Hebreos 13:21 - Kaqchikel Santo Domingo (Xenacoj)

²¹ Kin ta ja Dios riꞌ, ndiyoꞌon nojel ri ndikꞌatzin chiwa chin ngixtiker ndibꞌen ri utz pa ikꞌaslen, achel ndirajoꞌ rijaꞌ, y kin ta roma ri Jesucristo, ri Dios ndubꞌen chuqaꞌ chaqe chi ngojtiker ndiqabꞌen ri ndiqaꞌ chuwech. ¡Kin ta ndiyoꞌox nimalej ruqꞌij chin jumul! Amén.

နောက်ထပ်ဗားရှင်းများ

Kaqchikel Santa Maria de Jesus

²¹ xtuyaꞌ nojiel ru-bendición ri nicꞌatzin chiva, chi quireꞌ can xquixtiquir ntiꞌan ri nrajoꞌ jajaꞌ. Y ruma ri Jesucristo, ri Dios xtuꞌon jeꞌ chiva chi ixreꞌ ntivajoꞌ ntiꞌan joꞌc ri nika choch jajaꞌ. Can tiyoꞌx rukꞌij richin nojiel tiempo. Amén.

Kaqchiquel Bible

²¹ xtuya' ta k'a ronojel rutzil chiwe, y xkixtikir ta xtiben ri utzilej taq banobel richin niben ri rurayibel rija'. Y nuben ta qik'in roj ri niqa' chuwech rija' rik'in ri rusamaj ri Jesucristo ri ruk'amon chi nuk'ul ruq'ij-ruk'ojlen richin jantape'. Keri' ta k'a.

Kaqchikel Central Guatemala

²¹ Ri Dios xtuya' ta c'a ronojel rutzil chive, richin chi xquixtiquir ta xtiben ri rurayibel rija'. Y riq'uin ri rusamaj ri Jesucristo ri pa tak ivánima, ri Dios xtuben ta chuka' chive chi rix can nivajo' niben ri rurayibel rija'. Y xtuc'ul ta c'a ruk'ij-ruc'ojlen richin jantape'. Que c'a ri'.

Re C'ac'a Testamento pa Kach'abal

²¹ Ja-ta Dios re' re xtiyi'o ronojel utzil chiva, chin che xquixtiquir-ta xtiban re nurayij reja'. Y riq'uin re samaj re xuban re Jesucristo, re Dios xtuban-ta chuka' chiva che yex can nijo' niban re nurayij reja'. Y xtuc'ul-ta ruk'ij chin nojel tiempo. Amén.

Kaqchikel Western Solola

²¹ Ri Dios xtuya' ta c'a ronojel rutzil chiwe, riche (rixin) chi xquixcowin ta xtiben ri ruraybel Riya'. Y riq'ui ri rusamaj ri Jesucristo ri nuben pa tak iwánima, ri Dios xtuben ta c'a chuka' chiwe chi riyix can niwajo' niben ri nika chuwech Riya'. Y can xtiya'ox (xtya') ta c'a ruk'ij ruc'ojlen riche (rixin) xtibe k'ij xtibe sek. Amén.

Hebreos 13:21 ပူးပေါင်းရင်းမြစ်များ

Filipenses 2:13

Porque ja ri Dios ndiyoꞌon pa iwánima chi ndirayij ndibꞌen ri ndiqaꞌ chuwech, y nduyaꞌ chuqaꞌ iwuchuqꞌaꞌ chin ndibꞌen.

2 Tesalonicenses 2:17

kin ta xtuyaꞌ ruchuqꞌaꞌ iwánima rix, y kin ta xtubꞌen chiwa chi jumul ndibꞌen y ndibꞌij nojel ri utz.

Filipenses 4:13

Chupan nojel ri niqꞌasaj pa nukꞌaslen ngitiker ngikikot, porque xe jun nubꞌanun rikꞌin ri Cristo ri ndiyoꞌon wuchuqꞌaꞌ.

1 Pedro 2:5

Y rix chuqaꞌ rix achel kꞌaslik teq abꞌej, ri ndajin samaj pa iwánima chin ngixok rachoch ri Dios, ri apeꞌ ngixkusex chi loqꞌolej teq sacerdotes. Y keriꞌ rix ukꞌuan roma ri Espíritu Santo ndisuj sipanik ri ndiqaꞌ chuwech ri Dios roma ri Jesucristo.

2 Timoteo 4:18

Wetaman chuqaꞌ chi xkirukal chuwech nojel itzel teq achike ri xtojowex chuwij y ngiruchajij chin ngirukꞌuaj pa aj chikaj ru-reino. ¡Tiyoꞌox nimalej ruqꞌij rijaꞌ chin jumul! Amén.

Filipenses 1:11

xa kin ngixuꞌilitej chi pa ruchojmil ibꞌanaloꞌon nojel, roma ri rubꞌanun ri Jesucristo pa ikꞌaslen. Y keriꞌ ndinimrisex y ndiyoꞌox ruqꞌij ri Dios.

2 Corintios 9:8

Y ri Dios kin kꞌo ruchuqꞌaꞌ chin ndubꞌen chi ndikꞌiyer nojel ruwech favor pa iwiꞌ, chin keriꞌ jumul ndikꞌojeꞌ iwikꞌin nojel ri ndikꞌatzin chiwa y hasta más chuwech ri ndikꞌatzin chiwa, chin ngixtiker ngeꞌitoꞌ chꞌaqa chik rikꞌin nojel ruwech favor.

1 Pedro 4:2

Keriꞌ tiyaꞌ pa iwánima, chin keriꞌ ri janipeꞌ chik qꞌij ngixkꞌaseꞌ e chochꞌulew, ma tukꞌuꞌex ri ikꞌaslen roma ri itzel teq rayinik ri ndalex pe pa iwánima, y xa kin tibꞌanaꞌ ri rurayibꞌel ri Dios.

Hebreos 10:36

Keriꞌ nibꞌij chiwa, porque ndikꞌatzin chi qꞌij-qꞌij ngixkochꞌon, chin keriꞌ rikꞌin ri ndibꞌen ri rurayibꞌel ri Dios, ndiyoꞌox chiwa ri sujun kan roma rijaꞌ.

1 Tesalonicenses 5:23

Y ri Dios ri ndiyoꞌon uxlanen pa iwánima, kin ta xtuchꞌajchꞌojrisaj chi nojel ri ikꞌaslen. Y kin ta jumul xtuchajij ri i-espíritu, ri iwánima y ri i-cuerpo, chin nixta jun itzel ndilitej pa ikꞌaslen chupan ri qꞌij atoq nduqaqa chik jumbꞌey ri Qajaw Jesucristo.

Judas 1:25

Chupan ri janipeꞌ tiempo qꞌaxneq kan, keriꞌ chuqaꞌ wokami y ri más chiqawech apu, kin xe wi rijaꞌ ri kꞌo nimalej ruqꞌij, ja rijaꞌ ri nojel nditiker ndubꞌen y ja rijaꞌ ri kꞌo uchuqꞌaꞌ pa ruqꞌaꞌ pa ruwiꞌ nojel. Xe wi rijaꞌ Dios ri Qakolonel roma ri nimalej samaj xurubꞌanaꞌ ri Qajaw Jesucristo. Amén.

1 Juan 2:17

Y ri wineq ri ngebꞌanun ri ma utz ta chochꞌulew xa kin xkekꞌis, y ngekꞌis chuqaꞌ nojel ri itzel teq kirayinik, pero si jun ndubꞌen pa rukꞌaslen ri rurayibꞌel ri Dios, ndiril ri kꞌaslen ma ndikꞌis ta.

1 Timoteo 1:17

Romariꞌ, ¡kin ta jumul xtiyoꞌox ruqꞌij ri Dios ri kin Rey wi chin jumul. Rijaꞌ ma nditzꞌetetej ta y jumul kꞌo rukꞌaslen y kin xe wi rijaꞌ Dios! Amén.

Efesios 2:10

Porque ja ri Dios bꞌanayon kꞌakꞌakꞌ chare ri qakꞌaslen roj ri xe jun qabꞌanun rikꞌin ri Cristo Jesús, chin keriꞌ ndiqabꞌanalaꞌ ri utz ri runabꞌan pe ri Dios chin ndiqabꞌen.

Apocalipsis 5:9

Rejeꞌ ndikibꞌixaj jun kꞌakꞌakꞌ bꞌix ri kereꞌ ndubꞌij: Ja rat ri kin rukꞌulun chi xakꞌen apu ri bꞌoton wuj y ndawelesaj ri wuquꞌ sellos tzꞌamayon richin, Porque altíra xasokotej atoq xakamisex. Y rikꞌin ri akikꞌel xaꞌalaqꞌ jalajaj kiwech wineq, ri jalajaj kichꞌabꞌel, kitinamit y kirochꞌulew chin xeꞌok ralkꞌuaꞌl ri Dios.

1 Juan 3:22

Y ri Dios nduyaꞌ pe chaqe nojel ri achike ndiqakꞌutuj chare, porque ndiqabꞌen ri ndubꞌij ri ru-mandamientos y ndiqabꞌanalaꞌ chuqaꞌ ri ndiqaꞌ chuwech.

Hebreos 13:16

Ma timestaj ndibꞌen ri utz chake ri wineq y ngeꞌitoꞌ ri ndikꞌatzin kitoꞌik, porque jariꞌ ri ndikikot ri Dios rikꞌin, pa rukꞌexel chi ngesuj awej teq chikap chuwech.

1 Timoteo 6:16

Y ja rijaꞌ ri jumul kꞌo rukꞌaslen, y kꞌo pa jun lugar apeꞌ nojel ndiyikꞌan, apeꞌ nixta jun wineq nditiker ndeqaqa, y chuqaꞌ nixta jun wineq tzꞌeteyon richin y nixta xtitzꞌetetej. ¡Ja rijaꞌ ri tinimrisex rubꞌiꞌ y pa ruqꞌaꞌ rijaꞌ tikꞌojeꞌ jumul nojel uchuqꞌaꞌ! Amén.

1 Timoteo 5:10

ri etaman chikij chi ekibꞌanun ri utz achel reꞌ: Ekikꞌiytisan jabꞌel ri kal, xkikꞌen apu kiwech pa kachoch ri epataneq jukꞌan chik apeꞌ, kichꞌajloꞌon pe kaqen ri loqꞌolej teq ralkꞌuaꞌl ri Dios, ekitoꞌon ri ndikiqꞌasaj kꞌayew, y nojel ruwachinel utz kibꞌanun pe.

1 Tesalonicenses 3:13

chin keriꞌ ndiwil ruchuqꞌaꞌ ri iwánima chin ndibꞌen nojel pa ruchojmil, y keriꞌ loqꞌolej nditzꞌetetej ri ikꞌaslen y nixta jun mak ndilitej chiwij chuwech ri Tataꞌaj Dios atoq nduqaqa chik jumbꞌey ri Ajaw Jesús, junan kikꞌin ri loqꞌolej teq oqey richin. Amén.

Colosenses 4:12

Nduteq ruxunaqil iwech ri hermano Epafras, jun iwinaq rix. Rijaꞌ jun rusamajel ri Cristo Jesús, y kin jumul ndubꞌen orar. Ndukꞌutuj chare ri Dios pa iwiꞌ chi kaw ngixpeꞌeꞌ chiraqen ri Dios y ndikꞌiy utz-utz ri ikꞌaslen chuwech, y chi kin kuqul ikꞌuꞌx iwetaman ndibꞌen ri rurayibꞌel ri Dios.

Colosenses 3:17

Y nojel ri ndibꞌij y ndibꞌen, tibꞌanaꞌ pa rubꞌiꞌ ri Ajaw Jesús, y pa rubꞌiꞌ chuqaꞌ rijaꞌ kixmatioxin chare ri Qatataꞌ Dios.

Filipenses 4:18

Wokami kꞌo chik wikꞌin nojel ri ndikꞌatzin chuwa, y hasta más chuwech ri ndikꞌatzin chuwa kꞌo wikꞌin roma ri achike xeꞌiteq pe chirij ri hermano Epafrodito. Y ri xiteq pe chuwa, jun ofrenda ndikikot ri Dios rikꞌin y kin ndiqaꞌ chuwech, kin achel jun ofrenda ri ndiporox chuwech rijaꞌ, jun ofrenda ri kin ndijubꞌubꞌ ruxlaꞌ.

Efesios 2:18

Y roma rukamik ri Cristo cho cruz, kꞌo cheꞌel ngojjel apu chuwech ri Qatataꞌ Dios chi israelitas y ma israelitas ta, y xe jun mismo Espíritu Santo ukꞌuayon qichin roj qonojel chin ngojjel apu chuwech.

San Mateo 28:20

Keꞌitijoj chin ndikinimaj nojel ri nu-mandamientos, y kin qetzij nibꞌij chiwa, chi riyin qꞌij-qꞌij yinkꞌo iwikꞌin, hasta pa rukꞌisibꞌel qꞌij chin re tiempo rojkꞌo.

San Mateo 6:13

Y ma ndayaꞌ qꞌij chi ngojtaqchiꞌix chin ngojtzaq pa mak, Xa kin qojatoꞌ chin ma ngojqaqa pa ruqꞌaꞌ ri itzel.

Apocalipsis 5:13

Y nojel ri kꞌo kikꞌaslen chikaj, chochꞌulew, chuxeꞌ qa ri rochꞌulew, y chupan ri mar, y nojel ri chꞌaqa chik ebꞌanun roma ri Dios, xenwakꞌaxaj chi kereꞌ ndikibꞌij: Chare ri Dios ri tzꞌuyul pa ru-trono y chare ri Alaj Karneꞌl Kin utz ndibꞌix utzulej teq tzij, ndiyoꞌox kiqꞌij, ndinimrisex kibꞌiꞌ, y kin ta kichin chuqaꞌ rejeꞌ ri uchuqꞌaꞌ Pa ruwiꞌ nojel chin jumul.

Apocalipsis 4:6

Y chuwech ri trono kꞌo jun achel mar vidrio nditzuꞌun ruwech achel jun cristal, y pa nikꞌaj apeꞌ kꞌo ri trono kisiriren kiꞌ chirij ri trono ekajiꞌ ri kꞌo kikꞌaslen ri nojneq runaqꞌ teq kiwech chikij y chikiwech.

Hebreos 12:23

Rix jeleneq apu chikinaqaj ri nabꞌey teq ralkꞌuaꞌl ri Dios ri kimolon kiꞌ pa rubꞌiꞌ y tzꞌibꞌan chik kibꞌiꞌ chikaj, rix jeleneq apu chunaqaj ri Dios ri ndiqꞌato tzij pa kiwiꞌ konojel wineq. Rix jeleneq apu chikinaqaj ri ki-espíritus ri chojmilej kikꞌaslen, ri eꞌokuneq chik nojel ri ndirajoꞌ ri Dios chi ngeꞌok.

1 Tesalonicenses 4:3

Porque ri rurayibꞌel ri Dios chiwa, jareꞌ: Tikꞌuaj jun loqꞌolej kꞌaslen chuwech, ma tikꞌamalaꞌ qa iwiꞌ xa achoq na ikꞌin chin ndibꞌen mak.

Colosenses 3:20

Rix alkꞌualaxelaꞌ, tinimaj kitzij ri ite-itataꞌ rikꞌin nojel ri ndibꞌen pa ikꞌaslen, porque jariꞌ ri ndiqaꞌ chuwech ri Ajaw.

Filipenses 2:11

Y konojel tikibꞌij chi ri Jesucristo kin Ajaw wi, Chin ndiyoꞌox ruqꞌij ri Tataꞌaj Dios.

Gálatas 1:5

¡Kin ta xtiyoꞌox ruqꞌij rijaꞌ chin jumul! Amén.

Romanos 11:36

Porque nojel ri ebꞌanun, ja rijaꞌ ri bꞌanayon kichin, ja rijaꞌ ri tzꞌamayon kichin, y chin ndikiyaꞌ ruqꞌij rijaꞌ erubꞌanun. ¡Kin ta jumul xtiyoꞌox ruqꞌij! Amén.

2 Pedro 3:18

Pa rukꞌexel ri keriꞌ ndibꞌen, titijaꞌ iqꞌij chin ngixkꞌiy chupan ru-favor ri Qajaw y Qakolonel Jesucristo y tiwetamaj más runoꞌoj. ¡Kin ta xtiyoꞌox nimalej ruqꞌij rijaꞌ wokami y chin jumul! Amén.

Romanos 16:27

Y roma ri ndubꞌen ri Jesucristo qoma, ¡kin ta jumul ndiqayaꞌ ruqꞌij ri Dios ri kin xe wi rijaꞌ Dios, y kꞌo nojel nojibꞌel rikꞌin! Amén.

San Juan 17:23

Riyin ngikꞌojeꞌ pa kánima ri eꞌayoꞌon chuwa, y rat pa wánima riyin, chin keriꞌ nditzꞌaqet chi konojel xe jun kánima ndikibꞌen, chin keriꞌ ri wineq ri ma rat kitaqin ta ndiketamaj chi ja rat taqayon pe wichin, y chi ngaꞌawojoꞌ ri eꞌayoꞌon chuwa achel nganawojoꞌ riyin.

San Juan 7:17

Si kꞌo jun ndirajoꞌ ndubꞌen ri rurayibꞌel ri Dios, ndukꞌoxomaj si ri tijonik niyaꞌ riyin kin rikꞌin ri Dios pataneq o xa riyin tzꞌukuyun qa.

San Mateo 21:31

Ri Jesús xubꞌij: ¿Achike kꞌa chikiwech re ekaꞌiꞌ kꞌajolaꞌ reꞌ, ri xbꞌanun ri xrajoꞌ ri kitataꞌ? Rejeꞌ xkibꞌij: Ja ri nabꞌey. Y ri Jesús xubꞌij chake: Kin qetzij nibꞌij chiwa, chi ri moloy teq méra pa rubꞌiꞌ ri rey y ri ixoqiꞌ ri ndikikꞌayilaꞌ kiꞌ chake achiꞌaꞌ, ngenabꞌeyaj chiwech chin ngeꞌok pa ru-reino ri Dios.

San Mateo 7:21

Ma konojel ta ri ngebꞌiꞌin Ajaw, Ajaw chuwa, xkeꞌok chupan ri aj chikaj reino, xa kin xe wi ri ngebꞌanun ri rurayibꞌel ri Nataꞌ Dios kꞌo chikaj.

San Mateo 12:50

Porque ri ndibꞌanun rurayibꞌel ri Nataꞌ kꞌo chikaj, jariꞌ nchaqꞌ, wanaꞌ y nteꞌ.

2 Timoteo 3:17

Chin keriꞌ, ri ndibꞌanun rusamaj ri Dios kin runabꞌan riꞌ chin ndubꞌen ri samaj riꞌ, y kin ta kꞌo nojel rikꞌin ri ndikꞌatzin chin nditiker ndubꞌen nojel ruwech utzulej samaj.

Hebreos 12:28

Romariꞌ roj ri ndajin ruyaꞌik ri ru-reino ri Dios chaqe, reino ri ma jun xtiselon richin, qojmatioxin chare, tiqayaꞌ ruqꞌij rikꞌin xibꞌriꞌil y rikꞌin ndiqabꞌen ri ndiqaꞌ chuwech rikꞌin nojel qánima.