch-ulief, xꞌan cha chi chꞌuteꞌn rukꞌij chiquivach ri ángeles. Pero reꞌ joꞌc jubꞌaꞌ oc tiempo, vacame nem rukꞌij bꞌanun cha. Y quireꞌ xꞌan cha ruma xuꞌon sufrir y xcon. Ruma ri ru-favor ri Dios, xpa ri Jesucristo chi xcon kuma konojiel.

Kaqchiquel Bible

⁹ Chuqa' ri Jesús maneq más ruq'ij xban chire chikiwech ri ángel jak'a xaxe richin ka'i-oxi' q'ij. Y ri' roma ri Dios xrajo' chi ri Jesús xutej-poqon y xken richin xuya' ri rutzil pa qawi'. Y wakami ya'on chik ruq'ij-ruk'ojlen.

Kaqchikel Central Guatemala

⁹ Y ketaman chuka' chi ri Jesús manek más ruk'ij xban chire que chiquivech ri ángeles. Pero xaxe ca'i-oxi' k'ij ri xban queri' chire, y vacami yo'on chic ruk'ij, yo'on chic ruc'ojlen. Y ri' roma ri xutej pokonal y chuka' roma ri xquen (xcom). Ri Dios xrajo' xuya' ri rutzil pa kavi', romari' can xrajo' chi ri Jesús xquen (xcom) koma konojel.

Re C'ac'a Testamento pa Kach'abal

⁹ Y kataman chuka' che re Jesús can xkasas ruk'ij chiquivach re ángeles. Pero xa ba-oc tiempo re quire' xban cha, y vocame yi'on chic ruk'ij y ru-poder, roma can xuk'asaj tijoj-pokonal y xcom. Re Dios xrajo' xuya' re utzil pa kave', mare' can xrajo' che re Jesús xcom koma konojel.

Kaqchikel Western Solola

⁹ Pero nikatz'et chuka' chi ri Jesús xa majun más ruk'ij xban chare que chiquiwech ri ángeles. Pero xa ma q'uiy ta k'ij ri xban queri' chare, y wacami ya'on chic ruk'ij ruc'ojlen ruma chi xutij pokonal y ruma chuka' chi xcom. Y ruma c'a ri rutzil ránima ri Dios pa kawi' tek ri Jesús xcom kuma konojel.

Hebreos 2:9 ပူးပေါင်းရင်းမြစ်များ

Apocalipsis 5:9

Rejeꞌ ndikibꞌixaj jun kꞌakꞌakꞌ bꞌix ri kereꞌ ndubꞌij: Ja rat ri kin rukꞌulun chi xakꞌen apu ri bꞌoton wuj y ndawelesaj ri wuquꞌ sellos tzꞌamayon richin, Porque altíra xasokotej atoq xakamisex. Y rikꞌin ri akikꞌel xaꞌalaqꞌ jalajaj kiwech wineq, ri jalajaj kichꞌabꞌel, kitinamit y kirochꞌulew chin xeꞌok ralkꞌuaꞌl ri Dios.

1 Juan 2:2

Rijaꞌ xujech rukꞌaslen pa kamik pa qakꞌexel chin xkꞌis royowal ri Dios pa qawiꞌ roma ri qamak, y ma xe ta roma ri qamak roj, xa kin roma chuqaꞌ kimak konojel wineq chochꞌulew.

Romanos 5:18

Romariꞌ, achel ri mak xubꞌen ri Adán ndukꞌen pe castigo pa qawiꞌ roj wineq, keriꞌ chuqaꞌ roma ri chojmilej favor xubꞌen ri Jesucristo konojel wineq kꞌo cheꞌel ndibꞌan chake chi nixta jun kimak ndikeqalej chuwech ri Dios, y ndikil ri kꞌaslen ma ndikꞌis ta.

Hechos 2:33

Y roma ri Jesús xukꞌuꞌex e chikaj y xnimrisex ruqꞌij pa rikiqꞌaꞌ ri Dios, y xyoꞌox uchuqꞌaꞌ pa ruqꞌaꞌ roma ri Tataꞌaj Dios chin xuteq pe ri Espíritu Santo rusujun kan, romariꞌ ndajin ri nditzꞌet y ndiwakꞌaxaj rix wokami.

San Juan 3:16

Porque ri Dios santienta xerajoꞌ ri wineq, y romariꞌ xuteq pe ri junayon Rukꞌajol chochꞌulew, chin keriꞌ xa achike na wineq ri xtitaqin chi ja rijaꞌ ri rukolonel, ma ndibꞌa ta chupan ri kamik, xa kin ndiril ri kꞌaslen ma ndikꞌis ta.

2 Corintios 5:15

Ri Cristo xken qoma roj qonojel, chin keriꞌ roj ri kꞌo qakꞌaslen rikꞌin rijaꞌ, ma ndiqabꞌen ta chik ri xe ndiqaꞌ chiqawech, xa kin ndiqakꞌuaj ri kꞌaslen ri ndiqaꞌ chuwech rijaꞌ ri xken y xkꞌastajbꞌex pe chikikajal ri animaꞌiꞌ chin ndukꞌen pe utz chaqe.

Hebreos 10:5

Romariꞌ, atoq ri Cristo ja nduꞌalex chochꞌulew, kereꞌ xubꞌij chare ri Dios: Rat ma ndarayij ta chi ngesuj kikikꞌel awej teq chikap y jalajaj teq sipanik chawech, Romariꞌ, xanabꞌaꞌ jun aj rochꞌulew cuerpo chuwa chin nisuj chawech.

Romanos 5:8

Pero ri Dios ndukꞌut chiqawech chi kin ngojrajoꞌ, porque ri Cristo xken qoma atoq kꞌa rojkꞌo chuxeꞌ ruchuqꞌaꞌ ri mak.

San Juan 1:29

Chukan qꞌij, ri Juan xutzꞌet chi ri Jesús tzalan apu apeꞌ kꞌo rijaꞌ, y xubꞌij: ¡Titzꞌetaꞌ kꞌa, chiwech rix kꞌo ri Alaj Karneꞌl taqon pe roma ri Dios chin ndirelesaj ri mak keqalen konojel wineq!

San Juan 12:32

Y riyin rikꞌin ri ngijotobꞌex chikaj, nibꞌochiꞌij kánima konojel kiwech wineq chin ndikikuqubꞌaꞌ kikꞌuꞌx wikꞌin.

Hebreos 7:25

Romariꞌ, nditiker ngerukal chin jumul ri ngetaqin richin chin ngebꞌeqaqa rikꞌin ri Dios, porque jumul kꞌo rukꞌaslen chin ndukꞌutuj ru-favor ri Dios pa kiwiꞌ.

1 Pedro 1:21

Rix roma itaqin ri Cristo, xe chare ri Dios iyoꞌon wi itzij, ri Dios ri xkꞌastajbꞌan e ri Cristo chikikajal ri animaꞌiꞌ y xubꞌen chare chi xkꞌojeꞌ chik nimalej ruqꞌij, y keriꞌ kin rikꞌin ri Dios ikuqubꞌan ikꞌuꞌx y iwoyobꞌen ri rusujun kan.

Hebreos 8:3

Konojel ri más nimalej teq kiqꞌij sacerdotes, echaꞌon chin ngekisuj awej teq chikap y jalajaj teq sipanik chuwech ri Dios chin ndikuyutej kimak ri wineq. Romariꞌ ri Jesús ri más nimalej ruqꞌij qa-Sacerdote, xkꞌatzin chuqaꞌ chi kꞌo achike xusuj chuwech ri Dios.

1 Timoteo 2:6

Rijaꞌ xuyaꞌ ri rukꞌaslen pa kamik chin xutaj ri qamak roj qonojel wineq, y ri kamik riꞌ ndukꞌut chi xuqaqa ri tiempo ri rubꞌanun pe ruwech ri Dios chin xuqꞌalajrisaj chi ri rurayibꞌel ja ri ngekolotej ri wineq.

2 Corintios 5:21

Nixta jun rumak xubꞌen ri Cristo, pero qoma roj ri Dios xubꞌen chare chi ja rijaꞌ xeqalen ri qamak, chin keriꞌ roj ri xe jun qabꞌanun rikꞌin ri Cristo, nojel ri qamak eqabꞌanaloꞌon ma ndiqeqalej chi ta chuwech.

Romanos 8:32

Ri Dios hasta ri Rukꞌajol ma xupoqonaj ta xuteq pe chochꞌulew chin xken chujoyowaxik qawech roj ri qataqin rijaꞌ. Y si xuteq yan pe ri Rukꞌajol, ¿ruyon kꞌa ma xtuyaꞌ ta pe ri chꞌaqa chik ru-favor chaqe?

Gálatas 4:4

Pero atoq xuqaqa ri tiempo ri rubꞌanun pe ruwech ri Dios, rijaꞌ xuteq pe ri Rukꞌajol chin xuꞌalex chochꞌulew chiruqꞌaꞌ jun xten, y xukꞌojeꞌ chuxeꞌ ruchuqꞌaꞌ ri ley ri xyoꞌox chare ri Moisés,

Hechos 3:13

Ri Dios ri xkiyaꞌ ruqꞌij ri Abraham, ri Isaac, ri Jacob, y ri ojer teq qatit-qamamaꞌ, jariꞌ ri xbꞌanun chi ri Loqꞌolej rusamajel Jesús xkꞌojeꞌ chik nimalej ruqꞌij. Ja Jesús riꞌ ri xijech rix pa ruqꞌaꞌ ri Pilato chin xkamisex. Y xibꞌij chuwech ri Pilato chi ma xiwojoꞌ ta chi ri Jesús ndubꞌen reinar pa iwiꞌ, maske ri Pilato rubꞌiꞌin chik chi ndusoqꞌopij e.

Romanos 8:3

Porque rikꞌin ri xqatij qaqꞌij chin xqabꞌen ri ndubꞌij ri ley ruyoꞌon pe ri Dios, ma xkꞌis ta ruchuqꞌaꞌ ri mak, porque nixta jun wineq nditiker ndubꞌen nojel ri ndubꞌij ri ley, pero ri Dios chin xojrukal xuteq pe ri Rukꞌajol chochꞌulew y xuyaꞌ jun cuerpo chare achel qa-cuerpo roj wineq ri roj aj mak, pero rijaꞌ kin ma aj mak ta, y ri Dios xujech pa kamik chutojik ri qamak y keriꞌ xukꞌis ruchuqꞌaꞌ ri mak.

San Juan 10:17

Ri Nataꞌ Dios ngirajoꞌ porque nijech ri nukꞌaslen pa kamik chin ndikꞌojeꞌ chik jumbꞌey nukꞌaslen.

San Juan 8:52

Y ri israelitas xkibꞌij chare ri Jesús: Wokami qetaman chi qetzij kꞌo itzel espíritu pa akꞌaslen, porque ri Abraham xken, y ri profetas chuqaꞌ, y rat ndabꞌij chi ri ndikibꞌen ri ndabꞌij, ma ngebꞌeqaqa ta chupan ri kamik ri kin chin jumul.

San Mateo 16:28

Kin qetzij nibꞌij chiwa chi ekꞌo jujun ri ekꞌo chireꞌ ri ma ngeken yan ta e, hasta kꞌa nginikitzꞌet na riyin ri aj chikaj ri xinuꞌalex chiꞌikajal chi ngitzolij chin nibꞌen reinar.

Apocalipsis 19:12

Ri runaqꞌ teq ruwech eꞌachel ruxaq qꞌaqꞌ, pa rujolon ekꞌiy coronas kꞌo, y kꞌo chuqaꞌ jun rubꞌiꞌ tzꞌibꞌan, ri nixta jun etamayon, xa kin xe rijaꞌ.

Hebreos 2:7

Ma richin ta kꞌiyal qꞌij xabꞌen chare chi más maneq ok ruqꞌij ke chikiwech ri ángeles, Kin xabꞌen chi xkꞌojeꞌ ruqꞌij y xanimrisaj rubꞌiꞌ.

San Lucas 9:27

Kin qetzij nibꞌij chiwa chi ekꞌo jujun ri ekꞌo chireꞌ ri ma ngeken yan ta e, hasta kꞌa ndikitzꞌet na kan ri ru-reino ri Dios.

Marcos 9:1

Y ri Jesús xubꞌij chuqaꞌ chake: Kin qetzij nibꞌij chiwa chi ekꞌo jujun ri ekꞌo chireꞌ ri ma ngeken yan ta e, hasta kꞌa ndikitzꞌet na kan ri ru-reino ri Dios nduqaqa rikꞌin nimalej ruchuqꞌaꞌ.

San Mateo 6:28

Y, ¿achike roma ngixel chꞌuꞌj roma ndiwojoꞌ itziaq chin ndikusaj? Tiyaꞌ cuenta chare achike modo ngekꞌiy ri kontzꞌiꞌj pa qꞌas. Rejeꞌ ma ndikikosisaj ta kiꞌ chi samaj, nixta ngekemon chin ta ndikibꞌen kitziaq.

San Juan 8:51

Kin qetzij nibꞌij chiwa: Xa achike na jun ri ndubꞌen ri nibꞌij riyin, ma ndeqaqa ta chupan ri kamik ri kin chin jumul.

Hebreos 1:9

Rat kin ndiqaꞌ chawech ndabꞌen ri utz, y kin itzel ndatzꞌet ri ma utz ta. Romariꞌ riyin ri Dios, ri a-Dios rat, xinqꞌij aceite pa awiꞌ Y rikꞌin riꞌ xinbꞌen chawa chi más santienta ngakikot Ke chikiwech ri awachibꞌil.

Hebreos 11:5

Ri Henoc roma kuqul rukꞌuꞌx rikꞌin ri Dios, keriꞌ kꞌes xukꞌuꞌex e chikaj, ma xqꞌax ta pa kamik y xkanox pero ma xilitej ta, porque xukꞌuꞌex roma ri Dios. Y ri rutzij ri Dios ndubꞌij chi nabꞌey chi xukꞌuꞌex, xtzꞌetetej chi xubꞌen ri ndiqaꞌ chuwech ri Dios.

Hebreos 12:2

Y jumul tiqayaꞌ qawech chirij ri Jesús ri xjaqo bꞌey chiqawech chin ndiqakuqubꞌaꞌ qakꞌuꞌx rikꞌin ri Dios y nditoꞌon qichin chin jumul kuqul qakꞌuꞌx hasta pa rukꞌisibꞌel. Ri Jesús roma retaman chi kin xtikikot, ma xupoqonaj ta riꞌ xuqꞌasaj ri kꞌix xukꞌen pe ri kamik xuqꞌasaj cho cruz, xa kin xukachꞌ. Y xbꞌetzꞌuyeꞌ e pa rikiqꞌaꞌ ri Dios ri tzꞌuyul pa ru-trono.