Hebreos 12:5 - Kaqchikel Santo Domingo (Xenacoj)

⁵ Y xa imestan ri pixabꞌanik ruyoꞌon ri Dios chupan ri rutzij, pixabꞌanik ri achel nduyaꞌ jun tataꞌatz chare jun ralkꞌuaꞌl. Ri Dios kereꞌ xubꞌij: Walkꞌuaꞌl, ma tabꞌen chi maneq reqalen Ri rukꞌajisaxik awech nibꞌen yin ri Awajaw, Ma tipoꞌ akꞌuꞌx atoq nibꞌij chawa chi ma utz ta ri ngatajin rikꞌin.

နောက်ထပ်ဗားရှင်းများ

Kaqchikel Santa Maria de Jesus

⁵ Ya imastan ri nuꞌej chupan ri ruchꞌabꞌal ri Dios ri tzꞌibꞌan can. Ri ruchꞌabꞌal can nquixrutijuoj incheꞌl nuꞌon jun tataꞌj cha ri ralcꞌual. Ri ruchꞌabꞌal ri Dios nuꞌej: Atreꞌ valcꞌual, man taꞌan chi man jun rakalien antok ri Ajaf Dios ncaruyaꞌ pa sufrimiento chi ncarutijuoj. Man tamalij acꞌuꞌx antok ri Ajaf ncaruchꞌolij.

Kaqchiquel Bible

⁵ Rix kan imestan chik ri pixabanik ri ruya'on ri Dios, achi'el jun tata'aj chire ri ruk'ajol, ri nunataj chupan ri ruch'abel ri Dios:*f27* Rix walk'ual alaboni', ri ruk'ayewal ri nuya' ri Jehová chiwe, man tiben chi xa man nik'atzin ta, man itzel tina' toq ri Jehová rik'in ruk'ayewal yixruchojmirisaj.

Kaqchikel Central Guatemala

⁵ Can man tikamestaj ri nubij chupan ri ruch'abel ri Dios ri tz'ibatel can. Ri ruch'abel can yojrupixabaj achi'el jun tata'aj nupixabaj ri ralc'ual. Roma nubij: Man taben chi man jun rejkalen tok ri Ajaf Dios yarutijoj riq'uin tijoj-pokonal. Man tamalij ac'u'x tok ri Ajaf can nuc'ut chavech chi man ja ta yatajin chubanic.

Re C'ac'a Testamento pa Kach'abal

⁵ Can man takamistaj re nubij chupan re ruch'abal re Dios re tz'iban can. Re ruch'abal re Dios can yojrupaxabaj, ancha'l tak jun tata'aj nupaxabaj re rajc'ual. Roma nubij: Man itzel tana' cha re tijoj-pokonal re nuya' re Ajaf Dios chava. Man tamalij ac'o'x tak re Ajaf nuc'ut chavach che mana-ta re yatajin chubanic.

Kaqchikel Western Solola

⁵ Riyix xa imestan ca ri pixa' ri nubij chupan ri ruch'abel ri Dios ri tz'ibatal ca. Ri ruch'abel can yojrupixabaj c'a achi'el jun tata'aj nupixabaj ri ralc'ual. Ruma nubij: Ma itzel ta tana' tek ri Ajaf Dios yaruya' pa jun tijoj pokonal riche (rixin) chi yarupixabaj. Ma tamalij ta ac'u'x tek ri Ajaf can nuc'ut chawech chi ma ya ta ri yatajin chubanic.

Hebreos 12:5 ပူးပေါင်းရင်းမြစ်များ

Apocalipsis 3:19

Riyin nikꞌajisaj kiwech y nichojmirisaj kikꞌaslen konojel ri ngenwojoꞌ. Roma kꞌa riꞌ, ma kakanej lilaj, xa kin tatijaꞌ aqꞌij chi ndayaꞌ kan ri itzel teq achike ngaꞌabꞌanalaꞌ y titzolij pe awánima rikꞌin ri Dios.

1 Corintios 11:32

Y si ndiyoꞌox castigo chaqe, xa chin ndikꞌajisex qawech, chin keriꞌ ma ndikꞌis ta qaqꞌij junan kikꞌin ri ma kitaqin ta ri Ajaw.

Santiago 1:12

Kin jabꞌel roruqꞌij ri ndikochꞌon ri kꞌayew nduqꞌasaj, porque atoq xukachꞌ yan, nditzꞌetetej chi qetzij kuqul rukꞌuꞌx rikꞌin ri Dios, y ndiyoꞌox chare jun nimalej rajel-rukꞌexel y riꞌ ja ri kꞌaslen ma ndikꞌis ta, ri rusujun ri Dios chake ri ngeꞌojowan richin.

Hebreos 12:7

Tiyaꞌ pa iwánima chi ri kꞌayew ndiqꞌasaj, xa kin jun rukꞌajisaxik iwech ndubꞌen ri Dios. Rijaꞌ Tataꞌaj ri ngixrutzꞌet achel ralkꞌuaꞌl, porque, ¿la kꞌo kami jun akꞌual ri ma ndibꞌan ta castigar roma ri rutataꞌ chin ndikꞌajisex ruwech?

San Lucas 24:6

Rijaꞌ xkꞌastajbꞌex yan e chikikajal ri animaꞌiꞌ, y ma kꞌo chi ta waweꞌ. Tikꞌuxlaꞌaj ri xubꞌij kan chiwa atoq kꞌa kꞌo na pa rochꞌulew Galilea.

San Lucas 24:8

Ri ixoqiꞌ xkikꞌuxlaꞌaj ri tzij rubꞌiꞌin kan ri Jesús chake.

Gálatas 6:9

Roma kꞌa riꞌ, ma qojkos chin ndiqabꞌen ri utz, porque nduqaqa jun qꞌij atoq ndiyoꞌox rajel-rukꞌexel chaqe, si ma ndiqamalij ta kan chi ndiqabꞌen ri utz.

1 Timoteo 1:20

Keriꞌ xkibꞌen ri Himeneo y ri Alejandro. Y romariꞌ xenjech pa ruqꞌaꞌ ri Satanás, chin keriꞌ tiketamaj chi ma tikiyaqꞌ rubꞌiꞌ ri Dios.

Hebreos 13:22

Hermanos, nikꞌutuj kamelal chiwa, chi utz tikꞌamaꞌ apu pa iwánima ri pixabꞌanik nutaqon e chiwa chupan re wuj reꞌ, porque xa kaꞌi-oxiꞌ ok tzij ri nutzꞌibꞌan e chiwa.