Hebreos 13:20 - Kaqchikel Santo Domingo (Xenacoj)

²⁰ Ri Dios ri ndiyoꞌon uxlanen pa qánima, ja rijaꞌ ri xkꞌastajbꞌan pe chikikajal ri animaꞌiꞌ ri Nimalej Qayuqꞌunel ri roj rukarneꞌl, y riꞌ ja ri Qajaw Jesús ri xbꞌiyin rukikꞌel chin xkꞌachaj ri pacto ri kin chin jumul.

နောက်ထပ်ဗားရှင်းများ

Kaqchikel Santa Maria de Jesus

²⁰ Y ri Dios ri niyoꞌn paz riqꞌuin kánima, y xucꞌasuoj chiquicajol ri quiminakiꞌ ri Kajaf Jesucristo ri Namalaj Pastor kichin ojreꞌ ri oj ru-ovejas, ruma jajaꞌ xcon y xꞌin ri ruquiqꞌuiel, chi quireꞌ xcꞌachoj ri pacto ri xuꞌon ri Dios kiqꞌuin richin nojiel tiempo,

Kaqchiquel Bible

²⁰ Ri Dios, ri niya'on uxlanen pa taq qánima, ri xk'ason-pe ri nimalej Yuq'unel ri qajaw Jesús; ri Jesús ri xken y xbiyin ri rukik'el richin xk'achoj ri jikibel-tzij richin jantape',

Kaqchikel Central Guatemala

²⁰ Ri Dios c'a ri niyo'on uxlanen pa tak kánima, ja rija' chuka' ri xc'ason-pe ri Nimalej Kaj-Yuk' ri Kajaf Jesús. Queri' xuben roma ri Jesús xquen (xcom) y xbiyin ri ruquiq'uel richin xc'achoj ri trato richin jantape' ri xuben ri Dios kiq'uin.

Re C'ac'a Testamento pa Kach'abal

²⁰ Ja re Dios re nibano cha re kánma che otz nuna' roma kaniman chic, y ja mismo Dios re' re xc'asom-pa chin re Kajaf Jesucristo re Namalaj Chajinel quichin conojel re quiniman reja'. Roma riq'uin re ruq'uiq'uel xbiyin tak xcom xc'achoj re c'ac'a trato chin nojel tiempo re xuban re Dios kaq'uin.

Kaqchikel Western Solola

²⁰ Ri Dios c'a ri niya'o uxlanibel c'u'x chiwe, ya chuka' Riya' ri xc'ason el chiquicojol ri caminaki' ri Nimalaj Kaj Yuk' ri Kajaf Jesús. Queri' xuben ruma ri Jesús xcom y xbiyin ri ruquiq'uel riche (rixin) chi xc'achoj ri c'ac'ac' trato ri xuben ri Dios kiq'ui, trato ri can riche (rixin) xtibe k'ij xtibe sek.

Hebreos 13:20 ပူးပေါင်းရင်းမြစ်များ

San Juan 10:11

Ja riyin ri utzulej Yuqꞌunel. Ri utzulej Yuqꞌunel nduyaꞌ rukꞌaslen koma ri rukarneꞌl.

Hebreos 10:22

Romariꞌ qojjel apu chuwech ri Dios rikꞌin nojel qánima y ma kaꞌiꞌ qakꞌuꞌx tiqabꞌen, y kin ta chꞌajchꞌojrisan ri qánima chuwech ri itzel ndiqanaꞌ chare roma ri ma utz ta eqabꞌanaloꞌon pe, y kin ta chꞌajon ri qa-cuerpo rikꞌin loꞌx yaꞌ.

Romanos 15:33

Y ri Dios ri ndiyoꞌon uxlanen pa qánima, kin ta xtikꞌojeꞌ iwikꞌin rix iwonojel. Amén.

2 Tesalonicenses 3:16

Ri Ajaw ri nduyaꞌ uxlanen, kin ja ta kꞌa rijaꞌ ndiyoꞌon uxlanen jumul pa iwánima chupan nojel ri ndiqꞌasaj pa ikꞌaslen. Kin ta xtikꞌojeꞌ ri Ajaw chiꞌikajal rix iwonojel.

San Juan 10:14

Ja riyin ri utzulej Yuqꞌunel, y wetaman kiwech ri nukarneꞌl y rejeꞌ ketaman nuwech riyin.

Hechos 2:24

Pero ri Dios xukꞌastajbꞌaꞌ pe chikikajal ri animaꞌiꞌ, xukal pe pa ruqꞌaꞌ ri qꞌaxomal nduyaꞌ ri kamik, porque ri kamik ma xtiker ta xubꞌen chare ri Jesús chi xkꞌojeꞌ jumul chuxeꞌ ruchuqꞌaꞌ.

1 Pedro 2:25

Porque rix jumbꞌey kan, rix achel karneꞌl sachineq bꞌey chikiwech, pero wokami xtzolij pe iwánima rikꞌin ri Cristo ri Yuqꞌunel y Chajinel chin ri iwánima.

Hechos 3:15

Rix xikamisaj ri Jun yoꞌon pa ruqꞌaꞌ chin nduyaꞌ ri kꞌaslen ma ndikꞌis ta, pero ri Dios xukꞌastajbꞌaꞌ pe chikikajal ri animaꞌiꞌ. Y roj ndiqabꞌij chi qetzij xqatzꞌet chi keriꞌ xbꞌanatej.

1 Pedro 1:21

Rix roma itaqin ri Cristo, xe chare ri Dios iyoꞌon wi itzij, ri Dios ri xkꞌastajbꞌan e ri Cristo chikikajal ri animaꞌiꞌ y xubꞌen chare chi xkꞌojeꞌ chik nimalej ruqꞌij, y keriꞌ kin rikꞌin ri Dios ikuqubꞌan ikꞌuꞌx y iwoyobꞌen ri rusujun kan.

1 Tesalonicenses 1:10

y chi iwoyobꞌen chuqaꞌ chi nditzolij pe chikaj ri Rukꞌajol ri Dios, ri xkꞌastajbꞌex pe roma ri Dios chikikajal ri animaꞌiꞌ, y riꞌ ja ri Jesús ri ndikolo qichin chuwech ri castigo pataneq.

Colosenses 2:12

Atoq xixbꞌan bautizar, rix kin achel xixmuq rikꞌin ri Cristo keriꞌ, y achel xixkꞌastajbꞌex pe junan rikꞌin ri Cristo chikikajal ri animaꞌiꞌ, porque kuqul ikꞌuꞌx rikꞌin ri nimalej ruchuqꞌaꞌ ri Dios ri xukꞌastajbꞌaꞌ pe ri Cristo chikikajal ri animaꞌiꞌ.

1 Pedro 5:4

Y keriꞌ, atoq nduruqꞌalajrisaj chik riꞌ jumbꞌey ri Cristo ri nimalej Yuqꞌunel kichin ri yuqꞌunelaꞌ, kin xtiyoꞌox chiwa jun nimalej rajel-rukꞌexel, y riꞌ, ja ri xtikꞌojeꞌ iqꞌij chin jumul.

Hebreos 10:29

Si keriꞌ ndibꞌan, tinojij na kꞌa janipeꞌ más castigo rukꞌulun ndiyoꞌox chare ri ma jun reqalen ndubꞌen chare ri Rukꞌajol ri Dios y ma jun reqalen ndubꞌen chare ri kikꞌ chin ri kꞌakꞌakꞌ pacto ri achoq chare xchꞌajchꞌojrisex ri rukꞌaslen, y ndichꞌaꞌa chuqaꞌ chirij ri Espíritu Santo ri ruyoꞌon ri ru-favor pa ruwiꞌ.

Hebreos 9:20

Y ri Moisés xubꞌij chake: Rikꞌin re kikꞌ reꞌ nditzꞌukutej e ri pacto ri ndubꞌen ri Dios iwikꞌin, ri achoq chupan ndubꞌij ri ndirajoꞌ chi rix ndibꞌen.

1 Tesalonicenses 5:23

Y ri Dios ri ndiyoꞌon uxlanen pa iwánima, kin ta xtuchꞌajchꞌojrisaj chi nojel ri ikꞌaslen. Y kin ta jumul xtuchajij ri i-espíritu, ri iwánima y ri i-cuerpo, chin nixta jun itzel ndilitej pa ikꞌaslen chupan ri qꞌij atoq nduqaqa chik jumbꞌey ri Qajaw Jesucristo.

Filipenses 4:9

Y nojel ri tijonik nuyoꞌon chiwa, nojel ri xiwakꞌaxaj chi yin xinbꞌij, y nojel ri xitzꞌet chi yin xinbꞌen, nojel riꞌ tibꞌanaꞌ. Si keriꞌ xtibꞌen, ri Dios ri ndiyoꞌon uxlanen pa qánima kin xtikꞌojeꞌ iwikꞌin.

Romanos 8:11

Y si kꞌo pa iwánima ri Espíritu chin ri Dios ri xkꞌastajbꞌan pe ri Jesús chikikajal ri animaꞌiꞌ, rijaꞌ ri xkꞌastajbꞌan pe ri Cristo, kin xtuyaꞌ chuqaꞌ rukꞌaslen ri i-cuerpo ri xa ndiken wi e, y keriꞌ ndibꞌanatej porque kin pa iwánima kꞌo ri Espíritu chin ri Dios.

Hechos 5:30

Ri Dios ri xkiyaꞌ ruqꞌij ri ojer teq qatit-qamamaꞌ xukꞌastajbꞌaꞌ pe ri Jesús chikikajal ri animaꞌiꞌ, ri Jesús ri xikamisaj e rix, atoq xikꞌutuj chi xbꞌajix chuwech jun cheꞌ.

San Mateo 26:28

Jareꞌ ri nukikꞌel ri ndibꞌiyin koma santienta wineq chin ndikuyutej kimak. Y ri nukikꞌel, jariꞌ rajel ri nitaj riyin chin nditzꞌukutej e ri kꞌakꞌakꞌ pacto ri ndubꞌen ri Dios kikꞌin ri wineq.

Efesios 1:20

chin xukꞌastajbꞌaꞌ pe ri Cristo chikikajal ri animaꞌiꞌ, y chin chuqaꞌ xubꞌen chare chi xbꞌetzꞌuyeꞌ e chikaj rikꞌin pa rikiqꞌaꞌ.

Gálatas 1:1

Riyin Pablo jun apóstol ri ma wineq ta echaꞌayon y etaqayon wichin chin nibꞌen ri rusamaj ri Ajaw. Ri etaqayon wichin ja ri Jesucristo y ri Tataꞌaj Dios ri xkꞌastajbꞌan pe ri Jesucristo chikikajal ri animaꞌiꞌ.

2 Corintios 13:11

Hermanos, pa rukꞌisibꞌel nibꞌij chiwa: Tikikot ri iwánima. Titijaꞌ iqꞌij chin nditzꞌaqatisaj ri kꞌajani titzꞌaqet pa ikꞌaslen, tibꞌochilaꞌ iwiꞌ chiwech, jun ruwech iwánima tibꞌanaꞌ y man ta jun oyowal chiꞌikajal. Y ri Dios ri tzꞌan ndojowan y ndiyoꞌon uxlanen kin xtikꞌojeꞌ pa iwánima.

2 Corintios 4:14

Y qetaman chuqaꞌ chi ri xkꞌastajbꞌan e ri Ajaw Jesús chikikajal ri animaꞌiꞌ, más apu chiqawech ngojrukꞌastajbꞌaꞌ chuqaꞌ roj, achel xubꞌen chare ri Jesús, y junan iwikꞌin ngojrukꞌuaj apeꞌ kꞌo rijaꞌ.

1 Corintios 15:15

Y xa ta qetzij chi ri animaꞌiꞌ ma ngekꞌastajbꞌex ta pe, ndubꞌij tzij chi roj, roj tzꞌukuy aqꞌ chirij ri Dios, porque qatzijon chi xukꞌastajbꞌaꞌ pe ri Cristo chikikajal ri animaꞌiꞌ. Xa ta qetzij chi maneq ri kikꞌastajibꞌel ri animaꞌiꞌ achel ndikibꞌij jujun chiꞌikajal, riꞌ ndubꞌij tzij chi ri Dios ma xukꞌastajbꞌaꞌ ta pe ri Cristo.

1 Corintios 14:33

Keriꞌ nibꞌij chiwa, porque ri qa-Dios, ma jun achike ndubꞌen ri ma pa rubꞌeyal ta, rijaꞌ jun Dios ri ndiyoꞌon uxlanen chiqakajal roj ri qataqin. Nibꞌij chiwa, chi rix ndikꞌatzin ndibꞌen chuqaꞌ achel ndikibꞌen ri hermanos ri ndikimal kiꞌ pa rubꞌiꞌ ri Ajaw pa chꞌaqa chik tinamit:

1 Corintios 6:14

Ri Dios xukꞌastajbꞌaꞌ pe ri Ajaw Jesucristo chikikajal ri animaꞌiꞌ, y kin keriꞌ chuqaꞌ xtubꞌen chaqe roj, ngojrukꞌastajbꞌaꞌ e chikikajal ri animaꞌiꞌ rikꞌin nimalej ruchuqꞌaꞌ.

Hechos 17:31

Porque rijaꞌ ruchaꞌon jun qꞌij chin nduqꞌet tzij pa kiwiꞌ ri wineq, chin nduyaꞌ rajel-rukꞌexel achel rukꞌulun ndiyoꞌox chake. Rijaꞌ ruchaꞌon ri Jesús chin ndubꞌen ri samaj riꞌ, y chin ndiqꞌalajin chiqawech chi qetzij ruchaꞌon, xukꞌastajbꞌaꞌ pe chikikajal ri animaꞌiꞌ, xchajeꞌ ri Pablo.

Hechos 13:30

Pero ri Dios xukꞌastajbꞌaꞌ pe chikikajal ri animaꞌiꞌ.

Hechos 2:32

Y ri Jun achoq pa ruwiꞌ xchꞌaꞌa kan ri David, ja ri Jesús ri xkꞌastajbꞌex pe chikikajal ri animaꞌiꞌ roma ri Dios, y roj, ri roj oqey richin ri Jesús ri rojkꞌo waweꞌ, ndiqabꞌij chiwa chi qetzij xqatzꞌet chi keriꞌ xbꞌanatej.

San Lucas 22:20

Atoq xewaꞌ yan, xutzꞌen chuqaꞌ ri copa chin ri Pascua, y xubꞌij: Ri vino kꞌo chupan re copa reꞌ, jareꞌ ri nukikꞌel ri ndibꞌiyin cho cruz chin kꞌo utz ndukꞌen pe chiwa. Y ri nukikꞌel, jariꞌ rajel ri nitaj riyin chin nditzꞌukutej e ri kꞌakꞌakꞌ pacto ndubꞌen ri Dios kikꞌin ri wineq.

Marcos 14:24

Y xubꞌij chake: Jareꞌ ri nukikꞌel ri ndibꞌiyin koma santienta wineq. Y ri nukikꞌel, jariꞌ rajel ri nitaj riyin chin nditzꞌukutej e ri kꞌakꞌakꞌ pacto ri ndubꞌen ri Dios kikꞌin ri wineq.

Romanos 16:20

Xa jubꞌaꞌ chik tiempo ndirajoꞌ chi ri Dios ri ndiyoꞌon uxlanen pa qánima, ndubꞌen chare ri Satanás chi ndikꞌojeꞌ chuxeꞌ iwaqen. Ri favor ri nduyaꞌ ri Qajaw Jesús kin ta xtikꞌojeꞌ pa iwiꞌ.

Romanos 1:4

Pero ma xe ta xuꞌok riy-rumam ri David, xa kin rikꞌin ruchuqꞌaꞌ ri Espíritu Santo xkꞌastajbꞌex pe chikikajal ri animaꞌiꞌ, y keriꞌ xqꞌalajin chi rijaꞌ Rukꞌajol ri Dios ri kꞌo uchuqꞌaꞌ pa ruqꞌaꞌ. Y riꞌ ja ri Jesucristo ri Qajaw.

Hechos 4:10

Tiwetamaj kꞌa rix iwonojel y konojel ri qawinaqul israelitas, chi re achi peꞌel chiwech wokami, xkꞌachojrisex pa rubꞌiꞌ ri Jesús aj Nazaret, ri xtaq pe roma ri Dios chukolik ri rutinamit, ri xikꞌutuj rix chi xbꞌajix cho cruz, pero ri Dios xukꞌastajbꞌaꞌ pe chikikajal ri animaꞌiꞌ.

Romanos 10:7

Y ri ley ndubꞌij chuqaꞌ: Ma tabꞌij pa awánima: ¿Achike jun wineq xtiqaqa qa chupan ri rar siwan? Keriꞌ chuqaꞌ ndubꞌij chupan ri ley chi ma tiqabꞌij. Porque ri keriꞌ ndabꞌij, ndubꞌij tzij chi ndawojoꞌ ndabꞌen ri xe ri Dios nditiker ndubꞌen, porque ndawojoꞌ chi ndekꞌamer qa ri Cristo chikikajal ri animaꞌiꞌ, y ri Dios xrelesaj yan pe chiriꞌ.