Hebreos 11:8 - Kaqchikel Santo Domingo (Xenacoj)

⁸ Ri Abraham roma kuqul rukꞌuꞌx rikꞌin ri Dios, kin xniman atoq xoyox roma ri Dios, chin xbꞌa pa jun lugar ri ndusipaj ri Dios chare. Y xutzꞌen bꞌey, maske ma retaman ta apeꞌ ndibꞌa wi.

နောက်ထပ်ဗားရှင်းများ

Kaqchikel Santa Maria de Jesus

⁸ Ri Abraham ruma rucukubꞌan rucꞌuꞌx riqꞌuin ri Dios; rumareꞌ, antok xayox ruma ri Dios chi niꞌa chic jun lugar ri xtusipaj cha, jajaꞌ xniman cha ri Dios y xꞌa, mesque man rataꞌn ta pacheꞌ xtibꞌaka-ve.

Kaqchiquel Bible

⁸ Ri Abraham xk'oje' kuqubabel-k'u'x rik'in, roma ri' toq xoyox roma ri Dios richin chi nibe k'a pa jun chik ruwach'ulew ri xtuk'ul richin nrichinaj kan, rija' xunimaj tzij y xbe, stape' man retaman ta achike ruwach'ulew xtapon-wi.

Kaqchikel Central Guatemala

⁸ Ri Abraham xucukuba' chuka' ruc'u'x riq'uin ri Dios, romari', tok xoyox roma ri Dios richin chi nibe c'a pa jun chic ruvach'ulef ri xtusipaj chire, rija' xunimaj tzij y xbe, stape' man retaman ta achique ruvach'ulef xtapon-vi.

Re C'ac'a Testamento pa Kach'abal

⁸ Re Abraham xuban chuka' confiar-ri' riq'uin re Dios, mare' tak xvayox roma re Dios chin che niba c'a pa jun chic lugar re xtusipaj cha, reja' xunimaj tzij y xba, astapa' man rutaman-ta anchique che lugar xtapon-va.

Kaqchikel Western Solola

⁸ Queri' chuka' ri Abraham can xucukuba' ruc'u'x riq'ui ri Dios, y rumari' riya', tek xsiq'uix (xoyox) ruma ri Dios riche (rixin) chi nibe c'a pa jun chic ruwach'ulef ri xtisipex chare, can xunimaj tzij y xbe, astape' ma retaman ta achique ruwach'ulef ri xtapon wi.

Hebreos 11:8 ပူးပေါင်းရင်းမြစ်များ

1 Pedro 1:22

Wokami roma iniman ri qetzij, rix ichꞌajchꞌojrisan ri ikꞌaslen chin ngeꞌiwojoꞌ ri hermanos rikꞌin nojel iwánima. Romariꞌ, rikꞌin chꞌajchꞌaj iwánima santienta tiwojoꞌ iwiꞌ chiwech.

Romanos 10:16

Pero ma konojel ta kitaqin ri utzulej teq tzij chin kolotajik, achel ndubꞌij ri tzꞌibꞌan kan roma ri profeta Isaías: Ajaw, ¿kꞌo kami xetaqin ri qabꞌiꞌin pe pa abꞌiꞌ? Keriꞌ tzꞌibꞌan kan.

1 Pedro 4:17

Roma ja tiempo chik chi ri Dios nduqꞌet tzij pa kiwiꞌ ri wineq, pero ri nabꞌey keriꞌ ndibꞌan chaqe, ja roj ri qataqin rijaꞌ, chin ndichojmirisex ri qakꞌaslen. Y si ndiqꞌat tzij nabꞌey pa qawiꞌ roj ri qataqin chik, tinojij na kꞌa janipeꞌ chi castigo ndiyoꞌox chake ri ma ndikinimaj ta ri utzulej teq tzij chin kolotajik ri nduyaꞌ ri Dios.

Hebreos 11:33

Porque rejeꞌ, roma kuqul kikꞌuꞌx rikꞌin ri Dios, ekꞌo jujun xetiker pa kiqꞌaꞌ reyes y xekimej ri ki-reinos, jujun chik pa ruchojmil xeqꞌaton tzij, jujun chik xkil ri sujun kan roma ri Dios, jujun chik xekitzꞌapilaꞌ xakey koj,

Romanos 6:17

Jumbꞌey kan xixkꞌojeꞌ chuxeꞌ ruchuqꞌaꞌ ri mak, pero matiox chare ri Dios, wokami rikꞌin nojel iwánima iniman ri tijonik ri yoꞌon kan chiwa.

1 Pedro 3:1

Keriꞌ chuqaꞌ rix ixoqiꞌ, chiꞌijununal tinimaj kitzij ri iwachijil, chin keriꞌ si ekꞌo jujun ri ma kitaqin ta ri Dios, atoq ndikitzꞌet ri ikꞌaslen rix, rejeꞌ ndikitaqij ri utzulej teq tzij chin kolotajik, maske rix ma jun tzij ndibꞌij chake pa ruwiꞌ ri kolotajik riꞌ.

Hebreos 5:9

Y roma xubꞌen nojel ri achike roma xtaq pe chochꞌulew, rijaꞌ xok Kolonel ri nduyaꞌ kolotajik chin jumul chake konojel ri ngeniman richin.

2 Corintios 10:5

Ndiqakꞌis ruqꞌij nojel aj rochꞌulew nojibꞌel ri yakatajneq ri ma nduyaꞌ ta qꞌij chi ndetamex runoꞌoj ri Dios, y nojel nojibꞌel ngeqayaꞌ chuxeꞌ rutzij ri Cristo, chin tinimex rutzij rijaꞌ.

Romanos 1:5

Y roma ri xubꞌen ri Jesucristo, y chin ndinimrisex rubꞌiꞌ, xyoꞌox favor chaqe chin xojok ru-apóstoles y romariꞌ ndiqatzijoj chake ri jalajaj kiwech wineq chochꞌulew chi tikitaqij rijaꞌ y tikinimaj rutzij.

San Mateo 2:21

Y keriꞌ kꞌa, xyakatej ri José, xerukꞌuaj ri akꞌual y ri teꞌej, y xetzolij pa rochꞌulew Israel.