Hebreos 11:25 - Kaqchikel Santo Domingo (Xenacoj)

²⁵ Xa kin xuchaꞌ xuqꞌasaj kꞌayew junan kikꞌin rutinamit ri Dios, pa rukꞌexel chi xubꞌen itzel teq achike ri xubꞌen ta chare chi xa jubꞌaꞌ ta ok qꞌij xkikot y xa pa mak ta xukꞌuaj ri rukꞌaslen.

နောက်ထပ်ဗားရှင်းများ

Kaqchikel Santa Maria de Jesus

²⁵ Ruma xuꞌon pensar chi más otz nuꞌon sufrir junan quiqꞌuin ri ruvanakil, ri i-rutanamit ri Dios, que choch ri jaꞌal niquicuot chupan ri man otz ta ri man nilayuj ta y xa pecado.

Kaqchiquel Bible

²⁵ Xa kan más xqa chuwech chi junan nutej poqon kik'in ri ruwinaq, ri e rutinamit ri Dios, ke chuwech xa jun ramaj ok nikikot chupan ri kikoten ri xa richin mak.

Kaqchikel Central Guatemala

²⁵ Roma rija' ruch'obon: Más utz chi junan nintej pokon quiq'uin ri nuvinak, ri can oj rutinamit vi ri Dios, que chuvech re quicoten re inc'o-vi, roma xa k'axel. Can yimacun c'a ri' vi xa vave' yic'oje-vi can, roma xa quiq'uin ri nuvinak ri más ruc'amon chi yic'oje-vi, xcha' rija'.

Re C'ac'a Testamento pa Kach'abal

²⁵ Roma reja' runojin: Más otz che junan nakataj pokan quiq'uin re nuvinak israelitas, re can yoj richin-va re Dios, que chach yinc'ue' vova' pa rachoch re Rey, astapa' camas yinqui'cot, pero re' xa nak'ax. Can yimacun-va xe-ta vova' yinc'ue-va can, roma quiq'uin re nuvinak israelitas re más ruc'amon che yinc'ue-va, xcha' reja'.

Kaqchikel Western Solola

²⁵ Queri' xuben ruma riya' can xuch'ob chi más utz chi nberutija' pokonal quiq'ui ri ruwinak, ri can rutinamit wi ri Dios, que chuwech chi niquicot ka chupan ri quicoten ri nuc'om pe ri mac, jun quicoten ri xa k'axel.

Hebreos 11:25 ပူးပေါင်းရင်းမြစ်များ

2 Corintios 5:17

Romariꞌ, ri xe jun rubꞌanun rikꞌin ri Ajaw Jesucristo, jun kꞌakꞌakꞌ wineq bꞌanun chare roma ri Dios. Ri ojer rukꞌaslen xkanej kan, y wokami kin kꞌakꞌakꞌ yan chik ri rukꞌaslen.

Apocalipsis 18:7

Y achel santienta xunimrisaj riꞌ rijaꞌ y xbꞌa ránima chukꞌisik méra roma ri ngerurayilaꞌ, Keriꞌ chuqaꞌ rix tiyaꞌ santienta kꞌayew chare y tibꞌanaꞌ chi santienta ndoqꞌ chi bꞌis, Porque ndunimrisalaꞌ riꞌ y kereꞌ ndubꞌij pa ránima: Riyin jun reina ri ma jumbꞌey xtikꞌan e ri nu-reino, Ma yin malkaꞌ ta ixaq y nixta jumbꞌey xkinoqꞌ chi bꞌis, ndichajeꞌ.

1 Pedro 2:10

Rix jumbꞌey kan, nixta rix rutinamit ri Dios, pero wokami rix rutinamit. Jumbꞌey kan, ri Dios ma rujoyowan ta iwech, pero wokami kin rujoyowan iwech.

Santiago 5:5

Jakꞌa rix, chireꞌ chochꞌulew ikꞌuan jun kꞌaslen ri kin nojel kꞌo iwikꞌin, y nojel ri ndurayij ri iwánima iyoꞌon chare. Itiojrisan iwiꞌ achel wakx ri xe chik koyobꞌen ri qꞌij chin ngekamisex.

Santiago 1:20

Porque ri wineq ri xe oyowal koma, ma ngetiker ta ndikikꞌuaj jun chojmilej kꞌaslen chuwech ri Dios.

Hebreos 11:37

Jujun chik roma kuqul kikꞌuꞌx rikꞌin ri Dios, xekꞌaq chi abꞌej, jujun chik xeꞌelesex pa nikꞌaj rikꞌin sierra, jujun chik xekamisex rikꞌin espada, jujun chik jubꞌaꞌ jukꞌan, jubꞌaꞌ jukꞌan xekꞌojeꞌ, y xe chi ok kitzꞌumal karneꞌl o cabras okuneq kitziaq, maneq ok kichajin, bꞌis-bꞌis kiwech xbꞌan chake, y xbꞌan chuqaꞌ itzel chake.

Hebreos 10:32

Rix tikꞌuxlaꞌaj ri qꞌij xeꞌeqꞌax yan, atoq kꞌa jubꞌaꞌ tiyikꞌex ri ikꞌaslen roma ri Ajaw y xikachꞌ ri santienta kꞌayew xbꞌan chiwa.

Hebreos 4:9

Romariꞌ, qetaman chi kꞌa kꞌo jun loqꞌolej uxlanen chin rutinamit ri Dios.

2 Timoteo 1:8

Romariꞌ, ma kakꞌix ndayaꞌ utzulej rutzijol ri Qajaw, ma kakꞌix chuqaꞌ ndabꞌij chi awetaman nuwech riyin ri yin tzꞌapel pa cheꞌ roma nitzijoj ri utzulej teq tzij chin kolotajik. Pa rukꞌexel riꞌ, rikꞌin ri uchuqꞌaꞌ yoꞌon chawa roma ri Dios, takochꞌoꞌ junan wikꞌin ri kꞌayew ndipuꞌun pa qakꞌaslen roma rutzijoxik ri utzulej teq tzij chin kolotajik.

Colosenses 1:24

Riyin ngikikot roma ri kꞌayew niqꞌasaj iwoma, porque rikꞌin ri keriꞌ niqꞌasaj pa nukꞌaslen, nitzꞌaqatisaj pa nu-cuerpo ri kꞌayew qꞌaton pa nuwiꞌ chin niqꞌasaj pa rubꞌiꞌ ri Cristo koma ri ralkꞌuaꞌl ri Dios, y riꞌ ja roj ri roj okuneq ruwachinel ruqꞌa-raqen ri Cristo.

Romanos 5:3

Y ma xe ta riꞌ, xa kin ngojkikot chuqaꞌ atoq ndiqaqꞌasaj kꞌayew pa qakꞌaslen, porque qetaman chi ri kꞌayew riꞌ ndubꞌen chaqe chi más ngojkochꞌon.

San Lucas 16:25

Pero ri Abraham xubꞌij chare: Walkꞌuaꞌl, tuqaqa chiꞌakꞌuꞌx chi rat jabꞌel abꞌeyomal xkꞌojeꞌ chochꞌulew, y re Lázaro santienta qꞌaxomal xuqꞌasaj, pero wokami rijaꞌ jabꞌel rukꞌaslen xurilaꞌ waweꞌ, y rat xa pa qꞌaxomal ratkꞌo wokami.

San Mateo 13:21

Pero ri rutzij ri Dios ma ndibꞌa ta qa ruxeꞌ pa kánima, porque ri kánima achel abꞌej, y romariꞌ xa jubꞌaꞌ teq qꞌij ngekikot y atoq nduqaqa jun kꞌayew pa kikꞌaslen, o ngetzeqlebꞌex chin ndibꞌan itzel chake roma koqan rutzij ri Dios, kin ja paqiꞌ ndikiyaꞌ kan ri Dios.

Hechos 7:34

Riyin nutzꞌeton pe chi ri nutinamit Israel itzel ndibꞌan chake pa rochꞌulew Egipto, xenwakꞌaxaj chi santienta ngejila, y xiqape chin ngenkal. Romariꞌ, tabꞌanaꞌ akꞌojlen chin ngatinteq pa rochꞌulew Egipto, xchajeꞌ ri Ajaw chare.