Hebreos 13:11 - Kaqchikel Santo Domingo (Xenacoj)

¹¹ Keriꞌ nibꞌij, porque ri más nimalej ruqꞌij sacerdote kikikꞌel awej teq chikap ndukꞌuaj atoq ndok apu chupan ri kꞌojlibꞌel más loqꞌolej chin ri aj rochꞌulew rachoch ri Dios y chiriꞌ ndusuj ri kikꞌ chuwech ri Dios roma kimak ri wineq, pero ri ki-cuerpos ri awej teq chikap riꞌ, ngeꞌelesex e saqil chuchiꞌ ri tinamit y chiriꞌ ngeporox.

နောက်ထပ်ဗားရှင်းများ

Kaqchikel Santa Maria de Jesus

¹¹ Ri sacerdote ri más cꞌo rukꞌij nucꞌuaj-apa quiquiqꞌuiel chicop y ntuoc chupan ri Lugar Santísimo ri cꞌo pa rachuoch ri Dios, y ri quicꞌ reꞌ nuyaꞌ choch ri Dios chi niꞌan perdonar ri pecado. Pero ri qui-cuerpo ri chicop ncaꞌlasas-el pa tanamet y ncaꞌparox.

Kaqchiquel Bible

¹¹ Chuqa' ri pixa' nubij chi ri nimalej sacerdote nuk'uaj k'a ri kikik'el ri chikopi' y nok-apo ri akuchi janila loq'olej, richin nusuj. Y ri kich'akul ri chikopi' ye'elesex el chirij-el ri tinamit richin yeporox.

Kaqchikel Central Guatemala

¹¹ Ri ley richin ri Moisés nubij c'a, chi ri nimalej sacerdote nuc'uaj c'a ri quiquiq'uel ri chicop y noc-apo chupan ri lugar chire ri rachoch ri Dios ri Más Santo'ilej, y ri quic' ri' nuc'uaj c'a apo roma quimac conojel. Y ri quich'acul ri chicop ye'elesex c'a el c'a chuchi' ri tinamit y yeporox.

Re C'ac'a Testamento pa Kach'abal

¹¹ Re ley chin re Moisés nubij, che re namalaj sacerdote nuc'uaj re quiq'uiq'uel re chicop y ndoc-apo chupan re lugar Santísimo re c'o chupan re rachoch re Dios, y re quic' re' nuc'uaj-apo rutzij re quimac conojel. Y re quich'acul re chicop ye'lisas-a c'a chuchi' re tenemit y chire' ye'parox-va.

Kaqchikel Western Solola

¹¹ Queri' nbij chiwe ruma ri nimalaj sacerdote nuc'uaj apo quiquiq'uel ri chicop y ntoc c'a chupan ri nimalaj Lok'olaj lugar ri c'o chupan ri rachoch ri Dios y chiri' nutzuj (nusuj) wi ri quic' chuwech ri Dios riche (rixin) chi nicuyutej quimac ri winek. Pero ri quich'acul chicop ma chak ta queri' nicanaj ca, xa ye'elesex el c'a chuchi' el ri tinamit y yeporox.

Hebreos 13:11 ပူးပေါင်းရင်းမြစ်များ